[دەرسلىك] ئالما ئاكونتى (Apple ID) ھەققىدە چۈشەنچە

        
ئالما ئاكونتى بولسا ئالما شىركىتىنىڭ ئابونىتلار ئۈچۈن تەمىنلىگەن بىر ھېساب نومۇرى بۇلۇپ، سىز بۇ ئارقىلىق ئالما شىركىتىنىڭ ھەرخىل مەھسۇلاتلىرىغا كېتەرلىك بولغان ھەرخىل نەرسلەرنى سەپلىيەلەيسز . بۇ يەردىكى ھەرخىل نەرسە دېگىنىم يۇمشاق دېتاللار ۋە خىلمۇخىل سانلىق مەلۇماتلارنى ئۆز ئىچىگە ئالىدۇ. قىسقىچە قىلىپ ئېيىتقاندا بۇ ئاكونت (Apple ID) ھەربىر ئالما مەھسۇلاتى ئىشلەتكۈچىدە چوقۇم بولۇشقا تېگىشلىك ۋە زۆرۈر بولغان بىر ھېساب نومۇرى ھېساپلىنىدۇ.

        بۇ ئاكونتنىڭ ئىشلىتىلىش دائىرىسى تۆۋەندىكىچە:

1. ئالما شىركىتىنىڭ ئەڭ بازارلىق مەھسۇلاتلىرى بولغان كۆچمە ئۈسكۈنىلەرگە يۇمشاق دېتال تەمىنلەيدىغان سۇپىسى بولغان ئەپ بازىرى (AppStore)

بۇ سۇپىدا سىز iPhone , iPad قاتارلىق ئۈسكۈنىلىرىڭىزگە ئۆزىڭىز ياقتۇرغان خالىغان ئەپلەرنى چۈشۈرۈپ ئىشلىتەلەيسىز.

2. ئالما شىركىتىنىڭ كومپىيۇتېر مەھسۇلاتلىرىغا يۇمشاق دېتال تەمىنلەيدىغان سۇپىسى بولغان مەك ئەپ بازىرى (Mac App Store)

بۇ سۇپىدا سىز iMac MacbookPro , Macbook Air , MacPro MacMini ۋە ئۇنىڭدىن باشقا Mac OS سستېمىسى قاچىلانغان ھەرقانداق ئۈسكۈنىڭىزگە كېرەكلىك بولغان يۇمشاق دېتاللارنى قاچىلىيالايسىز.

3. ئالما شىركىتىنىڭ مۇزىكا ۋە فىلىم بازىرى بولغان (iTunes Store)

. بۇ سۇپا ئارقىلىق سىز ئۆزىڭىز ياقتۇرغان مۇزىكا ۋە فىلىملەرنى سېتىۋالالايسىز.

4. ئالما شىركىتىنىڭ بۇلۇت مۇلازىمىتى بولغان (iCloud)

سىز بۇ ئارقىلىق سىزنىڭ كومپىيۇتېرىڭىز ياكى كۆچمە ئۈسكۈنىڭىزدىكى نەرسىلىرىڭىزنى ئالمىنىڭ تور بوشلۇقىغا زاپاسلاپ قويالايسىز. ئەگەر سىز ئۈسكۈنىڭىزنى ئالماشتۇرۇپ قالسىڭىز ياكى يوقىتىپ قويسىڭىز بۇ ئاكونت ئارقىلىق ئىلگىرىكى ئۇچۇرلىرىڭىزنى يېڭى بىر ئۈسكۈنىگە زاپاسلىۋالالايسىز. بۇنىڭدىن باشقا يەنە يوقىتىپ قويغان ئۈسكىنىڭىزنىڭ ئورنىنى بەلگىلىيەلەيسىز، ئۇچۇر يوللىيالايسىز ۋە ئۈسكىنىڭىزنى باشقىلار ئىشلىتەلمەيدىغان  قىلىپ قۇلۇپلىۋېتەلەيسىز.

5. ئالما شىركىتىنىڭ ئورگان تورى ۋە تور دۇكىنى  بولغان (www.apple.com)

بۇ سۇپىدا سىز ئالما شىركىتىنىڭ بارلىق مەھسۇلاتلىرىنى تور يۈزىدە بىۋاستىلا سېتىۋالالايسىز. مەھسۇلاتلارنىڭ سۈپەت ۋە باشقا تەرەپلەردە ئەندىشە قىلىشنىڭ ھاجىتى يوق. بۇ سۇپىدىن سېتىۋالغان بارلىق مەھسۇلاتلار سىزگە يوللانما ھەققى ئېلىنماستىن ھەقسىز يەتكۈزۈپ بېرىلىدۇ.

6. ئالما ئاچقۇچىلار (Developer) سۇپىسى بولغان (developer.apple.com)

بۇ ئالما شىركىتىنىڭ كەڭ پروگراممېرلارنىڭ ئالما ئۈسكۈنىلىرىگە يۇمشاق دېتال ياسىشىغا شارائىت ھازىرلاپ بېرىش ۋە ئۆگىنىش، تەتقىقات قاتارلىقلارنى بىر گەۋدە قىلغان چوڭ بىر ئاچقۇچىلار سۇپىسى. سىز بۇ سۇپا ئارقىلىق ئالما ئۈسكۈنىلىرگە بولغان تونۇشىڭىز، يۇمشاق دېتال لايىھىلەش، يۇمشاق دېتال خىزمەت ئېقىمى قاتارلىق پروگرامما ساھەسىدىكى بىلىملەرنى ئۆگىنەلەيسىز ۋە ئۆزىڭىز ياسىغان يۇمشاق دېتاللارنى كەڭ ئىشلەتكۈچىلەرگە تەمىنلىيەلەيسىز.

يۇقاردا تىلغا ئېلىنغان ھەممە سۇپىلاردا سىز ئالما ئاكونتى يەنى (Apple ID) دىن ئىبارەت بۇ نەرسگە تولىمۇ ئېھتىياجلىق بولىسىز. كەڭ ئالما ئۈسكۈنىلىرىنى ئىشلەتكۈچىلەرنىڭ بۇ ھەققىدە ئىزدىنىشىنى، قولىدىكى بۇ ئۈسكۈنىدىن ئۈنۈملىك پايدىلىنىشىنى ئۈمىد قىلىمەن.

بۇ يازمامنى نەچچە يىللىق ئالما مەھسۇلاتلىرىنى ئىشلىتىش ۋە تەتقىق قىلىش تەجرىبەمگە ئاساسەنلا يازدىم، كەم قالغان تەرەپلەر كۆپ بولۇشى مۇمكىن، ئۇستازلارنىڭ تولۇقلىما بېرىشىنى ئۈمىد قىلىمەن.

سەۋىر يازمىسى
2016-يىلى 1-ئاينىڭ 1-كۈنى (ئۈرۈمچى)

مەنبە: http://bbs.izdinix.com/forum.php ... &extra=page%3D1

Apple ID نى ئىشلەتسەك ياخشىكەندە

ئەلۋەتتە ياخشىدە،،، سىز ئادەتتە ئەپ چۈشۈرسىڭىز نەدىن چۈشۈرسىز؟

XYSetup   مەن بۇ دىتالنى ئىشلىتىپ كەلگەنتىم

بۇنىدا چۈشۈرگەن دىتاللارنىڭ مۇقىملىقى ياخشى ئەمەسقۇ .

مۇشۇ ئەيدىنى قانداق ئالىدۇ شۇنىڭغا بىرۋۈشەنچە بەرسەڭلا

مېنى قۇشۇڭ،مەن سىزگە ئىلتىماس قىلىشتا ياردەم قىلاي   چ چ:1561995038