ئانار يۇرتىدىكى ياش فوتوگراف

tumurkadiri

	ئانار يۇرتىدىكى ياش فوتوگراف                                                      تۆمۈر قادىرى         فوتوفراپىيە كەسپىگە  قىزغىن ئەقىدە- ئىشتىياق باغلاپ، بۇ ساھەدە يېڭىدىن يېتىشىپ چىققان ياش فوتوگراف، ئۈمىدلىك شائىر، چىرا ناھىيە چىرا بازارلىق باشلانغۇچ مەكتىپىنىڭ ئالىي دەرىجىلىك ئوقۇتقۇچىسى ئەخمەتجان مەتقۇربان (مۇڭداش) بۇ  ناھىيەدىكى كەڭ خەلق ئاممىسىنىڭ  ۋە ھەر مىللەت ئوقۇتقۇچى، ئىشچى-خىزمەتچىلىرىنىڭ ھۆرمىتىگە سازاۋەر بولغان تۆھپىكار مائارىپچىلىرىمىزنىڭ بىرىدۇر.        1991  - يىلى 7- ئايدا خوتەن ۋىلايەتلىك پېداگوگىكا مەكتىپىنىڭ تەنتەربىيە كەسپىنى پۈتكۈزۈپ، خىزمەتكە قاتناشقان ئەخمەتجان مەتقۇربان شۇ يىلى 9- ئايدا چىرا ناھىيە نۇرى يېزىلىق باشلانغۇچ مەكتىپىگە تەقسىم قىلىنىپ، 1998- يىلى 10- ئايغىچە بۇ مەكتەپتە  تەنتەربىيە ئوقۇتقۇچىسى ۋە سىنىپ مۇدىرى  بولۇپ ئىشلىدى. خىزمەت ئېھتىياجىغا ئاساسەن 1998-يىلى 10- ئايدا چىرا بازارلىق باشلانغۇچ مەكتىپىگە يۆتكەلگەندىن كېيىن، ئۆزلىكىدىن ئۆگىنىپ 2000- يىلى شىنجاڭ ئۇنىۋېرسىتېتىنىڭ تىل- ئەدەبىيات كەسپىنى پۈتكۈزدى ھەمدە  ئالىي تېخنىكوم ئوقۇش تارىخى ھازىرلىدى.     ئەخمەتجان مەتقۇربان خىزمەتكە قاتناشقان 20 يىلدىن بۇيان، ئوقۇتقۇچىلىق كەسپىنى قىزغىن سۆيۈپ، ئوقۇتۇش، تەلىم-تەربىيە خىزمىتىنىڭ ئالدىنقى سېپىدە  ئۆزىنى ئۇنۇتقان ھالدا  باش چۆكۆرۈپ جاپالىق  ئىشلەپ، ئۆز زىممىسىگە يۈكلەنگەن تۈرلۈك خىزمەتلەردە كۆرۈنەرلىك نەتىجىلەرنى قولغا  كەلتۈردى. ئىشتىن سىرتقى ۋاقىتلىرىدا ئەدەبىي ئىجادىيەت بىلەن  ئاكتىپ شۇغۇللىنىپ، بۇ جەھەتتىمۇ بەلگىلىك نەتىجىلەرگە ئېرىشتى. ئۇ 1990- يىلى «خوتەن گېزىتى» دە ئېلان قىلىنغان «گەپتە سوقۇلۇپ» ناملىق شېئىرى بىلەن ئەدەبىي ئىجادىيەت سېپىگە قەدەم قويغان بولۇپ، شۇنىڭدىن باشلاپ ھازىرغا قەدەر ئاپتونوم رايونىمىز  تەۋەسىدىكى ھەرقايسى مەتبۇئاتلاردا «ئاتەش زەنجىر»، «ئىزگۈ ئارمانلار» قاتارلىق ئىككى لىرىك داستانى، 400 پارچىدىن ئارتۇق ئەدەبىي ئەسەرلىرىنى ئېلان قىلدۇردى. ئۇنىڭ كىچىكىدىنلا سەبىي قەلبىگە بىخ سۈرگەن يېزىقچىلىق ۋە فوتوگرافىيە سەنئىتىگە بولغان ئوتتەك ئىشتىياق بۇ ھەۋەسكارنى 2005-يىلىدىن باشلاپ ئىشتىن سىرت فوتو سۈرەت ئىجادىيىتىگە قەدەم تاشلاتقۇزدى. شۇنىڭدىن بۇيان ئۇ بىر قاتار فوتوگرافىيە ئۈسكۈنىلىرىنى سېتىۋېلپ، بۇ چەت، نامرات  ناھىيەدە   قوتوگراق بولماسلىقتەك بوشلۇقنى تولدۇرۇش ئۈچۈن، فوتوگرافىيە، ئاخبارات ساھەسىدە پائال ئىزدىنىپ، خەلق تۇرمۇشىغا يېقىن، مىللىي ئۆرپ- ئادەت، گۈزەلللىك، ئەنئەنە، ئىنسان تەبئىتى، تەبئىي مۇھىت زىچ بىرلەشتۈرۈلگەن 1000 پارچىدىن ئارتۇق نادىر فوتو سۈرەت  ئەسىرىنى روياپقا چىقاردى.  بىر  قىسىم ئەسەرلىرى ئاپتونوم رايون تەۋەسىدىكى نوپۇزلۇق گېزىت- ژۇرناللاردا ئېلان قىلىنىپ ،  ئوقۇرمەنلەرنىڭ ياخشى باھسىغا ئېرىشتى. ئۇ يەنە «چىرا ناھىيەسىنىڭ پەننىي مائارىپ تارىخى »، «قاراقۇرۇم ئېتىكىدىكى نۇر بۇلاق»، «ئانار يۇرتىدىكى ئۈمىد چېچەكلىرى»، «بوستاندىكى مەرىپەت بۆشۈكى» قاتارلىق كىتاب، ژۇرناللارنىڭ سۈرەتلىرىنى تارتىش، خام ماتېرىياللىرىنى توپلاش، رەتلەش،  نەشىر قىلدۇرۇش  جەھەتتىمۇ ئالاھىدە كۈچ چىقىرىپ، چىرا  ناھىيەسىنىڭ  ئەدەبىيات - سەنئەت، مەدەنىيەت، مائارىپ ئىشلىرىنى يۈكسەلدۈرۈشكە تېگىشلىك تۆھپە قوشتى.        ئەخمەتجان مەتقۇربان خىزمەتتىكى  ئەمەلىي نەتىجىسى ۋە تۆھپىسىگە ئاساسەن، «ئىلغار خىزمەتچى»، «ھەر ساھە خىزمەتلەردىكى ئىلغار شەخىس» بولۇپ باھالانغاندىن سىرت،  ئاخبارات ساھەسىدە تېزلا كۆزگە كۆرۈنۈپ،  «شىنجاڭ گېزىتى»، «شىنجاڭ ئىقتىساد گېزىتى»، «شىنجاڭ مائارىپ گېزىتى»، «شىنجاڭ ئۆسمۈرلىرى»، «خوتەن گېزىتى»،  ناھىيەلىك پارتكوم تەشۋىقات بۆلۈمى  قاتارلىق ئورۇنلار تەرىپىدىن تەرىپىدىن «ئۇچۇر خىزمىتىدىكى ئىلغار شەخس»،  «مۇنەۋۋەر ئاپتور»،  «مۇنەۋۋەر ئىختىيارىي مۇخبىر» بولۇپ باھالىنىپ كۆپ قېتىم مۇكاپاتلاندى ۋە تەقدىرلەندى. ئۇنىڭ تىرىشچانلىقى بىكارغا كەتمىدى، ئۇ ئۈچىنچى كۆز ئارقىلىق چىرا ناھىيەسىنىڭ ھەر ساھە خىزمەتلىرىدە قولغا كەلگەن نەتىجىلەرنى تەشۋىق قىلىشتا ئاكتىپ رول ئويناپ، يۇقىرى دەرىجىلىك ئورۇنلارنىڭ مۇئەييەنلەشتۈرۈشى ۋە ئېتىراپ قىلىشىغا ئېرىشتى.          ئۇ ھازىر شىنجاڭ يازغۇچىلار جەمئىيىتى، خوتەن ۋىلايەتلىك يازغۇچىلار جەمئىيىتى ۋە چىرا ناھىيەلىك يازغۇچىلار جەمئىيىتىنىڭ ئەزاسى ، «شىنجاڭ گېزىتى»، «شىنجاڭ مائارىپ گېزىتى»، «شىنجاڭ ئۆسمۈرلىرى» گېزىتى قاتارلىق ئاخبارات ۋاستىلىرىنىڭ ئالاھىدە تەكلىپلىك مۇخبىرى، چىرا ناھىيەسى مائارىپ سىستېمىسىنىڭ ئاخبارات خادىمى.

نىدائىي

	بۇ تورنىڭ ئېچىلىش ھەقىقەتەن ياخشى بوپتۇ جۇمۇ باللا.

admin

	ئەسەرلىرنىمۇ بىللە يوللاپ قويغان بولسىڭىز تېخىمۇ بولاتتىكەنتۇق . بەك كۆرۈپ باققۇم كەلدى

karwanim

	مەنمۇ قىززىقىمەن فوتۇگرافلىققا...

قاراقاش

	مەنمۇ بەك قىزقىمەن .لىكىن كۈندە ئالدىراشلا يۈرۈيمەن .

سىنچى

	قىزىقىشىمىز ئوخشاشكەن ، فوتوگرافىيە ساھەسىدە تېخمۇ كۆپ نەتىجە قازىنىشىغا تىلەكداشلىق بىلدۇرىمەن .

بۈركۈت

	مۇڭداش ئەپەندىنىڭ فوتوگىرافىيە كەسپىدىمۇ ئۇتۇق قازىنىشىغا تىلەداشمەن!

tuman

	مەنمۇ بەك قىزقىمەن .........لىكىن رەىسم تارتسام بەكلا سەت چىقىدۇ~!

haltakoqa

	مۇڭداش دوستىمىزنىڭ نۇرغۇن ياخشى ئەسەرلىرى بار، بۇندىن كىيىن ئالدىرىماي كۆرىسىلەر

shaidayi

	مۇڭداش بۇرادەر خۇددى يامغۇردىن كېيىنكى ھەسەن-ھۈسەدەك بۇ ساھەگە كىچىكىپ قەدەم بېسىپ بۇرۇنلا داڭلىنىپ كەتتى، كۆز تەگمىسۇن، ئۇنىڭ كېينكى ئىزلىرىنىڭ تېخىمۇ نورلۇق، پارلاق بولىىشىغا تىلەكداشمەن،

azharjan

	مۇڭداش ئەپەندىنىڭ فوتوگرافىيە ساھەسىدە تېخمۇ كۆپ نەتىجە قازىنىشىغا تىلەكداشلىق بىلدۇرىمەن .

Erchin

	دوستىمىز ئەخمەتجان مەتقۇربان مۇڭداش يالغۇز فوتوگىراپىيە سەنئىتىدىلا ئەمەس، بەلكى ئەدەبىي ئىجادىيەت جەھەتتىمۇ زور نەتىجىلەرنى قولغا كەلتۈردى. مەن بۇ دوستىمىزنىڭ كېيىنكى ئىجادىيىتىگە يەنىمۇ زور نۇسرەت تىلەيمەن! ئامان بولۇڭ!

tumurkadiri

	كۆپ قاتلاملىق، كۆپ ژانېرلىق ئەدىب مۇھەممەدتۇرسۇن ھەسەن                                   تۆمۈر قادىرى     چىرا ناھىيەلىك 1- ئوتتۇرا مەكتىپىنىڭ ئالىي دەرىجىلىك ئوقۇتقۇچىسى، شائىر، ئەدەبىيات-سەنئەت، مەدەنىيەت تەتقىقاتچىسى مۇھەممەدتۇرسۇن ھەسەن بۇ ناھىيەنىڭ مائارىپ سېپىدىكى تۆھپىكار مائارىپچى ، شۇنداقلا كۆپ قاتلام، كۆپ ژانېرلىق ئەدىبلىرىمىزنىڭ بىرىدۇر.     مۇھەممەدتۇرسۇن ھەسەن 1956-يىلى نويابردا چىرا يېزىسىنىڭ ماخمال كەنتىدە تۇغۇلدى. 1979-يىلى7-ئايدا قەشقەر پېداگوگىكا ئىنستىتۇتىنىڭ تىل-ئەدەبىيات فاكۇلتېتىنى ئەلا نەتىجىدە  پۈتكۈزۈپ ،  شۇ يىلى 9-ئايدا بۇ ناھىيەنىڭ كوئىنلۇن تاغلىق رايونىدىكى مەرىپەت ئوچىقى ــــ نۇرى يېزىلىق ئوتتۇرا مەكتىپىگە تەقسىم قىلىندى. بۇ مەكتەپتە بەش يېرىم يىل تىل-ئەدەبىيات ئوقۇتقۇچىسى بولۇپ ئىشلىگەندىن كېيىن، خىزمەت ئېھتىياجىغا ئاساسەن  1985-يىلى 2-ئايدا گۇلاخما يېزىلىق ئوتتۇرار مەكتىپىگە، 1986-يىلى 12-ئايدا بوستان يېزىلىق ئوتتۇرا مەكتىپىگە يۆتكىلىپ، ئىلمىي مۇدىرلىق ۋەزىپىسىنى ئۆتىدى. 1986-يىلى 9-ئايدىن 1989-يىلى 7-ئايغىچە ناھىيەلىك كەسپىي تېخنىكا تولۇق ئوتتۇرا مەكتىپىدە ئوقۇتقۇچىلىق قىلدى. 1989-يىلى9-ئايدىن 1991-يىلى 7-ئايغىچە شىنجاڭ مائارىپ ئىنستىتۇتىنىڭ تىل-ئەدەبىيات فاكۇلتېتىدا ئوقۇپ، تولۇق كۇرس مەلۇماتىغا ئىگە بولدى.  ھازىر چىرا ناھىيەلىك 1-ئوتتۇرا مەكتەپتە تىل-ئەدەبىيات ئوقۇتقۇچىسى بولۇپ ئىشلەۋاتىدۇ.     مۇھەممەدتۇرسۇن ھەسەن خىزمەتكە قاتناشقان 32 يىلدىن بۇيان، بارلىقىنى ئوقۇتقۇچىلىقتىن ئىبارەت بۇ مۇقەددەس كەسپكە بېغىشلاپ، ئوقۇتۇش ، تەلىم-تەربىيە خىزمىتىنىڭ بىرىنچى سېپىدە ئۆزىنى ئۇنۇتقان ھالدا باش چۆكۈرۈپ ئەمەلىي ئىشلەپ. خىزمەتتە كۆرۈنەرلىك نەتىجىلەرنى ياراتتى. بولۇپمۇ، تىل-ئەدەبىيات ئوقۇتۇش سۈپىتىنى ئۆستۈرۈش، كۇرۇژۇك  پائالىيىتى ۋە ئىككىنچى دەرسخانا پائالىيىتىنى جانلاندۇرۇش، يېزىقچىلىققا قىزىقىدىغان ئوقۇغۇچىلارنى تەربىيەلەپ يېتىشتۈرۈش جەھەتلەردە ئالاھىدە كۈچ سەرپ قىلدى. خىزمەتتىكى ئەمەلىي نەتىجىسىگە ئاساسەن ، كۆپ قېتىم « مۇنەۋۋەر ئوقۇتقۇچى» بولۇپ باھالىنىپ، مەكتەپ، يېزا، ناھىيە تەرىپىدىن مۇكاپاتلاندى. ئىشتىن سىرتقى ۋاقىتلىرىدا ئەدەبىي ئىجادىيەت، ئىلمىي تەتقىقات، ئوقۇتۇش تەتقىقاتى بىلەن ئاكتىپ شۇغۇللىنىپ، بۇ جەھەتتىمۇ مول نەتىجىلەرگە ئېرىشتى. ئۇ « شىنجاڭ ياشلىرى » ژۇرنىلىنىڭ 1980-يىللىق 9-سانىدا ئېلان قىلىنغان « ۋەتىنىمنى سۆيىمەن » ناملىق شېئىرى بىلەن ئەدەبىي ئىجادىيەت قوشۇنىغا قوشۇلغاندىن بۇيان، ئاپتونوم رايونىمىز دائىرىسىدە چىقىدىغان ھەرقايسى گېزىت-ژۇرناللاردا 500 پارچىدىن ئارتۇق شېئىر ، 50 پارچىغا يېقىن ھېكايە، 900 پارچىدىن ئارتۇقراق ئەدەبىيات-سەنئەت  نەزەرىيەسى، جەمئىيەتشۇناسلىق، مەدەنىيەتشۇناسلىق، ئاخبارتچىلىق نەزەرىيەسىگە ئائىت ئىلمىي ماقالە، 100 پارچىدىن ئارتۇق ئەدەبىي ئوبزور ، 300 پارچىدىن ئارتۇق ئاخبارات خەۋەرلىرىنى ئېلان قىلدى. ئاپتونوم رايونىمىزدىكى  30دىن ئارتۇق داڭلىق سەنئەتكارنىڭ سەنئەت ھاياتىنى، ئون نەچچە نەپەر كلاسسىك شائىرنىڭ ئەدەبىي ھاياتىنى مەتبۇئاتلاردا تونۇشتۇردى. چىرا ناھىيەلىك1-ئوتتۇرا  مەكتەپ، بوستان يېزىلىق ئوتتۇرا مەكتەپ، نۇرى يېزىلىق ئوتتۇرا مەكتەپلەرنىڭ مەكتەپ مەرىكىسىگە ئاتاپ  چىقىرىلغان « ئانار يۇرتىدىكى مەرىپەت بۆشۈكى«، « بوستاندىكى مەرىپەت بۆشۈكى»،« قاراقۇرۇم ئېتىكىدىكى نۇربۇلاق» ناملىق ژۇرناللارنىڭ  ماقالىلىرىنى  تەييارلاش، تەھرىرلەش، نەشىر قىلدۇرۇش ۋە چىرا ناھىيەلىك سىياسىي كېڭەش تارىخ ماتېرىياللىرى ئىشخانىسى نەشر قىلدۇرغان « چىرا ناھىيەسىنىڭ چوڭ ئىشلار خاتىرىسى »، « چىرا ناھىيەسىنىڭ سەھىيە  تەزكىرىسى »، « چىرا ناھىيەسىنىڭ سۇ- ئېلېكتر، ئېنېرگىيە تەزكىرىسى »، « چىرا ناھىيەسىنىڭ ئورمانچىلىق، قۇم تىزگىنلەش  تەزكىرىسى »، « چىرا ناھىيەسىنىڭ خەلق ئىشلىرى  تەزكىرىسى »  قاتارلىق كىتابلارنى تۈزۈشكە قاتناشتى.  ئۇ يازغان« چىرا ناھىيەسىنىڭ پەننىي مائارىپ تارىخى »، « ياغاچ قاچا-قۇچا ياساش » ناملىق ئىككى كىتاب شىنجاڭ خەلق نەشرىياتى تەرىپىدىن نەشر قىلىندى.  بىر قىسىم شېئىر، ماقالىلىرى « گۈلدەستە»، « گۈزەل ئارزۇلار»، « شانلىق 40 يىل» ، « خوتەن يولىدا پايانداز»، « خويمۇ ئۇز خوتەن» قاتارلىق  كوللېكتىپ توپلاملارغا كىرگۈزۈلدى.  ئۇ يەنە  ئۆز كەسپىدە ئوقۇتۇش تەتقىقاتىغا ئائىت خېلى كۆپ ئىلمىي ماقالىلارنى يېزىپ، نوپۇزلۇق گېزىت-ژۇرناللاردا  ئېلان قىلدۇردى.  ئۇ ئاپتونوم رايونىمىزنىڭ ئەدەبىي ئىجادىيەت قوشۇنىدىكى كۆپ قاتلام، كۆپ ژانېرلىق،  مول ھوسۇللۇق ئەدىبلەرنىڭ بىرى بولۇپ ، بەزى ئەسەرلىرى مەتبۇئات يۈزىدىكى كۈچلۈك مۇنازىرىلەرگە سەۋەب بولسا، بەزى ئەسەرلىرى ئوبزورچىلار تەرىپىدىن مۇئەييەنلەشتۈرۈلدى.  ئەدەبىي ھاياتى، ئىش پائالىيەتلىرى « شىنجاڭ ياشلىرى»، « بىلىم- كۈچ»، « كروران»، « شىنجاڭ قانۇنچىلىق گېزىتى»، « دەۋر سادسى»، « جەزىرە»، « دۇنيادا بىرلا خوتەن بار» قاتارلىق بىر نەچچە گېزىت- ژۇرنال، كىتابتا  سىستېمىلىق تونۇشتۇرۇلدى.  ئىلگىر-كېيىن بولۇپ 30 پارچىدىن ئارتۇقراق ئەسىرى مەملىكەت، ئاپتونوم رايون، ۋىلايەت دەرىجىلىك مۇكاپاتلارغا ئېرىشتى.  ھەر خىل ناملاردا 20 قېتىمدىن ئارتۇقراق تەقدىرلەندى.       مۇھەممەدتۇرسۇن ھەسەن ھازىر شىنجاڭ ئۇيغۇر ئاپتونوم رايونلۇق يازغۇچىلار جەمئىيىتىنىڭ، خوتەن ۋىلايەتلىك يازغۇچىلار جەمئىيىتىنىڭ ئەزاسى.