ۋىجدانىنى ئىت يەپ كەتكەن

ئالىپ

	ئۈچ يۇلتۇز دەرىجىلىك مىھمانخانىنىڭ ئالاھىدە ياتىقىدا ،ھايات پەيزىنى سۈرگەن مەتتوختى،بەدىنىنى ئاپپاق يوتقاندىن يېرىم چىقىرىپ ياتقان ھالدا، تېرىسى ئاپپاق،قىزىل چاچلىق،زىلۋە بەدەن«ئاق بېلىق» پەرىدەنىڭ كىيىم كىيشىىنى تاماشا قىلىپ،ياشلىقنىڭ ھاياتى كۈچى ئۇرغۇپ تۇرغان بۇ گۈزەل بەدەندىن يېرىم كىچىگىچە ھۇزۇرلانغىنى ئۈچۈن،ئۆزىنى چەكسىز بەختلىك ۋە تەلەيلىك ھىس قىلدى.     پەرىدە كىيىمىنى كىيىپ بولۇپ،ياتاقنىڭ تازىلىق ئۈيىگە كىرىپ،يان تېلىفونىدا بىرىگە تېلىفون قىلدى.   ـــ قەدىرلىگىم،مىنىڭ ئىشىم تۈگىدى.ئالغىلى كەلسىڭىز بولىدۇ،ـــ دىدى تاتلىق ئاھاڭدا. پەرىدە تازىلىق ئۆيىدىن چىقىپ، تولغۇنۇپ دەسسەپ،مەتوختىنىڭ يېنىغا كەلدى.مەتتوختى قىپ- قىزىل يۇز كويلۇق ئاقچىدىن ئىككىنى چىقىرىپ پەرىدەگە بەردى. ـــ كىمگە تېلىفۇن قىلدىڭىز؟بىزدىن نوچىلارمۇ بار ئۇخشىمامدۇ،ـــ دىدى مەتتوختى سەل تەھدىت ئارلاش. ـــ ياق جېنىم،ئىرىمگە تىلفون قىلدىم،ـــ دىدى پەرىدە ناز قىلىپ،ـــ رەخمەت سىزگە. ـــ نىمە، ئىرىڭىز…؟ سىزنى ئالغىلى كىلىدۇ؟ ـــ شۇنداق، ھەر قېتىم ئىشنى تۈگىتىپ، تېلىفون قىلساملا مىنى ئېلىپ كىتىدۇ. ھەيران بولغان مەتتوختىنىڭ ئاغزى ئېچىلىپلا قالدى. ـــ قانداق كۆڭلى كۆتۈرىدۇ؟سىلەر راست ئەر- خۇتۇنمۇ؟ ـــ ھەيران قالغۇدەك نىمىسى بار؟چىرايلىق خۇتۇن،كۈندۈزى كىيىم-كىچەك خۇجايىنىنىڭ يېنىدا ئىشلەپ پۇل تاپسا،كەچتە سىزدەك پۇلى بار يىگىتلەرنىڭ پۇلىنى تاپىدۇ.بۇ ئىرمگە قوش پايدا ئەمەسمۇ؟ بىز بىرى –بىرىمىزنى بەك ياخشى كۆرىشىمىز،«ياخشى كۆرۈش»دىگەن تەندە بولمايدۇ،يۈرەكتە بولىدۇ.بىز ھەر ئىككىمىز ئىش ئورنىمىزدىن قالغان.يەتتە ياشلىق بالىمىز بار،ئىرىم ئۆيگە ،بالىمىزغا قارايدۇ،شۇنداق ئىناق ئۆتىمىز.بۇنداق دىسەم ،مىنى كىمنى كۆرسە،كەينىدىن يۈگرەيدىغان سۇيۇقلاردىن كۆرۈپ قالماڭ.بىزدەك جۇۋانلار سىلەردەك پۇلى،ئائىلىسى بار ،ئوتتۇرا ياشلىق سەھرا «بۇقۇلىرى»غا ئامراق.سىلەردە ئەيدىز  كىسىلى يوق،سىلەر دېگەن پۇللۇق،«يېشىل مەھسۇلات»تىن،ـــ دىدى پەرىدە مەتتوختىنى تاتلىق سۆيۈپ قويۇپ،ـــ خوش،ئىش بولسا تېلىفۇن قىلارسىز. پەرىدەنىڭ يانتېلفونى سايراپ كەتتى.پەرىدە تاق –تاق دەسسىگىنىچە ياتاقتىن چىقىپ كەتتى. مەتتوختى ھەيرانلىغىنى باسالماي،دېرىزە يېنىغا بېرىپ،پەردىنى قايرىپ،پەسكە قارىدى،بىر ۋېلسىپىتلىق ئەر غۇۋا چىراغ نۇرىدا،مىھمانخانا ئالدىدا  تۇراتتى،پەرىدە چىقىپ ،ۋېلسىپىتلىق ئەرنى قۇچاقلاپ سۆيدى،ئاندىن ۋېلسىپىتنىڭ كەينىگە مىنىپ، ھېلىقى ئەر بىلەن كىتىپ قالدى. ھەيرانلىغى غەزەپكە ئۆزگەرگەن مەتتوختى، ـــ ھۇ ،ۋىجدانىنى ئىت يەپكەتكەن،ـــ دىدى غەزەپلىك ئاۋازدا.ئۇ ھىلىقى« ئەر -خۇتۇن»لارنى تىللىدىمۇ ياكى ئۆزىنى تىللىدىمۇ   ،ئاڭقىرالمىدى . مەنبە:ئۆز ئەسىرىم

ئانار

	توۋۋا....

kut__yar

	بۇنىڭغا نىمە دىگۈلۈك ئەمدى ؟ ئىپپەتتىن ئايرىلغان قايسى ئەخلاق ، قانداق مۇھەببەت ؟؟؟ ئىمانىغا يۈز كىلەلەرمۇ ؟ بۇنىسىنى دىمەيلى ، ئەجدادىغا يۈز كىلەلەرمۇ ؟؟؟ ياق ، پەقەت ئۇلار.... خەيىر ، ئۇلارغا غورۇر ، ئىمان ، ھالال ياشىغۇدەك شىجائەت تىلەيلى !!!!!

قاشتىشى

	مۇشۇنداقمۇ ئەر بولامدۇ؟ مۇشۇنداقمۇ خوتون بولامدۇ؟ مۇشۇنداقمۇ پاھىشىۋاز بولامدۇ؟ ئۈچىلىنىڭنىڭ ۋىجدانىڭنى چوشقا چىشلىۋاپتۇ. ( غەزەپ سىلەرگە )

oglan

	بۇنداق ئىشلارغا توۋا دىمەي ئامال يوق................

GULI

	بۇنىڭمۇ ، ئۇنىڭمۇ ۋىژدانىنى چوشقە يەپتۇ جۇمۇ

mungdax

	ئادەمدە غۇرۇر، ۋىجدان بولمىسا ھايۋاندىن نىمە پەرقى.

tuman

	بۇنداق ئىشلارغا توۋا دىمەي ئامال يوق~~~~~~~~~~~توۋا خۇدايىم~!

amanboy

	بۇنىڭ بىر توقۇلما بولىشىنى ئۆمۈت قىلىمەن،خالاس.

mavlan

	بۇنىڭغا نېمە دېيىشىمنى  بىلەلمىدىم!!!

نەفىس

	ئاق قارىنى ئايرىغۇچى ئىگىمىزدۇر ، بۇنى بىز مۇلاھىزە قىلماي ، ئىبرەت ئالساقلا بولغۇدەك !توۋا دەيلى !

مەۋلان

	ئادەمدە غۇرۇر، ۋىجدان بولمىسا ھايۋاندىن نىمە پەرقى

ئىلچى

	مېنىڭچە  بولسا  ئەرلەرنىڭ ۋىجدانىنى ئىت  يەپ كەتمىسە خانىم -قىزلار يولدىن چىقمايدۇ.....چۈنكى   ئەرلەر  ئۆزىمىز  خانىم قەزلارغا چاخچاق قىلىمىز، پوخورلۇق قىلىمىز.... بەزىلىرىمىز ھەتتا  پۇل  ئۈچۈن نۇرغۇن نارسىدە لەرنىڭ بەختىگە ئولتۇرىمىز..........   شۇلارنى قىلغان  ئادەملەر، ئەسلىدىلا  شۇلارنىڭ يۆلەنچۈگى، باش-پاناھى بولغان ئەركەكلەر  ئەمەمسمۇ؟  مەن  مۇنداق  دىسەم بەزىلەرنىڭ  ماڭا ، (ئاياللار ھىڭگايمىسا ئەرلەرنىڭ نىمىسى دىڭگايمايدۇ )    دىيىشى مۇمكىن، ھىجايسا  سىز ئۆزىڭىزنى تۇتۇۋالالىسىڭىزلا   بولىدۇ.....خۇددى  كونىلار دىگەندەك.....، ( ئىنەك ئۇنىمىسا باغلاپ قويغۇلۇق، بوقا  ئۇنىمىسا قانداق قىلغۇلۇق؟  )  مانا  مۇشۇ گەپنىڭ  مەنىسىنى  چۈشەنسىڭىزلا   ھەممىنى چۈشەنگەن بولىسىز........

VESAL

	تىما ئىگىسى ‹ ئۆز ئەسىرىم › دەپتۇ، شۇنىڭغا قارىغاندا توقۇلمىكەن.بۇنىڭغا جاننى ئۇپۇرتىش بىھاجەت

admin

	VESAL يوللىغان ۋاقتى  2011-9-28 19:19 تىما ئىگىسى ‹ ئۆز ئەسىرىم › دەپتۇ، شۇنىڭغا قارىغاندا ت ... بەلكىم ئاپتور بايقىغان ، ياكى باشقىلاردىن ئاڭلىغان ئىشلار بولسا قەلىمىدىن پايدىلىنىپ بىزگە سۇنغان ئوخشايدۇ ....

naxput

	تىما ئىگىسى ‹ ئۆز ئەسىرىم › دەپتۇ، شۇنىڭغا قارىغاندا توقۇلمىكەن.بۇنىڭغا جاننى ئۇپۇرتىش بىھاجەت بۇ تېمىنىڭ راس بولغان ئىش ياكى توقۇلما بۇلىشىدىن قەتئى نەزەر ،ھازىرقى جەمىيەتتە بۇنداق ئىشلارنى يوق دىگىلى بولمايدۇ.

asra

	راس  مۇشۇنداق ۋىجدانىنى چوشقا يەپكەتكەنلەر با مىدۇ     جەمىيەتتە      توۋا   دەي

پىيونېر

	ئىلچى يوللىغان ۋاقتى  2011-9-28 18:38 مېنىڭچە  بولسا  ئەرلەرنىڭ ۋىجدانىنى ئىت  يەپ كەتمىسە خا ...     توغرا دەيسىز دوستۇم، ئالدى بىلەن ئۆزىمىزدىن كۆرەيلى، ئەرلەرنىڭ ھەممىسى ۋىجدانلىق، غورۇرلۇق ھەقىقىي ئەركەك تۈكى بار ئەرلەر بولسا قىزلىرىمىزنىڭ ئىچىدىمۇ باشقا نەرسىنى دەپ ئۆزىنى ساتىدىغان ئىشلار بولمايتىغۇ...     ئەلىۋەتتە، بۇنى بىرخىل ئويۇن، پەقەت ئىچ پۇشۇقىنى چىقىرىش دەيدىغانلار، تۇرمۇشۇم مەنىسىز، ئۆزۈمنىڭ ئۆلگەن نېرۋىلىرىمنى سەل غىدىقلاپ قوياي دەيدىغان ئوغۇللار، قىزلارمۇ يوق ئەمەس، بۇنداقلارغا يەنە ئامال يوق ...ئۇلارغا پەقەت ئاشۇ «راھەت» تىن باشقىسى بىكار ئەمەسمۇ

Erkman

	ھېكايىمۇ ياكى راست ئىشمۇ؟ مېنىڭچە ئۇيغۇر تىرىكچىلىكىدە بۇنداق ئىش بولماسمىكىن؟