بۇ يازمىنى ئاخىرىدا yawakoz تەھرىرلىگەن. ۋاقتى 2014-2-12 17:42
ھىجران كوچىسىدا...
(5-قىسىم)
مۇھەممەدجان ئابلەت ياۋاكۆز
مەن دەرىستە بولاي ياكى باشقا ئش- پائالىيەتلىرىمنى قىلاي پەرھات بىلەن ئۇچ كۇندىن كىيىن يۇز بىرىدىغان ئادا-جۇدا بولىدىغان مڭنۇتلىرىمنى تەسەۋۋۇر قىلىپلا يۇردۇم.بىر كۇنىنمۇ ئۆتتى ،ئىككى كۇنمۇ ئۆتتى.مانا، تىك قىياغا ئىسىلىپ قالغان بىر جۇپ تەتۇر پىشانىلەرنىڭ ئەلەملىك دەقىقلىرى يىتىپ كەلگەندەك قىلاتتى.
مەن كۆپ ئويلاندىم.پەرھاتتىن ئايرىلىشىم كېرەككەن.ئايرىلغاندىمۇئككىنجى رەت ئۇنى كۆزۇم كۆرۇپ قالماسلىققا ئايرىلىشىم كېرەككەن.چۇنكى،مەن باشتىن-ئاخىرى ئۇنىڭغا نىسبەتەن پاسسىپ ئورۇندا تۇرۇپ كەلدىم.مەيلى قەستەن بولسۇن ياكى ئۆز نۆۋىتىدە بولسۇن،قەلبىمدىكى قۇرام تاشنى بارغانچە چىڭىتسام چىڭىتتىمكى،پارچىلاپ باقمىدىم.ئادا-جۇدا بولىدىغان ئەتىگىنى ئويغۇنۇپلا پەرھاتقا تىلىفۇن كىلدىم.
___ئەسسالامۇ ئەلەيكۇم خالئاي،خەيىرلىك ئەتىگەن !
___تولا كەيپىمنى ئۇچۇرماي،چاپىنىڭنى ئايتىپ،تېز يولغا چىق،مۇرادىڭغا يەتكۇزۇپ قوياي.
___نېمە،نىمۇ؟سەندىن ئايرىلىش مېنىڭ مۇراد- مەقسىتىم ئىكەن-ھە!
بۇ مۇھەببەت سوتىدا كېسىلگەن ئادالەتسز ھۆكۇم.چاتاق يوق،مەن ئايىغىمنى كەيسەملا ماڭىمەن.
___تولا ئېغىز غىرىچلىما،بۈگۇن قىيامەت كۈنى ئەمەس ،ھەق-ناھەقنى ئايرىدىغان.ئالايلۇق،بىر كۈننىڭ ئچىدە ئالەمدە مانچە ئون مىڭ جانلىق ئۆلۇپ تىرىلىدۇ.بەزىلەرگە ماتەم،بەزىلەرگە ئايەم .بەزىلەر مۇھەببەت باغلاشسا،بەزىلەر ئايرىلىدۇ.بۇنىڭ تىمسالى سەن بىلەن مەن.بۇ دېگەن ھاياتلىقنىڭ تەڭپۇڭ قانۇنىيتى.مۇنداقچە قىلىپ بۇ نورمال ئەھۋال.ئاھ،ۋاھ ھاجىتى يوق.ئۇنچە كۆپ ئويلاپ كەتمىسەڭمۇ بولىدۇ.سېنى ساقلايدىغانغا ئارتۇق ۋاقتىم يوق.مەكتەپكە ئۈنۈپ بولۇپ تېلېفۇن سايرات،خوش!
___ئاچچىقىڭنى بېسىۋال خالئاي.ئۆزۈڭدىن ئۆزۈڭگە قايناپ كەتتىڭغۇ؟!بۇ سېنىڭ كۈندىلىك ئادەتلىرىڭنىڭ بىرى بولسا كېرەك،توغرا چۈشىنىمىنغۇ.ھېلىغىچە كۆرىشەيلى خوش!!!
مېنىڭ قايناشلىرىم بىلەن ئۇنىڭ تەنە گەپ قىلىشلىرى قوشۇلۇپ،ئىچمنى تېخىمۇ ئاچچىق تۇتۇپ كەتكەنىدى.ھايال ئۆتمەي تېلېفۇنۇم سايرىدى.
____خالئاي،بەلكىم سەن بىلمەيسەن.دەرىستىن سىرت بىر كىنو شىركىتىدە سىنارىسىتلىق قىلىۋاتىمەن.ھازىر مەسئۇل رىژىسسىور تېلېفۇن قىلىپتۇ،مۇھىم ئش بار ئوخشايدۇ. شۇڭلاشقا،يېنىڭغا چۈشتىن كېيىن بارسام قانداق؟!ئاڭغىچە ئۆزۈڭنىڭ ئۆگىنىشلىرىنى قىلىپ تۇرغىن،بولامدۇ؟!
___بولىدۇ،ئۇنداقتا بىز تېلېفۇندىلا خوشلىشايلى،بەرىبىر يېنىمغا كەلسەڭمۇ ئايرىلىدىغان ئش بولغاندىكىن.
___ياق،قەتئي بولمايدۇ.مەن سېنى كوچىدىن تېپىۋالمىغان.ياكى ئۈندىدار،كوت-كوتلاردا تاسادىپى ئۇچىرىشىپ قالمىغان.سېنى سۆيگۈمگە مەجبۇرلاشقا ھەققىم بولمىسىمۇ،يۈز-تۇرانە تۇرۇپ ئايرىلىشقا سالايىھتىم توشىدۇ دەپ قارايمەن.بوپتۇ،سېنىڭ جاھىللىقىڭنى مەن قىلماي.قېشىڭغا ماڭدىم.
___ئشقىلىپ تېزىراق بول!سېنى دەپ بىر كۈنۈم ھارام بولىدىغان بولدى.يازىدىغان ماقالەم،ئشلەيدىغان يەتتە پاتمان تاپشۇرۇقلىرىممۇ تۇرىدۇ تېخى بىر ياقتا بوينىنى قىسىپ.
___بۇ ھىجىران كۈنۈمدە ساڭا تەنە گەپ قىلىۋەرسەم كۆڭلۈڭگە ئارتۇق كېتىدۇ خالئاي.قىلمىشلىرىڭنىڭ ھەممىسىنى ماڭا ئتتىرىپ قويماي،ئازىراقىنى ئۆزۈڭگە ئېلىپ قال.ھېلى كۆرىشەيلى،خوش!
ئارىدىن بىر سائەت ئۆتۈپ كەتتى.تېلېفۇنىمغا پات-پات قاراپ قوياتتىم.مەن يولدا...ئازلا قالدىم ...دېگەنگە چاغلىق بىرەر قۇر ئۇچۇرىمۇ يوق.ئايرىلىدىغان چاغدا مەن بىلەن يۈز-تۇرانە كۆرۈشۈپ، زادى نېمىلەرنى دېمەكچىدۇ؟ناۋادا ماڭا بەخىت تىلىگىلى كېلىدىغان ئش بولسا،ماڭا تىلىگەن بەخىتلىرىنىڭ ھەممىسى يالغان بولىدۇ.چۈنكى،ئۇ ئۆزىدىن باشقا مېنىڭ بىراۋ بىلەن بىرگە ياشىشىمنى خالىمايدۇ.ئايرىلىش ئالدىدا ئاچچىقىنى چىقارغىلى كېلەمدىغاندۇ-يا؟! ياق ،ئۇ ئۇنچىۋالا تېگى پەسلەردىن ئەمەس.ئۇنداقتا،يەنە باشقا ئېھتىماللىقلارنىڭ بولۇشى مۇمكىنمۇ!ۋاي بولدىلا،مەيلى قانداق بىر مەقسەت-سەۋەبلەر بىلەن كەلسۇن،ئۇنىڭدىن ئايرىلىمەن.ھەرقانداق گېپىگە پەرۋا قىلمايمەن.ھىچقانداق چۈشەندۈرۈشىنى ئاڭلىمايمەن.نەخ كەلتۈرۈپ ئېيتقان باھانىلىرىنىمۇ رەت قىلىمەن...
دەل شۇ پەيىتتە ئالقىنىمدا چىڭ سىقىپ ئولتۇرغان تېلېفۇنۇم سايرىدى...
__ مەن كەلدىم،سىرتتا لەپ-لەپ يىغىۋاتقان قارنى كۆردۈڭغۇ دەيمەن.قېلىنراق كېيىنىپ چىققىن.ھە راست،شارپاڭنى تاقىۋالساڭ بولغۇدەك،زۇكامداپ قالمىغىن يەنە!
___قەيەردە سەن ؟!
___مەكتەپ دەرۋازىسىنىڭ ئۇدۇلىدىكى ئوقوتۇش بىناسىنىڭ ئالدىدا.
___ھازىر چىقىمەن.تېلېفۇننى قويۇۋەتتىم ھە!
___ئىم،بولىدۇ.
ھايال ئۆتمەي ئىككىمىز كۆرۈشتۇق.ئۇنىڭ چىرايىدا ئاچچىقلىنىشتىن ئەسەرمۇ يوق ئىدى.ئۇ ماڭا ناھايىتى چىرايلىق سالام قىلدى.
___ئەسسالامۇ ئەلەيكۇم !
___ئەتىگەندىن بىرى نەچچە قېتىم سالاملىشىپ بولدۇققۇ ؟! تولا ياسالمىلىق قىلما بولدى.
___ تېلېفۇندا«ئەسسالام»دېگەندىن باشقا،يۈز كۆرۈشكەندە«ئەسسالام»دېيىشنكەننىڭ يولى باشقا.سالامغا جاۋاب قاتمىسا ھېچ گەپ يوق.تېلىمنى چۈشەنمىگەن ئوخشايدۇ دەپ بىلىمەندە .
__ سەن ، خەپ ، سەن ئاتايەن مەن بىلەن ئۇرۇشقىلى كەلگەنما؟!
__ ياق ئوبدان خېنىم ،مەن ئۇرۇشقىلى كەلمىدىم . پىقىر پەرھاتنىڭ سۆيۈشكىلا ۋاقتى بار، نەپرەتلىنىشكە ۋاقتى يوق. بىراق سەمىمىي سالىمىمنى ئېلىك ئالمىغىنىڭغا نېرۋام ئۆرلىدى.
___ نېرۋاڭ ئۆرلىگەن بولسا ، كەتكىن. خۇددى سېنى كۆرگۈم كېلىپ چىدىيالماي ،چاقىرىپ ئەكەلگەندەك گەپ قىلىسەنغۇ ؟ كىم خۇشتاركەن سەن بىلەن قۇرۇق پاراڭ سالغىلى ...
ئۇ ئۆزىنى مەن تەرەپكە بۇراپ كۆزۈمگە تىكىلىپ قارىدى. مەنمۇ قاپىقىمنى تۈرۈپ كۆز قارچۇقىغا تىكىلدىم. ھەر ئىككىلىمىزنىڭ كۆزىدىن نەپرەت ئۇچقۇنلىرى ياغاتتى. پەرھاتنىڭ تەسۋىرلەپ بەرگۈسىز ئاچچىق قاپلاپ تۇرغان كۆزى ئارقىلىق ئۇنىڭ ئىچىگە كىرىپ چىققاندەك بولدۇم.
__ ئېيتە ، سەن قاچاندىن بىرى ماڭا ئۆچ بولۇپ كەتتىڭ ؟
__ بۇرۇندىن تارتىپ ئۆچ ئىدىم . سەن مۇشۇ بىر ئېغىز گەپنى دېيىش ئۈچۈن كەلگەنما ؟
__ ياق ، جۈرە، بىنا ئىچىگە كارىپ سۆزلىشەيلى!
ئۇ بىر قولىدا بىنانى كۆرسىتىپ تۇرۇپ ،بىر قولىدا جەينىكىمدىن تارىتتى.
__ قويىۋەت مېنى ، __ ئۇنىڭ قولىنى سىلكىۋەتتىم،__ گەپ بولسا مۇشۇ يەردە ئوچۇق پاراڭلىشىمىز .
__ مەن توڭۇپ كەتتىم ، سەن ھېلىلا ئىسسىق ياتىقىڭدىن چىققىنىڭ بىلەن ، مەن بىر سائەتتىن ئارتۇقراق قار كېچىپ كەلدىم .
___توڭغان بولساڭ گەپنى قىسقارتىپ،مېغىزلىق سۆزلە!
ئۇبىشىنى چايقىدى.
___سەن راستىنلا ئۆزگىرىپ كىتىپسەن،ئۆزگەرگەندىمۇ،```180 گىرادۇس بۇرۇلۇش ھاسىل قىلىپسەن .زادى كىم مۇشۇنداق ئۆزگەرتىۋەتتى سېنى ؟!
___مېنى ھىچكىم ئۆزگەرتكىنى يوق.ئادەم دىگەن ئۆزگىرىدۇ.ھەتتا ئالەممۇ ئۆزگىرىپ بۈگۈنكى كۈنگە ئۇلاشتىغۇ ؟!
___توغىرا،ئادەم ئۆزگىرىدۇ.بىراق، سەن ئىجابى تەرەپكە ئۆزگەرمەي،ئەكىسچە سەلبى تەرەپكە قاراپ تەرەققى قىلغىنىڭ نىمىسى؟!ئاتا-ئاناڭغۇ ئۇنداق-مۇنداق كىشىلەردىن ئەمەس بولمىسا.
___ئىككىمىزنىڭ تىمىسىغا تولا ئاتا-ئانامنى چېتىۋالما،ئاتا-ئانام ساڭا ھېچ قانداق گۇناھ قىلمىغان.مەنمۇ يەنە بىركىملەرنى، بىركىملىرىڭنى چىشلەپ تارمىدىم.
___ئەمدى ئىچىمنى ئۆرىمە-ھە،خالئاي پارتىلاپ كېتىمەن.توڭۇپ كەتتىم،جۈرە بىنانىڭ ئىچىگە كىرەيلى.
ئۇن دېسە،مەنمۇ توڭغان ئىدىم.ئۇنىڭ سوغۇقتىن كۆكەرگەن كالپۇكلىرىغا ،كىرپىكىدىكى قار ياپراقچىلىرىغا،بىرقەۋەت قار قاپلىغان چاچلىرىغا قاراپ،«بوپتىلا»دېگەن ئوي بىلەن ئۇنى بىنا ئىچىگە باشلاپ كىردىم.
___ھە،ئەمدى دە گېپىڭنى.
___بولىدۇخالئاي،ساڭا ئۇزۇندىن بىرى دېيىشنى ئارزۇ قىلىپ كېلىۋاتقان،بىراق ئېغىزىمدىن چىقىرىپ باقمىغان يۈرەك سۆزومنى ئېيتاي،__ئۇ كارىردوردا تامغا يۆلىنىپ،بىرپۇتىنى تامغا تىرەپ،قول قوۋۇشتۇرۇپ تۇرۇپ گېپىنى داۋام قىلدى،__سەن بىلەن تونۇشقاندىن بۇيان پەقەن«سېنى ياخشى كۆرىمەن»دەپلاكەلدىم.ئەمەلىيەتتەسەن بىلەن مۇھەببەت باغلاشنى ئانچە ئارزۇ قىلىپ كەتمەيمەن.سەندىن ھەقىقى كۈتۈپ كەلگىنىم شۇكى،ھەر ئىككىمىز تېرىشىپ ئوقۇساق كېيىن جەمىئەتكە چىققاندىن كىيىن ئاللاھنىڭ تەقدىرىمىزنى قوشۇشى بىلەن،ئاتا-ئانىمىزنىڭ چىن رازىلىقى بىلەن،سېنىڭ سەمىمىي خالىشىڭ بىلەن تۇرمۇش قۇرساقكەن دەيىتتم.ئۆمرۈمنىڭ ئاخىرغىچە سەن بىلەن بىرگە ياشىسام دەيتتىم.تۇنجى مۇھەببىتىم ئەمەس ،بەلكى ئاداققى مۇھەببىتىم بولۇشۇڭنى ئارزۇلايتتىم خالئاي،ئەپسۇسكى،بۈگۈنكى كۈندە يىرىم يولدىلا ھەممىسى كۆپۈككە ئايلىنىدىغان ئوخشايدۇ.ھازىرنىڭ ئۆزىدە ماڭا ياق دېگىن ياكى ماقۇل دېگىن،ئاخىرقى رەت ساڭا كۆڭۈل ئىزھار قىلماقچىمەن.گۈلۈم بىر ئۆمۈرلۈككە يۈرۈپ قالايلى!
___ياق،سەن بىلەن يۈرمەيمەن،دوستىڭمۇ بولمايمەن .
___نېمىشقا ؟!
___مېنىڭ يىگىتىم بار.شۇنىڭ ئۈچۈن!
___ئىشەنمەيمەن .
___ئىشەنمىسەڭ مەيلى.مانا ماۋۇ بارمىقىمدىكى يىگىتىم ئېلىپ بەرگەن كۈمۈش ئۇزۇك.
___كىم بىكەن يۈردۈڭ ؟!
___سورىما!
___زادى كىم بىلەن يۈردۈڭ دەۋاتىمەن .
___ئۆزۇمگە ماس كىلىدىغان بىرسى بىلەن يۈردۈم تازا،گەپ باما؟!
___ھە،مۇنداق-دە،كەينىڭدە 4يىل يۈرسەم مۆرەپ قويمىدىڭ،بىراۋ 4كۈن كەينىگە سېلىپ يۈرۈپ، بىر تال كۆمۇش ئۈزۈك ئېلىپ بەرسە كۆڭلۈڭنى قوش قوللاپ تۇتقۇزۇپ قويدۇڭما ؟!ۋاي سېنىڭمۇ تايىنىڭ يوقكەنغۇ؟!
___ھۇي،سەن مېنى كىمگە ئوخشىتىپ قالدىڭ؟! نېمىگە ئوخشىتىۋاتىسەن؟!ساڭا ئىنىق دەپ قوياي پەرھات،خالئاي ھەرگىز پۇلغا دۈم چۈشىدىغان قىزلاردىن ئەمەس.يەنە كېلىپ بۇ4كۈننىڭ ئىشى ئەمەس،15يىلنىڭ ئىشى.
___15يىل؟!ۋاھ،بوش ئەمەسكەنسە جۇمۇ؟!شۇنىڭغا قارىغاندا،تېخى سەن بىلەن يۈرۈش تارىخىم ئۆلچەمگە توشمايدىكەندە...
___نېمانداق تەنە گەپ قىلىسەن ؟!ساڭا دېسەم قارا،بىر قىزنى دەپ ھەممىدىن ۋاز كەچكەن ،بارلىقىنى ئاتىۋەتكەن ئوغۇل بالا ئەخمەق.بۇنى نۇمۇس دەپ بىلىشىڭ كېرەك.
___توۋا قىلدىم،توۋا،بۇگەپنى سېنىڭ ئېغىزىڭدىن چىقىدۇ دەپ خىيالىمغا كەلتۈرنىگەن ئىدىم.بىرسىگە ئەقىدە باغلاپ ياشىسا نۇمۇس،شاختىن-شاخقا قونۇپ يۈرسە نۇمۇس ئىكەنلىكىنى ئۇقماي قاپتىمەن .خاپا بولما –ھە خالئاي،ئۇستاتلىق قىلىپ ساپتىمەن ...بۇرۇنراق ئەسكەرتىپ قويغان بولساڭ ،شېخىڭدا مۇڭسىراپ يۈرگىچە ،سەندىن ئۇز شاخلارغا ئاتلاپ ئۆتۈپ كېتەتتىم ئەمەسمۇ!
___سىسق گىپىڭنى قوي.بىر قىېتىم بولسىمۇ گېپىمنى چۈشەنسەڭچۇ؟!سەن ئېغىزىڭدىن چۈشۈرمەي كېلىۋاتقان ئۇ شېرىن كۈنلەر «لەيلى-مەجنۇن»زامانلىرىدا قالدى.بۇ دېگەن قايسى دەۋر ؟!بىلەمسەن .سەن ماڭا چىش-تىرنىقىڭغىچە ئۆچ بولۇپ كەتتىڭ.قەلبىڭدىكى مۇھەببەت-نەپرەتكە ئۆزگىرىپ كەتتى.مېنى بىپەرۋا،ئەسكى،باغرى تاش،ۋاپاسىز،قەدىرلىگەننى بىلمەيدىغان ھېسسىياتسىز مەخلۇق دەپ قارايسەن.ئۆزۈمنى چۈشەندۈرۈشكە،ئاقلاشقا ئامالسىز.چۈنكى،ئەمەلىيەتتىمۇ ئەزەلدىن مەن تەرەپتە تۇرۇپ باقمىدىم. بىراق، ساڭا قىلغان چىن نەسىھىتىم بولۇپ قالسۇنكى، سەن ماڭا قارىغاندا كۆپنى كۆرگەن ،كۆپنى ئاڭلىغان ،نەزەر دائىرەڭ مەندىن ئوچۇق ھەم ئەقىللىقسەن . ئەمدى ئەمەلگە ئاشمايدىغان خام-خىياللىرىڭدىن ۋاز كېچىشىڭنى ئۈمىد قىلىمەن. ئۆزۈڭنى قاراپ تۇرۇپ ئوتتا پۇچىلىما، ئۆتكەن ئۆمرۈڭگە پۇشايمان قىلىشىڭنىڭ ھاجىتى يوق. چۈنكى سەن ھەقىقىي ئەركەك. ئىچ-ئىچىڭدىن گۈلخان يېنىپ تۇرىدىغان گىگانت چوغسەن . بىجىرىم قامىتىڭنى، قىپقىزىل يۈرىكىڭنى غايىۋى سۆيگۈ ئۈچۈن خورىتىۋەتمىگىن . يۈرىكىڭ كەلگۈسىدە سېنى قەدىرلىگەن ئادىمىڭگە كېرەك بولىدۇ. ياخشى كۆرۈشكەنلەرنىڭ چوقۇم بىرگە ئۆتىشى شەرت ئەمەس. سېغىنساڭ ئەسلەپ تۇر. چۈنكى مەنمۇ ساڭا يامانلىق قىلمىدىم. يامانلىق قىلىشنى ئويلاپمۇ باقمىدىم. ئېغىزىمدا قوپال تەگكىنىم بىلەن ، ناگان-ناگاندا ئۇنتۇلغۇسىز دەقىقىلىرىمىزنى ئەسلەپ تۇرىمەن. سەۋەبىنى سورىساڭ،سەنمۇ مېنىڭ قەلبىمدە رومانتىك ئەسلىمىلەرنى قالدۇرغان. دۇنيا كىملەرگە ۋاپا قىلغان دەيسەن ، ئاقىۋەت ئاداققى ھەمراھلارنىڭمۇ گورى ئايرىم بولىدۇ. دوزاخ-جەننىتى ئايرىم بولىدۇ. بۈگۈن سەن بىلەن ئادا-جۇدا بولىشىۋاتقاندەك ،بىر كۈنى ھەممە ھەممىدىن ئاجرايدۇ. چەكسىز ئالەممۇ ھېچنىمىگە ئايلىنىدۇ. سەن مېنى ،ئۆزۈڭنى شۇنداقلا ئۆزۈڭگە مۇناسىۋەتلىك بولغان ئەتراپىڭدىكى بىر بۆلۈك بوشلۇقتىكى يېقىنلىرىڭنى چۈشەنگىن . سېنىڭ پۈتۈن ۋۇجۇدۇڭنى سەۋدا قاپلاپ كېتىپتۇ پەرھات. مۇھەببەت سارىڭى بولۇپ قاپسەن . نېمىشقا سەندىن سوغۇققانلىقنىڭ ھۈجەيرىسى تېپىلمايدۇ؟!نېمىشقا مېڭەڭدىكى رىياللىقنى كۆرسىتىدىغان ئەڭ مۇھىم نېرىپلار ئۆلۇپ قالىدۇ؟!ئۆزۈڭنى نەگە ئاپىرىپ تاشلىۋەتتىڭ؟!
___بولدى سۆزلىمە،___ئۇقاتتىق ۋارقىرىدى،____سەن مېنىڭ پېسخىكامغابىۋاستە ھۇجۇم قىلىۋاتىسەن.كاللامنى قايمۇقتۇرما.ئۆزلۈكۈم ئۆزۈمدە،كىملىكىم ئېنىق..ھاياتلىقتىن چىن مۇھەببەت ئېزلىگەن كىشى سەۋدايى ساراڭ ھېسابلىنامدىكەن؟!ئۇنداقتامۇھەببىتىن ۋازكەچكەنلەرچۇ؟!ئۇلار بەك ئاقىل،يىراقنى كۆرەر ،دەۋرنىڭ ئالدىدىكەندە ؟!مېنىڭ مەيدانىم مۇستەھكەم.قانداقتۇر قىز بالىنىڭ كەينىىگەكىرىپ كەتكىنىم يوق.قارىغاندا،سەن مەن سۆيىدىغان قىزلاردىن ئەمەسكەنسەن.خاتا تاللىغاندەك قىلىمەن.قىسقىسى ،بۇنچىۋالا ۋاي دېيىشىمگە ئەرزىمىگۈدەكسەن خالئاي.ئاخىرقى رەت پىكىرىڭنى ئاڭلايمەن،سەن مېنى ياخشى كۆرۈپ باقماپسەن ھەم بۇنىڭدىن كېيىنمۇ ياخشى كۆرمەيسەن،شۇداقمۇ؟!
___شۇنداق.
___مېنى ئەزەلدىن دوستۇڭ قاتارىدا كۆرۈپ ھەم بۇنۇڭدىن كېيىنمۇ ئەبەدىل-ئەبەد دوسىت بولۇپ ئۆتەلمەيسەن،شۇنداقمۇ؟!
___يىرىمى توغرا،سېنى سەمىمىي دوستۇم قاتارىدا كۆرگەنتىم.بىراق قەدىرىمنى بىلمىدىڭ.يولۇڭنى ئۆزۇڭ ئەتتىڭ!شۇڭا مەن يىگىتىم بىلەن يۈرىۋېتىپ تۇرۇپ باشقا ئوغۇللار بىلەن دوست بولۇپ ئۆتەلمەيمەن،بولۇپمۇ سەن بىلەن.
__ نىمە ؟ دوستۇم دەپ قەدىرلىگەننى بىلمىدىڭ دەۋاتامسەن ؟! مەن دوستلىقىمىزنى قەدىرلىمىدىمما ؟! دوستلۇقنى قەدىرلىمەي كەينىڭدىن پىچاق ئۇرغان يېرىم بارمۇ ؟! دۈشمەنلىرىڭ تەرەپتە تۇرۇپ ساتقىنلىق قىلغان قىلغان يېرىم بارمۇ ؟ پەقەت ۋە پەقەت بىرلا گۇناھىم بار، تېخىمۇ يېقىنراق ئۆتەرمىزمىكىن دەپ كۆڭۈل ئىزھار قىلغان ئىدىم ،بۇ ئويۇم بۈگۈنكى كۈنگە كېلىپ دوستلۇقنى قەدىرلىمىگەنگە تەۋە بولۇپ كېتىپتۇدە؟! ئىش بىجىرىش سەۋىيەڭ يۇقىرى بولغان بىلەن ،خاتالىق كۆپتەك قىلىدۇ. ناۋادا سېنى مۇشۇ پېتى تەخىتكە ئولتۇرغۇزۇپ قويسا كۈن ئۆتمەي خەلقنىڭ چالما-كىسىكى ئاستىدا قالغۇدەكسەن.
ئۇ تېخىچە مەندىن كۆزىنى ئۈزمەي قايناۋاتاتتى.
__ ئاچچىقىڭ چىقتىمۇ ؟ ھاقارەتلەپ بولدۇڭمۇ ؟ ئىچىڭدىكى دەردلىرىڭ تۈگەي دەمدۇ پەرھات ؟ مەن قىز بالا بولغاندىكىن، گەپ قىلماي جىم تۇرۇپ بەرسەم ئەجەپ چالۋاقاپ كەتتىڭغۇ ؟
__ دەردنى تىللاپ ،ئاچچىقلاپ چىقارغىلى بولسا ئىدى، سېنى ھەركۈنى تىللايتتىم .چۈنكى مەن سېنى ھەر سائەت ،ھەر مىنۇت ئەسلىدىم،سېغىندىم،بىراق يالغۇزلۇقۇمغا جۆر بولىدىغانغا قېشىمدا سەن يوق غېرىب ئولتۇرۇپ ئازابلاندىم .سەنچۇ،سەن سېغىنىش ،ئەسلەش ،ياخشى كۆرۈشلەردىن خالىي ھالدا ،بىراۋ بىلەن ياشلىقنىڭ پەيزىنى سۈرۈپ ياشاۋېتىپسەن .ئەمدى ئويلاپ باققىنا ،قولۇڭنى يۈرىكىڭگە قويۇپ تۇرۇپ ئويلاپ باققىنا ،دەردىمنى ساڭا تۆكۈشكە ھەققىم بارمىكەن ،يوقمىكەن ؟!
ئۇ شۇلارنى سۆزلەۋېتىپ ئالقىنىنى تۈگۈپ تامغا مۇشت ئاتتى.
__ ھويت غوجام ،ئاققان مۇشتلىرىنى تامغا ئاتتىلىمۇ ،ماڭا ئاتتىلىمۇ ؟ سەل ئېشىپ كەتتىمۇ قانداق ؟ ئالدىلىرىدا ئەمدى شۇنچىلىك ئادەم بولۇپ قاپتۇدە ؟ ئىش بۇ يەرگە يەتكەندە شەيتاننى ئۇسۇلغا سالمىساق بولارمىكىن پەرھاتجان ؟
__ خاپا بولمىغايلا خېنىم ،مۇشتنى ئۆزۈمگە ئاتتىم.خالئاينىڭ كەينىدە قەلەندەر بولۇپ يۈرگەن كۈنلىرىمنىڭ خاتىمىسىگە ئاتاپ ئاتتىم.
__ ياخشى ،ياخشى قېلىپسەن،مۇشتنى ناھايىتى جايىدا ئاتتىڭ ،__ مەن ئۇرغۇلۇق ھالدا ئۈچ قېتىم چاۋاك ئۇردۇم،__كەتتىم ، خوش –ھە !
پەرھات تامغا تارالغان ھالدا كۆزىنى مەندىن ئۈزمەي جايىدىلا قالدى.مەن ئارقامغىمۇ قارىماي ياتاققا كىرىپ كەتتىم .ياتاققا كىرىپ بولۇپ بىردىنلا كۆزۈمگە ياش كەلدى.ئۇنىڭدىن ئادا-جۇدا بولغىنىمغا يىغلاۋاتىدۇ دەمسىز ؟ ياق،ياق سۆڭىكىمدىن ئۆتۈپ كەتكەن سىسىق گەپلىرىگە يىغلاۋاتىمەن. دەردىڭ چىققانلا بولسا ،ئۇ گەپلىرىڭنى كەچۈردۇم پەرھات،ماڭىمۇ خۇدايىم بار. نېمىلا بولسۇن سەندىن قۇتۇلدۇم .يۈرىۋېتىپ تۇرۇپ ئۇرۇشقانلارنى كۆرۈپتىكەنمەن ،بىراق يۈرمەي تۈرۇپ بۇ خىل ئېچىنىشلىق ھالەتنى تۇنجى قېتىم ئۆز بېشىمدىن ئۆتكۈزىشىم .ئۇھ، خالئاي پەرھات قولىدىن ئازادلىققا چىقتىڭ... مەن بۇلارنى ئويلاپ ئۆزۈمنى كارۋاتقا تاشلىشىم بىلەن تەڭ تېلېفۇنۇم سايرىدى .قارىسام ،پەرھاتكەن.ئەمدى سەۋرىم توشتىمۇ قانداق ئاچچىقىم بىلەن تېلېفۇنىنى قوبۇل قېلىپ قاتتىق ۋارقىرىدىم.
__ ۋاي داد ،مەندە يەنە نېمەڭ كەم قالدى ؟ خەپ سېنى ھېلىلا تېلېفۇن نومۇرۇمنى ئۆزگەرتىۋەتمىسەم.
__ ئەسسالامۇ ئەلەيكۇم !
__ ۋاي خوش، خوش ،نېمە ئەسسالامۇ ئەلەيكۇم ئۇ ،ئادەمنى جىلە قېلىپ.
__ ئەسسالامۇ ئەلەيكۇم ! سىز خالئاي بولامسىز ؟!
بۇ ئوتتۇرا ياشلارغا خاس ئەر كىشىنىڭ ئاۋازى بولۇپ ،چۆچۈپ كەتتىم.
__ ۋەئەلەيكۇم ئەسسالام ،شۇنداق ،مەن خالئاي،سىز...؟!
__ سىزگە تېلىفۇنى ئۇلانغان بۇ نومۇرنىڭ ئىگىسى قاتناش ھادىسىسىگە ئۇچرىغانتى باياتىن،قولىدىكى تېلېفۇنىنى قولۇمغا ئېلىپ قارىسام،نومۇر تىزىملىكىنىڭ ئەڭ بېشىدا «خالئاي» دەپ تۇرىدۇ،شۇڭا بىرەر تونۇشلىقىڭىز بارلىقىنى پەملەپ ئەھۋالدىن خەۋەرلەندۈرۈپ قويۇشۇم.ۋەقە يۈز بەرگەن ئورنى :« دوستلۇق يولى چوڭ ئۆتۈشمە كۆۋرۈك ئاستىدا »،خوش ئەمىسە !
تېلېفۇن ئۈزۈلدى .كارۋاتتىن چاچراپ تۇرۇپ كەتتىم. پەرھاتنىڭ قېشىغا بارايمۇ،بارمايمۇ ؟ توغرا، ھازىر بۇلارنى ئويلاپ ئولتۇرىدىغان ۋاقىت ئەمەس. نېمە ئىش يۈز بەرسە بەرسۇن، ئۇ ھايات قالسىلا بولاتتىغۇ ! مەن چاپىنىمنىڭ ئالدىنى ئېتىشكىمۇ ئۈلگۈرمەي ۋەقە يۈز بەرگەن ئورۇنغا قاراپ چاپتىم. ئۇ يەرگە يېتىپ بارغۇچە پۈتۈن ئەس-يادىم پەرھاتنىڭ ھايات-ماماتىدىلا قالغانىدى. قارلىق يولدا نەچچە تىيىلىپ يىقىلىپ چۈشتۈم. كۆزۈمگە بىردىن «چوڭ ئۆتۈشمە كۆۋرۈك »ئاستىدىكى غۇژمەك-غۇژمەك ئادەملەر توپى كۆرۈندى . بۇ جىددى مىنۇتلاردا تۆت كوچا ئېغىزىغا بىكىتىپ قويغان قاتناش چىرىغى نە يادىمغا يەتسۇن،پەرھاتنىڭ قېشىغا ئالدىراپ ،ئۇياقتىن-بۇياققا تېز سۈرئەتتە ئۆتۈپ كېتىپ بارغان ماشىنىلار ئارىسىدىن ئۆتىۋېتىپ مەنزىلگە بەش مېتىر ئارلىق قالغاندا، ئوڭ تەرىپىمدىن كەلگەن بىر يۈك ماشىنىسىنىڭ ئاستىغا كىرىپ كەتتىم...
__ ياق !!!
قەدىرلىك دوستۇم، سىز پەرھات بىلەن خالئاينى ئۆلدى دەپ قارامسىز ؟ راستىمنى ئېيتسام، بۇنىڭغا مەنمۇ بىر نېمە دېيەلمەيمەن. بۇ مۇھەببەت سەرگۈزەشتىسىنىڭ دەل مۇشۇ مەۋھۇم بوشلۇقىغا بىر سىرنىڭ يۇشۇرنۇپ ياتقانلىقىغا دىققەت قىلدىڭىزمىكىن ؟ «ياق!» دەپ ۋارقىرىغىنى زادى كىمدۇ ؟ ھىجراق كوچىسىنىڭ مۇۋەپپەقىيەتلىك داۋاملىشىشىدا بۇ ناتونۇش كىشى تولىمۇ مۇھىم رول ئوينىسا كېرەك. ئۇنداقتا ،بۇ ناتونۇش كىشى «رول» نى قاملاشتۇرۇپ ئالالامدۇ-يوق،ئەسەرنىڭ داۋامىغا نەزەر سېلىڭ ...!
__ ياق، بۇ مومكىن ئەمەس.
دەرھال خالئاينىڭ قېشىغا يۈگۈرۈپ بېرىپ،«چوڭ ئۆتۈشمە كۆۋرۈك»ئاستىدا ئادەم قۇتقۇزىۋاتقان جىددى قۇتقۇزۇش خادىملىرىنى چاقىردىم. ئىككى بىمار بىر ماشىنىغا چىقىرىلدى. ماشىنىغا مەنمۇ چىقىۋالدىم. ۋەقە يۈز بەرگەن ئىككى ئورۇندىكى قان ئېزلىرىغا چۆچۈپ قارىشىۋاتقان كىشىلەر ماشىنىغا سوقۇلغان بۇ ئىككى ياشنىڭ ئامان-ئېسەنلىكىنى تىلەشكىنىچە تارقاپ كېتىشتى.
ماشىنىدا كېتىۋاتقاچ دوختۇر مەندىن سورىدى:
__ بۇلاردىن قان كۆپ چىقىپ كېتىۋاتىدۇ،زاپاس قانمۇ تۈگەي دەپ قالدى،__ يىگىت،قان تىپىڭىز نېمۇ ؟!
__ قان تىپىم «O ».
__ ئۇنداقتا ياخشى. سىزدىن 200 گرام ئالىمىز. ئالغان قاننى بۇ ئىككى بىمارغا بۆلۈپ سالايلى.ئاۋۋال قېنىڭىزنى تەكشۈرۈپ كۆرەيلى ! قان بېرىشنى خالامسىز يىگىت؟
__ ئەلۋەتتە بولىدۇ. بەدىنىمدىن قان قويماي ئالساڭلارمۇ رازىمەن،بىراق شەرتىم شۇكى، ئۇ يىگىت بىلەن مۇناسىۋىتىم يوق.قاننى پەقەت بۇ قىزغىلا تەقدىم ئېتەلەيمەن دوختۇر، پەقەت بۇ قىزغىلا.
بۇ گەپلەرنى كېسىپلا دەۋەتتىم. دوختۇر بەدىنىمدىكى قاننى تەكشۈرۈپ تەلىپىمنى ئورۇندىدى. ئۇ تەرەپتە جان تالىشىۋاتقان يىگىتنىڭ ھالى خالئايدىنمۇ بەتتەر بولسىمۇ ،قەلبىمدە پەقەت خالئاينىڭ مىڭ پارە ھالىتى ھۆكۈمران ئىدى.
__ بۇ ئىككىيلەننىڭ ئەھۋالى چاتاق. دوختۇرخانىغا ئاپىرىپ بولغۇچە بەرداشلىق بېرەلمەيدىغاندەك تۇرىدۇ. ئوپىراتسىيىنى باشلىۋىتەيلى،__ دېدى ياشقا چوڭراق كەلگەن كۆزەينەكلىك دوختۇر،__ھە راست، سىز بۇ ئىككى قېرىندىشىڭىزغا كىپىل بولۇپ ،بۇ جەدۋەلگە قول قويىۋېتىڭ،__ دەپ ،ماڭا قولىدىكى قەغەزنى تەڭلىدى.
__ مەن بايا دېدىمغۇ دوختۇر،بۇ قىز ئۈچۈن يۈرىكىڭنى ئىشلىتىمىز دېسىڭىز ،ھازىرلا ئوپىراتسىيە كارۋىتىدا ياتالايمەن،بىراق ئۇ يىگىتنى مەن تونۇمايمەن.
__ ئۇنداقتا، بۇ يىگىت مۇشۇنداقلا ئىگە-چاقىسىز ئلۆلۈپ كېتەمدا ؟ سىزدە ئادىمىيلىك دېگەن نەرسە بارمۇ-يوق؟!
__ مەندە ھازىر بىر ئادەمگىلا ئادىمىيىلىك بار،باشقىلارغا ئادىمىيىلىك قېلىشقا ئاجىزمەن.ئادىمىيىلىك سىزدىمۇ بارغۇ،ئۇ يىگىتكە كىپىل بولۇپ سىز ئىمزا قويۇڭ بولمىسا.
__ بۇ...بۇ...،ئاللاھنىڭ ئۆزىگە ئامانەت ،بىسمىللاھ،قول قويساملا بولىدىغۇ .
شۇنداق قېلىپ بىرىمىز خالئاينىڭ، بىرىمىز ئۇ يىگىتنىڭ ئۆلۈم-كۆرۈمىگە كىپىل بولۇپ،جەدۋەلگە ئىمزا قويۇشتۇق.
__ ئوپىراتسىيە باشلاندى.سىز بۇنىڭ بىلەن كۆزىڭىزنى تېڭىۋىلىڭ!
دوختۇر يانچۇقىدىن قاتلانغان پارچە ئاق رەختنى چىقىرىپ ماڭا سۇندى.
__ قايچا، پىچاق،ئەمدى لۆڭگە،...ئازىراق داكا بېرىڭلار!
كۆزۈمنى تېڭىپ ئولتۇرۇپ دوختۇرنىڭ يۇقارقى سۆزىنى تەكرار-تەكرار ئاڭلىماقتا ئىدىم.
خالئاي ، غەيرەت قىل، چوقۇم بەرداشلىق بەر...ئىچىمدە پەقەت مۇشۇ سۆزنىلا پىچىرلايتتىم. تۇيۇقسىز كىچىك ۋاقتىمدا ،مەكتەپكە كىرىشتىن بۇرۇن ھاجىم چوڭ ئاتام ئۆگىتىپ قويغان ئۇششاق سۈرىلەرنى ئېسىمگە ئالدىم-دە، دىلىمدا خالئايغا ئاتاپ ئوقۇشقا باشلىدىم.
__ يېتىپ كەلدۇق، بىمارلارنى تېز ئوپىراتسىيە ئۆيىگە ئەكىرەيلى!
بۇ گەپتىن دوختۇرخانىغا يېتىپ كەلگەنلىكىمىزنى بىلدىم-دە،كۆزۈمدىكى لاتىنى يېشىۋىتىپ كېسەل ھارۋىسىنىڭ كەينىدىن ئەگەشتىم.ئوپراتسىيە ئۆيىنىڭ ئىشىكى ئېچىلىپ يېپىلدى.بۇ خەۋەرنى خالئاينىڭ ئۆيىدىكىلەرگە دەيمۇ،دېمەيمۇ،ئۇلار يىراقتا تۇرۇپ بۇ شۇمخەۋەرنى ئاڭلىسا نېمە بولۇپ كېتەر-ھە؟! بىراق بۇ چوڭ ئىش تۇرسا.دېمىسەم زادى بولمىغۇدەك.مەن مۇشۇ ئويلار بىلەن خالئاينىڭ ئۆيىدىكىلىرىگە ئانام ئارقىلىق خەۋەر قىلدىم. ئۇلار كۈن ئولتۇرماستىنلا،ئايروپىلان بىلەن شەھەرگە يېتىپ كەپتۇ. دوختۇرخانىغا كېلىپ مېنى كۆرۈپلا،خالئاينىڭ ئائىلىسىدىكىلەر يىغا-زار قىلىشتى ۋە بۇ ئىشنىڭ سەۋەبىنى سورىدى.ۋەقىنىڭ كېلىپ چىقىش جەريانىنى مەنمۇ ئۇقمىغاچقا ،ئېنىق بىر نەرسە دېيەلمىدىم.شۇ ئارىدا ئوپىراتسىيە ئۆيىنىڭ ئىشىكى ئېچىلىشى بىلەن ،ھەممىمىز دوختۇرنىڭ قېشىغا يۈگۈردۇق.
__ ھەرھالدا ئوڭۇشلۇق بولدى،__ دېدى دوختۇر پىشانىسىدىكى چىكىم-چىكىم تەرلەرنى سۈرتىۋىتىپ تۇرۇپ،__ بىراق ئۇ يەنىلا خەتەر ئىچىدە.
يەنە بىر ئوپىراتسىيەخانىنىڭ ئىشىكىمۇ ئېچىلدى.بىراق بۇ بىمار ھازىرگىچە ئىگە-چاقىسىز ئىدى.
__ بۇ يەردە بىمارنىڭ ئۇرۇق-تۇققانلىرى بارمۇ؟!__ سورىدى توختامغا كىپىل بولۇپ قول قويغان ھېلىقى دوختۇر.
ھېچكىم بۇ بىمارغا قاراپمۇ قويمىدى.مەنمۇ بۇ پۇرسەتتە بىمار بىلەن تونۇشلىقىمدىن ۋاز كەچمەكچى بولدۇميۇ،ئەيتاۋۇر يۈرىكىمنىڭ بىر يەرلىرى ئىچىشىۋاتاتتى.
__ دوختۇر ،مەن ئۇنىڭ دوستى بولىمەن. ئەھۋالى قانداقراق؟!__ سورىدىم دوختۇرنىڭ قېشىغا بېرىپ.
__ ۋاي تېخى باياتىن ئۇنىڭ بىلەن تونۇشلىقىم يوق دەۋاتمامتىڭىز؟ __ دېدى دوختۇر ھەيرانلىق بىلەن،__ھازىرغۇ ئەھۋالى ياخشى،بىراق كېيىنكى ئەھۋالىغا كاپالەت بېرەلمەيمەن.بەلكىم...
دوختۇرنىڭ ئۈنى ئىچىگە چۈشۈپ كەتتى-دە،__ ھە راست، بۇ مۇشۇ بىمارنىڭ قول تېلېفۇنى،__ ئۇ ئاق خالىتىنىڭ يانچۇقىدىن بىر قول تېلېفۇننى ئېلىپ ،كۆرسىتىپ تۇرۇپ،__ سىز بۇ قول تېلېفۇننىڭ نومۇر تېزىملىكىدىن بىمارنىڭ ئاتا-ئانىسىنىڭ نومۇرۇنى ئېزلەپ تېپىپ ئەھۋالدىن خەۋەردار قېلىپ قويۇڭ،ئۇلار يېتىپ كەلگۈچە ۋاقتىنچە بۇ بىمارغا قاراپ تۇرۇڭ !
دوختۇر قولىدىكى تېلېفۇننى ماڭا بېرىپ قويۇپ،باشقا بىر بىمارنى ئوپىراتسىيە ئۆيىگە ئېلىپ كىرىپ كەتتى.مەن دوختۇرنىڭ دېگىنى بويىچە ئۇنىڭ ئۆيىدىكىلىرىگە خەۋەر قېلىۋىتىپ،توساتتىن كۆزۈم خالئايغا تىكىلدى...
ئۇ كۆز ئالدىمدا ئاق داكىغا ئورالغان ھەيكەلدەك ئۈن-تىنسىز ياتاتتى يان تەرىپىمدە بولسا،خالئاينىڭ ئاتا-ئانىسى ئۆكسىۋاتاتتى. قاچانمۇ ھۇشۇڭغا كېلەرسەن خالئاي،ھايات قالساڭلا مەيلىغۇ...
دوختۇرخانا كارىدورىدا ئۇياقتىن –بۇياققا مېڭىۋاتاتتىم،تۇيۇقسىز قىيا-چىيا بىلەن خىيالىم بۆلۈندى:
__ ئوغلۇم، ھاياتمۇسەن؟! نەدىسەن ئوغلۇم ؟! دوختۇر، مېنىڭ ئوغلۇم قەيەردە ؟!
يىغا ئارىلاش چىقىۋاتقان بۇ ئېچىنىشلىق ئاۋاز ئەتراپتىكى ھەر قانداق بىر كىشىنى ئۆزىگە قارىتاتتى. مەن خالئاينىڭ تىنچ مۇھىتقا مۇھتاجلىقىنى كۆزدە تۇتۇپ دەرھال «ئوغلۇم» دەپ، ھۆڭرەپ ،ھەر تەرەپكە چېپىۋاتقان ئانىنىڭ ئالدىغا باردىم:
__ ھەدە ،ئۆزىڭىزنى بېسىۋىلىڭ ! ئوغلىڭىزنى مەن تېپىشىپ بېرەي ،ئوغلىڭىز كىمۇ ؟!
__ ئۇ قاتناش ھادىسىسىگە ئۇچراپتۇ. پەرھات،جېنىم پارەم سەن نەدە ...ھۈ...ھۈ...ھۈ...
ئېسىمگە بىردىنلا خالئاي بىلەن بىرگە دوختۇرخانىغا ئېلىپ كېلىنگەن ھېلىقى يىگىت كەلدى.
__ ھە، ئوغلىڭىزنىڭ ئىسمى پەرھاتمۇ ؟ ئوغلىڭىزنىڭ قەيەردىلىكىنى مەن بىلىمەن ھەدە. ئۇ مانا ماۋۇ ياتاقتا .بىراق كىرىشكە بولمايدىكەن،دوختۇر شۇنداق ئىيتتى.
ئۈستى-بېشىنى بىر قەۋەت قار قاپلىغان ئوتتۇرا ياش چاممىسىدىكى بۇ ئانىغا كۆرسەتكۈچ بارمىقىم بىلەن ياتاقنى كۆرسىتىپ قويدۇم.
__ بۇ بىزگە نېمە كەلگۈلۈك ئەمدى،ھۈ...ھۈ...ھۈ...
__ ئارتۇق قايغۇرمىسىلا ھەدە ،ئاللاھدىن ئوغۇللىرىنىڭ ئامان-ئېسەن ساقىيىشىنى تىلىسىلە. ئەمدى ئارتۇق يىغلىمىسىلا،ياتاقتىكى بۇ ئىككى قېرىندىشىمىز ئوخشاش قاتناش ھادىسىسىگە ئۇچرىغان،ئەھۋالى خەتەرلىك.ئۇلار تىنىچ مۇھىتقا مۇھتاج.بۇ دوختۇرنىڭ تەلەپى شۇنداقلا، بىزنىڭ ئارزۇيىمىز.
ئۇھ ، شاۋقۇنمۇ بېسىقتى. مەسئۇل دوختۇر يېرىم سائەتتە بىر كىرىپ ئۇلارنى ئومۇمىي جەھەتتىن تەپسىلىي كۆزىتىپ تۇراتتى.سىستېرالار بىرىنىڭ كەينىدىن بىرى كىرىپ ئاسما ئوكۇل ئالماشتۇرۇپ تۇراتتى. كۈن ئۆتتى، خالئايدىمۇ ،پەرھاتتىمۇ ھېچ ئۆزگىرىش يوق.ھەپتە ئۆتتى، يەنىلا جىمجىت.ئىككى ھەپتە ئۆتتى،يەنىلا ھۇشسىز.ئۈچ ھەپتە...تۆت ھەپتە ...يەنىلا ئۈمىد يوق.ساق 35 كۈندە خالئاي كۆزىنى ئاچتى :
__ بۇ قەيەر ،__ دېدى خالئاي تولىمۇ پەس ئاۋازدا.
__ دوختۇرخانا قىزىم.
__ مېنى قىزىم دەۋاتامسىز ؟ سىز...؟!
__ قىزىم، بۇ...بۇ...مەن ئاپىڭىزغۇ ؟
__ خالئاي،مېنى تونىيالىدىڭىزمۇ ؟مەن ئەكبەر !
ئۇ ھېچقايسىمىزنى تونىيالمىدى.
__سەۋر قېلىڭلار،بۇ مۇنداق ئىش،__ دېدى قاياقتىندۇر دوختۇر پەيدا بولۇپ،__ قىزچاق خاتىرىسىنى يوقىتىپتۇ،بۇنىڭغا بىزدىمۇ ئامال يوق. بۇ ماشىنىغا ئېغىر دەرىجىاە سوقۇلغانلىق سەۋەبىدىن كېلىپ چىققان تاسادىپى ھادىسە.
__ ئۇنداقتا ،قىزىمنىڭ خاتىرىسى ئەمدى كەلمەسما دوختۇر؟! __ دېدى دوختۇرنىڭ گېپىگە ھەيران بولغان ئانا.
__ كۆپ ئەندىشىدە بولماڭ.بۇ خىل ئەھۋالدىكى كىشىلەرنىڭ خاتىرىسى بىر مەزگىل ئۆتكەندىن كېيىن ئەسلىگە كەلگەنلەرمۇ بار.ئادەتتە ،ئەسلىگە كېلىش نىسبىتى % 0.2 بولىدۇ.
بىچارە ئانا ھۇشىدىن كەتكىلى تاسلا قالدى...
ئاھ،خۇدا ...خالئاي بىلەن بولغان سۆيگۈ مەنزىلىمىز مۇشۇنىڭ بىلەن ئاخىرلىشىپتۇدە.ھەي، خالئايدىن ۋاز كەچسەم بولغۇدەك.دوختۇرخاندىن ھازىرلا يوقىلاي...ياق،ياق خالئاي خاتىرىسىنى يوقاتقانلىقى ئۈچۈنلا ئۇنىڭدىن ۋاز كەچسەم،ئوغۇل بالىنىڭ ئىشى بولماي قالغۇدەك. سەن ئاجىز ئەمەس ئەكبەر .چوقۇم ئۇنىڭ خاتىرىسىنىڭ ئەسلىگە كېلىشىگە ياردەم قىل ! ئۇنىڭ سەندىن باشقا يېقىنراق دوستى يوق.يەنە كېلىپ ،سەن ئۇنىڭ بىلەن بىر يۇرت،بىر مەھەللىدىن تۇرساڭ ! مەن شۇلارنى ئويلاپ خالئايغا بارلىقىمنى ئاتاش نىيىتىگە كەلدىم.
مەكتەپتىن چۈشلۈك دەمئېلىشقا قويۇپ بېرىشىگىلا ،ئارلىقنى يېراق دېمەي خالئاينى يوقلاپ دوختۇرخانىغا كېلەتتىم.چۈشتىن كېيىنلىك دەرس باشلانغىلى 20 مىنۇت قالغاندا،كوچا ئاپتۇبۇس يولدا توسۇلۇپ قالىدۇ دەپ، تەنھەرىكەتچىلەردەك يۈگۈرۈپ ئاران سىنىپقا ئۈلگۈرەتتىم.كەچتە دەرستىن چۈشۈپلا،يەنە دوختۇرخانىغا قايتىپ كېلىپ،كىتاب كۆرگەچ خالئايغا ھەمراھ بولاتتىم.كېچىچە خالئاينىڭ خاتىرىسى قاچانمۇ ئەسلىگە كېلەر دېگەن بىرلا ئوي بىلەن ،كىرپىك قاقمايتىىم.قاق سەھەردە يەنە مەكتىپىمگە يۈگۈرگەن پېتى چاپاتتىم.دەرس ۋاقتىدىمۇ ئەس-يادىم خالئايدىلا ئىدى.
ئارىدىن ئىككى ئاي ئۆتۈپ كەتتى. خالئاي تېخىچە كېسەل كارۋىتىدا بولۇپ،مىدىرلىمايتتى.بىراق ئەھۋالى بۇرۇنقىغا قارىغاندا خېلىلا ياخشىلىنىپ قالغانىدى.گەرچە ئۇ ھېچقايسىمىزنى ئەسكە ئالالمىسىمۇ ،ئىسمىمىزنى،چىرايىمىزنى يېڭىدىن ئىسىدە تۇتىۋالغانىدى.ئەپسۇسلىنارلىقى شۇكى،خالئاي بىلەن يانداش ياتقان ھېلىقى پەرھات ئىسىملىك يىگىت تېخىچە ھۇشسىز ئىدى.بۇ ئۈمىدسىزلىكتىن ئۇنىڭ ئۆيدىكىلىرى ئالاقىزادە بولۇپ،كېسەلخانا ئىچىدە يىغا-زار بېسىقمىدى.مەسئۇل دوختۇرمۇ ھەر قېتىم تەكشۈرگىلى كىرگەندە،بېشىنى چايقاپ ئۈمىدسىزلىك بىلەن چىقىپ كېتەتتى. مانا ،مەسئۇل دوختۇر يەنە كىردى. ئۇ ئاۋۋال خالئايغا تەبەسسۈم قېلىپ ،بالدۇرراق ساقىيىشىنى بىرىنچى قېلىپ ئاللاھقا،ئاندىن يېنىدىكى سىستېرالارغا تاپشۇردى. كېيىن پەرھاتنىڭ بەدەن ئەھۋالىنى قايتا بىر تەكشۈرۈپ چىقتى.بىمارنىڭ كۆزىنى ئاستا ئېچىپ ئىچىگە نۇر تۇتۇپ قان بىسىمىنى تەكشۈرۈپ ،تىرناقلىرىغا قاراپ ،ئورنىتىلغان ئىكراندىن دولقۇنسىمان ئۆزگىرىشلەرگە نەزەر سېلىپ باقتى. دوختۇر بالىنىڭ قولىنى چىڭ تۇتۇپ تۇرغان سەكپارە ئانىغا قاراپ،پەس ئاۋازدا كىشىنى چۆچىتىدىغان ئېھتىماللىقتىن بىرنى ئىيتتى :
__ ئوغلىڭىزنى يەنە ئۈچ كېچە-كۈندۈز كۆزىتىمىز .ئۇنىڭغىچە ھۇشىغا كېلەلمىسە ،ئىددىيە جەھەتتىن تەييارلىق كۆرۈپ قويۇڭ. يەنىلا ئۈمىدۋار بولۇڭ.ئاللاھ بەندىلىرىگە ناھايىتى مېھرىباندۇر،شەپقەت قىلغۇچىدۇر...!
دوختۇر چىقىپ كەتتى.ئانا ۋىجىك قوللىرى بىلەن يۈزىنى توسۇپ بۇق-بۇق يىغلايتتى. باشقىلار بۇ ئېغىر دەردمەنگە تەسەللىي بېرىشتى.مېنىڭمۇ كۆزلىرىم ھېسداشلىق شەبنەملىرى بىلەن نەملەندى.خالئاي خاتىرىسىنى يوقاتقان يەردە،پەرھات قانداق ھالەتتە ھۇشىغا كېلەر ئەمدى. ناۋادا...ناۋادا پەرھات ھۇشىغا كېلەلمىسىچۇ ؟ ھاي...ھاي...شەيتىنىم،كۆڭلۈمنى چۈشكۈن خىياللارغا باشلىما .مېنىڭ ھەسرىتىممۇ ئۆزۈمگە يېتەر.
قىرغاقتا دۈم يېتىپ يىغلايدۇ تەمبۇر،
يۆلەيدۇ داپ ئاڭا تەسەللىي بېرىپ.
دولقۇنلار ئۈمىد بوپ چېكىپ تارىنى،
لاي چۈشكۈن قاينامغا كېتىدۇ كىرىپ.
قاراڭغۇ ئۆڭكۈرگە قامالغان كېيىك،
تاشتاغنى تالقانلاپ كەلدى قىرغاققا.
تىيتانىك پاراخوت ئېلىپ كېيىكنى،
قايتا رەت سوقۇلدى يەنە مۇزتاغقا.
كۈۋەجەر قاينامدا غېرب لىرىكا،
ۋىسالنى لەھەڭلەر يۇتقاندۇ قايان؟
زارىقىپ بۇلۇتلار يىغلايدۇ يۇم-يۇم،
بىلمەيسىز،ھاياتنىڭ قاينىمى يامان !
غەيرات قىل پەرھات،ئاللاھ خالىسا ،سېنىڭ يەيدىغان رىزىقىڭ، ياشايدىغان ئۆمرۈڭ،كۆرىدىغان بەختىڭ بار. بەرداشلىق بەرگىن ،دوستۇڭ ئەكبەر تاكى ھۇشۇڭغا كەلگۈچە ساڭا ھەمراھ !
مەن مۇشۇ ئويلار بىلەن سىنىپ مەسئۇلىمغا تېلېفۇن قېلىپ ،ئۈچ كۈنلۈك رۇخسەت سورىدىم.زېھنىمنى خالئايغا قارىغاندا ،پەرھاتقا بەكرەك قاراتتىم. شۇ كۈنى كېچىدە پەرھاتنىڭ ئەھۋالىدا ئېگىز-پەسلىك بولدى.دوختۇر بۇ ئەھۋالنى كۆرۈپ:« بىمار ھازىر ئەزرائىلنىڭ ئالقىنىدا يۇلقىنىۋاتىدۇ.ھەممىڭلار قەلبىڭلاردىن ئېتىقادىڭلار ئارقىلىق ئۇنىڭغا روھى قۇۋۋەت بېرىڭلار .بۇ يىگىتنىڭ بىر بولسا،ئەمدى كۆزى ئېچىلىدۇ.بىر بولسا...»دەپ گەپنىڭ ئاخىرىنى چۈشۈرمەيلا چىقىپ كەتتى.
دوختۇرنىڭ گېپىدىن ئېغىر تەشۋىشكە مۇپتىلا بولۇپ، ئۇ دۇنيا بوسۇغىسىدىن بۇ دۇنيا تەرەپكە ئۆمىلەپ،يىقىلىپ،ھاسىراپ كېلىۋاتقان بۇ ئاجىز ئىنساننى چۆرىدەپ ئولتۇرۇپ،ئىچىمىزدە فاتىھە قىلىشماقتا ئىدۇق.
ۋاقىت ئۆتمەكتە .پەرھاتتىن ھېچبىر سادا يوق. ھەي، پەرھات،تاڭ ئاتقۇچە چۆرىدەپ تۈنەپ چىقتۇق. خۇداغا كۆپ سېغىندۇق.مۆجىزە كۆرىلىپ قالارمىكىن دە، يۈز بېرىشى تۆۋەن بولغان ئۈمىدنى ئارزۇلاپ كۈتتۇق.بۈگۈن ئۇرۇق-تۇققانلىرىڭنىڭ ھەممىسى دېگۈدەك سېنى يوقلاپ كەلدى.ياق، بەلكىم سېنى چىرايلىق ئۇزىتىپ قويغىلى كەلدى.جانجىگەر قېرىنداشلىرىڭ ،بىر نەۋرە ئاكا-سېڭىللىرىڭمۇ سەندىن كۆزىنى ئۈزمەي يىغلامسىراپ تۇرماقتا...!
__ئەسسالامۇ ئەلەيكۇم،قانداق ئەھۋالىڭلار؟!
مانا،مۇئەللىمىڭ ساۋاقداشلىرىڭنى ئەگشتۇرۇپ سىنى يوقلاپ كەپتۇ.ھەممىنىڭ كۆكزى سەندە.گەرخالىسا مۇشۇيەردە تۇرغانلارنىڭ
قېنى سەندە پەرھات.كۆزۈڭنى ئاچساڭچۇ ئەركەك؟!بارمىغىڭنى مىدىرلاتساڭچۇ؟!ئاللاھ ،پەرھاتقا جان بەرسەڭچۇ ؟!
پەرھاتتا يېنىك تېنىقتىن باشقا ھېچ تېۋىش يوق ئىدى.ئۇنىڭغا ئېيتىدىغان گەپلىرىممۇ تۈگىدى.تىلەكلىرىممۇ ئاخىرلاشتى.ئۈمىدىم ھەقىقەت ئالدىدا باش ئەگكەندەك قىلاتتى. لېۋىمنى مىدىرلىتىشقىمۇ ھېچ جۈرئەت يوق. پۈتۈن بەدىنىم لەسسىدە بوشىدى.قانداقلا بولسۇن، پەرھاتنى بىر يوقلىۋېلىش ئىستىكىدە كەلگەن قېرىنداشلىرىمىز قوللىرىنى ئېگىز كۆتۈرۈپ «دۇئا» قېلىشقاندىن كېيىن ئېغىر قەدەملەر بىلەن قايتىشتى.
كەچمۇ كىردى. مەن پەرھاتنىڭ يېنىدىن كېسەلخانا بالكونىدا ئايسىز ئاسمانغا قاراپ «ھاياتلىق» ئۈستىدە دىلىم بىلەن پىچىرلىشىۋاتىمەن.
ئادەم سەھنىدە چىمپىيون لوڭقىسىنى بېشىدىن ئېگىز كۆتۈرگىنىدە، ئۆزىنى ئىنتايىن كۈچلۈك ھېس قىلغان بىلەن، كېسەل كارۋىتىدا ھۇشسىز ياتقىنىدا ،ئۆزىنى نەقەدەر ئاجىز ھېس قىلىدۇ-ھە ؟! «شۇنداق بىر كۈنلەر كېلىدۇكى، ئەڭ يېقىن كىشىلىرىڭمۇ ياردەم قولىنى سۇنالماي قالىدىغان.بۇ ۋاقىتتا ياراتقۇچۇڭغا تەلمۈرگىن ! بۇ بىردىنبىر چىقىش يولۇڭدۇر.» بۇ ھېكمەتنى قايسى كىم ھەدىيە قىلغان بولغىيتتى ؟ مەن ئەمدى ھودۇقمايمەن. پەرھاتنىڭ ھايات-ماماتىدىن ئارتۇقچە ئەنسىرمەيمەن.ھەممىنى بىر ئاللاھقا تاپشۇراي. كۆزۈمنى يۇمۇپ تۇرۇپ،كاللامدىكى ھەرقانداق بىر خىيالنى ۋاقىتلىق يۇيۇپ چىقىرۋەتتىم.ھازىر چۈش سەيلىسى قىلىۋاتىمەن.يەنە كېلىپ خالئاي بىلەن .ۋاھ، ئاسماندىن قار ئەمەس،مۇھەببەت ئۇچقۇنى يېغىۋاتىدۇ. خالئاي بىلەن تۇپراقتا ئەمەس، بوشلۇقتا ئەركىن ئۇچۇپ كېتىپ بارىمىز. گاھ،چۈچۈك خىياللىرىمىز بىلەن سەبىيلىكىمىزگە قايتساق، گاھ، ناغرغ-سۇنايلار ياڭراپ ،قۇتلۇق توي مارىكىمىز بولىۋاتىدۇ. كۈندۈزىدىمۇ ئاسماندا يۇلرۇزلار يال-يال چاقناپ تۇرغۇدەك.مەن قولۇمنى ئۇزىتىپ تۇرۇپ،ئالاھىدە كۆزگە چىلىقىپ تۇرىدىغان بىر جۈپ رەڭلىك يۇلتۇزنى :«قارا خالئاي،پادىچى يىگىت بىلەن توقۇمىچى قىز ئاخىرى ۋىسالىغا يېتىپتۇ»دېدىم. بۇ نېمىدىگەن رومانتىك چۈش سەيلىسى-ھە ؟! خالئاي ئىككىمىزگە نىكاھ ئوقۇلۇپ، «قوبۇل قىلدىم» دېگەن يېرىگە كەلگەندە،«جېنىم ئوغلۇم، ئاخىرى ھۇشىڭغا كەلدىڭ »دېگەن ئاۋاز بىلەن تەڭ بالكوندىكى ھالىتىمدە ئۆزۈمگە قايتتىم.قاياقتىندۇر دوختۇر پەيدا بولۇپ،« بۇ بىر مۆجىزە ،بۇ راستىنلا بىر مۆجىزە،ئىھ ئاللاھ ،سەن ھەممىگە قادىرسەن »دەپ، گىرادۇسلۇق كۆزەينىكىنىڭ ئارىسىدىكى ياشلىرىنى چاندۇرماي سۈرتىۋەتكنىچە چىقىپ كەتتى. 70 نەچچە كۈندىن بۇيان ئاسما ئوكۇل ئېسىپ ئۈلگۈرمەي، ئۈمىدىنى ئۈزۈشكەن سىستېرا قىزچاقلارنىڭ چىرايىغا تەبەسسۈم يۈگۈرۈپ پايپىتەك بولۇپ كېتىشتى.جاپاكەش ئانىمۇ بىردىنلا روھى قۇۋۋەتكە تولۇپ،تەرەپ-تەرەپكە بۇ خۇشخەۋەرنى يەتكۈزۈپ ئۈلگۈردى. پەرھاتقا قاراپ ئللىق كۈلۈمسىرىدىم. ئۇ كارۋاتنى چۆرىدەپ تۇرغان ھەممەيلەنگە كۆزىنى يوغان ئېچىپ ئوبدان بىر قارىۋەتكەندىن كېيىن، كۆزىنى يۇمدى.
__ دوختۇر! دوختۇر !! ئوغلۇم ئۇ...ئۇ...
دوختۇر پەرھاتنى تەكشۈرۈپ كۆرگەندىن كېيىن ،ھۇشىدىن كېتەي دەپ قالغان ئانىغا قاراپ:
__ يىگىت ھۇشىدىن كېتىپتۇ. سەل تۇرۇپ ئېسىگە كېلىدۇ. بىراق ئېسىڭىزدە بولسۇن،ئۇ دوختۇرخانىدىن چىققاندىن كېيىنمۇ تۇرۇپ-تۇرۇپ ھۇشىدىن كېتىشى مومكىن. شۇڭا ئۇنى يالغۇز قويماڭ،ئاچچىقلىماڭ ھەم ئۆزىمۇ ئارتۇقچە چېچىلىپ ياكى ھاياجانلىنىدىغان ئىشلارنى قىلمىسۇن.ھە راست، يەنە بىر مۇھىم گەپنى ئۇنتۇپ قاپتىمەن. ئوغلىڭىز بۇ كارۋاتتىكى قىزغا ئوخشاش خاتىرىسىنى يوقاتتى. بۇ ئېغىر قاتناش ھادىسىسىگە ئۇچرىغانلاردا كۆرىلىدىغان ئومومىي ئەھۋال. بىز بۇ ئىككىسىنى ئۆز پەرزەنتىمىزدەك كۆرۈپ،ئەڭ ياخشى دورا-ئوكۇللارنى ئىشلىتىپ،يۇقىرى تېخنىكىلىق داۋالاش ئۇسۇلىمىز بىلەن ئەڭ ياخشى دەرىجىدە ساقىيىپ كېتىشكە تېرىشچانلىق كۆرسىتىمىز.ھازىر بۇ ئىككىسىگە ئەڭ مۇھىم بولىۋاتقىنى ،تىنىچ مۇھىت.شۇڭا ئۇنداق-مۇنداق خىياللاردا بولماڭلار. بۇ ئىشتا ئاللاھقا ئىشىنىشىڭلارنى ئۈمىد قىلىمەن ،__ دېدى-دە، يۈرەك رىتىمىنى تەكشۈرىدىغان ئەسۋابىنى يىغىشتۇرۇپ چىقىپ كەتتى.
ئارىنى سۈكۈت قاپلىدى.
__ ئانا ، سۇ ...!
بۇ سۈكۈتنى خالئاي بۇزىۋەتتى. ئارقىدىنلار پەرھات ھۇشىغا كەلدى. ئۇ پەس ئاۋازدا بىرلا سۆزنى تەكرارلايتتى. پەرھاتمۇ «سۇ» دەۋاتامدۇ نېمە ؟ توۋا، ھەر ئىككىلىسىنىڭ ئوخشاش بىر ۋاقىتتا سۇغا تەشنا بولغىنى قىزىق.
خالئايغا تەييارلانغان بىر ئىستىكان سۇدىن پەرھاتمۇ ئورتاق بەھرىمەن بولدى. بۇ ئىككىسىنىڭ ماشىنىغا سوقۇلىشىدا ئۆز-ئارا باغلىنىشلىق مۇناسىۋەتنىڭ بولىشى مومكىنمۇ قانداق؟ ئۇ كۈنى خالئاي ئۆزىنىڭ بىرەر جىددى ئىشى بىەن يولنى كېسىپ ئۆتۈش جەريانىدا ماشىنىغا سوقۇلۇپ كەتتىمۇ ياكى...ياكى پەرھاتنىڭ قېشىغا يۈگۈرۈپ كېتىۋىتىپ ماشىنىغا سوقۇلۇپ كەتتىمۇ ؟ بولدىلا، ئارتۇق گۇماندا بولماي. ھازىر مېنىڭ قىلىدىغان ئىشىم ،خالئاينىڭ خاتىرىسىنىڭ تىزىراق ئەسلىگە كېلىشىگە ياردەم قىلىش.
ناۋادا ئۇنىڭ خاتىرىسى ئەسلىگە كەلمىسە قانداقمۇ قېلارمەن ؟! ھەي...
كۈنلەرنىڭ ئۆتىشى بىلەن سەۋر قىلغانغا تۇشلۇق خالئاينىڭ كېسەللىك ئەھۋالى ياخشىلىنىشقا باشلىدى. تاماقتىن پەرھىز تۇتمىسىمۇ بولاتتى. يەنە كېلىپ، ئۆزى قوشۇق تۇتۇپ يېيەلەيدىغان بولغانىدى. مەن ھەر قانداق بىر پۇرسەتتە ئۇنىڭغا ئۆزۈمنى تۇنۇشتۇرۇشقا تېرىشتىم.
__ قىزچاق ، ئىسمىڭىز نېمۇ ؟!
__ ئۆيدىكىلەرنىڭ دەپ بېرىشىچە، ئىسمىم خالئايكەن.ھە راست ، سىزنىڭ ئىسمىڭىزچۇ ؟!
__ ئىسمىم ئەكبەر. سىز بىلەن ئۆيۈم بىر يۇرت،بىر مەھەللىدە،ئۇنىڭ ئۈستىگە ئىككىمىز كىچىكىمىزدىن تارتىپ بىرگە ئويناپ چوڭ بولغان. ئوبدانراق ئەسلەپ بېقىڭە،مېنى راستىنلا تونىيالمىدىڭىزما ؟!
__ ئىككىمىز بىرگە ئويناپ چوڭ بولغانما ؟! نېمە دېگەن ياخشى. ئۆزۈمنى دۇنيادا يالغۇز قالدىم دەپ ئويلاپتىكەنمەن،مېنىڭمۇ دوستۇم بار ئىكەن ئەمەسمۇ ؟ بەك خۇش بولدۇم ئەكبەر، بىراق كاللامدا سىز توغۇرلۇق بىرمۇ ئۇچۇر يوق.
خالئاينىڭ خاتىرىسىنى ئەسلىگە كەلتۈرۈش ئۇنچىۋالا ئوڭاي ئاەمەسكەن.راستىنلا ئۈمىدسىزلەندىم. ئەمما، چاندۇرۇپ قويسام بولمايتتى.
__ ياقەي، ھېچقىسى يوق.بارا-بارا ياخشى بولۇپ كېتىشىڭىزگە ئىشىنىمەن. ھە راست، سىز بۇ ئىشقا يولۇقۇشتىن بۇرۇن نېمىش قىلاتتىڭىز؟
__ بىلمەيمەن.
__ دەپ بېرەيمۇ ؟!
__ بىلسىڭىز دەپ بېرىڭىە، بەكلا بىلگۈم بار.
__ سىز بۇ ئىشلارغا يولۇقۇشتىن بۇرۇن ئالىي مەكتەپتە ئوقۇيتتىڭىز.
__ ئالىي مەكتەپ دېگەن قانداق جاي ؟!
__ ئالىي مەكتەپ دېگىنىم قاراڭ، دەۋرنىڭ ئىلغار ياشلىرى بىلىم ئالىدىغان ،كەلگۈسىگە ئۇل سالىدىغان جەمىيەت بوسۇغىسى.
__ گېپىڭىزنى تېخىمۇ چۈشىنەلمىدىم. بولۇپمۇ «جەمىيەت بوسۇغىسى» دېگەن گېپىڭىز غەلىتە ئاڭلىنىۋاتىدۇ...
__ جەمىيەت بوسۇغىسى ، ئۇ ۋاي ھازىرچە چۈشەندۈرمەي بولدى. تېخىمۇ مۇرەككەپلىشىپ كەتكۈدەك .سىزگە ۋاقىت چىقىرىپ ئاددى ئىشلاردىن باشلاپ چۈشەندۈرۈپ قوياي.
__ بۇ ھالەتتە ساقىيىشىمنى بىلگەن بولسام، ئەينى چاغدا ماشىنىغا قاتتىقراق سوقۇلۇپ...
__ھاي جۇمۇ__ئۇنىڭ ئېغىزىدىن گەپنى تارتىۋالدىم،__نىمانداق گەپقىلىسىز خالئاي.سىزنىڭ مۇشۇنچىلىك ساقىيالىغىنىڭىزنىڭ ئۆزىمۇئائىلىڭىزگە چوڭ بەخىت.ناۋادا سىز كېتىپ قالغان بولسىڭىز، ئاتا-ئانىڭىزمۇ كەينىڭىزدىن ئەگخشىپ كېتىپ قالاتتى.بەلكىم مەنەمۇ كېتىپ قالاتتىم خالئاي.
سىز ؟! سىز نېمە دەپ كېتىپ قالىسىز ؟!
__ ئەلۋەتتە سىزنى دەپ كېتىپ قالىمەندە.
__ نېمىشقا ئەمدى ؟ ئىككىمىز كىچىكىمىزدىن بىرگە ئويناپ چوڭ بولغانلىقىمىز ئۈچۈنلا مەن بىلەن كېتىپ قالامسز ؟
__ ياق، تۈپ سەۋەبى ،سىز ھادىسىگە يولۇقۇشتىن بۇرۇن ئىككىمىز...ئىككىمىز...
ھەقىقىي ئەھۋالنى ئاشكارىلاي دەپ تۇرىشىمغا ،سىرتتىن «قىزىم ،تاماق ئەكىردىم» دەپ كىرىپ كەلگەن خالئاينىڭ ئانىسى پارىڭىمىزنى ئۈزۈپ قويدى. دائىن نېگىزلىك يېرىگە كەلگەندە تەلىيىم كاج زادى مېنىڭ. يەنىلا سەۋر قىل ئەكبەر. ئۆلمىگەن جاندا ئۈمىد بار دەپتىكەن.كۈنلەر ئۇزاققۇ تېخى. خەير...!
| 
نامسىز يوللىغان ۋاقتى 2013-5-8 18:01:47
يوللىغان ۋاقتى 2013-7-30 10:28:25
