بىزەڭلەر
ئازادجان ئىبراھىم
قاتتىق ئېيتىپ كەلمە دەپ زەربە بېرىپ تۇرساڭمۇ ، كالتەك ئېلىپ قولۇڭغا پايخىنىغا ئۇرساڭمۇ، يوقال كەت دەپ ھەركۈنى ئۆيلىرىگە سۈرسەڭمۇ، ئىشىكىڭدىن ھەركۈنى كەتمەيدىكەن بىزەڭلەر.
گەپ ئاڭلىماي ھەردائىم ئىشقا تەسىر يەتكۈزۈپ، ھەرقەدەمدە سەۋەنلىك جىنايەتلەر ئۆتكىزىپ، ئۆزى كەتمەي قاتاردىن ياخشىلارنى كەتكۈزۈپ، كىشىلەرنىڭ ھالىغا يەتمەيدىكەن بىزەڭلەر.
ئۆز ئىشىنى ھەرقاچان ئۆزى تېپىپ قىلماستىن ، زىددىيەتنى ۋاقتىدا ھەل قىلىشنى بىلمەستىن، زىممىسىگە يۈكلەنگەن ئىشنى قىلاي دېمەستىن، ھەممە ئىشنى ئۆزۈڭگە يۈكلەيدىكەن بىزەڭلەر.
جاپاتارتىپ تەر تۆكۈپ ئۆي ئىمارەت سالغاندەك، بەيگىلەردە غەلبىنى ئۆزى يالغۇز ئالغاندەك، ئېغىر ئەمگەك دەستىدىن بىتاپ بولۇپ قالغاندەك، پۇت،قولۇمنى،ئۇچامنى تۇت دەيدىكەن بىزەڭلەر.
ھەممە ئادەم زېرىكىپ بىزار بولۇپ قاچقاندا، كۆپچىلىكتىن ئايرىلىپ خىياللارغا پاتقاندا، چۈشكە تاپسا كەچكە يوق قارنى يەنە ئاچقاندا، ئۆزگىلەرگە مىھمان قىل كۈت دەيدىكەن بىزەڭلەر
يېتىۋالسام ئۆيۈمدە ئېشىم تەييار بولسا دەپ، مىھنەت قىلماي ،تەر تۆكمەي بەخىت قۇشى قونسا دەپ، پۇل تاپقانلار يۆلىسە داستىخىنىم تولسا دەپ، ئىش قىلىشنى ئۆزىگە يۈك دەيدىكەن بىزەڭلەر
تۇراغۇم يوق ئۆيۈڭدە بىرنەچچە كۈن قوناي دەپ، باشقا يەرنىڭ ئېپى يوق مۇشۇ يەردە تۇراي دەپ، كېرەكلىكنى ئۆزۈمگە يەنە سەندىن سوراي دەپ، كىرىۋالسا ئۆيۈڭگە چىقمايدىكەن بىزەڭلەر.
2016-يىلى 1-ئاينىڭ 26-كۈنى كۈنەس | 
يوللىغان ۋاقتى 2016-3-8 10:54:28