پۇل ھەققىدە كوچا پاراڭلىرى
ھالال ئەمگەك بىلەن تاپقان پۇل - سېنى بەختلىك ھەم خاتىرجەم قىلىدۇ.
مۇكاپاتلىنىپ ئېرىشكەن پۇل - سېنى تېخىمۇ ئىشچان قىلىۋېتىدۇ.
كۈندە تاپقان پۇل - سېنى تىرىشچان ھەم ئىختىسادچان قىلىۋېتىدۇ.
ھارامدىن تاپقان پۇل - سېنى كېچە - كۈندۈز بىئارام قىلىۋېتىدۇ.
ئوغرىلاپ تاپقان پۇل - يۈرىكىڭنى پوكۇلدىتىۋېتىدۇ.
ئالدامچىلىق قىلىپ تاپقان پۇل - ۋىجدانىڭنى ئۆزگەرتىۋېتىدۇ.
قىمار ئويناپ تاپقان پۇل - سېنى ئاچكۆز قىلىۋېتىدۇ.
خىيانەت قىلىپ تاپقان پۇل - روھىڭنى چىرتىۋېتىدۇ.
خەقنىڭ پۇلىنى ئالساڭ - قايتۇرماق تەس كېلىدۇ.
باشقىلارنىڭ تەبرىك پۇلىنى ئالساڭ - ھەسسىلەپ قايتۇرۇشقا توغرا كېلىدۇ.
مەنبە: ئاڭلىغانلىرىمدىن ئىلىم ھەققىدە چۈشەنچىلىرىم
ئېلىم بۇ ئالەمدىكى بىرىنچى تۈگمەس قۇۋۋەت مەنبەسى، ئىنسانلارنىڭ ئەقلى مۇشۇ قۇۋۋەت مەنبەسىگە ئۇلانغاندىن كېيىنلا ئۇلارنىڭ ئەقىل چىرىغى يورىغان.
ئىنسان، باشقا بارلىق جانلىقلاردىن ئەقىل جەھەتتىنلا پەرقلىنىپ تۇرىدۇ، دېمەك ئىنساننى ئەقىل ئىگىسى قىلغان نەرسە ئىلىمدۇر.
ئىلىم ئېلىش، ئۆگەتكۈچى ئۇستاز بىلەن ئۆگەنگۈچى شاگىرت ئوتتۇرىسىدىكى ئەقلىي پائالىيەتتۇر، ئۆگىتىش بىلەن ئۆگىنىش ئارقىلىق بىلىم شەكىللىنىدۇ. دېمەك ئۆگەنگەندىلا مۇۋەپپەقىيەت بارلىققا كېلىدۇ.
ئادەم ئۆمرى چەكلىكتۇر، بىلىم ئېلىش چەكسىزدۇر، چەكلىك ئۆمۈردە چەكسىز مۇۋەپپەقىيەت قازانغۇچىلار بىلىمى ئارقىلىقلا نامايان قىلغۇچىلاردۇر.
مەنبە: ئىجادىيىتىم بۇ يازمىنى ئاخىرىدا نەسىمى تەھرىرلىگەن. ۋاقتى 2012-9-13 11:56 
يوللىغان ۋاقتى 2012-9-12 18:01:32
