- تىزىملاتقان
- 2014-12-23
- ئاخىرقى قېتىم
- 2015-4-15
- ھوقۇقى
- 30
- جۇغلانما
- 260
- نادىر
- 0
- يازما
- 45
 
- تۆھپە
- 108
- مۇنبەر پۇلى
- 166
- ئىشەنىچ
- 108
| يامغۇر
گۈلمېھرە
ئاھ ، يامغۇر ! تەڭرى سېنى شۇنچە بەرىكەتلىك ھەم شۇنچە سېخيى ياراتقانىكەن !...
سەن شۇ سېخىيلىقىڭ بىلەن قاغجىرىغان زىمىننىڭ تەشنالىقىنى قاندۇرساڭ ، ئۆلۈم گىردابىغا بېرىپ قالغان گۈل - گىيالارغا يېڭىدىن ھاياتلىق بەخىش ئېتىسەن !
سەن شۇ بەرىكەتلىكلىكىڭ بىلەن مۇھەببەتلىك قەلىبلەرگە شىرىن سۆيگۈ ئاتا قىلىسەن . يۈرىكىدە مۇھەببەت ئوخچىغان ھەر بىر ياش سېنى ياخشى كۆرىدۇ ، سېنى كۆڭۈللەر ئەلچىسى ، تۇنجى سۆيگۈسىنىڭ شاھىدى قىلىشىدۇ .
سېنى شۇنىڭ ئۈچۈن سۆيىمەنكى ، سەن --- تۇنجى سۆيگۈمنىڭ شاھىدىسەن ، ھەربىر تامچىلىرىڭ ھەسرەت - نادامەتلىرىمگە داۋا بولىدۇ ...
مەن ھەر قېتىم ھاياتنىڭ لەززىتىدىن خۇشال كۈلگەندە ، قىسمەتلىرىدىن ئازاپلىنىپ ، تولغۇنۇپ يىغلىغاندا سېنى ئەسلەيمەن ، سېنى سېغىنىمەن ... سەن ئارقىلىق دىلرەبايىمنىڭ نۇرلۇق سىماسىغا قانالىسام ، يەنە سەن ئارقىلىق ئۇنىڭ بىلەن ئۆتكۈزگەن ھەر بىر شىرىن مىنۇتلىرىمدىن قانغۇچە يەنە بىر قېتىم ھوزۇر ئالالايمەن ...سەن ئارقىلىق گۈزەل كەلگۈسۈمنى كۆرەلەيمەن ، شۇنداقلا يەنە ئازاپلىق ھەم شىرىن كەچمىشلىرىمنى ئەسىليەلەيمەن ...
ئىھ يامغۇر ، يامغۇر !!!
سېنىڭ ئايىغىڭ تەگىكەن ھەرقانداق جاي ئاۋات ، سەن بارغان ھەر قانداق زىمىن يېشىللىق ! !
سەن بارغان ھەرقانداق بوستانلىقتا سېنىڭ سېھرىڭ تۈپەيلى ئاجايىپ يېقىملىق ، ئاجايىپ لىرىك بىر كۈي ھاسىل بولىدۇ ...
يامغۇر ، سەن شۇنچە پاكىز ، شۇنچە رەڭدار !
سەن شۇ پاكىزلىقىڭ بىلەن پۈتۈن كائىناتنى ئاجايىپ پاكىز ، ئاجايىپ رەڭدار ، ئاجايىپ يېقىملىق تۈسكە كىرگۈزىسەن .
مانا ، بۈگۈنمۇ يامغۇر ياغدى .
پاھ ، يامغۇردىن كىيىنكى مەنزىرە نىمە دىگەن گۈزەل -ھە !
ئاسمان گۈمبىزى گويا ھېقىقتىن ياسالغاندەك كۆك ۋە تىنىق . تەبىئەتچۇ ؟ دەل - دەرەخلەرنىڭ يېشىل ، بەزى سۇس يېشىل يوپۇرماقلىرى باياتىنقى يامغۇر بىلەن يۇيۇلۇپ ، كۈن نۇرىدا ياقۇتتەك تاۋلىنىپتۇ . تېخىمۇ رەڭدار ، جىلۋىدار ، جەزبىدار تۈسكە كىرگەن گۈلىستانلاردىكى رەڭمۇ رەڭ گۈللەر كىشى كۆڭلىنى مەھلىيا قىلىدۇ . ئاسمان گۈزەل ، تەبىئەت ئاندىن ...
يامغۇردى كىيىنكى سەلكىن شامالدا ئاستا سىلكىنىۋاتقان يوپۇرماقلارنىڭ شىۋىرلاشلىرى قۇشلارنىڭ شوخ نەغمىسى بىلەن قوشۇلۇپ بوستانلاردا ئاجايىپ يېقىملىق ھەم لىرىك بىر كۈي ھاسىل قىلغانئىدى ...
شۇنداق ئويلاپ كەتتىم:
كۈنلەرنىڭ بىرىدە بارچە ئىنسانلارنىڭ دىلىغا شۇنداق شىددەتلىك بىر يامغۇر يېغىپ ، چاقماق چېقىپ ، ھەممە - ھەممىمىزنىڭ دىلىدىكى ئازاپ - ھەسىرەت ، غەن - ئەندىشە ، كۆرەلمەسلىك ، ساختىپەزلىك ، ھېلىگەرلىك ، ھاياسىزلىق ، ئېتىقادسىزلىق ھەم ئاچكۆزلۈك ، رىزا ھەم ئىتتىپاقسىزلىق ئامىللىرىنى تولۇق تازلىۋەتسە ...
ھەممىمىزنىڭ دىلى يامغۇردىن كىيىنكى ئاسمان ۋە تەبىئەت گۈزەللىكىدەك گۈزەللىشىپ ، ساپلىشىپ ، پاكىزلىشىپ ، گەردى - غۇباردىن پاكلانسا ... _
ھەممە ئوتتۇرسىدا سەمىمىيلىك ، ساقەتلىك ، ۋاپادارلىق ، پاك مۇھەببەت ئەۋىج ئالسا ... :
ئاھ ... بۇنىڭىدىنمۇ چوڭ مۆجىزە بولارمىدى جاھاندا ؟؟؟ ...
2014 - يىلى قەشقەر
|
|
يوللىغان ۋاقتى 2014-12-23 12:34:27
