پەرىدە ئىسمايىل مېھرى:قونسام لېۋىڭگە

-مېھرى

قونسام لېۋىڭگە

پەرىدە ئىسمايىل مېھرى

لەپ لەپ قار ئىچىمدىن ياغىدۇ يامراپ،
گۈل بولۇپ ئېچىلار تۇيغۇمدا مۇزدەك.
ئۆگزەڭدە ئەگىيدۇ  پاناھلىق تىلەپ،
قونسام دەپ لېۋىڭگە يارىشىپ توزدەك.

مارىلاپ دەرىزەڭ بىلەن لەپىلدەپ،
يىقىلسام  تاقاقلىق ئىشىكلىرىڭگە،
كۈزەتتە تۈنلەرنى ئۆتكۈزۈپ تىمتاس،
پايانداز قىلىنسام   سەھەرلىرىڭگە.

غىچىرلاپ تىلمدا ئىزىڭ تامغىلاپ  ،
ئەگەشسەم ئىزىڭدىن مەنزىللىرىڭگە.
ھەمسەپەر يولۇڭدا چاڭقىساڭ ئەگەر،
قوندۇرساڭ ئۇچۇمللاپ تاتلىق لېۋىڭگە...

ئاپئاق تون، ئاپئاق روھ ، ئاپئاق يول بىلەن،
بويۇسام ئاق رەڭدە پۈتكۈل تۇيغۇڭنى.
چېچىلساڭ  ئۈستۈمگە ئاپئاق سۆيگۈدە،
تاپاتتىڭ ھوزۇرلۇق قىشلىق ئۇيقۇڭنى...


2014-يىلى 12-ئىيۇن (ئاتۇش)

غۇرۇر

مېھىرى  خانىم؛   تېمىڭىزغا تۇنجى ئىنكاس  يازغىنىمدىن  خۇشالمەن ، تىرشىڭ! «غەلبە ،تىرشقانلارغا مەنسۈپ»
  جاپا ،تارتسىڭىز  ھالاۋەت  كۆرسىز. ئىلھام بۇلاقلىرڭىزنىڭ كۆزى  ئېتىلمىسۇن،بەخىت سىزگە يار بولسۇن.

1989514637

:D:D

يۇلغۇن1

زورلىمىغىن قىشلىق ئۇيقۇغا ،
ئۇخلىمايمەن يېنىمدا بولساڭ.
پۇرسەت بەرگىن ، مەيلىگە قويغىن،
قوغلىۋەتمە لىۋىڭگە قونسام.

-مېھرى

يۇلغۇن1 يوللىغان ۋاقتى  2014-6-18 00:53
زورلىمىغىن قىشلىق ئۇيقۇغا ،
ئۇخلىمايمەن يېنىمدا بولس ...

لەۋىملىرىمگە قونساڭ ئەگەردە،
يۈرۈكۈمدە قارلار ياغامتى،
قىش سوغىقى تېنىمگە تاراپ،
قىشلىق ئۇيقۇ نىسىپ بولامتى؟

sertlan

دانلاپ يۇرگەن بىر قۇش ئىككەن. دىققەت قىلىڭ تۇرغاي

WOLKANI 1

مۇبارەك بولسۇن ياخشى چىقىپتۇ !ئىلھاملىرىڭىز ئۈزۈلمىگەي !

غۇرۇر

WOLKANI  1 يوللىغان ۋاقتى  2014-6-19 16:42
مۇبارەك بولسۇن ياخشى چىقىپتۇ !ئىلھاملىرىڭىز ئۈزۈلمىگە ...

                    يۇلتۇز دېسەم  شەھلا  كۆزىڭنى،
                   ھەممە يۇلتۇز تەمادا  قارار.
                   ئايغا ئوخشاتسام تولغان  يۈزۈڭنى،
                   ئاي  مەڭسىتمەي مەغرۇر  كۈلەر.
  ئىلھاملىرڭىزغا ،ئىلھام قوشۇلسۇن،  يەنمۇ  تىرشىڭ.

surayya

ھەدە ياخشى يىزىپسىز ````

سۇبھى316

لەپ-لەپ قار ئىچىرە تۇرمەن تەنھا،
ماڭىمۇ كۇلەرمۇ سۈيگۇ  مۇھابەت؟
گۇلۇم مىھرىڭ بىلەن سۈيسەڭ ناۋادا،
لىۋىڭدە خال بولۇپ قالاي تا ئەبەت.