ھاراق بىلەن پىۋىنىڭ سۆھبىتى
يۇملاق شىرە ئۈستىگە ھاراق پىۋا چىقىپتۇ ،
خەۋەر كەلمەي رومكىدىن ئىچى تازا پۇشۇپتۇ ،
دەپتۇ شۇنداق ھاراقجان،بۇرۇقتۇم بوپ سىقىلدىم ،
نىمە ئۈچۈن ۋاقىتنى بىلمەسلەرگە سېتىلدىم ،
دەپتۇ پىۋا ھاراقجان ،كەتمەڭ ئۇنداق ئالدىراپ ،
كەچ كىرگەندە چوڭ كىچىك كىلىشىدۇ ۋاقىراپ ،
ھاراق :
ئالدىرايلى پىۋاگۈل بازار دىگەن چاققاننىڭ ،
كەلمەس ئۇيقۇ تاڭغىچە بىزنى ئىچمەي ياتقاننىڭ ،
پىۋا :
نىيتىڭىز يامان ئىكەن ئېچىپ كەتكەن ھاراقجان ،
سىزنى كۆپ ئىچكەنلەرنىڭ ياتار جايى چاتاقجان ،
ھاراق :
ئۇنداق دېمەڭ پىۋاگۈل شەيتان بىزنىڭ پىرىمىز ،
ئادەملەرنى ئازدۇرۇش ئىككىمىزنىڭ سرىمىز ،
پىۋا :
مىنى ئىچسە ماختىنىپ ئىسسىقجانغا دورا دەر ،
ئىچىۋىرىپ ئاخىرى قوساق سېلىپ سەمىرەر ،
سۆزلىشىدۇ بەس- بەستە ھاراق دىگەن ھارام دەپ ،
ئەمما ئىچىپ ئەتىسى تىللار ئىكەن پۇشمان يەپ ،
ھاراق :
ھەرانىمەن پىۋاگۇل نىچۈن مىنى ئىچىدۇ ،
ئىچىپ ھەتتا مەسلىكتە جانلىرىدىن كېچىدۇ ،
پىۋا :
سەل چاغلىماڭ مىنىمۇ مەن دوستلۇقنىڭ ئەلچىسى ،
مەن چىقمىغان شىرەدە ھىساپ .ەمەس ۋەدىسى ،
ھاراق :
بولدى قىلىڭ پۋاگۈل سىرداشلارنى كۈتەيلى ،
گۇمپىمىزنى كۆرسۈتۈپ يۈزلىرىنى تۆكەيلى ،
بىرسى بېرىپ ئۇرۇشسۇن ھەتتا كاللا يېرىشسۇن ،
بىرسى ھەيدەپ موتونى پۇت-قوللىرى چېقىلسۇن ،
پىۋا :
ئەي ھاراقجان بولدى بەس ئەسكىلىكتىن يانايلى ،
شۇ ھىلىگەر شەيتاندىن بولدى قىلىپ تانايلى ،
ئەي ھاماقەت ئادەملەر مەي-پىۋىنى تاشلاڭلار ،
ئادەم بولۇپ قايتىدىن يېڭى ھايات باشلاڭلار .
مەنبە : ئۆزەم .‹‹ ئەسقەر غۇپۇر ›› شايار. | 
يوللىغان ۋاقتى 2014-6-10 19:15:10
