بۈگۈن مېنىڭ تۇغۇلغان كۈنۈم

ئازادجان ئىبراھىم

بۈگۈن مېنىڭ تۇغۇلغان كۈنۈم

ئازادجان ئىبراھىم

بۈگۈن مېنىڭ تۇغۇلغان كۈنۈم،

ئەل-جامائەت يىغىلغان كۈنۈم.

چوڭ-كىچىكنى شاد-خۇرام قىلىپ،

قولدىن- قولغا ئېلىنغان كۈنۈم.

بۈگۈن مېنىڭ تۇغۇلغان كۈنۈم،

ئوغلاق ، پاقلان سويۇلغان كۈنۈم .

مۇشۇچەكسىز گۈزەل ئالەمگە،

ئاپىرىدە قىلىنغان كۈنۈم.

بۈگۈن مېنىڭ تۇغۇلغان كۈنۈم،

ئالقىشلارغا كۈمۈلگەن كۈنۈم.

مۇبارەكلەپ كەلگەندە مىھمان،

چوڭ داستخان سېلىنغان كۈنۈم.

بۈگۈن مېنىڭ تۇغۇلغان كۈنۈم،

ئاتا-ئانام سۆيۈنگەن كۈنۈم.

مىننەت دارمەن ئاتا-ئانامغا،

شۇلار ئۈچۈن ياڭرايدۇ كۈيۈم.

2014-يىلى2-ئاينىڭ 14-كۈنى

تۇردى ئەبەيدۇللا

بۇ  شئېردا  ئاممىباپ تىلنىڭ ياردىمىدە  ھېسياتىڭىزنى ياخشى ئىپادىلەپ بېرىپسىز.ئىجادىيىتىڭىزگە ئۇتۇق تىلەيمەن.

ئازادجان ئىبراھىم

توي قىلغان كۈنۈم
ئازادجان ئىبراھىم

كۆرەلمەس دۈشمەنلىرىم ئوسال بولۇپ،
ئەزىز دوستلار ئاجايىپ خوشال بولۇپ،
ياخشىلىقتىن كۆپچىلىك خۇرسەن بولۇپ،
قىزغىن ساما سالغان ئىدى توي قىلغان كۈنۈم.
مۇبارەكلەپ قۇتلۇق كۈننى  قارشى ئېلىپ،
ناخشا ئېيىتىپ ئۇسۇل ئويناپ سازلار چېلىپ،
كۆڭۈل ئىزدەپ ئۇزۇن-ئۇزۇن يوللار مېڭىپ،
دوستلىرىم كەلگەن ئىدى توي قىلغان كۈنۈم.
ئاتا-ئانام،ئۇرۇقتۇققان قېرىنداشلىرىم،
ئەل- جامائەت، قۇلۇم- قوشنا يۇرتداشلىرىم،
ئەل-ئاغىنەم، سۆيۈملۈك ساۋاقداشلىرىم،
نەغمە –ناۋا قىلغان ئىدى توي قىلغان كۈنۈم.
ھۆسۈن قوشۇپ مېنىڭ شۇ قۇتلۇق كۈنۈمگە،
جۆر بولۇپ مۇڭلار قېتىپ  شادلىق كۈيۈمگە،
ھەر تەرەپتىن يىغىلىپ ئاۋام  ئۆيۈمگە،
ئىخلاسىنى بەرگەن ئىدى توي قىلغان كۈنۈم.

2014-يىلى 2-ئاينىڭ 17كۈنى ئۈرۈمچى