- تىزىملاتقان
- 2013-2-16
- ئاخىرقى قېتىم
- 2014-1-26
- ھوقۇقى
- 30
- جۇغلانما
- 326
- نادىر
- 0
- يازما
- 44
 
- تۆھپە
- 67
- مۇنبەر پۇلى
- 194
- ئىشەنىچ
- 67
| ئەسسالامۇ ئەلەيكۇم قېرىنداشلار،
ھەممىڭلارنىڭ مۇشۇ ۋاقتى خەيرلىك بولسۇن، ھەممىمىزگە مەلۇم، تەڭرىتاغ ئۇيغۇرچە تورىنىڭ ئۈندىدار سۇپىسى ئېچىلىپ، رەسمىي ئىشقا كىرىشكەندىن كېيىن، مەزمۇنىنىڭ سەرخىللىقى ۋە پايدىلىنىش قىممىتىنىڭ يۇقىرىلىقى بىلەن كەڭ تورداشلارنىڭ قىزغىن ئالقىشىغا ئېرىشكەن ئىدى. ئارىلىقتا خىزمەتتىكى ئالدىراشچىلىق سەۋەبىدىن ئۈندىدار سۇپىسىنى ئەسلىدىكى پىلان بويىچە دېگەندەك ياخشى ماڭدۇرۇپ بولالمىدۇق، بۇ قېتىم مۇناسىۋەتلىك رەھبەرلەرنىڭ ئالاھىدە قوللىشى بىلەن يېڭى يىل (2014-يىلى)دىن باشلاپ ئۈندىدار سۇپىسىنى تېخىمۇ ياخشى، سىجىل ماڭدۇرۇش ئۈچۈن، تۆۋەندىكىدەك ئۆزگەرتىش پىلانى ئوتتۇرىغا قويۇلدى. تورداشلارنىڭ تۆۋەندىكى ئۆزگەرتىشلەرگە قارىتا تېخىمۇ ياخشى پىكىر-تەكلىپلىرى بولسا تەمىنلىشىنى ئۈمىد قىلىمىز. بىز قاراپ چىقىپ، تورداشلارنىڭ پىكىر-تەكلىپىنى ئەڭ زور ئىمكانىيەتتە قوبۇل قىلىپ، ئۈندىدار سۇپىسىنى تېخىمۇ ياخشى قىلىشقا تىرىشچانلىق كۆرسىتىمىز.
ئۆزگەرتىش پىلانى تۆۋەندىكىچە:
ئۈندىدار سۇپىسىنى ئىمكانىيەتنىڭ بارىچە خەلق تىلىغا ئەڭ يېقىن قىلىش مەقسىتىدە سەھىپە ئىسىملىرى تۆۋەندىكىدەك بېكىتىلدى:
1. تۈنۈگۈنكى گەپلەر
بۇ سەھىپىدە مەخسۇس شۇ ئاينىڭ شۇ كۈنى تارىختا بولۇپ ئۆتكەن مۇھىم ئەھمىيەتكە ئىگە ئىشلارنىڭ مەزمۇنى يوللىنىپ، تورداشلارنى تارىختىن خەۋەردار قىلىش نىشان قىلىنىدۇ.
2. بىلەمسىز؟
بۇ سەھىپىدە ئەڭ يېڭى پەن-تېخنىكا نەتىجىلىرى، ئەڭ يېڭى كەشپىياتلار قاتارلىقلار ھەققىدە ئەڭ يېڭى ئۇچۇر يوللىنىپ، تورداشلارنى ئەتراپىمىزدىكى ئەڭ يېڭى شەيئىلەردىن دەل ۋاقتىدا خەۋەردار قىلىش نىشان قىلىنىدۇ.
3. ئالامەت ئىشلار
بۇ سەھىپىدە ئەتراپىمىزدىكى، دۆلىتىمىزدىكى ۋە خەلقئارادىكى ئەڭ قىزىقارلىق، ھەيران قالارلىق ئىشلار ۋە شەيئىلەر ھەققىدە ئۇچۇر يوللىنىپ، تورداشلارنى مۇشۇ جەھەتتىكى ئۇچۇرلاردىن ئەڭ تېز، ئەڭ ئەتراپلىق ئۇچۇرغا ئىگە قىلىش نىشان قىلىنىدۇ.
4. گۇدۇڭ-مۇدۇڭ
بۇ سەھىپىدە مەخسۇس كوچا پاراڭلىرى، چايخانا پاراڭلىرى ھەققىدە ئەڭ يېڭى مەزمۇنلار يوللىنىپ، تورداشلارنىڭ مۇشۇ جەھەتتىكى مەنىۋىيىتىنى بېيىتىش نىشان قىلىنىدۇ.
5. ئۇنىڭدىن-بۇنىڭدىن
بۇ سەھىپىدە تۇرمۇش ساۋاتلىرى، تۇرمۇشتىكى ئاددىي تەدبىرلەر، كۈندىلىك تۇرمۇشتا دىققەت قىلىشقا تېگىشلىك ئىشلار قاتارلىق مەزمۇنلار يوللىنىش ئارقىلىق، تورداشلارغا تۇرمۇش بىلىملىرىدىن ئەتراپلىق ئۇچۇر تەمىنلەش نىشان قىلىنىدۇ.
6. پىچىر-پىچىر
بۇ سەھىپىدە مەخسۇس ساغلاملىق بىلىملىرى، يېمەك-ئىچمەك، كۈندىلىك ئۆرپ-ئادەت قاتارلىق جەھەتلەردىكى مەزمۇنلار يوللىنىپ، تورداشلارنىڭ مۇشۇ جەھەتتىكى ئېھتىياجىنى قاندۇرۇش نىشان قىلىنىدۇ.
ئۈندىدار سۇپىمىزنىڭ ئىزدەش نامى: uyxjts
ئىككى ئىلىك كودى:
|
|
يوللىغان ۋاقتى 2013-12-30 16:43:35
