بۇ يازمىنى ئاخىرىدا uyxjts تەھرىرلىگەن. ۋاقتى 2013-2-17 11:03
تەڭرىتاغ ئۇيغۇرچە تورىنىڭ ئۈندىدار قانىلى رەسمىي ئېچىلدى
ئەسسالامۇ ئەلەيكۇم تەڭرىتاغ تورىنى ئىزچىل قوللاپ كېلىۋاتقان تورداشلار:
سىلەرنىڭ تور بېكىتىمىزنى ھەر ۋاقىت قوللاپ-قۇۋۋەتلەپ بەرگەنلىكىڭلارغا كۆپتىن كۆپ رەھمەت. تور بېكىتىمىز ئىزچىل ھالدا كەڭ تورداشلار ئۈچۈن ئەڭ ئەلا مۇلازىمەت قىلىش ئۈچۈن تىرىشىپ كېلىۋاتىدۇ. شۇ مۇناسىۋەت بىلەن تورداشلارغا تېخىمۇ قولايلىق يارىتىش ئۈچۈن، قايتا-قايتا سىناق قىلىش ئارقىلىق، تەڭرىتاغ تورىنىڭ ئۈندىدار (ۋېيشىن) مەخسۇس قانىلى رەسمىي ئىشقا كىرىشتۈرۈلدى.
تەڭرىتاغ ئۈندىدار قانىلىنىڭ ئۇچۇرى تۆۋەندىكىچە:
ئۈندىدار ئىسمى: تەڭرىتاغ ئۇيغۇرچە تورى ئۈندىدار مەخسۇس قانىلى
ئۈندىدار ئىزدەش ئىسمى: uyxjts
ئۈندىدار قانىلىمىزنىڭ مەقسىتى ۋە نىشانى:
تورداشلار ئۈچۈن ئەلا مۇلازىمەت قىلىپ، تورداشلار ئۈچۈن قولايلىق يارىتىشنى تۈپ مەقسەت قىلىپ، تورداشلار ئۈچۈن ئەڭ پايدىلىنىش قىممىتى بار دەپ قارالغان مەزمۇنلارنى يوللاش ئارقىلىق، تورداشلارنىڭ يانفون ئارقىلىق ئەڭ پايدىلىق ئۇچۇرلارغا ئېرىشىشىنى ئىشقا ئاشۇرۇشتۇر.
ئۈندىدار قانىلىمىز ئۆز ئىچىگە ئالىدىغان مەزمۇنلار:
ئۈندىدار مەخسۇس قانىلىمىز خەلق تۇرمۇشىغا ئەڭ يېقىن بولۇشنى تۈپ مەقسەت قىلغان بولۇپ، قانىلىمىزدا قانۇن ساۋاتلىرى، دېھقانچىلىق ئۇچۇرلىرى، چارۋىچىلىق ئۇچۇرلىرى، كومپيۇتېر ساۋاتلىرى، ساغلاملىق ساۋاتلىرى، ئەدەبىيات-سەنئەت، چايخانا پاراڭلىرى قاتارلىق سەھىپىلەر بويىچە ھەر كۈنى مەزمۇن يېڭىلىنىدۇ.
ئۈندىدار قانىلىمىز ئىچكى قىسىمدا سىناق قىلىنىپ، كەمچىلىكلەر ھەر ھالدا تۈزىتىلگەن ۋە ئەڭ ياخشى قىلىشقا كۆپ كۈچ چىقارغان بولساقمۇ، ئەمما «ئەلنىڭ كۆزى ئەللىك» دېگەن ئاتىلار سۆزى بويىچە، دەسلەپ ئىشقا كىرىشتۈرۈلگەنلىك سەۋەبىدىن كەڭ تورداشلاردىن سەمىمىيلىك بىلەن پىكىر ئالماقچىمىز. كەڭ تورداشلار قانىلىمىزغا ئەگەشكەندىن كېيىن، قانىلىمىزدا ساقلانغان مەسىلىلەرنى ۋاقتىدا بايقاپ، قانىلىمىزغا قارىتا قىممەتلىك تەكلىپ-پىكىرلىرىنى بېرىشىنى سورايمىز.
ئۈندىدار قانىلىمىزغا ئەگىشىش ئۇسۇلى:
ئەگەر سىز ئۈندىدار ئىشلىتىۋاتقان بولسىڭىز، دوست قوشۇش (ئاممىۋىي قانال قوشۇش) رايونىدىن ئۈندىدار قانىلىمىزنىڭ ئىزدەش ئىسمى «uyxjts» نى كىرگۈزۈپ ئىزدەپ ئەگەشسىڭىز بولىدۇ ياكى يۇقىرىدىكى ئىككى ئىلىك كودلۇق رەسىمنى سىكانېرلاش ئارقىلىق ئەگەشسىڭىزمۇ بولىدۇ.
سەمىمىي ئەسكەرتىش:
قانىلىمىزغا ئەگەشكەندىن كېيىن، ئەگەر بۇرۇنقى مەزمۇنلاردىن بەھرلەنمەكچى بولسىڭىز، ئايرىم-ئايرىم ھالدا 1، 2، 3، 4، 5، 6، ... رەقەملىرىنى قايتۇرۇش ئارقىلىق ئېرىشسىڭىز بولىدۇ.
ئۇنىڭدىن باشقا، ئۈندىدار قانىلىمىزدا تەڭرىتاغ مۇنبىرىدىكى ئەزالارنىڭ نادىر ئەسەرلىرىمۇ ئېلان قىلىنىدۇ، شۇڭا تورداشلار ئۆزى ياخشى دەپ قارىغان، ھەجىم جەھەتتىن بەك چوڭ بولمىغان ئەسەرلەرنى تەۋسىيە قىلسا بولىدۇ. بىز تورداشلارنىڭ نادىر ئەسەرلىرىنى شۇ ئەسەر ئاپتورىنىڭ مۇنبەرگە تىزىملاتقان ئىسىمى بويىچە ئۈندىدار قانىلىمىزدا تېخىمۇ كۆپ يانفون ئابونتلىرىنىڭ پايدىلىنىشىغا سۇنۇپ، ئەسەرنىڭ پايدىلىنىش قىممىتىنى ئاشۇرۇشقا تىرىشىمىز. | 
[ئۇلانما كۆچۈرۈش]
يوللىغان ۋاقتى 2013-2-16 18:02:34
يوللىغان ۋاقتى 2013-2-16 19:52:10
