2- دۇنيا ئۇرىشىدا سوۋېت ئىتتىپاقىنىڭ زادى قانچىلىك ئادىمى

TuranTekin

	2- دۇنيا ئۇرىشىدا سوۋېت ئىتتىپاقىنىڭ زادى قانچىلىك ئادىمى قازا قىلغان؟ 5- ئاينىڭ 9- كۈنى روسىيەنىڭ ئۇلۇغ ۋەتەن ئۇرۇشى غەلىبە قىلغانلىقىنىڭ خاتىرە كۈنى. ئەمما سوۋېت ئىتتىپاقىنىڭ 2- دۇنيا ئۇرۇشىدا زادى قانچىلىك ئادىمىنىڭ قازا قىلغانلىقى ھازىرغىچە سىر بۇلۇپ تۇرماقتا. ھەر يىلى 5- ئاينىڭ 9- كۈنى كەلسە نۇرغۇن نوپۇزلۇق مۇتىخەسىسلەر بۇ ھەقتە تۈرلۈك سانلارنى ئېلان قىلىدۇ. روسىيە ئاخبارات ۋاستىلىرىدە خەۋەر قىلىنىشىچە، سىتالىن دەۋرىدە سوۋېت ئىتتىپاقىنىڭ 2- دۇنيا ئۇرۇشىدا قازا قىلغان ئادىمى 10 مىليۇن دەپ ئېلان قىلىنغان. ئەمما گورباچىۋ دەۋرىگە كەلگەندە بۇ سان 27 مىليۇنغا ئۆزگەرگەن. نۆۋەتتە بىر قىسىم تارىخشۇناسلار بۇ ساننى 42 مىليۇنغا يىتىشى مۈمكىن دەپ قارىماقتا. ئۇنداق بۇلىشى سابىق سوۋېت ئاخبارات ئورگانلىرى بىلەن سوۋېت ئىتتىپاقى كومپارتىيىسىنىڭ ئارخىپلىرى ھازىرغىچە تولۇق ئاشكارلانمىدى. تارىخشۇناسلار ئاشكارلانغان ئارخىپلارنىڭمۇ زادى قىممىتى بار ياكى يوقلۇقىدىن گۇمانلانماقتا. بەزىلەر سوۋېت ئىتتىپاقىنىڭ نۇرغۇن ئارخىپلىرىنىڭ ئاشكارلىنىشىغا ھېلىھەم خېلى ۋاقىت كىتىدۇ ....... دىيىشمەكتە. 5- ئاينىڭ 5- كۈنى روسىيە دۆلەت مۇداپىيە مىنىستىرلىقى ۋەتەن ئۇرۇشىدىكى ئىنقىلابىر قۇربانلار خىزمىتى ئىدارىسىنىڭ باشلىقى ئالىكساندىر كىرىلىن موسكۋادا مۇخبىرلارغا 1941- يىلىدىن 1945- يىلىغىچە بولغان ۋەتەن ئۇرۇشى مەزگىلىدە سوۋېت ئىتتىپاقىنىڭ جەمئىي 26 مىليۇن 600 مىڭ ئادىمى چىقىم بولغان، ھەربىيلەردىن ئۇرۇشتا ئۆلگەن، يارىلانغانلارنىڭ سانى 8 مىليۇن 600 مىڭدىن ئېشىپ كەتكەن دەپ ئاشكارلىدى. كىرىلىن مۇنداق دېدى: يىراق شەرق رايۇنىدىكى ئۇرۇشلارنىمۇ قوشۇپ ھىساپلىغاندا، سوۋېت ئىتتىپاقى ئارمىيەسىدىن ئۇرۇش مەزگىلىدە تالاپەتكە ئۇچرىغانلار (ئۇرۇشتا قۇربان بولغانلار، ئېغىر يارلىنىپ قۇربان بولغانلار ياكى ئەسىرگە چۈشۈپ قېلىپ قايتىپ كەلمىگەنلەر) جەمئىي 8 مىليۇن 668 مىڭ 400 گە يەتكەن. ئۇ يەنە ماۋۇلارنى ئاشكارلىدى: ئۇرۇش مەزگىلىدە جەمئىي 29 مىليۇن 500 مىڭ ئادەم ھەربىي مەجبۇرىيەت ئۆتەشكە سەپەرۋەر قىلىنغان. 1845- يىلى 7- ئاينىڭ 1- كۈنىدىن بۇرۇن سوۋېت ئىتتىپاقى ئارمىيەسىنىڭ سانى 11 مىليۇن 390 مىڭ، دوختۇرخانىدا داۋالىنىۋاتقانلار بىر مىليۇن 46 مىڭ ئىدى. سوۋېت ئارمىيەسى بىلەن گېرمانىيە ئارمىيەسىنىڭ تالاپەتكە ئۇچراش نىسبىتى 1.3:1 بۇلۇپ، گېرمانىيە ئارمىيەسىدىن تەخمىنەن 6 مىليۇن ئادەم، ئىتتىپاقداش قوشۇنلاردىن 806 مىڭ ئادەم تالاپەتكە ئۇچرىغان. مەنبە: http://www.alimbiz.net/?p=1163

jasus19

	بۇ روس لارنىڭ گىپىگە ساراڭ مۇ ئىشەنمەيدۇ ،،،  بۇ خەق تارىختا ھەممە قەۋىمنى ئالداپ قويۇپ لەنەتكە قالدى. تىما ئىگسىگە تەشەككۈر.

noshirwan

	2-دۇنيا ئۇرۇشىدا سوۋېت ئىتتىپاقىنىڭ قازا قىلغان ئادىمى ھەقىقەتەن كۆپكەن. ئۇلار ئەنە شۇ ئادەملەرنىڭ ھاياتى بەدىلىگە گېتلىر ئارمىيىسىنى مەغلۇپ قىلىپ، ۋەتىنىنى قوغداپ قالغان بولسا كېرەك. يەنە بىر جەھەتتىن، 2- دۇنيا ئۇرۇشىدا غەلبە قىلغان دۆلەتلەر نۇرغۇن دۆلەتلەرنىڭ خەرىتىسىنى ئۆزگەرتىۋەتكەن، نۇرغۇن پايدا-مەنپەئەتكىمۇ ئېرىشكەن. بولۇپمۇ، ستالىن دۆلىتىمىزدىن يالتا يىغىنىدا پۈتۈشكەندىنمۇ كۆپرەك پايدا-مەنپەئەتكە ئېرىشىۋالغان، تاشقى موڭغۇلىيەنىڭ دۆلىتىمىز تىرىتورىيە خەرىتىسىدىن ئۆچۈپ كېتىشىگە سەۋەب بولغان ئىكەن.

atilla

haltakoqa

	پۈتۈن ياۋروپانى بېسىۋالغان ناتسىس گېرمانىيەسىنى روس ئارمىيەسى موسكىۋا شەھىرىگە بىر نەچچە كىلومىتىر قالغاندا ئارقىغا چىكىندۈرۈپ، تاكى بىرلىن شەھىرىگىچە قوغلاپ بېرىپ، گېرمانيەنى ئىككىگە بۆلۈۋەتكەن. ئۇلارنىڭ تارىختىكى نەتىجىسى ھەقىقەتەن زور ھەم ئۇلۇق. ناۋادا ئۇنداق بولمىغان بولسا گېتلىر پۈتۈن ياۋروپانى بىرلىككە كەلگەن دۆلەت قىلىپ قۇرۇو چىققاندىن كىيىن، ئاندىن ئاسىياغا، جۈملىدىن بىزنىڭ يۇرتىمىز شىنجاڭغا ھۇجۇم قىلمايتى دەپ كىم ئېيتالايدۇ؟، بىز يەنىلا روس ئارمىيەسىنىڭ جاسارىتىگە ئاپىرىن ئېيتماي تۇرالمايمىز

karwanim

	يالتا يىغىنىدىكى ئاشكارلانمىغان سىرلار ئىچىدە بەلكىم قانچىلىك ئادەمنىڭ قازا قىلغانلىق سانلىق مەلۇماتى باردۇ...

mungdax

	تېمىڭىز ئارقىلىق 2- دۇنيا ئۇرىشىدا سوۋېت ئىتتىپاقىنىڭ زادى قانچىلىك ئادەمنىڭ قازا قىلغانلىقىنى بىلىۋالدۇق. سىزگە ئاپىرىن.

TuranTekin

	haltakoqa يوللىغان ۋاقتى  2011-10-6 19:20 پۈتۈن ياۋروپانى بېسىۋالغان ناتسىس گېرمانىيەسىنى رو ... راس دەيسىز، بىزنىڭ شىنجاڭمۇ مىستەملىكىچىلىك خەرىتىسىنىڭ سىرتىدا قالمىغان. گېرمانىيە بىلەن ياپونيە مۇستەملىكە خەرىتىسىنى سىزىشقاندا، ياپونىيە شەرقىي ئاسىيا، جەنۇبىي ئاسىيا ۋە تېنچ ئوكيان رايۇنلىرىنى ئۆز دائىرىسىگە ئالغان. ئوتتۇرا ئاسىياغا قارىتا شىنجاڭدىن ھالقىماسلىقنى بىكىتكەن. گېرمانىيە پۈتكۈل ياۋروپا رايۇنى، شەرقىي ئافرىقا رايۇنى، ئوتتۇرا ئاسىيا رايۇنلىرىنى ئۆز دائىرىسىگە ئالغان. ئۇمۇ شىنجاڭدىن ھالقىماسلىقنى، قايسىسى بۇرۇن يۈرۈش قىلسا شىنجاڭدا تۇرۇپ قېلىشنى بىكىتكەن. ئەمما ئىش ئۇلارنىڭ ئويلۇغۇنىدەك بولماي قالغان.

شەرەپ

	ئۇرۇشنىڭ خېلى ئۇزاق ۋاقتى سوۋىت ئىتىپاقى تۇپرىقىدا بۇلىشى، ئەسكەرلەرنىڭ ساپاسى ۋە قورال_ جابدۇق سۈپىتى قاتارلىق سەۋەپلەر بىلەن سوۋىت تەرەپنىڭ چىقىمى كۆپ بولغان.

Erkman

	ئەمەلىيي ئۆلگەن ئادەم سانىنى ئۈچكە كۆپەيتىۋەتسەكلا ئۆلگگن ئادەم سانى ئېنىق چىقىدۇ، ئۆلگەنلەرنىڭ ھايات قالغان بالىلىرى، ئەرلىرى ۋە ئاتا ئانىلىرىمۇ ئۆلگەندىن نېمە پەرقى قالىدۇ؟ ۋاڭڭىدە بىر پاي ئوقتا ئۆلگەندىن سېغىنچ ئازابىنىڭ جاراھىتى  بەك يامان!

TuranTekin

	مىنىڭ باش سۈرىتىمنىڭ ئاستىدا قىسمەن ئۇچۇرلار كۆرۈنگەندىن باشقا، قالدى ئۇچۇرلار كۆرۈنمەيدىكەن. يەنى: يوقلاش، دوست، سالام، ئۇچۇر دېگەندەكلەر. بۇنىڭدا قانداق سەۋەپلەر بار؟