مۇنبىرىمىزدىكى مەسىلىلەر - كۆڭۈل بۆلۈپ قويۇڭ

بىلگئەر

	ئەسسالامۇ ئەلەيكۇم مۇنبەر ئەھلى:                  تەڭرىتاغ مۇنبىرى ئېچىلغان قىسقىغىنا مۇددەتتە شۇنداق ياخشى ئۈنۈم كۆرۈلۈشكە باشلاپتۇ. پىقىرمۇ شۇنداق ياقتۇرۇپ قالدىم. مۇنبەرگە كىرگەن مۇشۇ بىر ھەپتە ئىچىدە بەزى مەسىلىلەرنى بايقىدىم. بەلكىم كۆپچىلىكمۇ ئازدۇر كۆپتۇر مەسىلىلەرنى بايقىغان بولۇشى مومكىن. قارىسام بۇ توغرىسىدا بىرەر تېما ۋە يازمىمۇ يېزىلماپتۇ. ئەلۋەتتە ئۇنداق ياكى بۇنداق مەسىلىلەرنىڭ بولۇشى تەبىئىي. قالغىنى تەرەققىيات مۇساپىسىدە يېڭىلىنىپ، ياخشىلىنىپ ۋە تۈزۈتىلىپ مۇكەممەللىشىدۇ. بۇنىڭغا ئىشەنچىم كامىل. شۇنداقتىمۇ مىھنەتكەش باشقۇرغۇچىلارنىڭ تىرىشچانلىقى بىلەن مۇشۇنچىلىك ھالەتتىكى نەتىجىنىڭ بولۇشىمۇ ئاسان ئەمەس. كۆرۈپ تۇرۇپتىمىز، مۇنبەر سەھىپىلىرىنىڭ سەرخىل ئورۇنلاشتۇرلۇشى كۆرگەنلا كىشىنى جەلىپ قىلىدۇ. يەنە كىلىپ باشقۇرغۇچىلىرىنىڭ ۋە ئەزالىرىنڭ سەرخىللىقىمۇ مۇنبەرگە باشقىچە جۇلا بىغىشلاپ تۇرۇپتۇ. يازمىلىرىنىڭ قىممىتىنىڭ يۇقىرلىقى بولسۇن، ياكى مۇنبەرنىڭ ئومومىي كەيپىياتى ۋە سۆز ئىبارىلەرنىڭ ئىپادىلەش خاراكتىرىدىن قارايدىغان بولساق باشقا مۇنبەرلەردىن ئالاھىدە پەرىق قىلىپ تۇردۇ. مەن ئويلايمەن. كۆپچىلىك يەنىمۇ زىچ بولغان بىر نىيەت بىر مەقسەتتە باشقۇرغۇچىلارنىڭ خىزمەتلىرىگە ماسلىشىپ، ئورتاق ھەمكارلىشىدىغان بولساق تېخىمۇ كۆپ ياخشى نەتىجىلەرنىڭ قولغا كىلىشىدە گەپ يوق. بەلكىم سىزمۇ شۇنداق ئويلىدىڭىز. توغرا. ئۇنداق بولسا ھەمكارلىشايلى. ئورتاق كۆڭۈل بۆلەيلى.ئىشنى ئاددى ئىشلاردىن باشلاپ مۇكەممەللەشتۈرەيلى. ياخشى مۇنبەر مۇھىتى،  ياخشى كەيپىيات، ياخشى گەپ- سۆز، ياخشى ئەزا، ياخشى باشقۇرغۇچى..... لەرنى بەرپا قىلايلى.         مەقسەدكە كەلسەك، مۇنبەرنى كۆپچىلىكنىڭ ھەقىقىي پىكىرلىشىدىغان ، ئۆز ئارا ئۆگىنىدىغان سورۇنى قىلىش ئۈچۈن، كۆپرەك تەشۋىق قىلىش ئاساسىدا مۇنبەرنىڭ ئۆزىنڭ مەسىللىرىنى تۈزۈتۈپ، مۇكەممەللەشتۈرۈپ مېڭىش مۇھىم. ئەزالارغا باراۋەر، قولايلىك مۇھىت ھازىرلاش كېرەك. بۇ توغرىسىدا گەپنىڭ ھەممىنى مەنلا قىلىۋالماي. كۆپچىلىكمۇ ئوتتۇرغا قويۇپ باقسۇن. كۆپچىلىك مەسىلىلەرنى كۆرسىتىپ بەرگەن ئاساستا، ياكى تەكلىپ ئاساسىدا باشقۇرغۇچىلارغا دەپ ئۇلارنىڭ مۇنبەرنى ياخشى تۈزەپ چىقىشىغا ھەمكارلىشايلى. سىزمۇ ئويلىغانلىرىڭىزنى يېزىپ قالدۇرۇڭ.     تۆۋەندە ئۆزۈم ھىس قىلغان مەسىللەرنى يوللاپ قويدۇم. بەلكىم مەندىكى مەسىلە بولۇشى مومكىن، ياكى راستىنلا مۇنبەردىكى مەسىلە بولۇشى مۆمكىن. كۆرۈپ دەلىللەپ باقساڭلار.     1. مۇنبەر ئەزالىرى تىزىملاتقان ۋاقىتتا نامىغا ئۇيغۇر كونا يېزىقى بويىچە يازسىمۇ بولىدۇ. مۇنبەر سىستېمىسى تامامەن قوللايدۇ. بىراق كىرگۈزۈشكە ئىمكان بولمايدىكەن. تىزىملىتىپ بولغاندىن كېيىنمۇ ئىسىمنى باشقا يەردە يېزىۋىلىپ،  ئاندىن كۆچۈرۈپ، پارولنى ئۇرۇپ كىردىكەنمىز. مەن ئاشۇندۇق كىرۋاتىمەن. مۇنبەر ئەزالىرىنىڭ كۆپۈنچىلىرىمۇ لاتىن ئىلىپبەسى يېزىقىدا تىزىملىتىپتۇ. قارغاندا ئۇلارمۇ ئاۋارچىلىققا يولۇققان ئوخشايدۇ. ياكى.... مۇنبەر ئۇيغۇر كونا يېزىقتا ئەزا نامى ئىشلىتىشنى قارشى ئالمامدۇ؟ ئويلىشىپ باقساڭلار.بۇ مەسىلىنى ھەل قىلىشتا تېخنىكىلىك ئامىللار تۈپەيلى، ئامال بار لاتىن ئېىلىپبەسى ھەرىپى بويىچە ئەزا نامى تىزىملىتىش تەۋسىيە قىلىندى.     2. تەڭرىتاغ تور بېكىتىنىڭ ئۇيغۇرچە باش بېتىدە مۇنبەر توغرىسىدا بىرەر يازما ۋە ئۇلىنىش ئۇچۇرىنى تاپالمىدىم. يا مەن كۆرمەي قالدىممۇ؟ ئىزدەش تور بېكىتىدىن بىر سۆزنى ئىزدەپ بۇ يەرگە كىرىپ قالغىم ئىسىمدە. ئەتىسى يەنە كىرەي دەپ تور نامىنى يادلىۋالماپتىمەن. شۇنچە قىلىپ ئەسلىيەلمىدىم، تەڭرىتاغ تور بېكىتى باش بىتىدىمۇ بىرەر ئۇلىنىشنى تاپالماي شۇنداق جىلە بولدۇم. ياكى ئوغۇرلۇقچە ، سېناققمۇ ئېچىپ تۇرۇپ، ئاشكارلىمىغان مۇنبەرمۇ دەپمۇ ئويلاپ قالدىم. يەنە ئامال بولماي، ئىزدەش تور بېكىتىدىن يەنە شۇ سۆزنى ئىزدەپ يۈرۈپ بۇ مۇنبەرنى تىپىپ كىردىم. ئانداق قىلىشىپ كەتمەيلى. بۇنىڭغا بىر ئۈنۈملۈك بىر چارە تىپىپ، تېخىمۇ كۆپ يوللار بىلەن بۇ يەرگە كىرگىلى بولىدىغان قىلايلى . بۇ مەسىلىنى پات ئارىدا ئېلان قىلماقچى بولغان ياخشىلانغان ۋە تۈزۈتۈلگەن يېڭى مۇنبەر سىستېمىسى ئېلان قىلىنغان ۋاقىتتا ھەل قىلىندىغانلىقى تەكىتلەندى.     3. مۇنبەر باش بېتىدىكى "يېڭى ئىنكاسلىق تېمىلار"  بۇ ئاتالمىش قۇرۇق گەپمۇ قانداق؟ شۇنداق دىققەت قىلىپ باقتىم. بىر قىسىم ئەزالارنىڭكىلام تېمىلىرى ۋە ئىنكاسلىرى يوللانغان بولسا كۆرۈندىكەن.بۇ مەسىلە ھەل قىلىندى. بىزگە ئوخشاش پۇقرالارنىڭ تېمىلىرى ۋە ئىنكاسلىرى ئۇ يەردىن ئورۇن ئالالمايدىكەن. يا ئۇنى تۈزۈتۈپ، ئادىل باراۋەر قىلايلى. ياكى " x x x نىڭ سۆھبەتلىرى" دەپ ئۆزگەرتەيلى. ئويلىشىپ باقساڭلار. يا مەن خاتا چۈشنىۋالدىممۇ؟ يا بەك كۆرۋىتىپ ئۆتۈپ كىتىپ قالدىممۇ؟ بىرنەچچە تېما يوللىغانتىم. ئاز بولسىمۇ باشقىلار كىلىپ "پىتىغلاپ" ئىزنى قالدۇرۇپتىكەن، بىراق شۇ يەرگە چىقماپتۇ. "دەسسىلىپ" كىتىپتۇ دەپ دەپ ئويلىدىم.      4. كىچىك بىر تەكلىپ. مۇنبەرنىڭ "تەڭرىتاغ ئاۋانگارت ئەزالىرى" غا مۇنبەر سىستېما پروگراممىنى تەڭشەپ ئايلىق ياكى ھەپتىلىك مۇددەت ئىچىدىكى سىتاستىكا قىلىدىغان "تەڭرىتاغ ئاۋانگارت ئەزالىرى" قىلىنسا. ھازىرقىدەك قىلىنسا قارماققا بولىدۇ، ياخشى ئەزالارنى تونۇشتۇردىغان شەرەپ تاختىسى سۈپىتىدە كۆپچىلىككە ئىلھام بەرگىلى بولىدۇ. بىراق بۇنىڭ پايدىسىز تەرەپلىرى كۆپ. بىرىنجى، كېيىن تىزىملىتىپ كىرگەن ئەزالار ھەر قانچە ياخشى تىرىشسىمۇ ئۇ شەرەپ تاختىسىغا چىقالمايدۇ. ئىككىنجى، ئەگەر شۇ شەرەپ تاختىسىغا چىقىشنى ئويلىسا ياكى شۇ شەرەپ تاختىسىدا داۋاملىق تۇرۇشنى خالىسا بۇنڭ ئىشىمۇ ئاسان، بىر كىچىدىلا چولپان بولغىلىمۇ بولىدۇ. بۇنىڭ بەدىلىگە مۇنبەردە پاخپاق يازمىلار ۋە ئىنكاسلار كۆپىيىدۇ. ھەر قانداق قالتىس كىشىمۇ بىر ۋاقىتتا، شۇ مەلۇم بىر كەيپىياتىدا، ھەممە تېمىنى پىتىغلاپ چىقىپ سەرخىل يازما ۋە ئىنكاسلارنى يازالىشى ناتايىن. مەن ھازىرغىچە بۇنداق كۆپ ھەم قالتىس ئىنكاس يازىدىغان ئادەمنى كۆرۈپ باقمىدىم. شۇڭا مۇنبەر ئومۇمىي كەيپىياتنى ياخشى تەرەققىي قىلدۇرۇش ئۈچۈن، باشقىلارغىمۇ پۇرسەت بىرىشنى ھەقىقىي ئەمەلگە ئاشۇرۇش كېرەك. قاراپ باقايلى:  ئەزا تەڭرىتاغ نىڭ سىستاستىكىسىغا قارايدىغان بولساق: يازما سانى :  415/255 نادىر تېما :  28 تۆھپىسى :  3342 ئىناۋىتى :  1456 جۇغلانمىسى :  10836     255 دېگىنى يوللىغان تېمىسى، 415 دېگىنى باشقىلارنىڭ تېمىسىغا يوللىغان ئىنكاسى. باشقىلىرىنى بىر قاراپلا بىلدىڭلار ھەقەچان. شۇڭا ئازراق ئۆزگەرتىش كىرگۈزۈپ. تېما يوللاپ جاپا تارتىۋاتقانلارنى ۋە تاماشىبىنلارنى ئايرىپراق سىتاستىكا قىلىنسا. ھەقىقىي  "ئاۋانگارت" لار شەرەپ تاختىسى بولالايدۇ دەپ قارايمەن. قانداق دېمىدىم؟.... بۇ مەسىلىدە باشقۇرغۇچىلارنىڭ ئۆزلىرىنىڭ ھەل قىلىش چارىسى بار ئىكەن. بۇ توغرىسىدىكى باشقا پىكىرلەر تەكلىپ ھالىتىدە ساقلىنىپ قالدى. ئاخىرى يەنە بار....

تەڭرىتاغ

	قىممەتلىك تەكلىپ - پىكىرلەرنى بەرگىنىڭىزگە كۆپتىن - كۆپ رەھمەت . قارىغاندا مۇنبىرىمىزگە كۆڭۈل بۆلىدىغان كىشىلىرىمىزمۇ ئاز ئەمەسكەن . سىزنىڭ تەكلىپ - پىكىرلىرىڭىزنى قوبۇل قىلىمىز ھەمدە سىزگە قايىل قىلارلىق جاۋاب بېرىمىز . ھەممىمىز بىرلىكتە تەڭرىتاغ مۇنبىرىنى ئۇيغۇر تور دۇنياسىدىكى مۇكەممەل ، نادىر مۇنبەر قىلىپ چىقىش ئۈچۈن تىرىشايلى !

admin

	مۇنبەر سىستېمىسىغا discuz ئىشلىتىلگەن بولۇپ ، مىسرانىم ۋە باشقا مۇنبەرلەرگە ئوخشىمايدۇ . تەڭرىتاغ مۇنبىرىنىڭ ئەزا سانى نەچچە يۈزمىڭغا بىرىشى مۇمكىن دەپ سانداندىكى ئەزالەرنىڭ ئىسىم چەكلىمىسىنى 15 ھەرىپ قىلىپ بىكىتكەن . كونا يىزىقتا 1 ھەرىپ 3 ھەرىپنىڭ ئورنىنى ئالىدىكەن ، ئۇنىڭ ئۈستىگە كونا يىزىق بولسا undcode تېپىدىكى ھەرىپ ، لاتىن ھەرىپى بولسا ئاساسىي تىپتىكى ھەرىپ ، كومپيۇتېر ۋە سانداننىڭ يۈكىنى ئىنتايىن زور دەرىجىدە ئازايتىدۇ . مەسىلەن ‹‹ ئا ›› دىگەن ھەرىپ سانداندا N#Fki#293 دىگەن بىلەن ساقلنىدۇ ، لىكىن ‹a › دىگەن ھەرىپ سانداندا 96 دەپ ساقلىنىدۇ ، ئۇنىڭ ئۈستىگە discuz نىڭ تولۇقلىما ۋە ئۈچۈنجى تەرەپ تەمنىلىگەن قىستۇرمىلار بىر قەدەر كۆپ بولغاچقا ھەم كونا يىزىق بىلەن بىر قىسىم بەلىگىلەردە توقۇنۇش ھاسىل قىلىپ قويىدىغان بولغاچقا ئەزا ئىسىمىنى لاتىن ھەرىپ بىلەن تىزىملىتىشقا دەۋەت قىلىمىز . تور بەت ھازىر سىناق باسقۇچىدا رەسىمىي ئېلان قىلىنغاندىن كېيىن مۇنبەرنىڭ نەشىرى ۋاقىتنىڭ ئۆتىشىگە ئەگىشىپ يۇقىرلاپ ماڭىدۇ ، دەل شۇ ۋاقىتتا كونا ھەرىپنى مۇلازىمىتېر بىلەن ساندان ئوتتۇرىسدىكى زاپاسلاش ، ئايلاندۇرش مەزگىلىدە يۇقۇلۇپ كىتىشىنىڭ ئالدىنى ئالغىلى بولمايدۇ . شۇڭا لاتىن ھەرىپى بىلەن تىزىملتىىشنى تەۋسىيە قىلمەن . -------- ئىككىنجى مەسىلە يەنى تېما يوللىغۇچى ۋە ئىنكاس قايتۇرغۇچى تاماشىبىنلارغا قارىتا سىستېما ھىچ قانداق تىزىپ چىقىرىش ئىلىپ بارمايدۇ . -------- ئەزا تىزىپ چىقىرىش تۆۋەندىكى باسقۇچ بويىچە بولىدۇ . 1. تېما يوللىسا 5 تىللا 5 ئىناۋەت 5 تۆھپە تاپىدۇ . 2. ئىنكاس يوللىسا 1 تىللا1 ئىناۋەت 1 تۆھپىگە ئىرشىدۇ . 3.تېمىغا چۈشكەن ئىنكاس سانى كۆپ بولۇپ 10 دىن 20 دىن 30 دىن ئاشسا تېما ئاپتورى يەنە ئوخشاش بولمىغان تىللا ئىناۋەت ۋە تۆھپە سانىغا ئىرشىىدۇ . 4.ئاپتور يوللىغان تېما مەزمۇندا يېڭىلىق يارتىش ، ئىجادىيەت ، ياكى باشقىلارنىڭ ئالاھىدە ياخشى باھاسىىغا ئىرىشىپ مۇنبەردە جەھۋەر تېما ياكى ئاۋات تېمىلار قاتارىدىن ئورۇن ئالسا يەنە مۇكاپات سۈپتىدە نومۇر قوشۇپ بىرلىدۇ . 5. ئەزالارنىڭ باھالاش ھوقۇقى بولىدۇ ، يەنى تېما ئىگىسىدىن باشقا ئەزلار شۇ تېمىغا نومۇر بەرسە بولىدۇ . ئەزالارنى دەرىجىسىنىڭ ئوخشاش بولمسالىقىغا ئاساسەن نومۇر بىرەلەيدىغان چىكىمۇ ئوخشاش بولمايدۇ . ئاخىردا ئىرىشكەن تېللا ، ئىناۋەت ، ۋە تۆھپە سانى قوشۇلۇپ جۇغلانما نومۇرىنى ھاسىل قىلىدۇ . ئىرىشكەن جۇغلانما سانىغا ئاساسەن ۋاقىت دائىرىسى ئىچىدە تىزىپ چىقىلىدۇ . يەنە باش بەتتىكى ئەڭ ئاستىدكى ئەزالار كۈنلۈك جۇغلانما ئۆزگىرىش تەرتىپى بويىچە تىزىلمغان . چولپانلار شەرەپ تاختىسىدىكى ئەزلار كۈنلۈك ، ھەپتىلىك ، ئايلىق بويچىە تىزىپ چىقىلغان .

admin

	ئەزالار ئۇنىڭدىن باشقا ئۆزىنىڭ ماتىريالىنى تولۇق تولدۇرسا ھەمدە باش سۈرىتىگە ئۆزنىڭ رەسىمىنى چىقارسا ، ياكى كۆركەم رەسىملەرنى چىقارسا يەنە سىستېما شۇ ئەزاغا مۇۋاپىق نومۇر قوشۇپ بىرىدۇ . بۇنىڭ بىلەن مۇنبەرنىڭ كۆركەم رەڭدارلىقىغا تېخىمۇ كاپالەتلىك قىلىغىلى بولىدۇ .

admin

	ئايلىق مۇكاپاتلاش چولپانلار سەھنىسىدىن ئورۇن ئالغان ، ھەمدە مۇنبەردە ئالاھىدە ئالقىشىلىق تېما يوللىغان ئەزالارغا قارىتا ئىككىنجى قىتىم بىلەت تاشلاش ئېلىپ بىرلىپ دىموكىراتىك ھالدا مۇنبەر مۇكاپاتلىق ئەزلارنى بىكىتىدۇ . بارلىق مۇنبەر ئەزلىرىنىڭ سايلامغا قاتىنىش ۋە بىلەت تاشلاش ۋاز كىچىش ئەركىنلىكى بولىدۇ . مۇكاپاتقا ئىرىشكەن ئەزالارغا ئوردىن ، ئىقتىسادىي قىممەت بىرىلىدۇ .  ھەمدە شۇ مۇكاپاتقا ئىرىشكىچىگە بىلەت تاشلىغان ئەزالار مۇنبەر سوۋغاتلرىدىن بەھرىمان بولىدۇ . ----------- تەڭرىتاغ مۇنبىرى ھازىر سىناق ھالىتىنىڭ ئاخىرىقا باسقۇچىغا كىردى ، رەسىمىي ئېلان قىلغان كۈنى مۇكەمملەللەشكەن قائىدە تۈزۈملەر يەنە بىر قىتىم رەتلىنىپ ئېلان قىلنىدۇ . نەزىرىڭلار داۋاملىق تەڭرىتاغ مۇنبىردە بولغاي ، ھۆرمەت بىلەن تىخنىك بۆلۈم .

karwanim

	ۋەئەلەيكۇم ئەسسالام... مەن ئويلاپ يۈرگەن،ئەمما دىيىشكەن ئۈلگۈرمىگەن مەسىلىلەرنى ۋاقتىدا يوللاپسىز.ئەنە شۇنداق قوللاش،ئىلھام-مەدەت،پىكىر-تەكلىپلەر ئارقىلىق تېخىمۇ ئىلگىرلىگىلى بولىدۇ. كۆپچىلىكنىڭ تىرىشچانلىقى،قوللىشى،كۈچ چىقىرىشى بىلەن ئىشىنىمىزكى تەڭرىتاغ مۇنبىرى تور دۇنياسىدىكى نادىر مۇنبەر بولۇپ قالغۇسى.

noshirwan

	ياخشى تەكلىپ-پىكىرلەرنى بېرىپسىز. مۇنبەر كۆپچىلىكنىڭ ئورتاق تىرىشچانلىقى ئارقىلىقلا ئاۋات مۇنبەر، سەرخىل مۇنبەر بولالايدۇ. دوستانە، سەمىمىي كەيپىيات، ئىلمىي مۇنازىرە، نادىر يازمىلار مۇنبەر مۇھىتىدا مۇھىم ئورۇن تۇتىدۇ. يازما ۋە ئىنكاس سۈپىتىگە باشتىن باشلاپلا ھەممەيلەن دىققەت قىلساق، مۇنبەرنىڭ سۈپىتى تېخىمۇ ياخشى بولىدۇ.

karwanim

	مەن بىر كىچىككىنە تەكلىپ بىرىپ ئۆتسەم: مۇنبەرنىڭ ئومۇمى تۈزىلىشى،خەت شەكلى،خەت رەڭگى دىگەنلەر تولىمۇ جايىدا ،كىشىگە ئارامبەخش ۋە ئازادە تۇيغۇ بېغىشلايدۇ. مۇنبەرنىڭ باش بېتىدىكى ئەڭ يېڭى تىمىلار دىگەن سىتون دەل جايىغا ئورۇنلاشتۇرۇلغان،ئەڭ ئاۋات تىمىلار سىتونى بىلەن يېڭى ئىنكاسلىق تىمىلار سىتونى ئاملاشتۇرۇلسا،يەنى ئو تەرەپتە ئەڭ يېڭى تىمىلار سىتونى،ئوتتۇرىدا يېڭى ئىنكاسلىق تىمىلار سىتونى،سول تەرەپتە ئاۋات تىمىلار سىتونى بولسا دىمەكچى،ئۇيغۇر مۇنبەرلىرىنىڭ باشبەتتىكى تىما سىتونى مۇشۇنداق ئورۇنلاشتۇرۇلغان بولغاچ مۇنبەرداشلارمۇ بۇنىڭغا كۆنۈپ كەتكەن. يەنە ئاۋات تىمىلار سىتونىغا ھەپتىلىك ئاۋات تىمىلار يەنى ھەپتىلىك كۆپ ئىنكاس چۈشكەن تىمىلار ئاپتۇماتىك چىقىپ تۇرسا دىمەكچى،كۆپ كۆرۈلگەن تىمىلار قاتارىغىمۇ ھەپتىلىك كۆپ كۆرۈلگەن تىمىلار ئاپتۇماتىك چىقىپ ماڭسا... يەنە جەۋھەر تىمىلار قاتارىغا قانداق تىمىلار چىقىدۇ،بىلسەم جەۋھەر تىمىلار قاتارىغا جەۋھەرلەنگەن(نادىرلانغان)تىمىلار چىقىدۇغۇ دەيمەن.بىرەر تىما باشقۇرغۇچى تەرىپىدىن جەۋھەرلەنگەندىن كىيىنلا جەھۋەر تىمىلار قاتارىدا چىقسا دىمەكچى.ھازىر مەن جەۋھەر تىمىلار قاتارىدىكى تىمىلارنى ئاچسام تىمىدا جەۋھەرلەندى دىگەن ئەسكەرتىش يوق ئىكەن،  مىنى يەنە بىر سۆي(تەرجىمە ھىكايە) ،پاتىگۇل نىياز :يېشىل زىندان (پوۋسىت) ...قاتارلىق تىمىلار جەۋھەرلىنىپتۇ،لىكىن جەۋھەر تىمىلار قاتارىدا يوق...

بىلگئەر

	admin ئەپەندىم ، مۇشۇ تېمىغا 3 پارچە ئىنكاس يوللاپسىز. « يېڭى ئىنكاسلىق تېمىلار» دا يەنىلا يوققۇ؟.... مەن خاتا كۆرمىگەندىمەن.           قاراپ باقايلى، بىر سائەت ئالدىدا سىز «ئالما شىركىتىنىڭ قۇرغۇچىسى Steve Jobs ئالەمدىن ئۆتتى» تېمىڭىزنى يوللاپسىز. ئىنكاسمۇ 4 پارچە ئىكەن، ئەجىبا ئۇنى كۆردۇمغۇ.... مېنىڭ كۆزۈم چاتاقمۇ ؟           يۇقاردا ئىنكاس قىلغان مەسىلىلەرنى ئۆزۈڭلارمۇ تەكشۈرۈپ بىقىپ، ئاندىن ئىنكاس يازسىڭىزمۇ كىچىكمەيسىز. مېنىڭ بۇ تېمىنى يوللىشىم، سىزلەرگە ئاۋارچىلىق تېپىش ئەمەس، ۋە ياكى سىزلەرنىڭ قىلغان ئىشلىرىڭلارنى مەسخىرە قىلىش ئەمەس. پەقەت ئەمەلىي مەسىلىنى ئوتتۇرغا قويۇپ قويدۇم. بۇ پەقەت بىر تەكلىپ، كۆپچىلىككە ياخشى مۇھىيتنى ھازىرلاپ بەرسىكەن دەيمەن. يېڭىدىن رەسمىي ئېلان قىلىدىغان مۇنبەر سىستېمىسى بەلكىم سىز دېگەندەك تېخىمۇ مۇكەممەل بولۇشىدا گەپ يوق. بىز سىزگە ئىشىنىمىز. چوقۇم ياخشى بولىدۇ. ئەلۋەتتە «چۆمۈچ قولىڭىزدا» قانداق ئورۇنلاشتۇرۇش يەنىلا سىزگە باغلىق. شۇڭا  بەلكىم ئۆزىڭىزنىڭ ئويلىغانلىرى باردۇ؟  قارغاندا يۇقارقى بەزى ئىنكاسلىرىڭىزدىن مەندىن شۇنداق رەنجىگەندەك بەك تەپسىلىي يېزىپ كىتىپسىز. بىھاجەت.....ھا.... ھا....            ئەگەر مېنىڭ يازمىلىرىم ۋە ئىنكاسلىرىمدىن كوڭلىڭىز رەنجىگەن بولسا، مېنى ئەپۇ قىلىۋىتىڭ. بولسا ئاۋۇ يۇنىكود توغرىسىدىكى ، ساندان توغرىسىدىكى چۈشەندۈرشىڭىزنى توغىرلاپ قويسىڭىز.چەتئەللىكلەرنىڭ مۇنداق بىر گىپى بار « مەن تۇخۇم تۇغالمىساممۇ، بىراق تۇخۇمنىڭ تەمىنى تېتىيالايمەن.» شۇڭا ھەممىمىزنىڭ مەقسىدى تەڭرىتاغ مۇنبىرىنى ياخشى قىلىش. گەپلىرىم قاتتىق كەتكەن بولسا كەچۈرڭ.           بولسا يۇقارقى ئىنكاسلارنى رەتلەپ مۇنبەر قوللانمىسى قىلىپ ئايرىم يېزىپ يوللاپ قويسىڭىز. ھەم پىكىرلىرىمنى دەلىللەپ ئويلىشىپ باقسىڭىز. تېخنىكىلىق مەسىلىلەرنى مېنىڭچە سىز ياخشى ھەل قىلالايسىز. يەنىلا دەيدىغىنىم، سىزنىڭ ۋەزىپىڭىز ھەممىمىزنىڭكىدىن ئىغىر....

uyghur

	/forum.php?mod=viewthread&tid=1130 مەن ماۋۇ تېمىنى يېڭى تېمىلار دىن تاپالمىدىمغۇ ؟      يەنىلا بىر مەسىلىگە جاۋاب بەرمەپسىلەر ؟ نىمىشقا تەڭرىتاغ تورى باش بېتىدە ئۇلىنىش ئادىرىسى يوق ؟ بەك ئاۋارىچىلىقكەن مۇنبەر ئىسمىنى تېپىش ؟ كىرىش ئۈچۈن دائىم  ئىزدەش بەتلىرىگە كىرىدىكەنمىز  ؟

تەڭرىتاغ

	uyghur يوللىغان ۋاقتى  2011-10-6 18:05 /forum.php?mod=viewthread&tid=1130 مەن ماۋۇ تېمىنى يېڭى ت ... مۇنبىرىمىز تېخى سىناق تەرىقىسىدە ئېچىۋېتىلگەچكە ، بەزىبىر نۇقسانلاردىن ساقلىنىپ بولغىلى بولمايدىكەن . بىراق تەكلىپ - پىكىرلىرىڭىزنى بىز قوبۇل قىلىپ مۇنبەرنى چوقۇم ياخشى قىلىپ قۇرۇپ چىقىمىز .

jasus19

	شۇنداق مۇنبەر نامىنى مۇ يادلاش تەسكەن ئاسان ئەستە قالمايدىكەن،،، ئەزالىق ئىسىملىرمىزغار ئاناتىلمىزنى ئىشلەتسەك ياخشى بولاتتى ،،،،، يەنە كىلىپ بۇ مۇنبەرنىڭ ئىسمىمۇ‹ تەڭرىتاغ › بولغاندىكىن ،،يەنە بىر غەلىتە ئىش  ئىنكاسنىمۇ  تەستىقلاپ چىقىرىش ئىكەن ،،مەن بۇنىڭ غا كۆنەلمىدىم ،،،بەلكىم مۇنبەرداشلار مۇ كۆنەلمىدى .  مۇشۇ ئىشنى ھەلقىلغىلى بولامۇ .؟

haltakoqa

	مۇنبەرداشلارنىڭ ياخشى تەكلىپ بىرىشى ئورۇنلۇق. لىكىن تەڭرىتاغ مۇنبىرى ئاپتونۇم رايۇنلۇق پارتكوم تاشقى تەشۋىقات ئىشخانىسى باشقۇرشىدىكى بىردىن بىر ھۆكۈمەت دەرىجىلىك تور بەت ۋە مۇنبەر، شۇنداق بولغانكەن مۇنبەردىكى يازمىلارغا بىرىلگەن ھەر بىر باھانى چوقۇم تەستىقلاش كىرەك، ئۇنداق بولمىغاندا بەزىبىر بىنورمال بولغان ياكى مەزمۇنى ساغلام بولمىغان ئىنكاسلارنىڭ تور مۇنبىرىنىڭ تەرەققىياتىغا تەسىر كۆرسىتىشىنى ھېچكىم خالىمايدۇغۇ دەيمەن. شۇڭا بۇنى باشقا شەخسى نامدا ئېچىلغان مۇنبەرلەرگە سېلىشتۇرۇشقا بولمايدۇ     يەنە بىر جەھەتتىن ئاپتورلارنىڭ بۇ مۇنبەرگە ياخشى، تەربىيەۋى ئەھمىيتى بار، ئاممىنىڭ تۇرمۇشىغا پايدىلىق بولغان تىمىلارنى يوللىشىنى تەۋسىيە قىلىمەن. بىزدە «كوزا كۈندە سۇنمايدۇ، كۈنىدە سۇنىدۇ» دىگەن گەپ بار، باشقىلارنى ئاسرىغانلىق ئۆزىمىزنى ئاسرىغانلىق.     تەڭرىتاغ مۇنبىرىنىڭ بۇ بىر نەچچە كۈنلۈك سىناق ۋاقتىدا مۇشۇنداق مۇۋاپپىقىيەتلىك بولىشىنى مۇنبەر باشقۇرغۇچىلارنىڭ جاپالىق ئەمگىكىدىن ئايرىپ قارىغىلى بولمايدۇ. تەڭرىتاغ تورىدا ئادەم كۈچى ئىنتايىن ئاز، بىر ئادەم بىر قانچە تۈرلۈك خىزمەتنى ئىشلەيدۇ، كۆپچىلىك ئۇلارنىڭ خىزمىتىنى ئورتاق قوللايلى.    تەڭرىتاغ مۇنبىرى ئادرىسىنى ساقلاش ئادرىسىڭىزغا بىر قېتىم ساقلىۋالسىڭىزلار كىيىن ئىزدەپ يۈرمەيسىز، پەقەت تور بېتىنى ئاچسىڭىزلا ساقلاش ئامبىرىدا ئادرىس ساقلىنىدۇ، بۇنچىلىك ئىشنىغۇ قىلالارسىز؟

haltakoqa

	يەنە بىر جەھەتتىن بىر قىسىم مۇنبەرداشلار زىيارەت قىلغۇچىنى جەلىپ قىلىمەن دەپ يازما ماۋزۇسىغا «ئالامەت»، «كارامەت»، «كىرمىسىڭىز بولمايدۇ» دىگەندەك غەلىتە ماۋزۇنى قويۇشقا ئامراقكەن، بىز باشقىلارغا زوق ئاتا قىلىمىز دەپ يازما يازدۇق، ئەگەر يازمىمىز باشقىلارغا ياقسىلا ئۇ قانداق تىما بولىشىدىن قەتئىي نەزەر يەنىلا باشقىلارنى جەلپ قىلالايدۇ. شۇڭا مىنىڭ يازمامغا نىمە ئۈچۈن ئىنكاس يوق؟، مىنىڭ يازمام نىمە ئۈچۈن باش بەتكە بىرىلمىدى دەپ خاپا بولۇپ يۈرمەيلى.

karwanim

	مۇنبەرنىڭ ئادىرىسىنى پەقەت ئىسىڭلاردا تۇتالمىساڭلار ئۇلىنىشcn تورىغا كىرىپ ئاستىغا چۈشۈرۈپ مۇنبەرلەر قاتارىغا قارىساڭلار تەڭرىتاغ تورى مۇنبىرى ئەڭ ئالدىغا تىزىلغان،شۇ يەردىن كىرسەڭلارمۇ بولىدۇ.مەنغۇ ئادىرىسىنى ئىسىمدە تۇتىۋالغىلى نەۋاخ

karwanim

	يەنە بىر كىچىككىنە ئىش،مۇنبەردىكى ئەزالارنىڭ سىستىما دەرىجىسىگە ئائىت يەرنىڭ ئىملاسى كۆزۈمگە تاشلىنىپ قالدى،يەنى  ئالتۇن ئەزا  ئەزادىن كىيىن كىلىدىغان دەرىجە  مۆتىۋەر ئەزا   ئىكەن، لىكىن بۇ خەت خاتا ھالدا  مۆتۈېەرئەزا  دەپ يىزىلىپ قاپتۇ

karwanim

	مەسىلەن:مۇنبىرىمىز ئەزاسى mungdaxنىڭ سىستىما تەرىپىدىن بىرىلگەن دەرىجە نامى  مۆتۈېەرئەزا ئىكەن،مۇشۇ يەرنىڭ ئىملاسىنى تۈزەپ قويغان بولساڭلار...

admin

	uyghur يوللىغان ۋاقتى  2011-10-6 18:05 /forum.php?mod=viewthread&tid=1130 مەن ماۋۇ تېمىنى يېڭى ت ... بۇ مۇنبەرگە تەۋە جاي ئەمەس ، گۇرپىغا تەۋە . مۇنبەر قىسمى بىلەن ئورتاق ئۇچۇر ئىشلەتمەيدۇ .

admin

	بىلگئەر يوللىغان ۋاقتى  2011-10-6 15:04 admin ئەپەندىم ، مۇشۇ تېمىغا 3 پارچە ئىنكاس يوللاپسى ... مەن يازغان ئىنكاس تېمىلارنىڭ ئورۇن تەرتىپىگە تەسىر كۆرسەتمەيدۇ . پەقەت تورداشلار ۋە باشقا باشقۇرغۇچىلارنىڭ ئۇچۇرلىرىلا مەزمۇننىڭ تىزىلىش تەرتىپىنى بەلگىلەيدۇ .

admin

	uyghur يوللىغان ۋاقتى  2011-10-6 18:05 /forum.php?mod=viewthread&tid=1130 مەن ماۋۇ تېمىنى يېڭى ت ... باش بەتتە مۇنبەر ئۇلىنىشى بار ، تىزىملىكنىڭ ئەڭ ئاخىردا قىزىل كۆك يىنىپ تۇرىدىغان . يىقىندا تەڭرىتاغنىڭ يېڭى نۇسخسىنى ئېلان قىلىمىز ، شۇ چاغدا سىللەرگە قولايلىق ۋە يېڭى تور مۇھىتىنى سۇنىمىز .