ۋاقىتنىڭ بايانى

ئەزھەر36 · ۋاقتى: 2015-7-3 17:20:58

بۇ يازمىنى ئاخىرىدا ئەزھەر36 تەھرىرلىگەن. ۋاقتى 2015-7-3 17:25

ۋاقىتنىڭ باي

انى

ۋاقىت-ناھايىتى مۇلايىم، لېكىن ناھايىتى كۈچلۈك، ئۇنىڭغا ھېچقانداق نەرسە قارشىلىق قىلالمايدۇ. ئۇ تەسەۋۋۇر قىلغۇسىز كۈچكە ئىگە. بىرچېكىت-بىر چېكىتتىن نەچچە يىللارنىڭ يالدامىسىنى سىزگە تۇيدۇرماي گۈزەل ھاياتىڭىزغا سىڭدۈرىۋېتەلەيدۇ.
ۋاقىت-ئېقىن سۇغا ئوخشايدۇ. چۈنكى سىز ھاياتىڭىزدا ئېقىن سۇغا ئىككىنچى قېتىم يېقىنلىشالمايسىز، چۈنكى بىر قېتىم ئېقىپ كەتكەن سۇ قايتىلانمايدۇ، سىزنىڭ قىلالايدىغىنىڭىز پەقەتلا ئاشۇ سۇدىن ئۈنۈملۈك پايدىلىنىش.
ۋاقىت-دېڭىز دولقۇنى. ئۇ ئۆزىنىڭ كۈچىگە تايىنىپ دېڭىز ساھىلىدىكى بارلىق ياخشى-يامان ئىزلارنى ئۆچۈرىۋېتەلەيدۇ.
ۋاقىت-بارلىق ھېسسىياتلارنى ئاجىزلىتالايدۇ ھەم كۈچەيتەلەيدۇ. شۇڭا ۋاقىت ئۆز نۆۋىتىدە يەنە تەڭپۇڭلاشتۇرىدىغان تارازا.
ۋاقىت-كۆپ ئىقتىدارلىق ئاچقۇچ. ئۇھەرقانداق ئېچىلمايدىغان مۇستەھكەم قۇلۇپلارنىمۇ ئېچىۋېتەلەيدۇ.
ۋاقىت - دەملەنگەن چاي. قايتا-قايتا دەملىگەنسېرى قېنىقلىشىدۇ.
ۋاقىت يەنە بىر بانكا، بىز ئۇنىڭغا ھەم پۇل قويالايمىز ھەم بەلگىلەنگەن سوممىدىكى پۇلنى ئالالايمىز.
ۋاقىت-ئۇستا بىر رەسسام. ئۇ سىزنىڭ ئوخشاش بولمىغان دەۋردىكى ئوخشاش بولمىغان سىمايىڭىزنى ئادىللىق بىلەن سىزگە سىزىپ بېرىدۇ.
ۋاقىت- ۋەدە. ئۇ سىزنىڭ بارلىق كۈچىڭىزنى ئىشلىتىپ ئۆزىڭىزگە تەۋە بولغان مۇھەببەتنى قانچىلىك دەرىجىدە ساقلىغانلىقىڭىزنى سىنايدۇ.
ۋاقىت، دۇنيادىكى قىممەتلىك نەرسە، ئۇ پۇل ۋە جاۋاھىراتلارغا ئوخشىمايدۇ، پۇل ۋە جاۋاھىراتلار يۈتۈپ كەتسە ئۇنى تاپقىلى بولىدۇ، لېكىن ۋاقىت ئۇنداق ئەمەس، ئۇ ئۆتۈپ كەتتىمۇ بولدى، مەڭگۈ سىزگە تەئەللۇق بولمايدۇ،
ۋاقىت-ئادەملەرگە نىسبەتەن ئېيتقاندا قولىڭىزدىكى پۇل، بىر يۈەن خەجلىسىڭىز بىر يۈەن كېمىيىپ بارىدۇ.

ئىدرسجان · ۋاقتى: 2015-7-3 20:34:24

ۋاقىت ئاتقان ئوق دەپ توغرا ئىيتقان كونلار.

ئا.ئاسۇق · ۋاقتى: 2015-7-4 11:37:55

ياخشى تېما ياخشى مەزمۇنغا رەھمەت ئەزھەر ئەپەندى.