زىبا :قانداق قىلغاندا ساۋادىنى تىز چىقارغىلى بۇلىدۇ؟

Muhammat01

بۇ ماقالىنى ناھايىتى ياخشى يېزىپسىز ، بولۇپمۇ « قوش تىل » ئوقۇتۇشى چىڭ تۇتىلىۋاتقان مۇشۇنداق ۋاقىتتا ئەۋلاتلىرىمىز ئانا تىلىدىن ساۋاتسىز قالسا بۇ مىللى مائارىپ خىزمىتى بىلەن شوغۇللىنىۋاتقانلار ئۈچۈن تولىمۇ نومۇسلۇق ئىش ئەمەسمۇ ...... !
: o( A4 V- B/ kنۆۋەتتە مىللىي مائارىپىمىزدا « قوش تىل » ئوقۇتۇشىنىڭ يولغا قويۇلىشى بىر قىسىم ئوقۇتقۇچىلار ئۈچۈن بېسىم ئېلىپ كەلگەن بولسىمۇ يەنە بىر قىسىم ئوقۇتقۇچىلارغا نۇرغۇن قۇلايلىق شارائىتلارنى يارىتىپ بەرمەكتە . مەسىلەن : دەرس تەييارلىقى جەھەتتە خەنزو تىلىدىكى ماتىرىياللارنىڭ كۆپلىكىنى سۆزلەپ ئولتۇرۇشنىڭ ئورنى يوق ، كۆپ ساندىكى « قوش تىل » لىق سىنىپلارغا دەرس بېرىۋاتقان ئوقۇتقۇچىلار ئۈچۈن « دەرس تەييارلاش » دىگەننى « ماتىرىيال كۆچۈرۈش » دەپ ئېيتساق ئارتۇق كەتمەسلىكى مۇمكىن ، لېكىن مەن بۇنداق تەييار ماترىياللارنى چەتكە قاقماقچى ئەمەس ، پايدىلىنىشقا تىگىشلىكىدىن چوقۇم ئۈنۈملۈك پايدىلىنىش كېرەك ، ئۈلۈك ھالەتتىكى پايدىلىنىش مىللى مائارىپ تەرەققىياتىغا نىسبەتەن زور تەھدىت .
ئاخىرىدا « قوش تىل » لىق سىنىپلارغا دەرس بېرىدىغان ئوقۇتقۇچىلاردىن ئۆتۈنۈپ سورايدىغىنىم : ئوقۇغۇچىلارنىڭ ئانا تىل تەپەككۈرىنى بوغۇپ قويمايلى

tayir07

مەن تېخى ياردەم سوراپ يازغان تېما ئوخشايدۇ دەپتىمەن.ياخشى ماقالىكەن

جام

بەك ياخشى تەجرىبىلەر سۆزلەنگەن ماقالىكەن، رەھمەت سىزگە ھۆرمەتلىك «زىبا» مۇئەللىم!
بۇرۇن مەكتەپتە ئىشلىگەن ۋاقىتلىرىمدا مەرھۇم دادام بىلەن بىرگە ئىشلەيتىم، بىر چاغدا دادامغا مەسلىھەت سېلىپ: مەن 1- يىللىقنى تۇتۇپ باقايمىكىن دەيمەن دېسەم، دادام قەتئىي قوشۇلمىغان ئىدى. چۈنكى، دادام 1- يىللىققا دەرس ئۆتمەك (ئېلىپبەدىن ساۋاد چىقىرىشنى نەزەردە تۇتقانلىقى ئېنىق) بەك تەس، ياخشىسى ئۆز سىنىپىڭنى تۇتىۋەر دېگەن ئىدى. سەۋەبىنى شۇ ۋاقىتلاردا ھېس قىلغان بولساممۇ يەنىلا كۆڭلۈمنىڭ بىر يەرلىرىدە يەنىلا 1- يىللىقنى تۇتۇپ كۆرگۈم كېلەتتى. چۈنكى، دادام ئەسلىدىنلا بىر ماتېماتىكىچى ھەم كۆپ يىل مەكتەپنىڭ مالىيە خىزمىتىگە مەسئۇل بولۇپ ئىشلىگەن ئوقۇتقۇچى ئىدى. شۇڭا، شۇنداق دەۋاتقان بولۇشى مۇمكىن دەپمۇ قارايتىم. كېيىن تەقدىر- قىسمىتىمدە ئۆزگىرىش بولۇپ، بۇ ئارمانلىرىم ئەمەلگە ئاشمىدى. شۇنداقتىمۇ ھازىر بۇ ماقالىنى شۇنچىلىك ئەستايىدىل كۆرۈپ چىقىپ، ماقالىدە قەيت قىلىنغان مەزمۇنلارنى ئۆرنەك قىلىشنى ئويلاشتىم. چۈنكى، بالىلىرىم مۇشۇ كۈز پەسلىدە 1- يىللىققا چىقىدۇ، ھازىر بازارلىق مەركىزى يەسلىدە خەنزۇ مۇئەللىمنىڭ تەربىيەسىدە ئوقۇۋاتىدۇ. مەن بۇ ماقالىدە ئوتتۇرغا قويۇلغان مەزمۇنلارغا ئاساسەن، مۇمكىنچىلىك بولسا مەكتەپكە كىرگۈچە ئارىلىقتا ئانا تىل- ئېلىپبەدىن ئازراق بولسىمۇ ساۋادىنى چىقىرىشقا كۈچەپ باقاي دەپ ئويلاۋاتىمەن. چۈنكى، بالىلار بىزنىڭ بالىلىرىمىز، ئۇلارنى تەربىيەلەش پەقەت مائارىپ تارماقلىرىنىڭ- ئوقۇتقۇچىنىڭلا مەسئۇلىيىتى ھەم مەجبۇرىيىتى ئەمەس. كۆپچىلىكنىڭ بالىلارنى تەربىيەلەش، ئوقۇ- ئوقۇتۇش جەريانىدا مەزكۇر ماقالىدىن ئۆرنەك ئېلىشىنى تەۋىسىيە قىلىمەن. چۈنكى، بىز بىلسەككى- ئەۋلاد تەربىيەلەشتىن مۇھىم خىزمەت ۋە ئىش مېنىڭچە يوق.