ئۇيغۇرچە تور بەتلەرگە تەكلىپ-ئۇيغۇرمەن

uyghurman · ۋاقتى: 2014-2-19 13:58:13

بۇ يازمىنى ئاخىرىدا uyghurman تەھرىرلىگەن. ۋاقتى  2014-3-11 10:21

ئۇيغۇرچە تور بەتلەرگە تەكلىپ
ئۇيغۇرمەن
ئەسسالامۇئەلەيكۇم !ئەزىز.مۆھتەرەم قېرىنداشلار!بۈگۈن بۇ تورغا يېڭىدىن ئەزا بولۇپ كىردىم.بۇرۇن مەن بىلەن بىرگە ئىشلەيدىغان خىزمەتداشلىرىم بىلەن پاراڭلىشىپ بۇ تور ھەققىدە يۈزەكى چۈشەنچىگە ئېرىشكەن بولساممۇ،سىزلەر بىلەن دىدارلىشىش پۇرسىتى كەلمىگەن ئىدى،
يېقىندا  تورنىڭ يەنە ئېچىلغانلىقىنى ئاڭلاپ،تىزىملىتىپ ئەزا بولدۇم.ئۆزۈم ئوقۇتقۇچىمەن،ئوقۇغىنىم ئىقتىساد ئىلمى،قارىسام كۆپىنچە تور بەتلەردە ئىقتىساد توغرىلىق ئەسەرلەر ئاز بۆلىشى ئومۇميۈزلۈك ساقلانغان ھادىسە ئىكەن،ئىنتايىن ئاز ئىكەن دېسەكمۇ بولىدىكەن،شۇڭا مۇشۇ ھەقتە ئۆزۈمنىڭ خىزمەت،تۇرمۇش تەرەپلەردە ئېرىشكەن تەجرىبە-ساۋاقلىرىم ئاساسىدا بۇنىڭدىن كېيىن ھەرقايسىڭىزلار بىلەن ئورتاقلىشىش خىيالىم بار！ شۇڭا بۇنىڭدىن كېيىن ئىقتىساد،جوڭگۇ-چەتەل تارىخى،يۇرتىمىز تارىخى ،تىل ۋە تەرجىمە،ئەدەبىيات سەنئەت ھەققىدە ۋاقتىم چىقسا ئەسەر ئەۋەتىپ تۇرۇشقا تىرىشىمەن!
مەن بىر ئەمەلىيەتكە ئەھمىيەت بېرىدىغان كىشىمەن،كۆز ئالدىمدا يۈز بەرگەن ئىشلار ۋە بىلگەن ئاڭلىغانلىرىمنى يازىمەن،سۈنئىيلىكتىن خالىيمەن!شۇڭا بۇ يەردە ئالدىن دەۋالاي دېمەكچىمەن،كۆپرەك تەلىم بەرگەيسىلەر!
ئۇيغۇرچە تور بەتلەرگە بۇ قېرىندىشىمنىڭ نېمە تەكلىپ پىكرى باردۇر دەپ ئويلىغانسىلەر،ئۇنداقتا مەن ئۇزۇن گەپنى قىسقا قىلىپ،ئۆز گەپ-سۆزۈمگە كەلمەكچىمەن.
1.ئۇيغۇر تور بەتلىرى دۇنياغا يۈزلىنىشى كېرەك.
بۇنىڭغا قانداق قارايسىز دېسەڭلار،دىيارىمىزدا ئۇيغۇر تور بەتلەرنى ئاساسەن كىنو-تېلېۋىزىيە تىياتىرى،ھەرخىل ئىتوت،كۈلدۈرگە ...دېگەندەك مەزمۇنلارنى ئاساس قىلىدىكەن،بەزى مەزمۇنلار توغرىسىدا مەن دېمىسەممۇ،ھەرقايسىلىرى بىلىشى تۇرغانلا گەپ.مۇشۇ چاققىچە ئۇيغۇرلارنىڭ بەيدۇ،شىنلاڭ،56،يوۋكۇ....دېگەندەك مەملىكىتىمىزدىكى داڭلىق تور بەتلىرى قۇرۇلغىنىمۇ يوق،بۇنى ئوبيېكتىپ ۋە سۇبيېكتىپ سەۋەبتىن قاراشقا بولىدۇ،شۇڭا ئۇيغۇرچە تور بەتلەرنى باشقا تور بەتلەردىن پەرقلىنىدىغان ئالاھىيدىلىگى شەھۋانىي فىلىم ۋە تېلېۋىزىيە تىياتىر....لار ئاساسەن يوق دېيەرلىك ،سىياسەتچانلىقى ئىنتايىن كۈچلۈك دەپ كېسىپ ئېيتىشقا ھەقلىقمىز!شۇڭا ئۇيغۇرچە تور بەتلەردە تىزىملاتقاندا ھەقىقىي ئىسىم-فامىلىنى كۆپرەك ئىشلىتىلىدىكەن،شۇڭا بىزلەرمۇ توردا بىرەر نەرسە يازغاندا مەيلى ئەسەر بولسۇن ياكى ھەرخىل باھالاش،تەكلىپ-پىكىر بولسۇن ئامال بار ئۆزىمىزگە ئۆزىمىز ھاي بېرىپ،ئىنتايىن سىياسىي سەزگۈرلۈك بىلەن بۇ نۇقتىغا ئالاھىدە دىققەت قىلىشقا ئەرزىيدۇ دەپ قارايمەن،چۈنكى ئادەم ھەر ئىش قىلسا ئېغىزىدا سۆزلەيدۇ،ئالاھىدە سەزگۈرلۈكى يۇقىرى سۆز ئىبارىلەرنى ئىشلەتمىسەكمۇ سىلىق-سىپايە گەپ قىلىشقىمۇ بولىدۇ،بۇنى مەن ئوچۇق-ئاشكارا دېمىسەممۇ ھەرقايسىڭىزلەر بىلىسىلەر،شۇڭا بۇنىڭدىن كېيىن تور بەتلەرنىڭ نىشانى دۇنياغا يۈزلىنىشى كېرەك،بۇ ئۆزىمىز تۇرۇشلۇق دۆلەتنىڭ ئەمىر-پەرمانى،سىياسەت قانۇن-تۈزۈم دائىرىسىدە بولۇشى مۇقەررەردۇر.
2.ھەر خىل ئىختىساسلىقلارنى جەلپ قىلىشقا ماددىي ۋە مەنىۋى جەھەتىدىن كۈچ چىقىرىشى كېرەك ،
تور بەتلەر بۇنىڭدىن كېيىنكى يۈزلىنىشىدە تور تېخنىكىسى يۇقۇرۇى،قەلەم ۋە ئەلەمگە ماھىر ئەدەبىيات سەنئەت جەھەتتە قابىلىيىتى بارلارغا ئالاھىدە ئەتىۋار بەرسەك بولامدۇ يوق دېگەننى ئويلىشىپ باقسا بولىدۇ.ئاڭلىسام بەيدۇ ،شىنلاڭ ،سوخۇ.....تورلىرى مەخسۇس توردا ئەسەر يازىدىغانلارغا ئىشلىگىنىگە قاراپ پۇل بىرەرمىش،شۇڭا خەنزۇچە تورلاردا ئالاھىدە تور يازغۇچىلار【网络作者】 يېتىشىپ چىققانلارمۇ بار،ئاڭلىسام توردا ئەسەر يازىدىغان بىر تورداش بولىدىغان،ئىسمى يادىمدا يوق،يازغان ئەسىرى"سۇنۋۇكوڭنىڭ تەرجىمە ھالى"دېگەن ئەسىرىنى بىر تور سودىگىرى يۇقىرى باھادا سېتىۋېلىپ مەخسۇس تېلېۋىزىيە تىياتىرى ئىشلەۋاتقانلىقىدىن خەۋەردار بولدۇم،ئامال بولسا بىزمۇ توردا ياخشى ماقالە يازىدىغان تورداشلارنى ئاي،پەسىل،يىل بويىچە باھالاپ چىقىپ،تورداشلار بېلەت تاشلامدۇ ياكى ئۆزئارا تەۋسىيە قىلىش دېگەندەك ئۇسۇللاردا ئۇلارنى جەلپ قىلىشقا بولامدۇ يوق？،بۇرۇن باغداش تورىدا مەلۇم قېرىندىشىمىزنى مۇشۇ ئۇسۇلدا مۇكاپاتلىغانلىقىنى يېقىندا مەن بىلەن ئىشلەيدىغان بىرەيلەندىن ئاڭلىدىم،بۇمۇ بىر ياخشى ئىش دەپ قارايمەن،توردا مەۋھۇم ئاقچا پۇل بېرىشنى بىزمۇ ئىقتىسادىي جەھەتتىن مۇكاپاتلاشقا بولامدۇ يوق بۇنى تور باشقۇرغۇچى مۆھتەرەم زاتلىرىمىز ئويلىشىپ قويسا بولامدۇ يوق.？
3.ئۇيغۇرچە تور بەتلەردە كىشىلىك قەدىر-قىممەتكە ھۆرمەت قىلىش ئەندىزىسى تۇرغۇزىشى كېرەك.
كىشىلىك غۇرۇرىغا تېگىدىغان،ئۆزئارا ئۆسەك سوز تاپىدىغان،ھاقارەت قىلىدىغان.ئۆزى بىر نەرسە يازماي مەخسۇس باھا-پىكىر يېزىپ جان باقىدىغان پارازىت قۇرتلار،خېلى كوپ سالماقنى ئىگىلىسە كېرەك،باغداشتا بۈگۈن مەن ئەزا بولۇپ كىرگەندە قارىسام ئەزا سانى 21644 كىشىگە يەتكەنلىكى توغرىسىدىكى ستاتىستىكا ئۇچۇرىنى كۆردۈم!بۇلارنىڭ ئىچىدە قانچىلىك كىشى بۇ تور بەتكە ئەسەر يازار،مېنىڭ پەرىزىمدە 1%گە بارمىسا كېرەك،شۇڭا بىزلەرمۇ مۇكاپاتلاش جازالاشنى ئېنىق بېكىتسەك توغرا بولارمىكىن،مەن ئوقۇدىغان يەنە بىر مەلۇم تور بەتكە ئادەتتە 3-6 ئايغىچە بىرەر ئەسەر يازمىسا شۇ تور بەت ئاپتوماتىك ھالدا شۇ كىشىنى تاللاپ شاللايدىكەن،بۇنى قەدىرلىك توربېكەت  قۇرغۇچىلىرىنىڭ ئويلىشىپ بېقىشىغا قۇيۇلغن بىر مەسىلە.
تورنىڭ مەقسىدى نېمە؟ ئالغا ئىلگىرىلەش،ئىقتىسادىي ئۈنۈم يارىتىش،دادىل ئالغا قاراپ ئىلگىرىلەش كېرەك،ھەرگىزمۇ داش قازان تامىقى يېمەسلىك،ئىشلىگەن چىشلەيدۇ،ئىشلىگىنىگە قاراپ ئىقتىسادىي جەھەتتىن رىغبەتلەندۈرۈشتەك دۆلىتىمىز ۋە چەتئەللەرنىڭ ئىلغار ئادىمىيلىك خاراكتېردىكى ئىقتىساد باشقۇرۇش ئەندىزىسىنى قوللانساق بولامدۇ يوق？ بۇ تور بېكەت قۇرغۇچىلىرى ئويلىشىدىغان يەنە بىر مەسىلە بولىشى مۇمكىن.！.
4.ھەممە گۈللەر تەكشى ئېچىلىش،ھەممە ئېقىم بەس-بەستە سايراش سىتىراتىگىيەسى قوللىنىش ئىمكانىيىتى بارمۇ يوق؟
،بۇلار ئۇيغۇرچە تور بەتلەردىكى ئاچقۇچلۇق مەسىلە،بۇ توردا بىر نەچچە ماقالىنى كۆردۈم،يەرلىك شېۋە ئاساسىدا يېزىلغان ئەسەرلەرمۇ باركەن،يازساققۇ مەيلى ئەمما بەزى يەرلىك شىۋىلەرنى شۇ يازغان قېرىندىشىمىز ئازراق ئىزاھلاپ ئۆتسە بولامدۇ يوق؟ئەدەبىي تىلىمىز ئاساسەن يەرلىك شېۋە تىلىمىز بەكمۇ پەرقلەنمەيدۇ،مەيلى شىمال ياكى جەنۇب،جۇڭگو ياكى چەتئەلدىكى قېرىنداشلاردا سۆزلەشكەندە ئاساسەن تىلىمىزنى ئۆزئارا چۈشىنەلەيمىز!شۇڭا ئارتۇقچە ئەنسىرەپ كەتمىسەكمۇ بولىدۇ دەپ قارايمەن!شۇڭا ئەدەبىي تىل،ئاغزاكى تىل فولكلور بايلىقىمىزدىن ئۈنۈملۈك پايدىلىنىشنى ئىشقا ئاشۇرۇشىمىز كېرەك!
مەن ئەسەر يازسام ھەقىقىي ئەھۋاللارنىلا ئېنىق يازىمەن شۇڭا توردا ئەسەر يازغاندا قالايمىقان سۆز ئىبارىلەر ئىشلىتىپ بىرەر نەرسە يازماسلىقىڭلارنى ئەمەلىيەتكە لايىق،سىلىق سىپايە  يېزىشىڭلارنى،كىشىلىك قەدىر قىممەتكە مۇخالىپ سۆز ئىبارىلەرنى ئىشلەتمەسلىكىڭىزلارنى  سورايمەن.
تور نامىم:uyghurman=uyghurmen،ئۆزۈم ئۇيغۇر پەرزەنتى،ئۇيغۇرچە-خەنزۇچە يېزىققا بىمالال مەشغۇلات قىلالايمەن!ئالاقىلەشكۈچىلەر QQ نومۇرۇمغا خەت يازسا بولىدۇ،ئوزارا پىكىر ئالماشتۇرۇشنى مەقسەت قىلىمەن!
ھۆرمەت بىلەن: ئۇيغۇرمەن
2014-02-19
ئۈرۈمچى
قوشۇمچە:تور نامىمنىڭ لاتىنچە يېزىلىشى:=uyghurmen=uyghurman
خەنزۇچە يېزىلىشى:威武门