16ياشقا توشمىغانلارنىڭ توكسىكىلىت ھەيدىشى مەنئى قىلىنىدۇ.

نەپرەت

ئاپتونوم رايونلۇق خەلق ھۆكۈمىتىنىڭ 13 – قېتىملىق دائىمىي يىغىنىدا ‹‹ئاپتونوم رايوننىڭ توكسىكىلىتنى باشقۇرۇش چارىسى››(تۆۋەندە قىسقارتىلىپ ‹‹چارە››دەپ ئېلىندى) مۇزاكىرە قىلىنىپ ماقۇللاندى, بۇ چارە 1 – مايدىن باشلاپ يولغا قويۇلىدۇ.     ‹‹چارە››گە ئاساسەن, توكسىكىلىت ھەيدىگۈچى 16 ياشتىن ئاشقان بولۇشى ھەمدە قانۇن – نىزاملاردىكى بەلگىلىمىلەردە كۆرسىتىلگەن بىخەتەر ھەيدەشكە توسالغۇ بولىدىغان جىسمانىي كەمتۈكلۈكى بولماسلىقى كېرەك. توكسىكىلىت ھەيدىگەندە يول يۈرۈش كىنىشكىسىنى بىرگە ئېلىپ يۈرۈشى, توكسىكىلىتقا نومۇر تاختىسى ئېسىشى؛ قاتناش بەلگە چىرىغى, قاتناش بەلگىسى, قاتناش بەلگە سىزىقىغا رىئايە قىلىشى؛ موتورلۇق قاتناش ۋاسىتىلىرى يولى, پىيادىلەر توغرا يولى ياكى كۆتۈرمە كۆۋرۈكتىن ئۆتكەندە, توكسىكىلىتتىن چۈشۈپ ئىتتىرىپ مېڭىشى؛ تورمۇز ئىشلىمىگەندە, توكسىكىلىتتىن چۈشۈپ ئىتتىرىپ مېڭىشى كېرەك.     ‹‹چارە››يولغا قويۇلغاندىن كېيىن, موتورلۇق ۋە موتورسىز قاتناش ۋاسىتىلىرى يول ئايرىلغان يولدا يۈرگەندە, توكسىكىلىتنى موتورسىز قاتناش ۋاسىتىسى يولىدا ھەيدىشى؛ مەركىزىي سىزىق, موتورلۇق ۋە موتۇرسىز قاتناش ۋاسىتىلىرى يولى ئايرىلمىغان يولدا يۈرگەندە, توكسىكىلىتنى يولنىڭ ئوڭ تەرىپىنى بېسىپ ھەيدىشى كېرەك.     توكسىكىلىتقا باسقان نەرسىنىڭ ئېگىزلىكى, يەر يۈزىدىن ھېسابلىغاندا 1.5 مېتىردىن؛ ئىككى يان كەڭلىك ئىككى تەرەپ رولدىن ھېسابلىغاندا 0.15 مېتىردىن؛ ئۇزۇنلۇقنىڭ ئالدى بېشى توكسىكىلىت چاقىدىن, كەينى بېشى توكسىكىلىت ئومۇمىي گەۋدىسىدىن 0.3 مېتىردىن؛ باسقان نەرسىنىڭ ئېغىرلىقى 15 كىلوگىرامدىن ئېشىپ كەتمەسلىكى كېرەك, توكسىكىلىت رولىغا نەرسە – كېرەكلەرنى ئېسىۋېلىشقا بولمايدۇ.     توكسىكىلىت ھەيدەپ پەيدا بولغان قاتناش ھادىسىسى يول قاتناش بىخەتەرلىكىگە ئائىت قانۇن – نىزاملار بويىچە بىر تەرەپ قىلىنىدۇ.
+ z  R8 k; c- }% I
ئەسلى مەنبەسى : تەڭرىتاغ ئۇيغۇرچە تورى

sarsanroh

چېپىلمىغان مۇشۇ ئىش قالغان ئوخشايدۇ.

sultanbiz

ياخشى بولۇپتۇ مەن قوللايمەن

سارسان

تىخىمۇ كۇپ  يىڭى ئۇچۇرلار بىلەن تەمىنلاپ تۇرغايسىز

bagrax

ھازىر كېلىپ چىقىۋاتقان قاتناش ھادىسىلىرىنىڭ زور كۆپچىلىكى مۇشۇ توكسىكىلىت دىگەن ‹‹ پارتىزان ›› بىلەن مۇناسىۋەتلىك . توكسىكىلىتلارنى ھەيدىۋالغان كىچىك بالىلار ياز كۈنلىرى چوڭ يوللاردا مۇزىكىنى بولىشىغا قويۇۋېلىپ چوڭ ماشىنا بىلەن يول تالىشىپ ماڭىدۇ . سۈرئىتى تېز ، ئۆزى كىچىك بولغاچقا ئاسانلا ھەيدىگۈچى ھادىسىگە ئۇچرايدۇ . ئازراق مەنپەئەتنى دېگەن بىلەن ھاياتنى دوغا تىكىدىغان گەپ . ئەڭ ياخشىسى بۇنى قورامىغا يەتكەنلەر ھەيدىسە مۇۋاپىق .
& b" {  o4 ~, x/ Eبۇ چارىنى قوللايمەن .

سابىر1

ياخشى بوپتۇ! بىزنىڭ شەھەردە كىچىك بالىلار دىگەن ئۇچىدۇ بۇنىڭغا چىقىۋالسا، كۆرۈپ مىنىڭ قورۇققۇم كىلىدۇ. توۋا دەيمەن بۇلارنىڭ ئاتا-ئانىسىنىڭ قورىقماي كىچىك باللىرىغا بۇنەرسىنى بىرىپ  ئۆيىدە بىخارامان ئولتۇرغىنىغا.