مەن ئىسىم كارتىسى ياسىتاي دىگەنتىم

قاراساي1 · ۋاقتى: 2013-1-12 15:27:51

مەن ئىسىم كارتىسى ياسىتاي دىگەنتىم يەنى (كومپىيوتېرئېلىش-سېتىش ،قوراشتۇرۇش ئائىلىگىچە بېرىپ مۇلازىمەت قىلىش )دىگەندەك مەزمۇندا قىلماقچى ئىدىم .بىر دوستۇم ئالدى بېتىگە ئۆزۈڭلانىڭ ئېلانىنى بېسىپ ئارقا بېتىگە يېڭى كالىندار بېسىڭلار دەيدۇ.شۇڭا قانداق قىلىشنى بىلەلمەي كۆپچىلىككە مەسلەھەت سېلىپ ئولتۇرۇپتىمەن ،مەن كارتىنى كوچىدىلا تارقاتماچتى ئىدىم.قانداق قىلسا كىشىلەر كارتىنى تاشلىۋەتمەي يېنىدا ساقلاپ قالا دىگەن مەخسەتتە مۇنبەرداشلارنىڭ يول كۆرسىتىشىنى تۆۋەنچىلىك بىلەن سورايمەن !

ahat0902 · ۋاقتى: 2013-1-12 16:22:47

دوستىڭىز توغرا مەسلىھەت كۆرسىتىپتۇ، كىشىلەرگە دائىم لازىم بولىدىغان نەرسىلەرنى ئويلۇشۇپ باسسىڭىز بولغۇدەك. لېكىن ھەممىدىن ئۈنۈملۈك بولغىنى يەنىلا ئەلا مۇلازىمەت.

جام · ۋاقتى: 2013-1-12 18:44:57

دوستىڭىزنىڭ گېپى بويىچە ئەگەر ئىسىم كارتىسىنىڭ بىر تەرىپىگە ئۆز تەشۋىقاتىڭىزنى، يەنە بىر تەرىپىگە كالېندار (مىنىڭ چۈشەنگىنىم 2013-يىللىق كالېندار) باسسىڭىز بۇغۇ بولىدۇ، بىراق ئېنىقلا 2013- يىلىدىن كېيىن قايتا ياسىتىشىڭىزغا توغرا كېلەمدۇ- قانداق؟ مېنىڭچە بولغاندا ياساتماقچى بولغان ئىسىم كارتىسىغا كالېندار چۈشۈرمەي يەنە باشقا بىرەر ئەھمىيەتلىكرەك مەزمۇننى ئويلىشىپ كۆرۈڭ، پەقەت بولمىغاندا ئادەتتىكىچە قىلىپ باستۇرىۋېرىڭ. مۇھىمى يوقۇردا «ئەخەت 0902» ئەپەندىم ئېيتقاندەك يەنىلا ئەلا مۇلازىمەت مۇھىم ئورۇندا تۇرىدۇ. ئوچۇق قىلىپ ئېيتسام مەنمۇ دەل سىزگە ئوخشاشراق مۇلازىمەت كەسپى بىلەن شوغۇللىنىمەن، ئىسىم كارتا ياساپ تارقاتمىدىم. مەنچە بولغاندا ئىسىم كارتا تارقىتىشتىكى مەقسەت سىز ۋە باشقىلار قانداق ئويلايدىكىن، شۇ مەقسەتلەر ئىچىدە باشقىلارغا قولايلىق يارىتىش مۇھىمنىڭ مۇھىمى دەپ قارايمەن. چۈنكى مەلۇم كىشى سىز شوغۇللىنىۋاتقان مۇلازىمەت دائىرىسىدىكى قىيىنچىلىققا ئۇچرىسا جىددىيلەشكىنىدە نېمە قىلىشىنى بىلەلمەي قېلىشى مۇمكىن، شۇ ئەھۋالدا دەرھال پورتمالىدىن سىزنىڭ نام كارتىڭىزنى چىقىرىپ سىزگە تېلېفۇن ئۇرۇشى ياكى سىزنى ئىزدەپ بېرىشى ئېھتىمال. مانا بۇ ھازىر مودا بولۇۋاتقان «ئاممىغا قولايلىق يارىتىش» تىن ئىبارەت. بۇ ئەلۋەتتە سىز ئۈچۈنلا ئەمەس مۇھىمى شۇ ئادەم ئۈچۈن تولىمۇ قولايلىق ئەمەسمۇ؟ مۇھىمى- ئەلا مۇلازىمەت، سەمىمىيەت. شۇڭا ياساتماقچى بولغان ئىسىم كارتىڭىزغا ئاتالمىش يېڭىلىق يارىتىش ئۈچۈن ئۇنچىۋالا باش قاتۇرۇپ كەتمەڭ (ھەر راست، شۇ ئىسىم كارتىڭىزغا ئۆزىڭىزگە خاس بىرەر خەت-بەلگىنى تىپ قىلىپ ماركا شەكىللەندۈرۈڭ. شۇ ماركا-سىز،شۇ ماركا-سىزنىڭ مۇلازىمىتىڭىز) مانا شۇنىڭ بىلەن ئىش تامام- ۋەسسالام. (كۆپچىلىك ئاقساقاللىق قىلىپ سالدىم، ئەپۇ قىلارسىلەر).

arkzat · ۋاقتى: 2013-1-12 21:00:43

مېنىڭچە، قۇرۇق دەبدەبىلىك گەپنى ئاز، ئەمەلىي قىلالايدىغان ئىشنى ھەقىقىي-ساز قىلىپ، كارتۇچقا بېسىپ تارقاتسىڭىز بولىدۇ. پېقىرمۇ دەل مۇشۇنداقراق مۇلازىمەت بىەلن مەشغۇلدۇر. ئەمما كارتۇچكا ھەشەم-پەشەم بىلەن بېزەلمەي، ئاددىي-ساددا، چوڭ سۈپەت بولمىقى ئاقىلانىلىقتۇر.

مەستانى · ۋاقتى: 2013-1-12 23:12:10

بۇ مەسىلە ئۈستىدە مەنمۇ كۆپ باش قاتۇرغان، لېكىن ئۈنۈملۈك بىرەر ئۇسۇلنى ھازىرغىچە تاپالمىدىم، يەلپۈگۈچ باستۇرۇشنى ئويلىشىپ بېقىڭ، بۇنىڭ ئۈنۈمى ئىسىم كارتىسىدىن ياخشىراق بولامدىكىن دەپ ئويلايمەن، چۈنكى يەلپۈگۈچنىڭ ئەمەلىي ئىشلىتىلىشچانلىقى بار شۇنداققۇ؟
ئەمما بۇنىڭمۇ ئۆزىگە چۇشلۇق يېتەرسىزلىكى بار، چۈنكى كىشىلەر پەقەت ياز پەسلىدىلا يەلپۈگۈچ ئىشلىتىدۇ، بۇ تەرىپى ئادەمنى ئۈمىدسىزلەندۈرۈپ قويىدۇ. بۇ توغرىسىدا باشقا قېرىنداشلارنىڭمۇ پىكىرلىرىنى ئاڭلاپ باقايلى !!!!!!!!!!!!!

جام · ۋاقتى: 2013-1-13 12:14:53

ھۆرمەتلىك تورداش «مەستانى» ياخشىمۇسىز، سىزنىڭ بۇ پىكرىڭىزدىن بىر ئىش ئېسىمگە كېلىۋاتىدۇ. تېخى بىرقانچە ئايلار بۇرۇن مەن ئۆز تەشۋىقاتىم ئۈچۈن مائۇس تەگلىكى ياسىتىشنى ئويلىشىپ قالغان ئىدىم. كۆپچىلىككە مەلۇم، ھازىرمۇ خېلى كۆپ قىسىم كومپيۇتېر ئىشلەتكۈچىلەر ھەرخىل مائۇس تەگلىكلىرىن ئايرىلالمايدۇ ئەمەسمۇ. بۇ بىرىنچى خىيالىم، ئىككىنچى خىيالىم: ھەر قېتىم كومپيۇتېر قوزغالغاندا چىقىدىغان نەچچە سېكونتلۇق كۆرۈنۈشكە ئۆز ئېلانىمىزنى بەرسەك. مانا بۇلار مىنىڭ ئۆز تەشۋىقاتىمنى كۆرسىتىشتىكى ئامالىم. ئىككىنچى خىيالىمنى ئەمەلگە ئاشۇرۇش ئۈچۈن يېقىندا مۇشۇنداق يۇمشاق دېتالدىن بىرنى تاپتىم، شۇنىسى بۇ ئۇسۇلدا چوقۇم قارشى تەرەپنىڭ كومپيۇتېرىغا مۇشۇ دېتالنى قاچىلاش كېرەك (بۇ تازا ئۈنۈملۈك ئۇسۇل ئەمەس، شۇنداقتىمۇ پايدىلىنىشقا بولىدۇ) لازىم بولغانلارغا يوللاپ بىرەي. ئەمدى بىرىنچى خىيالىم بويىچە مۇشۇنداق مائۇس تەگلىكى ئىشلەيدىغان ئورۇننى ھازىرچە تاپالمايۋاتىمەن. مۇشۇ پۇرسەتتە ياردەم قىلىشى خالايدىغانلار بارمىكىن.