باشقۇرغۇچىلارغا مەسلىھەت!

yarkanboy

ئەسسالامۇ ئەلەيكۇم قىرىنداشلار
خەلقىمىز مائارىپى ئۈچۈن، روھلاننىڭ تەرەققىياتى ئۈچۈن مىھنەتسىز جاپا تارتىۋاتقان باشقۇرغۇچىلار مەن ئالدى بىلەن روھلان قۇرغۇچىسى ئادىلجان نامىدىن ھەر قايسىڭلارنىڭ خىزمەتلىرىڭلارغا نەتىجە، ئائلىسىگە بەخىت، تىنىگە سالامەتلىك تىلەيمەن.

مەسلىھەتىڭلارغا سالىدىغان تۆۋەندىكىدەك ئىش بار ئىدى.

روھلان ئۈندىدار سالۇنىنى قۇرغىلى ھىساپتا 10 كۈنگە يىقىن بولۇپ قاپتۇ، ھازىرغىچە ئەزا بولغانلار 150 دىن ئاشتى كۈندىلىك قوبۇل قىلغان ئۇچۇر ئەڭ كۆپ بولغاندا 200 دىن ئاز بولغاندا 100دىن ئاشتى .........  ئۇچۇرلار كۈندە بىر قىتىم يىڭىلىنىپ تۇرىۋاتىدۇ. (ئاساسلىقى سىناق تەرىقىسىدە ھەر خىل رەسىملەر، سىن ھۆججەتلىرى، يىزىق ھۆججەتلىرى يوللىنىۋاتىدۇ.)

ھەر قايسىڭلارنىڭ خەۋىرىدە بار، روھلان ئۈندىدار سالۇنى ھازىر سىناق باسقۇچىدا بولغاچقا ئەزالارغا ھىچقانداق مەنپىئەت يەتكۈزۈش مەزمۇنىدىكى ماتىرياللار يوللانمىدى. مەن كۆڭلۈمدە يىڭى يىلدىن باشلاپ قىلىپلاشتۇرۇپ، سەھىپە تەسس قىلىپ روھلاندىكى يىڭىلىقلارنى، ھەر خىل پائالىيەتلەرنى تەشۋىق قىلىدىغان، كومپىيۇتىرىنىڭ ئالدىدا بولمىغان ئەھۋال ئاستىدىمۇ، روھلاندىكى يىڭىلىقلاردىن خەۋەردار بولغىلى بولىدىغان بىر خىل قۇرالغا ئايلاندۇرۋالايلىمىكىن دەپ ئويلىغان ئىدىم .......
بۇ جەھەتتە كۆپچىلىكنىڭ ياردىمىگە ۋە مەسلىھەتىگە مۇھـتاج بولۇپ قالدىم ...

1.  روھلان ئۈندىدار سالۇنىغا قانداق سەھىپىلەرنى تەسس قىلساق بولار. .... ؟
مەسىلەن:
1).ئەقلىيە سۆزلەر(ماقال-تەمسىل)
2).قىزىقارلىق رەسىم
3).....
4).
5).روھلاندىكى پائالىيەتلەر
(يۇقارقىلار پەقەت ۋە پەقەت مىسال ئۈچۈن ئىلىندى. كۆپچىلىكنىڭ پىكىرى ئاساس قىلىنىدۇ.)

2. ئۈندىدار سالۇنىغا ھەر قايسى سەھىپىلەرنى قۇرغاندىن كىيىن ماڭا ياردەملىشىپ ھەر قايسى سەھىپىلەرنى بىرلىكتە باشقۇرىدىغان باشقۇرغۇچىلارنى قىزغىن قارشى ئالىمىز..  ..


ئاخىردا كۆپچىلىك باشقۇرغۇچىلارنى بۇ تىما ئۈستىدە بولۇپمۇ روھلان ئۈندىدار سالۇنى ئۈسىتىدە كەڭ كۇشادە پىكىرى قىلىشىنى، قانداق پىكىرى بولسا ئوتتۇرغا قويىشنى ئۈمۈد قىلىمەن.   (چۈنكى بۇ روھلانغا نىسبەتەن يىڭى شەئىي، بۇنى ئەمەلدىن قالدۇرۋىتەيلى دىگۈچىلەر بولسىمۇ بولىدۇ، كۆز قارىشىڭلارنى ئوتتۇرغا قويۇپ باقساڭلار ...... ئورتاقلاشساق)

بولسا ھەر بىرىڭلار كۆز قارىشىڭلارنى ئوتتۇرغا قويساڭلار ..........  

ADiL

رەسىمدىن باشقىسىنى ئۇيغۇرچە يېزىقتا يوللىسا ئۈندىداردا نورمال كۆرگىلى بولامدىغاندۇ؟

yarkanboy

ADiL يوللىغان ۋاقتى  2012-12-10 22:48
رەسىمدىن باشقىسىنى ئۇيغۇرچە يېزىقتا يوللىسا ئۈندىدار ...

مەن ئالما تىفۇندا نۇرمال كۆرۈنگىنىنى كۆرگەن .......باشقا تىلفۇنلاردا قانداقلىقىنى بىلمىدىم.
لىكىن قولۇمدىكى نوكىيا تىلفۇندا كۆرۈنمەيدۇ ........

yarkanboy

مودو گاچا ئۆلەپتۇ، چامغۇلۇققا كۆمەپتۇ
يىغلىغىلى ئادەم يوق ئۆزى قوپاپ يىغلاپتۇ،،...............  

14 ئادەم كۆرۈپسىلەر، خۇدايىمنىڭ دىلىغا سىلىشى، ۋە مەدەت بىرىشى بىلەن مىنى كۆڭلىگە كىلىپ قالمىسۇن دىدىمۇ ئادىلجان بىر ئىنكاس يىزىپتۇ. خۇداغا شۈكرى. (لىكىن مەن خاتالشمىسام روھلاندا 33 نەپەر باشقۇرغۇچى بار).

تۆۋەندىكى كۆڭۈل سۆزۈمنى روھلان باشقۇرغۇچىلار چ چ   توپىغا يوللىغان ئىدىم. قارىسام بەزىلەر توردا يوقكەن.
شۇڭلاشقا مۇشۇ تىما مۇناسىۋىتى بىلەن بارىلىق باشقۇرغۇچىلار كۆڭۈل سۈزۈمنى بىر ئاڭلاپ باقسۇن دىگەن نيەتتە ئىنكاس ھالەتتە يوللاپ قويدۇم. (بۇ ھەرگىزمۇ بۇ تىما مۇناسىۋىتى بىلەن دىيىلگەن گەپ ئەمەس. ئۇزۇندىن بىرى شۇنداق ھىسياتقا كىلىپ قالدىم.)

ھەممىڭلار بىشىڭلارنى ئىچىگە تىقىپ گەپ قىلماي تۇرىۋالساڭلار روھلاندا ھىچقانداق ئىش، ھىچقانداق  پائالىيەت ئىلىپ بارماي، ئەتتىگەندىن كەچكىچە تىما، ئىنكاس تەستىقلاپ ئولتۇرساق بولىدۇ جامائەت ..........  
سەل كاللىمىزنى سىلكىۋىتەيلى، بىز نىمە ئۈچۈن يولباشچى بولدۇق. كىمگە يولباشچىلىق قلىمىز. كىملەرنى قەيەرگە يول باشلايمىز دىگەندەكلەرنى ئويلاپ بىقىشىمىزغا توغرا كەپقالغاندەك قىلىدۇ. ......
ئادىلجان بىر قانچىمىز روھلاننى تىخىمۇ تەرەققى قىلدۇرۇش، بولۇپمۇ ئوقۇتقۇچىلار ئىھتىياجىلىق ھەر قانداق ماتىريال، دەرسلىك دىتالى تىپىلغۇدەك بىر تور بەت قىلىپ قۇرۇپ چىقىش نىيىتىدە ھەر خىل پائاليەتلەرگە تەييارلىق قىلىپ ئولتۇرۇپتىمىز......  لىكىن روھلاندىكى 15000 مىڭ ئەزاغا يولباشچى بولىمىش بىزلەر بۇنداق ئىغىر بولىۋالساق بولماس جامائەت، بەكرەك ئويلىنىپ باقايلى......   
گىپىم ئارتۇقچە كەتكەن يىرى بولسا قانداق پىكىرىڭلار بولسا سەۋىرچانلىق بىلەن ئاڭلايمەن.

131TANHA

رەھمەت سىزگە ناھايتى ياخشى ئىش بوپتۇ ، مەن نەچچە كۈن بۇلۇپ تورغا چىقالماي قالدىم

anginar

yarkanboy  نىڭ كۆڭۈل سۆزلىرى خۇددى ماڭىلا دىيىلگەندەك ،قەلبىمنى شۇنداق بىرخىل خىجىللىق چىرمىۋالدى. نىمىشقا دىسەڭلار ئۆزۈمنىڭ مەسئوليىتىمنى قانچىلىك ئادا قىلىۋاتقىنىم ئۆزۈمگە ئايان .ئۆز مەجبوريىتىمنى ياخشى ئادا قىلالمايۋاتقانلىقىمغا باھانە سەۋەپ كۆرسۈتۈپ ئولتۇرماي،مانا بۇگۈن خىزمەتكە يېرىم سائەت بۇرۇن كېلىپ مۇنبەرگە كىرگۈدەك ۋاقىت چىقىرىپ ئولتۈرۈپتىمەن.ئالدىراشلىقلارمۇ تۈگەي دىدى ،ئازراق ۋاقىت تاپساملا ئۆز مەجبوريىتىمنى تولۇق ئادا قىلىش ئۈچۈن تىرىشچانلىق كۆرسىتىمەن.
مېنىڭچە مۇشۇ مۇنبەردە «يولباشچى»بولۇش شەرىپىگە ئېرىشكەنلىك قانداقتۇر بىرخىل شەرەپ -ئابرۇي بولماستىن بەلكى ،بىر مەسئوليەتتۇر.ھەممەيلەن ئۆز مەسئوليىتىمىزنى باشقىلار رازى بولغۇدەك ھەم ئۆزىمىز رازى بولغۇدەك قىلالىساق ، مۇشۇ «مەسئوليىتىمىز»نى ئادا قىلىش جەريانىدا مېھنەتلىك تەر ئاققۈزۈپ ،ئەجىر مىۋىسىنى كۆرەلىسەك ئاندىن ھەقىقىي شەرەپ ۋە ئابرويغا ئېرىشەلەيمىز.
ۋاقىت توشۇپ قالدى مەن گېپىمنى قىسقارتاي روھلان ئۈندىدار سالونىغا «كۆڭۈلدىكى سۆز»ياكى «مېنىڭ يۈرەك سۆزۈم بار»دىگەندەك سەھىپىلەرنى قوشساق قانداق بولار.  

kaplan

ADiL يوللىغان ۋاقتى  2012-12-10 22:48
رەسىمدىن باشقىسىنى ئۇيغۇرچە يېزىقتا يوللىسا ئۈندىدار ...

ئاندىروئىد سىىستىملىق تىلفۇنلارنىڭ ئۇيغۇرچە يىزىق   تونۇيدىغىنىدا ئۇندىداردا  ئۇيغۇرچە خەت نورمال كۆرۆنىدۇ   مەسلەن مەن huawei c8825d  ئىشلىتىمەن. ئۇندىداردا  ئۇيغۇرچە يىزىقنى  باشقا  ئۇيغۇرچە يىزىق تونۇيدىغان تىلفۇنى بار ياكى ئالما  تىلفۇنى بار دوسىتلىرىمىغا  يوللىسىام  ئۇيغۇرچە خەت نورمال كۆرۆنىپتۇ  تىلفۇنىنىڭ ئۇيغۇرچە تونۇش -تۇنۇماسلىقى بىلەن بىۋاستە موناسىۋەتلىك مەسلە بۇ  

yarkanboy

anginar يوللىغان ۋاقتى  2012-12-11 10:13
yarkanboy  نىڭ كۆڭۈل سۆزلىرى خۇددى ماڭىلا دىيىلگەندەك ،قەل ...

سەھىپىلەرنى تەسس قىلىشتا مەزمۇن ئىزچىللىقىغىمۇ قاراش كىرەك .......... يەنى شۇ سەھىپە ئىھتىياجلىق مەزمۇنلار ئۈزۈلۈپ قالماسلىقى كىرەك. ئۈندىدار سالۇنىدا يوللىغىلى بولىشى كىرەك.

yarkanboy

روھلان ئۈندىداردىن يەنە بىر خوش خەۋەر  بۈگۈنگىچە بولغان ئەزا سانى 156  بولۇپ، ئەزا سانى 500 نەپەرگە يەتكەندىن كىيىن جەزىملەش ئىلتىماسى قىلساق تىخىمۇ كۆپ ئىقىتدارلارنى ئىچىپ بىرىدىكەن ........  شۇڭا كەڭ باشقۇرغۇچىلاردىن كۆپرەك كىشلەرگە تەشۋىق قىلىپ قويىشىنى ئۈمۈد قىلىمەن .........

ئوكيان

سالام يەركەنبوي ئەپەندىم : مەن ئەسلى «يېپىق قازان يېپىق پېتى قالسۇن»-دىگەندەك بۇ تېمىغا ئىنكاس يازماي دەپ ئويلىغان ئىدىم . ئەمما قارىسام 4-قەۋەتتىكى ئىنكاسىڭىزدا ئۆزىڭىزدىن باشقا روھلاندىكى بارلىق باشقۇرغۇچىلاردىن رازى بولمايۋاتقانلىقىڭىزنى مەزكۇر تېما ئارقىلىق ئىپادىلەپسىز .
بىز ھەممىمىز ئاددى بىر ئىنسان بولۇش سالاھىيىتىمىز بىلەن كەمچىلىك ۋە خاتالىقلاردىن مۇستەسنا ئەمەسمىز . ئەلۋەتتە بىز باشقۇرغۇچىلارمۇ مۇنبەردىكى باشقا ئەزالار ۋە ئەزا بولماي تۇرۇپ تور ئارىلايدىغان تورداشلارغا ئوخشاشلا ئاددى ئادەملەرمىز . بىزنىڭمۇ خىزمىتىمىز ، ئائىلىمىز ، 2-1 بالىمىز ، نۇرغۇن ئۇرۇق-تۇققان ، قۇدا-باجا ، دوس-بۇرادەر ۋە باشقا ئىجتىمائىي بېرىش-كېلىش مۇناسىۋىتىمىز بولىدۇ . بىز يۇقىرىقىدەك ئەمەلىي تۇرمۇشتىكى كۆپلىگەن ئىجتىمائىي مۇناسىۋەتلەرنى ۋە رىئال مەسلىلەرنى بىر تەرەپ قىلىپ ئېشىنغان ۋاقتىمىزدا ئاندىن مۇنبەرنىڭ ئىشلىرىغا كۆڭۈل بۆلەلەيمىز . مەن بۇنداق دىيىش ئارقىلىق قىيىنچىلىقلارنى ئوتتۇرىغا تۆكۈپ باشقىلارنىڭ ھېسداشلىقىغا ئېرىشىشىنى مەقسەت قىلمىدىم ۋە ياكى مۇنبەر باشقۇرغۇچىلىق مەسئۇلىيىتىمدىن قېچىشنىمۇ زىنھار ئويلاپ باقمىدىم . پەقەت باشقىلارنىڭ ئەستايىدىل پوزىتسىيە بىلەن ئەمەلىي مەسلىلەرنى سەل تەپسىلى مۇلاھىزە قىلىپ بېقىشىنى تەۋسىيە قىلىمەن .
دەرۋەقە بىر مۇنبەرگە يولباشچى بولغان ئىكەنمىز مۇنبەرنىڭ تەرەققىياتى ئۈچۈن چوقۇم باشقا ئادەتتىكى ئەزالارغا قارىغاندا تېخىمۇ كۆپرەك تىرىشىشىمىز ۋە كۇچ چىقىرىشىمىز بەرھەق !
مەن ئىلگىرىمۇ «دىيارىم» ، «شەبنەم» ، «خسلەت» ، «قاشتېشى» ، «داڭلىق» .......... قاتارلىق سابىق مۇنبەرلەردە باشقۇرغۇچى ۋە ئالى ئەزا بولغان . ھازىرقى دىيارىمىزدىكى ئەڭ چوڭ ئۇنۋېرسال تور بەت «مىسرانىم» دىمۇ 6 ئايدىن ئارتۇق مۇنبەر باشقۇرغۇچى بولغان . بۇ جەرياندا مەن مۇنبەر باشقۇرغۇچىلىقنى بىر ئالاھىدە ھوقۇق ياكى ئىمتىياز - دەپ قارىماستىن بارلىق تورداشلارنىڭ مىللىي مەدەنىيەت ساپاسىنى يۇقىرى كۆتۈرۈش ئۈچۈن خالىس تۆھپە قوشىدىغان شەرەپلىك بىر مەجبۇرىيەت دەپ قاراپ كەلدىم . بىراق نەچچە يىللىق تور تەجرىبەمنى ئەسلەپ ئۆتسەم ئۇنۋېرسال مۇنبەرلەردە ئاساسلىقى ئەدەبىي ئەسەرلەر ۋە كۆڭۈل ئېچىش مەقسەت قىلىنغان تېما-ئىنكاسلار كۆپ سالماقنى ئىگەللەيدىكەن . ئاز ساندىكى ساپالىق ئەزالاردىن باشقىلار تور ۋاستىسى ئارقىلىق بىلىم ئىگەللەشنى ھەم ئىلغار مەدەنىيەتنى تارقىتىشنى ئويلاشمايدىكەن . ئۇنىڭ ئۈستىگە بەزى مۇنازىرە تېمىلىرىدا تورداشلار سەئىدىيە خانلىقى دەۋرىدىكىدەك «ئاق تاغلىق» ۋە «قارا تاغلىق» بولۇپ ئىككى توپقا بۆلۈنۈپ ئىلمىي مۇنازىرە قىلماي ھەم بىر-بىرىگە يول قويماي تورداشلار ئارا ئىتتىپاقلىققا تەسىر يەتكۈزۈپلا قالماي مىللىي ئىناقلىققىمۇ ئېغىر سەلبىي تەسىرلەرنى كۆرسەتتى . بۇنىڭ بىلەن ئۆزىگىمۇ ھەم باشقىلارغىمۇ كۆڭۈل ئاغرىقى تاپتى . شۇڭلاشقا مەن ئۆزەمگە ئارتۇقچە كۆڭۈل ئاغرىقى تېپىۋېلىشنى خالىماي ، مۇنازىرە مۇنبەرلىرىدىن قول ئۈزۈپ ئۆزەمگىمۇ ھەم باشقىلارمۇ پايدىسى تېگىدىغان بىلىم ئىگەللەشنى مەقسەت قىلغان كەسپىي مۇنبەرلەردىن «روھلان مۇنبىرى» ۋە «ئىنتىل سەيناسى» غا ماكانلاشتىم . مەن 2011-يىلى 3-ئايدا « روھلان مۇنبىرى » گە ئەزا بولغاندىن تارتىپ مۇنبەردىن كومپىيوتىر ساھەسىگە ئائىت كۆپلىگەن بىلىملەرگە ئېرىشتىم . بۇ جەرياندا مۇنبەر قۇرغۇچىسى ئادىلجاننىڭ تەكلىپ قىلىشى بىلەن 2011-يىلى 8-ئاينىڭ 1-كۈنىدىن باشلاپ مۇنبەر باشقۇرغۇچىسى بولدۇم . مۇنبەر باشقۇرغۇچىسى بولغان بىر يىلدىن كۆپرەك ۋاقىتتىن بۇيان مۇنبەرگە ھېچقانچە تۆھپە قوشالمىغان ۋە تورداشلارغا نەپ تەككۈدەك نادىر تېمىلارنى يوللىمىغان بولساممۇ ئىمكانىيەتنىڭ بېرىچە ۋاقىت ئىچىدىن ۋاقىت چىقىرىپ مۇنبەردىكى تېمىلارغا ئاكتىپ قاتنىشىپ ھەم ئاۋاز قوشۇپ ئۆز مەسئۇلىيىتىمنى ئادا قىلىشقا تىرىشتىم .
مەن يۇقىرىدا تېمىدىن سەل چەتنەپ كەتكەن بولساممۇ مۇشۇ ئىنكاسىم ئارقىلىق بارلىق باشقۇرغۇچى ۋە ئەزالارغا سەمىمىي تەنقىت ۋە ئورۇنلۇق پىكىر-تەكلىپلەرنى قوبۇل قىلىشنىڭ پايدىلىق ئىكەنلىكىنى ئەسكەرتىمەن . شۇنداقلا مۇنبەر باشقۇرغۇچىلارنىڭ ئۆز مەجبۇرىيىتىنى تېخىمۇ سادىقلىق بىلەن بىجانىدىل ئادا قىلىشىنى ئۈمۈت قىلىمەن .
ئەمدى يەركەنبوي بۇرادەرنىڭ « روھلان ئۈندىدار سالونى » مەسلىسىگە كەلسەك ، گەرچە مۇشۇ 2-1 يىلدىن بۇيان ئەقلىي ئىقتىدارلىق يانفۇنلارنى ئىشلىتىش پۈتۈن مەملىكەت مىقياسىدا مودا بولۇشقا باشلىغان بولسىمۇ لېكىن دىيارىمىزنىڭ جەنۇبىي شىنجاڭ رايۇنىدىكى ئاقسۇ ، قەشقەر ، خوتەن ۋە ئاتۇش قاتارلىق جايلاردا ئەقلىي ئىقتىدارلىق يانفۇنلار تېخى ئومۇملاشمىدى . ئاز ساندىكى ئىقتىسادىي ئەھۋالى بىر قەدەر ياخشى ھەم مۇقۇم خىزمىتى ۋە كەسپى بار كىشىلەر دەۋىر بىلەن تەڭ ئىلگىرلەپ ئەقلىي ئىقتىدارلىق يانفۇنلارنى ئىشلىتىۋاتقان بولسىمۇ كۆپ ساندىكى كىشىلەر يەنىلا نەچچە يۈز يۈەنلىك تەقلىت قىلىپ ياسالغان ئەبجەش ماركىلىق تاغتۇرا يانفۇنىنى ئىشلىتىپ كەلمەكتە .
ھازىرقى زامان تور تېخنىكا دەۋرىنىڭ مەھسۇلى بولغان  QQ ，YY , 微信 ........ قاتارلىقلار گەرچە ئەمەلىي خىزمەت ۋە تۇرمۇش جەريانىدا يىراقنى يېقىن قىلىپ بىزنىڭ بەزى ھاجەتلىرىمىزدىن چىقىپ كېلىۋاتقان بولسىمۇ ئەمما كۆپ ساندىكى تورداشلار بۇ تور ئالاقە ۋاستىلىرىنى ئاساسەن يەنىلا كۆڭۈل ئېچىش خارەكتىرىنى مەرگەز قىلىپ ئىشلىتىپ كېلىۋاتىدۇ . ئۇنىڭ ئۈستىگە ئەقلىي ئىقتىدارلىق يانفۇن ئىشلىتىدىغانلارنىڭ ھەممىسىنىڭ يانفۇنىغا ئۇيغۇرچىنى نورمال تونۇتالىشى ناتايىن . شۇڭا ھازىرچە مۇشۇ مۇنبەرنىڭ ھۆددىسىدىن چىقىپ تۇرساق ، ۋاقتى بەك زىيادە كۆپلەر يىتىشەلىسە سالون ئوينىسىمۇ ئۆزىنىڭ ئىختىيارى .
بۇندىن كېيىن سالون ۋە باشقا ئىشلاردا مەجبۇرلاش ھەم بېسىم قىلىش ئەھۋاللىرى قايتا يۈز بەرمىسە - دىگەن سەمىمىي تەكلىۋىم بار .
ئاخىرىدا توردىشىمىز «يەركەنبوي» نىڭ مېنىڭ ئىنكاسىمدىن ئىجابىي يوسۇندا پايدىلىنىشىنى ھەم مەندىن رەنجىمەسلىكىنى ئۈمۈت قىلىمەن .