تىلنى قانداق ئۆگىنىش كېرەك؟

يۇمشاق

                                                تىلنى  قانداق ئۆگىنىش كېرەك
مەن ئالىي مەكتەپتە ئوقۇۋاتقاندا خەنزۇتىلى دەرسى ئوتىدىغان ئوقۇتقۇچىمىز دائىم بىزگە <<ساۋاقداشلار،بىز قوي،قوتاز،كالا گۆشى يەيمىز،قوي ،قوتاز،كالا گۆشى يىگەنگە بەدەنلىرىمىزگە يۇڭ چىقىپ،قۇلاقلىرىمىز ئۇزراپ،مۈڭگۈز چىقىپ كەتمەيدۇ،ئەكسىنچە گۆشتىكى قۇۋەت ئارقىلىق ئاجىز بولساق كۈچلىنمىز،ئورۇق بولساق سەمرىيمىز،شۇنىڭغا ئوخشاش ئۆز ئانا تىلمىزدىن باشقا تىللارنى ئۆگەنسەك باشقا مىللەتكە ئۆزگىرىپ قالمايمىز،ئەكسىنچە ئۇلارنىڭ تۈرلۈك سىتىراتېگىيە،تاكتىكىللىردىن ئۆز ۋاقتىدا خەۋەردار بولۇپ، تۈرلۈك پەن-تېخنىكا ،ئۇچۇر،ئاخباراتلار،قانۇن،سىياسەت ،نىزاملاردىن پايدىلىنىپ،ئوزىمىزنىڭ كېيىنكى تەرەققىياتى ئۈچۈن ،ئەۋلاتلىرىمىزنىڭ كەلگۈسى ئۈچۈن،مىللىي كېملىك ئۈچۈن ئاساس يارىتالايمىز. >> دەپ تەلىم بەرگەن.
ئۇنداق بولسا تىلنى  قانداق ئۆگىنىش كېرەك؟ مېنىڭچە تۆۋەندىكى ئۇسسۇللاردىن مۇۋاپىق پايدىلانساق ئۈنىمى تېخىمۇ ياخشى بولىدۇ.
+ T8 H3 X9 O: F; b1.كۆپ سېلىشتۇرۇپ ئۆگىنىشمىز لازىم.2.سۆزمەنىسنى چۇڭقۇر چۈشىنىپ ئۆگىنىشمىز لازىم.3.كۆپ يېزىش ئارقىلىق ئەستە ساقلاپ ئۆگىنىشمىز لازىم .4. خەتنى پارچىلاش ئارقىلىق ئەستە ساقلاپ ئۆگىنىشمىز لازىم. 5. خەتنىڭ مەنىسنى تەسەۋۋۇر قىلىش ئارقىلىق ئەستە ساقلاپ ئۆگىنىشمىز لازىم . 6. خەتنى يانچۇق دەپتىرى ياكى كارتىغا خاتىرلەش ئارقىلىق ئەستە ساقلاپ ئۆگىنىشمىز لازىم . 7. خەتنى كۆپ ئوقۇش ئارقىلىق ئەستە ساقلاپ ئۆگىنىشمىز لازىم . 8. بۇرۇن ئۆگەنگەن خەتلەرنى داۋاملىق تەكىرار قىلىش ئارقىلىق ئەستە ساقلاپ ئۆگىنىشمىز لازىم . 9. كۆپ ئاڭلاش ئارقىلىق ئەستە ساقلاپ ئۆگىنىشمىز لازىم . 10. كۆپ سۆزلەش ئارقىلىق ئەستە ساقلاپ ئۆگىنىشمىز لازىم . 11. كۆپ تەرجىمە قىلىش ئارقىلىق ئەستە ساقلاپ ئۆگىنىشمىز لازىم . 12.ھەركۈنى قەتتىي داۋاملاشتۇرۇپ،ئەمما ھەر ئالتە كۈندە بىر كۈن ئارام ئېلىپ ئۆگىنىشمىز لازىم .چۈنكى ئادەمنىڭ چوڭ مېڭىسدە تىل ساقلىيالايدىغان ئالاھىدە مېخانېزىم بولغانلىقىدىن شۇنداق بولىدۇ.بىر تېببىي ئىلىم دوكىلاتىدا، ئادەمنىڭ چوڭ مېڭىسى تىل ئۇچۇرلىرنى قۇبۇل قىلغاندا ئالاھىدە بىرجەرياننى بېسىپ ئۆتىدىكەن.ئالدى بىلەن،قۇبۇل قىلغان سۆزلىكلەر ئۇچۇرىنى خالىغىنىچە بىر يەرگە توپلايدىكەن ،قۇبۇل قىلىش توختىغاندىن كېيىنلا ئاندىن ئۇلارنى تەھلىل قىلىش،رەتلەشكە كىرىشىدىكەن. ئاخىردا مۇۋاپىق تۈرلەرگە ئايرىشنى ئېلىپ بارىدىكەن.قۇبۇل قىلىنغان ئۇچۇرلارنىڭ مېقدارى مەلۇم دەرىجىگە يەتكەندە، بۇتىلنىڭ مەخسۇس ماكانى شەكىللىنىدىكەن. ئەگەر ئۇچۇرلار ئارقا-ئارقىدىن ئوخشاشماي كىرىۋەرسە، چوڭ مېڭە ئۇلارنى تەھلىل قىلىپ تۈرلەرگە  ئايرىشقا ئۈلگۈرەلمەيدىكەن،نۇرمال بولغان سىستېمىلىق رەتلەشنى تېخىمۇ ئېلىپ بارالمايدىكەن.شۇڭا بىر كۈن ئارام ئېلىشقا توغرا كېلىدىكەن. بۇ خۇددى ئۆي كۆچكەندىن كېيىن ئۇنى رەتلەش توغرا كەلگەندەك بىر ئىش ئىكەن.
تىل ئۆگىنىشتە،ئىلمىي ۋە ئۈنۈملۈك ئۇسۇل بىلەن ئۆگىنىپلا قالماي،بەلكى كۈچلۈك ئىرادە تىكلەش لازىم.چۈنكى،تىل ئۆگىنىش-ئىزچىللىقنى تەلەپ قىلىدىغان بىر خىل ئەقلىي ئەمگەك.شۇڭا،ھەر كۈنى بەلگىلىك ۋاقىت چىقرىپ تەكىرار قىلىشقا،مۇشۇتىلنى ئۆگىنىپ،چوقۇم بىر باشقا ئېلىپ چىقىمەن دەيدىغان ئىرادە تىكلەشكە توغرا كېلىدۇ.
دېمەك،تىل ئۆگىنىش ئۈچۈن،ئۇلۇغۋار غايە،ئىلمىي ئۇسۇل ۋە كۈچلۈك ئىرادە ۋە چىدامچانلىق روھ بولۇشى كېرەك.
+ _2 _+ n0 V% }' y

پەرۇخ

ماقالىڭىز ياخشى يېزىلىپتۇ . تىل ئۈگۈنىش ئۇنداق ئۇڭاي ئەمەس ، بەلكى سىز ئوتتۇرغا قويغاندەك ئەتراپلىق ئۈگەنگەندىلا ئاندىن تىل ئۈگۈنىش مەقسىدىگە يەتكىلى بۇلۇدۇ . ياخشى تېمىلاردىن كۆپرەك يوللىغايسىز .