ئوقۇتقۇچىلارنى يوقىتايلى!

ئابلىمىت

ئوقۇتقۇچىلارنى يوقىتايلى!
  ( فېليەتون )
     ئوقۇتقۇچىلارنىڭ تەربىيەسىدىن مۇستەسنا ھالەتتە ئانىسىنىڭ قورسىقىدىنلا دوكتۇر، ماگىستېر، ئالىم – ئىنژىنېر، رەھبىرىي كادىر بولۇپ تۆرەلگەن تۇغما تالانت ئەقىل ئىگىلىرىگە:
كەمىنە مۇئەللىم شۇنچە يىللاردىن بېرى ئالجىپ قالغان يۈسۈپ خاس ھاجىپنىڭ "بالاڭنى تەربىيەلەشتە تاياق بىلەن ئۇر، تاياق بىلەن ئىللەت تۈزىلۇر" دېگەن ئاساسسىز، مەدەنىيەتسىز، سەۋىيەسىز گەپلىرىگە، كاللىسىغا ئىشەك تېپىۋەتكەن ئەجدادلارنىڭ "ئۇستاز زالىم بولسا، شاگىرت ئالىم بولۇر"، "تەلەپچان ئۇستازدىن ياراملىق شاگىرت چىقىدۇ" دېگەن قۇرۇق سەپسەتىلىرىگە ئىشىنىپ، ھەر قايسىڭلارنىڭ قاتتىق تەلەپ قويمىسىمۇ ئۆزلۈكىدىنلا ئەقىللىق، بىلىملىك بولۇپ كېتىدىغان، خاتالىقىنى تەنقىد قىلىپ كۆرسىتىپ بەرمىسىمۇ ئۆزلۈكىدىن تۈزىتىپ ئوڭشىلىپ كېتىدىغان، كەلگۈسىدە داڭلىق ئالىم-ئۆلىما بولىدىغان ئارزۇلۇق پەرزەنتلىرىڭلارنى خۇددى كېيىن ياراملىق ئادەم بولۇپ قالسا ماڭا تۇتاملاپ پۇل ئەكېلىپ بېرىدىغاندەك قىلىپ چىڭ تۇتۇپ، خاتالىق ئۆتكۈزسە تەنبىھ بېرىپ، تولىمۇ قاتتىق تەلەپ بىلەن تەربىيەلەپ كەلگەن خاتالىقىمغا چەكسىز پۇشايمان ۋە تەۋبىلەرنى قىلىپ ئولتۇرماقتىمەن.  
3 Y; `' E0 n& g" h6 t5 Q: [ئويۇنغا بېرىلسە سېسىق گەپ بىلەن تويغۇزۇپ، ئىنتىزامسىزلىق قىلسا جازالاپ، ئۈستى – ئۈستىلەپ تاپشۇرۇقلارنى بېرىپ، ئۇھ دېگۈدەك پۇرسەت بەرمەي ئوقۇتۇپ قولدىن چىقارغان، ھازىر چەتئەللەردە ماگىستېرلىقتا ئوقۇۋاتقان، شىركەتلەرنى قۇرۇپ پۇل تېپىۋاتقان، مېنىڭ شۇ ناچار تەسىرىم بىلەن پەرزەنتلىرىگىمۇ ئوخشاش زۇلۇم سېلىۋاتقان كونا ئوقۇغۇچىلىرىمدىن تولىمۇ تۆۋەنچىلىك بىلەن ئەپۇ سورايمەن.
" {, a+ m8 ]% p: P    كىچىكىمدە "بالىنىڭ گۆشى سىلىنىڭ، سۆڭىكى بىزنىڭ" دەپ مېنى قاتتىق قول تەربىيەچىگە تاپشۇرۇپ بەرگەن، يالغانچىلىق قىلىپ مۇئەللىمدىن تاياق يەپ ئۆيگە يىغلاپ كەلسەم، يۈگۈرۈپ بېرىپ مۇئەللىمنىڭ ياقىسىدىن ئېلىشنىڭ ئورنىغا مېنى "ئۇستازىڭغا يالغان گەپ قىلدىڭما؟" دەپ ئۆگەي بالىنى ئۇرغاندەك ئۇرۇپ كەتكەن دادامنى قەبرىسىدىن تارتىپ ئېلىپ چىقىپ، ھۆكۈمەتنىڭ ھۆججەتلىرىنى، تورداشلارنىڭ ئوقۇغۇچىلارنى قوغداش، ئاسراش ھەققىدىكى ئىنكاسلىرىنى كۆرسەتكۈم كېلىۋاتىدۇ. شۇ تىل – دەشناملارنىڭ دەستىدىن ئاران ماگىستېر بولۇپتىمەن، ناۋادا ئۇنداق كۆڭلۈمگە ئازار بەرمەي، سىلاپ – پەپىلەپ ئوقۇتقان بولسا چوقۇم دوكتۇر ئاشتى بولاتتىمكەن. خەپ دادا!
) _3 I+ a! [3 ?$ _0 b" {' N# Vئۆتكۈر پىچىقى بىلەن راك ھۈجەيرىلىنى كېسىپ تاشلاپ، نۇرغۇن بىمارنى قۇتقۇزغان ئۇستا دوختۇرنى بىر قېتىملىق سەۋەنلىك بىلەن قولىدىكى پىچاقنى تارتىۋالساق، نۇرغۇن جىنايەتچىلەرنى پاراسەت بىلەن قولغا چۈشۈرۈپ، نۇرغۇن خەلقنىڭ ھاياتى ۋە مال – مۈلكىنى قوغداپ كەلگەن ساقچىنى بىر قېتىملىق سەۋەنلىك بىلەن تۈرمىگە سولىساق، نۇرغۇن ئالىم – ئىنژىنېر، تەتقىقاتچى – كەشپىياتچىلارنى تەربىيەلەپ كەلگەن ئوقۇتقۇچىنى بىرەر ئوقۇغۇچىنىڭ ئۆزىنى بىنادىن تاشلىۋېلىشى بىلەن مۇنبەردىن ئايرىساق .... ئەسلىدە ئىشنىڭ توغرا يولى مۇشۇ ئىكەندە؟
2 g( m+ t4 ^. b8 o3 ]. d& z( _9 P    18 ياشتىن ئاشقاندىن كېيىن خاتالىق ئۆتكۈزۈپ قويسا يەتمىش پۇشتىغىچە پۇشايمان قىلغۇدەك جازالايسىز-يۇ، كىچىكىدىن باشلاپ قاتتىق تەلەپ بىلەن تەربىيەلەپ، چوڭ بولغاندا خاتالىشىشنىڭ ئالدىنى ئېلىشنى نېمە ئۈچۈن خاتا دەيسىز؟
; B) ?# _1 J9 v) i- |0 Z3 Z# ^/ a( O    ھەر يىلى نەچچە ئونمىڭلىغان ھەتتا ئۇنىڭدىنمۇ كۆپ قۇرامىغا يەتكەنلەر جىنايەت ئۆتكۈزۈپ تۈرمىگە كىرسە، ئۆلۈمگە ھۆكۈم قىلىنسا كۆزىڭىزنى مىت قىلمايسىز، پۈتۈن مەملىكەتتىكى نەچچە يۈز مىليون ئوقۇغۇچىنىڭ ئىچىدە بىر – ئىككىسى ئوقۇتقۇچىنىڭ ياخشى نىيەت بىلەن قىلغان تەنبىھلىرىگە چىدىماي ئۆزىنى بىنادىن تاشلىۋالسا، سەۋەبىنى سۈرۈشتۈرمەيلا ھەممىنى بىر تاياقتا ھەيدەپ، ئوقۇتقۇچىلارنى ئاغزىڭىزغا كەلگەنچە تىللاپ، مىدىرلىيالماس قىلىپ قويىسىز.
+ ?2 |! [. d+ ~/ s! f; g8 e! F: _: `    نەچچە يىلنىڭ ئالدىدا كەپسىزلىكتە ئۇچىغا چىققان، ئاتا – ئانىسىمۇ باشقۇرالماي قالغان بىر نەچچە ئوقۇغۇچى ئوقۇتقۇچىدىن تاياق يېسە دەرھال تۈزۈم چىقىرىپ تەن جازاسى بېرىشكە بولماس بولدى، ھەر قانچە خاتالىق ئۆتكۈزسىمۇ، غورۇرىمىزغا تەگسىمۇ قول تەگكۈزەلمەيدىغان بولدۇق. ئۆتكەن يىلى ئوقۇتقۇچىنىڭ گېپى ئىچىگە ئۆتۈپ كەتكەن بىرى بىنادىن ئۆزىنى تاشلىۋالسا ئەمدى ئوقۇغۇچىلارنى تىللاشقىمۇ، ئاتالمىش "زىتىغا تېگىدىغان" گەپلەرنى قىلىشقىمۇ بولماس بولدى.
    ئوقۇتقۇچى ئوقۇغۇچىنى ئۇرسا تۈرمىگە كىرىدۇ. ئوقۇغۇچىلار بىرلىشىپ ئوقۇتقۇچىنى ئۇرسا "قۇرامىغا يەتمىگەن" دېگەن باھانە بىلەن پەقەت تەربىيە بېرىلىدۇ.
# o' f8 b: @9 S# l6 ^( N. y. dقېنى ئوقۇتقۇچىلارنىڭ ھۆرمىتى؟ قېنى ئوقۇتقۇچىلارنىڭ ئىززىتى؟ قېنى ئوقۇتقۇچىلارنىڭ ھەيۋىسى؟ قېنى ئوقۇتقۇچىلارنىڭ نوپۇزى؟
  M. ~/ Z3 o$ K' Y1 j    سىزنىڭ بالىڭىزنىڭ غورۇرى غورۇر بولۇپ، ئوقۇتقۇچىنىڭ غورۇرى كالىنىڭ پىشمايدىغان يېرىما؟
-       تاپشۇرۇق ئىشلىمەپسەنغۇ؟
-       مۇئەللىم، ھۆكۈمەت ئوقۇغۇچىلارنىڭ يۈكىنى يېنىكلىتىڭلار دەۋاتسا، نېمە دېگەن كۆپ تاپشۇرۇق بۇ؟ ئىشلىمىدىم....
3 l3 K6 [2 J0 @- C" k' _-       تۈنۈگۈن نېمىشقا دەرسكە كىرمەيسەن؟
( g  k8 ~2 j# h" N( k, }. B-       مۇئەللىم، بۇ دىگەن ساپا مائارىپى. ئوقۇغۇچىلار قىزىقىشى ۋە ئالاھىدىلىكى بويىچە تەربىيەلىنىشى كېرەك. قىزىقىشىم پۇتبول بولغاچقا پۇتبول مەشىق قىلدىم شۇ.
    شۇنى سورىغۇم كېلىۋاتىدۇ. قايسى بىر ئوقۇتقۇچى كۆڭۈل خۇشلۇقى ئۈچۈن بىگۇناھ ئوقۇغۇچىلارنى ئۇرۇپ ئوينايدىغاندۇ؟ قايسى ئوقۇتقۇچى ھېچبىر سەۋەبسىز ئوقۇغۇچىنى تەنقىد قىلىدىغاندۇ؟ سىزچە ئوقۇتقۇچى تاپشۇرۇق تەكشۈرۈشكە شۇنچە ھېرىسمەنمىدۇ؟ ئوقۇتقۇچىنىڭ ئوقۇغۇچىلارنى قاتتىق تەلەپ بىلەن تەربىيەلىشى ئۆز كەلگۈسى ئۈچۈنمىدۇ؟
    پۈتكۈل جەمىئىيەت قاتتىق قول، تەلەپچان ئۇستازلاردىن شۇنچە بىزار بولغان بولسا، ئوقۇتقۇچىلارنى يوقىتىپلا قۇتۇلساڭلار بولمامدۇ؟
; X2 @% ?( `& G0 j( J* Zمەنبە:http://bbs.misranim.com/read.php?tid=67060
% f+ x1 V; X% y! p' P

Maarip

ئەقىل ئىگىلىرى بىر نېمە دەپ بېقىڭلارچۇ؟ ئوقۇتقۇچىلار يوقالسا جاھاننى مايلامچى بالىلار قاپلاپ كېتەرمۇ؟ ياكى ئاتا ئانىلار ئالدىراشچىلىقتىن بالىلىرىنى تەربىيىلەيدىغان جاپاكەشلەرنى تاپالماي، پەرزەنتلىك بولمايلا قويارمىكىن........
7 Q$ t1 Y6 S8 A$ |  ھازىرمۇ ئارام كۈنلىرى ئۆيىدىكى بىر ئىككى بالىلىرىنى باشقۇرالماي، بالىلىرىغا «مەكتەپتە مۇئەللىملەر ئەدىۋېڭنى بەرمىسە ......» دەپ تىللىغانلارنىمۇ، تەتىل كۈنلىرى بالىلىرىغا « ئىتتىكرەك تەتىل يىققان بولسا .......» دىگەنلەرنىمۇ، «بىر ئىككى بالىلىرىمىز شۇنچە قاخشىتىدۇ، مۇئەللىملەر 40- 50 بالىلارنى قانداق باشقۇرىدىغاندۇ؟ » دىگەنلەرنىمۇ كۆرگەنمەن.

mamat63

ئوقۇتقۇچىلارنىڭ ۋايسىماي دەرس ئۈتۈشتىن باشقا ھىچقانداق ئىشى يوق،مەكتەپكە كەلمىگەن ئوقۇغۇچى ئۈچۈن جىرمانە تۈلىسە،مەكتەپ مەكتەپكە ئوقۇش باشلىغاندىن بىرى ھازىرغىچە كەلمىگەن ئوقۇغۇچىنى ئەكىلىشكە كۈچ چىقارمىسا،ئوقۇتقۇچى ئۇنداق ئوقۇغۇچىنى نەچچە قېتىم بېرىپ ئەكىلەلمىسە،پەيچۇسۇغا ئەھۋالنى دىسە بىز بۇئىشقا ئارلىشالمايمىز دىسە،ئۇ،كەلمىگەن ئوقۇغۇچى ئاشۇنداق كەلگىلى ئۇنىماي ساۋاتسىز قالسا،ئاتا-ئانىسى بالىسىنى مەكتەپكە ئىۋەرتمەي تۇرۇپ ئوقۇتقۇچىلاردىن ئاغرىنىپ بالام ساۋاتسىز تۇرسا قانداقمۇ ئىۋەرتىمەن دەپ ئۇرۇشسا،ھەي بىچارە ئوقۇتقۇچىلار،مەن ئويلايمەن مەكتەپ مۇدىرلىرى نىمە ئىش قىلىدىغاندۇ شۇنداق تۇراقسىز ئوقۇغۇچىلارنى ھەل قىلىشقا كۈچىمەي،ئىسىت ئاشۇ ھۇقۇقنىڭ زايا كەتكىنى.................

dilkax11

ياخشى يېزىلغان ئەسەركەن. دىمىسىمۇ بىرمۇ ئوقۇتقۇچى بالىلارنى يارامسىز قىلىپ تەربىيەلەشنى خالىمايدۇ ، ئەمما بىر قىسىم مەدەنىيەتسىز كىشىلەر ئوقۇتقۇچىلارنىڭ ئەمەىكىنى توغرا چۈشەنمەي ، بالىغا ئازراقلا تەنقىدى تەربىيە بەرسە مەكتەپكە كىلىپ شۇ ئوقۇتقۇچىنىڭ ئالا توۋىسىنى چىقارسا ، بىر قىسىم مەكتەپ مۇدىرلىرى دەرھال بۇ ئوقۇتقۇچىنىڭ قىلمىشىنى قانۇنغا بىسىپ قاتتىق بىر تەرەپ قىلۋاتقان نەتىجىدە ھازىر تەلەپچان ئوقۇتقۇچىلارنىڭ يۈرىكى مۇجلۇپ ، كۈن ئۈتكۈزۈشنىڭ كويىغا چۈشكەن تەيارتاپلار « ئىشنىڭ ئىپىنى بىلۋىلىپ » كۈن ئۈتكۈزۈپ ........... ھەي مۇشۇنداقلا بۇلۇپ كەتسە ، « راستلا » ئوقۇتقۇچىلارنى يۇقاتسا بۇلۇدىغان ئۇخشايدۇ

arkambiz

كۆڭلۈمدىكى  گەپلەر ئىكەن  بۇرۇنقى تارتقان ئازاپلىرىمىنى يىنكلەتتتى ھەمدە بۇ گەپلەرنى ئۆزۈم بىراۋلارغا ۋاقىراپ تۇرۇپ دەېالغاندەك خوش  بولۇپ كەتتىم . رەخمەت تېما ئىگىسىگە .قولىڭىز دەرت كۆرمىسۇن

تايلاق

قايسى كۈنى بىر ئۇقۇغۇچى مەكتەپ كۈلەملىك ئوچۇق دەرىستىن ئاۋۋال ئوقۇتقۇچىغا مەندىن سۇئال سورىمىسىڭىز بۇرنىڭغا قەلەم تىقىمەن دىگەن.  ئوقۇتقۇچى سۇئال سورىغان. ئەتىسى ئىملا دەپ بېرىۋاتقاندا ئوقۇغۇچى ئىتتىك دەپ بېرىڭ بولمىسا يازمايمەن دەپ مۇتىھەملىك قىلغان. ئوقۇتقۇچى تەنقىدى تەربىيە بەرسە ئوقۇغۇچى ئوقۇتقۇچىنىڭ ياقىسىدىن سىقىپ دۈشكەللىگەن. بارلىق ئوقۇتقۇچىلار تەربىيە ئىشلىدۇق. كىيىنكى سائىتىدە ئوقۇتقۇچى ئىمتىھان ئالغاندا ئىمتىھان قەغىزىگە ھېچنىمە يازماي چىكەتكەندە ئوقۇتقۇچى نىمىشقا جاۋاپ يازمىدىڭ دىگەن. ئوقۇغۇچى يازمىسام نىمە كارىڭ. ھېلى بىكا بىڭلمەڭگە بىلمە قىلىمەن دەپ ئوقۇتقۇچىنى ھاقارەت قىلىپ قويۇپ چىقىپ كەتكەن. بۇ ئوقۇغۇچى تاھازىرغىچە ئۆيدىن پۇل ئېلىپ چىقىپ كەتكەنچە ئۆيگە قايتمىغىلى ئىككى كېچە- كۈندۇز بولدى. بۇنىڭدىكى سەۋەپ ئوقۇغۇچىدىمۇ؟ ئوقۇتقۇچىدىمۇ؟ ياكى چەكلىمىلىككە ئىگە ئوقۇغۇچىلارنى باشقۇرۇش چارىسىدىمۇ؟

$ D! r- H, H% F  s' P2 f% O9 kمۇبادا قىشنىڭ بۇ سوغۇق كۈنىدە بالىغا بىرەر ئىش بولۇپ قالسا .......بىز ئوقۇتقۇچىلار جاۋاپكار بولىمىز!!! ھەي.

- n8 N$ J- V8 R

فارابى

:'(مۇشۇ ماقالىلارنى ئەشۇ كىشىلەر يەنىلا كۆرمەي ،كۆرەلمەي ئۈتۈپ كىتىشى مۇمكىن ،مائارىپىمىز نەگە بارىدۇ؟ يىتىلەكسىز تۆگە،  جايىدا پىرقىراۋاتقان ساراڭ قوي،يىپى يوق لەگلەك ... بۇ ماقالىگە 200نومۇر قۇيدۇم.

; m( @, y' ^0 K3 i# P

مەرىپەت

ياخشى تېما يوللاپسىز رەھمەت...

مەرىپەت

ياخشى تېما يوللاپسىز رەھمەت...ئوقۇتقۇچىلارنىڭ دەردى كۆپ...

xahsanam

دىمىسمۇ ھازىر ئوقوتقۇچىلارنىڭ قىلىدىغان ئىشى چىچىدىن تولابولۇپ كەتتى،شۇنداقتىمۇ بىز يەنىلا چىداشلىق جۇمۇ