ھەممىدىن مۇنبەرگە باشلىق بولماق تەس!

arkzat

ھەممىدىن مۇنبەرگە باشلىق بولماق تەس!


                   قاسىم سىدىق


     ( مەرھۇم  روزى سايىت   ئىزىدىن )


بىرسى ساق كىرىدۇ،بەزىلىرى مەس،
مۇنبەردە ھەممە بار، ساپا ئىگىز -پەس.
مورىنىڭ دەردىنى غەيرىسى بىلمەس،
ھەممىدىن مۇنبەرگە باشلىق بولماق تەس!


بەزىلەر قەستەنگە بۇزىدۇ ئىشنى ،
ئاغرىقنى قالدۇرۇپ،تارتىپ ساق چىشنى.
كەسىپ قىپ تاللىغان نېزا تېرىشنى،
ھەممىدىن مۇنبەرگە باشلىق بولماق تەس.


بەزىلەر ئويلايدۇ:«ئاتالسام باتۇر»،
شۇ مەقسەت تۆپەيلى چاغلىماي ئاتۇر.
بو ئوقنىڭ دەردىنى شۇ باشلىق تارتور،
(چاي ئىچور،مۇما يەر،ھەپسىدە ياتۇر)
ھەممىدىن مۇنبەرگە باشلىق بولماق تەس!


بىر«باتور» دەستىدىن مۇنبەر تاقالغان،
بىر ئىلىم سەيناسى-سەھنە يوقالغان.
دەرىد كەلسە بۇ  «باتۇ»-تەلۋە يوقالغان،
ھەممىدىن مۇنبەرگە باشلىق بولماق تەس!


بەزىلەر ئورۇنسىز غەلۋە قىلىدۇ،
پايتىمىسىنى سەللە قىلىدۇ،
يازمىسى ئىنساننى رەللە قىلىدۇ،
ھەممىدىن مۇنبەرگە باشلىق بولماق تەس!


بەزىلەر ئىچىشقان تۆھمەت بازىرى،
بەزىلەرنايناقلاپ شەھۋەت بازىرى.
تارايغان ئىززەت ھەم ھۆرمەت بازىرى،
ھەممىدىن مۇنبەرگە باشلىق بولماق تەس!.


ئەمگەككە سەھنە تار ،پىتنىلەرگە كەڭ،
دەلىلسىز سۈيىقەسىت، «قەتلى»لەرگە كەڭ،
نە ئۈچۈن بۇ جاھان رەزگىلەرگە كەڭ؟!،
ھەممىدىن مۇنبەرگە باشلىق بولماق تەس!.


شاكالنى شاللىغىن جەۋھەر قالسۇن ساق،
ھەممىنى رەت قىلساڭ ،بولماس يۇزۆڭ ئاق،
بولمىغىن ھەسەتخۇر،قۇسۇرچى،قىلتاق،
ھەممىدىن مۇنبەرگە باشلىق بولماق تەس!.


بەزىلەر بىر يەرگە داتلاپ بارىدۇ،
بىر بولسا ئون قىلىپ قاتلاپ بارىدۇ،
شەيتاننى مىنىپ يا ئاتلاپ بارىدۇ،
ھەممىدىن مۇنبەرگە باشلىق بولماق تەس!.


ئەل ئۈچۈن ئىش قىلاي،بېرەي دەپ بەدەل-
مەن مۇنبەر ئاچقانغا تويغان بىر مەھەل،
نە ئۈچۆن بىزدە كۇپ ،نېزا ۋە جىدەل؟.
ھەممىدىن مۇنبەرگە باشلىق بولماق تەس!


2015-يىل 15-يانۋار

ئىزاھات:

ئۆتكۈر پىكىرلىك شائىر، ئىجتىھاتلىق مائارىپچى ئۇستاز قاسىم سىدىق ئاكا يېقىندا بۇ شېئىرنى يېزىپ، مۇنبەرلەرگە يوللىغانىدى. رېئال قىممىتى بار ياخشى ئەسەر بولغاچقا، ئەركزات مۇنبىرى دىكى بۇ شېئىرنى روھلان ئەھلىگە سۇندۇم. مەقسەت: مۇشۇ شېئىردىكى چىن تۇيغۇلار تەشەببۇسى ياردىمىدە  قېرىنداشلىرىمىز ئۆزئارا  زارلاپ-قاقشىماي، باشقىلار ئەجرىنى چۈشىنىپ، ئادىمىيلىك پەزىلەت بىلەن ياشىشىمىزغا تۈرتكە بولۇپ قالسا ئەجەپ ئەمەس، دېگەن ئىستەك بار.

نۇرلان

ئالدى بىلەن ئەركىزات ئەپەندىمنىڭ كۆزگە كۆرۈنگەن شائىر، تەتقىقاتچى قاسىم سىدىق ئاكىنىڭ بۇ شېئىرىنى مۇنبەرگە يوللىغىنىدىن خوشال بولدۇم. مەن بۇ شېئىرنى بىر نەچچە كۈن ئىلگىرى " يازغۇچىلار تورى"، "باغداش مۇنبىرى"،"ئەركىزات تورى"... قاتارلىق تورلاردا كۆرگەن. تەربىيىۋىي ئەھمىيىتى ناھايىتى يۇقىرى بولغان شېئىر. قاسىم سىدىق ئاكىنىڭ تېنى سالامەت، تەتقىقات ئىشلىرى كۆڭلىدىكىدەك بولسۇن.
ھەسەت، پىتنە-پاسات ھەممىمىزدىن يىراق بولغاي!

نەۋرۇز

بەك راۋان ھەم يېقىشلىق يېزىلغان ئەسەركەن. تولىمۇ سۈيۈپ ئوقۇدۇم. رەھمەت سىزگە

جام

بۇ ھەقىقەتەن تېتىملىق، ياخشى چىققان، رىئاللىق چىن مەنتىقىسى بىلەن يورۇتۇپ بېرىلگەن ئىسىل شېئىر ئىكەن. شۇ ۋەجىدىن ئالدى بىلەن شېئىر مۇئەللىپى- ئۇستاز شائىر قاسىم سىدىق ئەپەندىمگە تەشەككۈر ئېيتىش بىلەن بىردەك يەنە بىزنى مۇشۇنداق نادىر ئەسەر ئۇچۇرى بىلەن تەمىنلەش ئارقىلىق ئازغۇنلارنى توغرا يولغا باشلاشنى نىيەت قىلغان «ئەركىزات» ئەپەندىمگىمۇ ئالاھىدە رەھمەت ئېيتىمەن!
بۇ يەردە كۆپ گەپ قىلىش بىھاجەت بولسا كېرەك، شۇڭا ئۆزۈمنىڭ بۈگۈنگىچە ھاياتىمدا كۆرگەن- بىلگەنلىرىمگە ئاساسەن، بۇ ھەقتىكى بىردىنبىر تەسىرات سۆزۈم: «تۈتۈننىڭ ئاچچىقىنى مورا بىلىدۇ».

WOLKANI

بۇ ياخشى مەزمۇن بىلەن ئۇچۇرلاشتۇرغۇچى ئەركزات ئەپەندىگە كۆپ رەخمەت .

كەمتۈك

ياخشى  چىقىپتۇ  قۇلىڭىزغا   دەت  بەمىسۇن

ئ‍ويغاق

تەسلىكىنى ھىس قىلدىم  

0025

بۇ ياخشى مەزمۇن بىلەن ئۇچۇرلاشتۇرغۇچى ئەركزات ئەپەندىگە كۆپ رەخمەت .

ئوكيان

قاسىم سىدىق ئەپەندىنىڭ 10 يىل ئىلگىرى بايقىغان كىلاسسىك فىزىكا نەزەرىيىسىگە جەڭ ئېلان قىلغان ئېنىرگىيە ھەققىدىكى بىر تەلىماتىنى ئىسپاتلاشقا دۆلىتىمىز ھەم دىيارىمىزدىكى ئىلىم-پەن تەتقىقات ئورۇنلىرى يېتەرلىك ئەھمىيەت بەرمىدى .

قاپلان115

ئالدى بىلەن ئەركىزات ئەپەندىمنىڭ كۆزگە كۆرۈنگەن شائىر، تەتقىقاتچى قاسىم سىدىق ئاكىنىڭ بۇ شېئىرىنى مۇنبەرگە يوللىغىنىدىن خوشال بولدۇم. بۇ شېئىرنىڭ تورداشلارغا بولغان تەربىيىۋى ئەھمىيىتى ناھايىتى چوڭقۇر .