ئۈنسىز ناخشا (مېھرى)

مېھرى

ئۈنسىز ناخشا


مېھرىگۈل ھۈسەيىن

تىمتاس كېچە، قۇشلار نەغمىسىز،
ياپراقلاردا تۈنىگەن شامال.
ئولتۇرۇشتۇق ياندىشىپ جىمجىت،
ئوخشاش خىيال سۈردۇق ئېھتىمال.

كەتتى تەگسىز ئۇيقۇغا دۇنيا،
تاتلىق تۇيغۇ-ھېسلار ئىلكىدە.
قالدى دەردلىك ئىككى تامچە ياش،
ئېچىلمىغان گۈلنىڭ بەرگىدە.

يۈرىكىڭگە باش قويۇپ ئۈنسىز،
ئېيتىپ بەردىم مۇڭلۇق ناخشامنى.
تېگىشمەيمەن پۈتكۈل ئۆمرۈمگە،
ئاي مۆكۈنگەن ئەشۇ ئاخشامنى!





2012-يىلى 10-ئاينىڭ 9-كۈنى

نەۋرۇز

تىمتاس كېچە، قۇشلار نەغمىسىز،
بىر ئازاپ يېقىنلاپ قالغان شۇ كۈنى.
مەن دىدىم :جۇت تەگدى ئوتلۇق سۆيگۈگە.
بەك سوغاق بىز ماڭغان كوچىنىڭ چىكى.

تىمتاس كېچە، قۇشلار نەغمىسىز،
قانلىق بىر يۈرەكنى سالىدۇ ئەسكە.
بىر ئوتمەن مەڭگۇلۇك ھېجرانغا قالغان،
ھە مانا ئاھانەت ياغدى بەختىمگە.

تىمتاس كېچە، قۇشلار نەغمىسىز،
ئىلاھى قىسمەتتىن بىر شۇملۇق ئايان.
يۇيۇندۇم ھېجراننىڭ سۇيىدە بىر رەت،
بەخىتمەن قۇلۇڭدا قانىتى سۇنغان.

تىمتاس كېچە، قۇشلار نەغمىسىز،
زۇلمەتلىك كېچىدە كۈلدۈم قاھ-قاھلاپ.
بىر نۆۋەت كۈلۈشكە بەرمىسەڭ پۇرسەت،
جەسىدىم تاۋۇتتا تۇرىدۇ ساقلاپ.

سەلكىن01

مۇھەببەتنىڭ ئۈنسىز ناخشىسى سىزنى، بىزنى، تالايلارنى جىمجىت كېچىنىڭ راھەتبەخش قوينىغا يۇشۇرۇپ، قەلب تارىنى چەككەن ئاشۇ سېھىرلىك چاغلار مەڭگۈ ئۇنتۇلمايدۇ. يەنە بىر ئېسىل مۇھەببەت لېرىكىڭىزدىن ھۇزۇرلانماقتىمەن.يۈرىكىم ھېس-ھاياجان ئىلكىدە سوقماقتا. سىزگە ئافىرىن!

nuri

شېئىر تاتلىق چىقىپتۇ جۇمۇ. لېۋىمنى تامشىتىپلا قالدىم دېسە.

مېھرى

يازمامغا كۆز يۈگۈرتكەن ۋە ئىلھام بەرگەن نەۋرۇز، نۇرى ۋە سەلكىنلەرگە رەھمەت!

arzu

قالدى دەردلىك ئىككى تامچە ياش،
ئېچىلمىغان گۈلنىڭ بەرگىدە.
ئۈمىد بىلەن يانغان مۇھەببەت،
ئۆچۈپ قالدى ھېجران دەشتىدە.
پەسلى كەچكۈز تېز كەلدى ئەجەپ،
سۆيگۈمىزنىڭ يۇمران گۈلىگە.

سەلكىن01

تىمتاس كېچە، قۇشلار نەغمىسىز،
كۈۋەجەيدۇ تومۇرۇمدا قان.
يۈرىكىڭگە باش قويغان شۇ چاغ،
خىيالىمدا لىقلا ھاياجان.

تىمتاس كېچە، قۇشلار نەغمىسىز،
ئارمانلىرىم سۆيگۈگە تۇتقۇن.
ئەسلىمەمنىڭ شېرىن دەملىرى
مېنى ساڭا ئەيلەيدۇ مەپتۇن.

تىمتاس كېچە، قۇشلار نەغمىسىز،
ئاي، يۇلتۇزلار قىسىشار كۆزنى.
ئۇنتۇمايمەن باغرىڭدا، ئەركەم،
‹‹سۆيگۈ›› دېگەن مەڭگۈلۈك سۆزنى...

yahxiqux

شائىرلىرىمىز ھەجەپ   روھلان مەھەللىسىنى قىزىتىۋىتىپتىغۇ  ؟كىچىكىپ كۆرگىنىمدىن تولىمۇ ئەپسۇس؟

alnaz

روھلانغا شاھىرلار يىغىلغانكەن .بەكمۇ سۆيۇندۇم

alnaz

بەك ياخشى   يىزىپسىز   قولۇڭىزغا دەت بەرمىسۇن