ئۇ ئەمەسمۇ چوڭ شوجاڭ

anginar

ئۇ ئەمەسمۇ چوڭ شوجاڭ

ساتىرا


(بىر خوشامەتچى ئاغزىدىن)

قىلسۇن ئۆزى بىلگەننى بولماپتۇنى دەپ قويماڭ ،
يۇمشاق دىسە كىرپىنى ئۇنداق ئەمەس دەپ قوپماڭ،
لاتا قوزۇق قاق دىسە قانداق بولار دەپ تۇرماڭ،
رۇخسەت ئالماي ئۇنىڭدىن دورا –ئوكۇل يەپ قويماڭ ،
سىزگە بېرەي بىر ساۋات، ئۇ ئەمەسمۇ چوڭ شوجاڭ.

خاتىرجەملىك يار ساڭا شۇم ئاغزىڭنى چىڭ قىلساڭ،
بىر كۆزۇڭنى قىسىۋاپ ،يالغاننىمۇ جىڭ قىلساڭ،
پاشا بولغىن دەپ قالسا زۇۋان سۈرمەي غىڭ قىلساڭ،
ماختاپ كۆككە ئۈچۈرۈپ خوشامەتنى مىڭ قىلساڭ،
قىلار ساڭا ئىلتىپات ،ئۇ ئەمەسمۇ چوڭ شوجاڭ.

راسلاپ سورۇن -داستىخان،پات-پات مېھمان قىلىۋال،
ئىچەلمىسە ھۆ قىلىپ ،رومكىسىنى ئېلىۋال،
رەھبەر دىگەن قىزلارغا ئامراق كېلەر بىلىۋال،
ناز كۆرسىتىپ دالدىدا كۆڭلىنىمۇ ئۇتىۋال،
شەرەپ بېرەر قاتمۇ-قات ،ئۇ ئەمەسمۇ چوڭ شوجاڭ.

تەكشۇرۈشكە كەپ قالسا ياخشى باشلىق دەۋەرگىن،
يىگىن دىسە تاشنىمۇ مەززە قىلىپ يەۋەرگىن.
تەخسىكەشلىك دېپىنى قاملاشتۇرۇپ چەۋەرگىن،
نۇمۇس ئىش دەپ قارىساڭ بىر ئىزدىلا قەۋەرگىن،
ئۆتكەن ئىشقا سالىۋات ،ئۇ ئەمەسمۇ چوڭ شوجاڭ.

ئائىلەم دەپ بالام دەپ ياش ئاققۇزما ئالدىدا،
غەيۋىتىنى باشلىقنىڭ قىپ يۈرمىگىن ئارقىدا،
ساقلا دىسە چوغنىمۇ ساقلاۋەرگىن پاختىدا،
ئولتۇرىسەن بىر كۈنى سەنمۇ ئالتۇن تاختىدا،
بېرەلەيدۇ قەن-ناۋات ،ئۇ ئەمەسمۇ چوڭ شوجاڭ.

يۇقىرىغا دەرت ئېيتساڭ سەن باشلىقنى چاققىنىڭ،
پىلىكىگە بومبىنىڭ سەن ئوتلارنى ياققىنىڭ،
تويغۇزىدۇ قىلغانغا سەن بالانى تاپقىنىڭ،
ئازلىق قىلار گاھىدا سولاقتىمۇ ياتقىنىڭ،
تېنىچ كۈنلەر ساڭا يات،ئۇ ئەمەسمۇ چوڭ شوجاڭ.

مەكتەپلەرنىڭ خاقانى شوجاڭ دىگەن بىلىۋال،
ئەۋلىيا دەپ بىلىپ ھەم قوللىرىغا سۆيىۋال،
ئاداشتۇرماي باشقىغا ئۇنى ئوبدان تۇنىۋال،
كەلسە ئەگەر ئۆيۈڭگە كالا –قوينى سويىۋال،
شۇندا بېرەر مۇكاپات ،ئۇ ئەمەسمۇ چوڭ شوجاڭ.

تىگىپ قالساڭ چىشىغا باپلايدىغان پەمى بار،
يېقىتىپلا داق يەرگە دەسسەيدىغان چەمى بار،
پالىنىسەن يىراققا يولنىڭ ئاچچىق تەمى بار،
جەرىيمانە يىغىشتا كەسكىن دىگەن نامى بار،
قىلىپ تۇرار سېنى مات،ئۇ ئەمەسمۇ چوڭ شوجاڭ.

كېرەك ئەمەس سەۋىيە،ئىتائەچچان بولساڭلا،
سىزىپ بەرگەن سىزىقتىن چىقىپ كەتمەي ماڭساڭلا،
ھېلى -مىكىر ،باپلاشتا مول بىلىمگە تولساڭلا،
پۇتلاش ئۈچۈن ياخشىنى پىيىدىلا يۇرسەڭلا،
ئاتا قىلار جۇپ قانات،ئۇ ئەمەسمۇ چوڭ شوجاڭ.

مېنى دىدى دىمەستىن ئەمەل قىلغىن سۆزۈمگە،
يول كۆرسەتكىن دەپ يەنە كىرىۋالما كۆزۈمگە،
ئارتۇق كەتسە گەپلىرىم قايتۇرۇپ بەر ئۆزۈمگە،
بىلىپ قالسا باشلىقىم مېنى بويرار ئۆلۈمگە،
ماڭا كېرەك بۇ ھايات ،ئۇ ئەمەسمۇ چوڭ شوجاڭ.

uqkun618

ھا!!!ھا!!!ھا!!!ھا!!!ھا!!!ئالامەت يېزىلغان ساتراكەنبۇ،شوجاڭ كۈرۈپ قالىدىغان بولسا سىزنى ئۈلۈمگە بۇيرۇشقا ئۈلگۈرمەي ئۆزى ئاۋال قان قۇسۇپ ئۆلگۈدەك ئاچىچقتا{:soso_e128:}{:soso_e128:}{:soso_e128:}{:soso_e128:}

خەنجەر03

پاھ! ئالامەت يىزىۋىتىپسىزغۇ خۇددى بىزنىڭ مەكتەپتە ئىشلەيدىغاندەكلا. بىزنىڭ شوجاڭ كۆرۇپلا قالىدىغان بولسا نەچچە كۈنگىچە گىلىدىن تاماقمۇ ئۆتمەي ئۆتى يىرىلىپ ئۆلىۋىلىشتىن يانمايدۇ .........................

muslima

ھاھاھا ھەممە يەردە قازاننىڭ قۇلقى تۆتمۇ نىمە ،تۇۋا بەك ئەمليەتكە ئۇيغۇن ئىكەن ،ئەگەر شۇ خىل ئىللەت بار  باشلىقلار كۆرۇپ قالسا ئاچچىقدا مېڭسىگە قان چۇشۇپ قالارمۇ ھە !

arkambiz

توۋا دەيمەن .موشۇ  بىز بىلەن بىللە ئوقۇتقۇچىلىق قىلىۋاتقان ۋاقتىدا دائىم مەكتەپ مودىرىنى غاجاپ ،كەينىدىن غەيۋەت قىلىپ پېتىشمايدىغان بىر دوستىمىز بولدىغان .ھە دىسلا ئوقۇتقۇچىلارنىڭ ئاسىغا كىرىپ شوجفڭ بىلەن تاكانلىشىدىغان .كىيىن ئۇنى كاۋسا قىلغاندا ياش،ئىقتىدارلىق ،ئوقۇتقۇچىلارنىڭ مەنپەئىتىگە كۆيۈنىدۇ دەپ كۆرسىتىپ بەرسەك  بىر ئايدىن كىيىن ئۆزىچە شوجاڭ بولۇپ قالدى .
قىزىق يىرى شۇكى بۇ  ئالدىنقىسىدىنۇ ئاشۇرۇۋىتىدىغان چىقىپ قالدى دىسە .
ئادەمنى ھۇقۇق ئۆزگەرتىۋىتەمدىكىن دىسە  ھەر يوغان ھوقۇقى بار باشلىقلار شۇنداق مۇلايىم كىلىدىكەن
بىلگىلى بولمايدىكەن جىما

ما شىئىر دەششەت قاملىشىپتۇ

مۇرادىل

ياشاپ كەت دوستۇم! بەلەن تىما ئىكەن!{:soso_e179:}

muslima

arkambiz يوللىغان ۋاقتى  2011-9-29 10:24
توۋا دەيمەن .موشۇ  بىز بىلەن بىللە ئوقۇتقۇچىلىق قىلىۋا ...

بۇنداق ئىشلار بوپ تۇردىكەن ،ھۇقۇق بەزدە شۇنداق ياخشى پەزلەتلىك ئادەملەرنىمۇ باشقىچە قىلىپ قۇيدىكەن دىسە ،تۇۋا دەپ قالغۇدەكلا .

alogli

بىر قىسىم ھۇقۇقدارلار كۆز ئالدىدىكىنى ئويلاپ،كېيىنلىكنى ئويلاپ بۇلالماي قېلىپ،ئاخىردا ھۇقۇقتىن،ماشنىدىن قالغان چاغدا ئاغىرىپ،دوختۇرخانىدا يېتىپ قالىدۇ.ھۇقۇق ھىچكىمگە مەڭگۈلۈك ئەمەس

قىشلاق

ناھايىتى ياخشى يېزىلىپتۇ.تېخىڭمۇ ياخشى شېئىرلارنى يېزىپ تۇرۇڭلار!رەھمەت!

tarhan009

ياخشى تېما ئىكەن داۋاملىق ياخشى ئەسەرلەرنى يېزىپ تۇرۇڭ. مىسرانىمغا قايتا ئېلان قىلغان بولسىڭىز كۆرۈلۈش قېتىم سانى ۋە باھا سۆزىلىرى كۆپىيەتتى.