كالا سۈتى ئىچىشنىڭ 11 خىل پايدىسى

erdewil

	كالا سۈتى ئىچىشنىڭ 11 خىل پايدىسى         دۇنيا ئاشلىق ۋە يېزا ئىگىلىك تەشكىلاتىنىڭ تەتقىقاتى شۇنى ئىسپاتلىدىكى، ھەر 100گىرام كالا سۈتى تەركىبىدە70.5كىلوكالورىيە ئىسسىقلىق ئېنىرگىيەسى، 3.4گىرام ئاقسىل،3.7گىرام ماي ۋە 125مىللىگىرام  ئەتراپىدا كالىتسىي بار بولۇپ، ھەزىم بولۇش نىسبىتى98~100پىرسەنتكە يېتىدىكەن. كالا سۈتىدە يەنە ۋىتامىن ب 2 (0.14مىللىگىرام،رىبوفلاۋىن دەپمۇ ئاتىلىدۇ)بىلەن ۋىتامىن ئا(24مىللىگىرام)مول بولۇپ،ئاقسىل تەركىبىدە ئادەم بەدىنىنىڭ يېتىلىشى ئۈچۈن زۆرۈر بولغان تۈرلۈك ئامىنو كىسلاتاسى بار ئىكەن. نۇرغۇنلىغان دۆلەتلەردە كالا سۈتى ‹‹ئۇزۇقلۇق تەركىبى مول  يېمەكلىك››، ئىنسانىيەت ساغلاملىقىنى قوغداشتىكى‹‹ئاق رەڭلىك قان››دەپ قارالماقتا.    گېرمانىيە فېدېراتسىيەسى كالا سۈتى تەتقىقات مەركىزىنىڭ باشلىقى ئېلىپ بارغان تەتقىقاتدا ئىسپاتلىنىشىچە، كىشىلەر ھەر كۈنى بىر ئىستاكان سۈت ئىچىپ بەرسە ئاز دېگەندىمۇ 11 خىل پايدىغا ئېرىشىدىكەن. 1.كالا سۈتىدە كالىي بار بولۇپ،قان بېسىم يۇقىرى چاغدا ئارتېرىيە دىۋارىنىڭ تۇراقلىق ھالەتتە تۇرۇشىنى ساقلاپ،سەكتىنىڭ يۈز بېرىش خەۋىپىنى يېرىم ھەسسە ئازايتىدۇ. يەنە يۇقىرى قان بېسىم ۋە يۈرەك كېسىلىنىڭ ئالدىنى ئالىدۇ. 2. يېمەكلكلەر تەركىبىدىكى زەھەرلىك مېتال ئېلىمنىت قوغۇشۇن بىلەن كادمىينىڭ ئادەم بەدىنىگە سۈمۈرلىشىنى توسىدۇ. 3.قېتىق بىلەن مايسىزلاندۇرۇلغان كالا سۈتى ئىممۇنىتېت ئىقتىدارىنى كۈچەيتىپ،ئۆسمە ھۈجەيرىسىنىڭ ئۆسىشىنى توسىدۇ. 4.كالا سۈتىدىكى تىروزىن بولسا سېروتونىن(قان زەردابى ماددىسى)نىڭ كۆپلەپ ئىشلەپچىقىرىلىشىنى ئىلگىرى سۈرىدۇ. 5. كالا سۈتىدىكى يود،سېنىك ۋە لېتسىتىن(فوسفاتىدىل خولىن)چوڭ مىڭىنىڭ خىزمەت ئۈنۈمىنى زور دەرىجىدە ئۆستۈرىدۇ. 6. كالا سۈتىدىكى تۆمۈر، مىس ۋە ۋىتامىن ئا قاتارلىقلارنىڭ چىراينى گۈزەللەشتۈرۈش رولى بار بولۇپ، تېرىنى پارقىرتىدۇ ھەم تولغان كۆرسىتىدۇ. 7. كالا سۈتىدىكى كالتسىي سۆڭەكنى چىڭىتىپ،سۆڭەك يۇمشاپ كېتىش ۋە سۇنۇشنىڭ ئالدىنى ئالىدۇ. 8. كالا سۈتىدىكى  ماگنىي يۈرەك ۋە نېرۋا سىستىېمىسىنىڭ چىدامچانلىقىنى ئاشۇرىدۇ. 9. كالا سۈتىدىكى سىنىك جاراھەت ئېغىزىنىڭ تېز پۈتۈشىنى ئىلگىرى سۈرىدۇ. 10. كالا سۈتىدىكى ۋىتامىن ب 2 كۆزنى روشەنلەشتۈرىدۇ. 11. كالا سۈتىدە L- ترىپتوفان قاتارلىق ماددىلار بار بولۇپ، ئۇخلاشتىن بۇرۇن بىر ئىستاكان كالا سۈتى  ئىچىۋەتسە ئۇيقۇ كەلتۈرۈدۇ. يۇقىرقىلاردىن باشقا ،ئالىملار 7-10ياشقىچە بالىلار ھەر كۈنى ئەتتىگەن ۋە كەچتە بىر خالتىدىن كالا سۈتى ئىچىپ بەرسە كۈندە ئېھتىياجلىق بولغان ئاقسىلنىڭ%60ىنى،كالتسىنىڭ%75ىنى، فوسفورنىڭ%42ىنى، ۋىتامىن ب2نىڭ%75ىنى قاندۇرغىلى بولىدىغانلىقىنى بايقىدى. ئۆمەرجان ئەمەت تەرجىمىسى بۇ شىنجاڭ خەلق سەھىيە نەشرىياتىنىڭ<< ساقلىق-ساقلاش ژورنىلى>>نىڭ 2011-يىللىق 4-سانىدىن ئېلىندى.

kun^kiz

	مەن ئادەتتە سۈت ئىچىشكە ئامراق لىكىن كۆپ ئىچمەيمەن سەمرىپ كىتەمدىمەنكىن دەپ .سۈتنىڭ شىپالىق رولى كۆپكەن بولمىسا .

maoluda

	پايدىسى كۆپكەن-ھە،بىلىۋالدۇق ،رەھمەت.

berna

	ئىلگىرى ئۆيىمىزدىكى ئىنەكنى سىغىپ قازاندا قاينىتىپلا ئىچكەن سۈت بىخەتەر دەپ ئويلايتىم.زاۋۇتتىن چىققانلىرىنى بولسا ئىچمەيتىم. كىيىن ئۇقۇتقۇچىمىز مۇشۇ توغۇرلۇق سوئال سوراپ قالدى.زادى قايسىسى ياخشى دەپ،ھەممىمىز دىگۈدەك يىششىقلاپ ئىشلەنمىگنى ياخشى دىدۇق.ئۇقۇتقىچىمىز كۈلۈپ كىتىپ تەببىي كالا سۈتى تەركىبىدە نۇرغۇنلىغان كىسەللىك مىكروبلىرى بار.پىششىقلاپ ئىشلەنگىنى بولسا مىكروپسىزلاندۇرۇلغان،ئەمما بەدەنگە زىيانلىق تەركىبلەر بار،شۇڭا قايسىنىڭ ياخشى ئىكەنلىكىنى بىلمەك تەس دىگەن ئىدى. ئۇزۇن بوپتۇ سۈت ئىچىپ باقمىغىلى.

tutem

	ھازىرقى بۇۋاقلارغۇ كالىنى ئىمىپلا 2 ياشقا كىرىدۇ.

fayiza

	كالا سۈتىنىڭ پايدىسى كۆپ . لېكىن بازارلاردىكى كالا سۈتلىرىنى ئامال بار ئىچمەسلىكىمىز كېرەك . سۈت ياسايدىغان زاۋۇتلارغا بارغانلارنىڭ دىيىشىچە ، بىر خالتا سۈتكە ئاران بىر نەچچە تېمىم تەبىئى سۈت تېمىتىلىدىكەن . باشقىسى ئارىلاشما ، يەنى سۈتنىڭ تەركىبىدە بۇلۇشقا تىگىشلىك ماددىلارنى قوشىدىكەن . شۇڭلاشقا تەبىئى كالىدىن سېغىلغان سۈتلەرنى ئىچىشىمىز كېرەك . ئۆتكەندە تېخى قايسى بىر مۇنبەردە خالتىلىق سۈتنى ئەخلەت ئاياقلارنىڭ تەركىبىدىن ئايرىپ چىقىرىلغانلىقىنى ، ھۈكۈمەت تەرەپتىن قاتتىق بىر تەرەپ قىلىنغانلىقىنى ئوقۇدۇم . بىز بىلىپ بىلمەي ئىچىۋاتقان سۈتلەر زادى ئىشەنچلىكمۇ ؟ مىنىڭچە ئەڭ ئىشەنچلىكى ئارمان سۈتلىرى .باشقىلىرى ، ھەتتا مەيچۈئېر سۈتلىرىگىمۇ ئىشەنمەسلىك كېرەك .   مەن ئادەتتە تەبىئى سۈتنى ئىچىمەن . ھەركۈنى مەھەللىمىزگە يېزىدىن سېغىپ ئەكەلگەن تەبىئى سۈت ئەكىلىپ ساتىدىغانلار بار . شۇلاردىن كۈندە سېتىۋېلىپ ئىچىمەن . مۇشۇ خالتىلىق ، قۇتىلىق نەرسىلەرگە ھەرخىل ئارىلاشمىلارنى ئارىلاشتۇرىدۇ . شۇڭلاشقا مەيلى سۈت ، مەيلى ئىچىملىك ھىچقايسىسىنى ئىچمەيمەن . پەقەت ئۆيدىن ئايرىلغان ، تەبىئى ئىچىش ئىمكانىيىتى يوق چاغلاردىلا ئامال يوق .

salam234

	ئۇنداقتا تەبئى كالاسۈتىنىمۇ سۈزۈلدۈرۈپ ئىچسەك بولغۇدەكتە  [s:2]  [s:2]

tashadem

	بۇ 5قەۋەتتىكىfayiza يوللىغان 2011-05-13 11:22 غا قارتىلغان  :   كالا سۈتىنىڭ پايدىسى كۆپ . لېكىن بازارلاردىكى كالا سۈتلىرىنى ئامال بار ئىچمەسلىكىمىز كېرەك . سۈت ياسايدىغان زاۋۇتلارغا بارغانلارنىڭ دىيىشىچە ، بىر خالتا سۈتكە ئاران بىر نەچچە تېمىم تەبىئى سۈت تېمىتىلىدىكەن . باشقىسى ئارىلاشما ، يەنى سۈتنىڭ تەركىبىدە بۇلۇشقا تىگىشلىك ماددىلارنى قوشىدىكەن . شۇڭلاشقا تەبىئى كالىدىن سېغىلغان سۈتلەرنى ئىچىشىمىز كېرەك . ئۆتكەندە تېخى قايسى بىر مۇنبەردە خالتىلىق سۈتنى ئەخلەت ئاياقلارنىڭ تەركىبىدىن ئايرىپ چىقىرىلغانلىقىنى ، ھۈكۈمەت تەرەپتىن قاتتىق بىر تەرەپ قىلىنغانلىقىنى ئوقۇدۇم . بىز بىلىپ بىلمەي ئىچىۋاتقان سۈتلەر زادى ئىشەنچلىكمۇ ؟ مىنىڭچە ئەڭ ئىشەنچلىكى ئارمان سۈتلىرى .باشقىلىرى ، ھەتتا مەيچۈئېر سۈتلىرىگىمۇ ئىشەنمەسلىك كېرەك .   مەن ئادەتتە تەبىئى سۈتنى ئىچىمەن . ھەركۈنى مەھەللىمىزگە يېزىدىن سېغىپ ئەكەلگەن تەبىئى سۈت ئەكىلىپ ساتىدىغانلار بار . شۇلاردىن كۈندە سېتىۋېلىپ ئىچىمەن . مۇشۇ خالتىلىق ، قۇتىلىق نەرسىلەرگە ھەرخىل ئارىلاشمىلارنى ئارىلاشتۇرىدۇ . شۇڭلاشقا مەيلى سۈت ، مەيلى ئىچىملىك ھىچقايسىسىنى ئىچمەيمەن . پەقەت ئۆيدىن ئايرىلغان ، تەبىئى ئىچىش ئىمكانىيىتى يوق چاغلاردىلا ئامال يوق .    مىنىڭچە بۇ ئىنكاسىڭىز سەل ئىشىپ كىتىپتۇ، فىرىمانى سۈت ئەمەس دىسە ئىشىنىمەن. چۈنكى مەن ئۇنىڭ قانداق نەرسە ئىكەنلىكىنى ناھايتى ئوبدان بىلىمەن. مەن سۈت مەھسۇلاتلىرى سودىسى بىلەن شۇغۇللانغىلى 3 يىلدىن ئاشتى، مىۋە تەملىك سۈتلەرگە خۇرۇچ قاتىدىغىنى راس ئەمما باشقا ساپ سۈت پەقەت ساپ سۈتتىن مىكروپسىزلاندۇرۇپ، قاچىلىنىدۇ .  مەن ئىچكىردە ۋە شىنجىاڭدا نۇرغۇن سۈت ئىشلەپ چىقىرىدىغان شىركەتلەرنىڭ فىرمىسىغا كىرگەنمەن. بەزىلىرىنىڭ كالا قوتانلىرى ئىشخانىسىدەكلا پاكىز... مىڭچە قايسىنى ياقتۇرسىڭىز ئىچسىڭىز بولۋىرىدۇ. گۇمانخورلۇق قىلىپ ئىچمىگەندىن ياخشىراق. مەن بىلىدىغان خەنزۇچە ماركىدىكى سۈتلەردىن <<伊利>>  سۈت مەھسۇلاتلىرىنىڭ دۆلەتلىك ئىسلام جەمىيىتى تەرپىدىن بىرىلگەن مۇسۇلمانچە ئىجازەتنامىسى بار ۋە پاكىزلىق موھىتىمۇ شۇ ئۆلچەمگە يىتىدۇ ئادەتتە مەن كۆرگەن زاۋۇتىدا كالىنى سېغىشتىن خالتىنىڭ ئېغى تىكىلگۈچە پۈتۈن جەريان ئاپتۇماتىك مەشغۇلات سىتىمىسى بولۇپ ئادەمنىڭ قولى تەگمەيدۇ.

مۇبارەك

	سۈت دېسە ئىچىپ كېتىمەن بىرخىلدا. قىزلارغا بەك پايدىلىق ئىشقىلىپ. خەق ئەتتىگىنى ئىچسە، مەن كەچلىكى ئىچىمەن، تاتلىق ئۇخلاي دەپ.

marya

	مەنمۇ بەك كۆپ ئىچىمەن..كۈندە مومامنىڭ ئۆيىدە سۈتىنى ئۆزۈم ئاچىقىمەن..شۇڭا ھەمىمىدىن كۆپ ئىچىمەن..... سۈت ھەقىقەتتەن پايدىلىق...