ئۇيغۇر كىشى ئىسىملىرىنىڭ ئېنگىلىزچە يېزىلىشى توغرىسىدا ياردەم سورايمەن

matu

	كەچۈرۈڭلار كۆپچىللىك، بىر دوستۇمنىڭ ھاۋالىسى بىلەن ئۇيغۇر كىشى ئىسىملىرىنىڭ ئىنگلىزچە يېزىلىشى توغرىسىدا سورىماقچى ئىدىم، كەسىپ ئىگىلىرى تەلىم بەرگەي. توۋەندىكىسى ماڭا ھاۋالا قىلغۇچى خەنزۇ ئاغىنەمنىڭ سۇئاللىرى: تۆۋەندىكى سول تەرەپتىكىسى خەنزۇچە ئىسىملار، مەن ھازىر بۇ كىشى ئىسىملىرىنىڭ ئىنگلىزچىدە قانداق يېزىلىدىغانلىقىنى بىلمەكچى، ئوڭ تەرەپتىكىسى مەن تۈرك تىلىدىكى كىشى ئىسىملىرىدىن تەرجىمە قىلغانلىرىم ۋە ھازىرقى ئاخبارات ۋاستىلىرىدە ئىشلىتىلىۋاتقان تەرجىمىلەر، لېكىن بۇلارنىڭ توغرا ياكى خاتالىقىنى بىلمەيمەن،  شۇڭا كۆپچىللىكنىڭ ياردەم قىلىشىنى سورايمەن: 迪力木拉提·巴吐尔           Dilmurat Batur 阿不都外力·阿不来提   Abduail Abulait 耶合亚·阿不力克木           Yahia Ablikm 巴力·买买提依力         Bari Mamatil 拜合提亚尔              Bahityar 依力汗木                   Elham 木热合买提江·莫扎帕       Mirakhmadjon Muzaffar ئىلگىرى يەنە Mirahmetjan Muzepper دەپ تەرجىمە قىلىنغان، قايسىسى توغرا؟     تۆۋەندىكىلەرنىڭ رەسمىي ئىنگىلىزچە تەرجىمىسى يوق ئىكەن، ياردەم قىلغايسىلەر: 吾提库尔·艾山 帕尔哈提·阿孜买提 依布拉音江 叶尔扎提 阿地力江 叶尔多斯 阿不都热扎克 木乎塔尔江 塔依尔 艾思哈 沙拉衣丁 祖力亚 艾尔帕提 伊拉木江.伊明 塔力哈尔 毛尔当 达吾提.切里牙孜旦 艾力哈木   ئۇنىڭدىن باشقا تۆۋەندىكى ئىككى ئىسىم تۈركىيە تەۋەلىكىدىكى ئۇيغۇرنىڭ ئىسمى، بۇلارنىڭ ئىنگلىزچىسىلا باركەن، خەنزۇچىسى يوقكەن، بۇلارنىڭ خەنزۇچىسىنى سورايمەن: Serkan Kirintili Hayrettin Yerlikaya     يەنە، شىنجاڭدىكى باشقا مىللەتلەر، مەسىلەن قازاق، ئۆزبېك قاتارلىقلارنىڭ كىشى ئىسىملىرىنى تەرجىمە قىلىش ئۇسۇلىمۇ ئۇيغۇرچە كىشى ئىسىملىرى بىلەن ئوخشاشمۇ؟   بىلمىدىم، دۆلەتنىڭ بىر قەدەر سىستېمىلىق، مۇكەممەل بولغان شىنجاڭ كىشى ئىسىملىرىنى تەرجىمە قىلىش قائىدىسى ياكى شىنجاڭ كىشى ئىسىملىرىنىڭ خەنزۇچە-ئىنگلىزچە سېلىشتۇرمىسى قاتارلىق كىتابلار بارمۇ-يوق؟ ياكى l=力，ra=热，m=木دېگەندەك سېلىشتۇرما جەدىۋەللىرىنى تاپقىلى بولامدۇ؟

oghuzkhan

	ئۇيغۇر يېزىقىنىڭ لاتىنچە ئىپادىلىنىش ULY دا يازسىڭىز بولىدۇ .

imkan

	كەسىپ ئىگىسى بولمىساممۇ ئازراق پىكىر بىرەي. ئەرەب، پارس، ئوردۇ، تۈرك ئىسىملىرىنىڭ ئىنگلىزچە يېزىلىشىنى Google دىن ئاساسەن تاپقىلى بولىدۇ. ماۋۇ توربەتلەردىن ئاختۇرۇپ كۆرۈڭ: http://babynamesworld.parentsconnect.com/ http://www.babynames.com/ http://www.babycenter.com/baby-names ئۇيغۇرچە ياكى ئۇيغۇرچىغا ئۆزلەشكەن بىر قىسىم ئىسىملارنى تاپماق تەسرەك، بۇنداق ئىسىملارنى ئۇيغۇرچە ئاھاڭ تەرجىمىسى بويىچە يازسا بولىدۇ. بىزدە قېلىپلاشقان ياكى باشقىلار ئاللىبۇرۇن ئىلىم-پەن، ئاخبارات، سىياسىي ساھالەردە ئىشلەتكەن بەزى ئىسىملارنى بۇ يەردىن تاپقىلى بولىدۇ. http://dict.youdao.com/  (خەنزۇچە، ئىنگلىزچە ئايرىم-ئايرىم ئىزدەپ بېقىڭ). ئەمدى دوستىڭىز تەرجىمە قىلغان ئىسىملارنى تۈزۈتۈپ باقاي: Dilmurat Batoor Abduwali Ablat Yehya Ablikim (Ablikeem Bari Mamtili Bahtiyar Ilham           Elham-"ئەلھېم" دەپراق ئوقۇلىدىكەن Mirahmadjan  Muzappar          ئەڭ كۆپ يېزىلىدىغىنى Ahmad Muzappar بىلەن Muzaffarنىڭ قايسىسىنى يازسا بولىۋىرىدۇ. ئەڭ مۇھىمى خەنزۇچە ئاھاڭ تەرجىمىسىدىن ساقلىنىش. مەسىلەن دوستىڭىز يازغاندەك Abulait. يەنە بىرى مەسىلە: گوگۇلدىن ئىزدىگەندە باشقا تىللار بىلەن ئېيتىلىشى ئوخشاش ئىسىملاردا ئىزدەش تەتىجىسى كۆپ بولغىنىنى تاللاڭ. ئېيتىلىشى ئوخشىمايدىغان ئىسىملارنى تاللىغاندا بىزنىڭ ئېيتقىنىمىزغا يېقىنراقنى تاللاڭ. ئۇيغۇرچە ئىسىملارنىڭ خەنزۇچە يېزىلشىمۇ قېلىپلىشىپ بولالمايۋاتسا، ئىگلىزچىسىنىڭ قېلىپلىشىشىغا خېلى ۋاقىت بار. 依力汗木 ، 艾力哈木 ھەر ئىككىلىسى "ئىلھام"غۇ دەيمەن؟

imkan

	بۇنداق يازغاندا نۇرغۇن ئۇيغۇرچە ئىسىملارنىڭ ئىنگلىزچە ئوقۇلىشى ئۇيغۇرچە ئاھاڭىغا يېقىنمۇ كەلمەيدۇ. بولۇپمۇ ULYدىكى "ئە"نىڭ يېزىلىشى.

b-shadow

	ئەگەر پاسپورت ، ۋىزا ئىشلىتىش دىگەندەك رەسمىي ئىشلارغا ئىشلەتمىسە ئۇيغۇرچە ئىسىمنى ئاھاڭى بويىچە تەرجىمە قىلسىڭىز  google نىڭ خەنزۇچە - ئېنگىلىسچە تەرجىمە ئىقتىدارىدىن پايدىلانسىڭىز  ئۆلچەملىك چىقىدۇ ، مەسىلەن 艾哈迈德نى Ahmed دىگەندەك ، ئەگەر پاسپورت ، ۋىزا ئىشلىتىش دىگەندەك رەسمىي ئىشلارغا ئىشلەتسە ،   ئۆزىڭىز  بىلىسىز ، بىز  ئۇيغۇرلارنىڭ خەنزۇچە ئىسىم تەرجىمىسى قولايلىق بولىشى ئۈچۈن 艾合买提，买买提، 吐尔逊 دىگەندەك غەيرىرەك  ، ئاددى خەتلەرنى ئىشلىتىپ  تەرجىمە  قىلىپ  كۆنۈپ قالغان ، بۇنىڭغا  ئەلۋەتتە گوگۇلنىڭ ئىقتىدارىدىن  پايدىلانغىلى  بولماسلىغى  مۈمكىن ، شۇڭا ئالدى بىلەن تىل  كومېتىتى  چىقارغان 维吾尔人名汉字音译转写规则使用手册 دىگەن قوللانمىدىن پايدىلىنىپ  خەنزۇچىغا ئۆلچەملىك تەرجىمە قىلىۋېلىپ ، ئاندىن پىنيىن ئوقۇلۇشى بويىچە ئېنگىلىسچىگە تەرجىمە قىلىنىدۇ ، مەسىلەن艾合买提   ئېنگىلىسچىگە  aihemaiti دىگەندەك .

inaqliq

	ئۇيغۇر سوفت لۇغىتىنى قاچىلىسڭىز ئۇيغۇر ئىسىملىرىنىڭ ئۆلچەملىك تەرجىمىسى بار، يەنى ھەرقانداق ئىسىمنىڭ قېلىپلاشقان خەنزۇچە يېزىلىشىنى تاپقىلى بولىدۇ. ئىنگىلىزچە يېزىلىشقا كەلسەك،ئۇيغۇر لاتىن يېزىقى بويىچە يازسا بولىدۇ، بىراق بۇ يېزىقتىكى ئە ھەرپىنى ئې قىلىپ يېزىش خەلقارا نۇرمىغا چۈشمىگەن بىر ئاجىزلىق، مەسىلەن، ئەخمەت، بۇنىڭ ئۇيغۇر لاتىن يېزىقىدىكى يېزىلىشى ehmet بىراق خەلقارادا ، Ahmat دەپ يېزىلىدۇ. ئەلكۈيى دىگەننىمۇ Alkuyi دەپ يېزىش مۇۋاپىق، elkuyi دەپ ئىشلىتىش مۇۋاپىق ئەمەس...

matu

	گۈلەننىڭ پىكىرىنى ئاڭلاپ باققۇم بار. خاس ئىسىملارنى مەزكۈر مىللەت تىلىدىكى فونىتىكىسى بويىچە تەرجىمە قىلىش كېرەك دەيدىغان پىرىنسىپلىرى باردۇ؟

gulen

	ئەسسالامۇ ئەلەيكۇم ئالدى بىلەن جاكارلايدىغان گەپ، ئىسىم تەرجىمە قىلىنمايدۇ، بەلكى ئۆرۈپ يېزىلىدۇ، يەنى تىرانسكىرىپسىيە قىلىنىدۇ. بۇنداق دېگەنلىك شۇ ئىسىمنىڭ ئېگىسى قانداق تەلەپپۇز قىلسا شۇ تەلەپپۇزغا بويسۇنغان ئاساستا باشقا تىلدا يېزىش دېگەنلىك. شۇڭا ئۇيغۇرچىغا قانچە يېقىن، ئەسلى ئۇيغۇرنىڭ تەلەپپۇزىغا قانچە يېقىن بولسا شۇنچە ياخشى بولىدۇ. بۇ يەردە مۇنداق مەسىلە چىقىدۇ، خەق تەلەپپۇز قىلالمىسا، خاتا تەلەپپۇز قىلسا قانداق قىلىمىز؟ بۇنىڭدىن ھىچكىم ساقلىنالمايدۇ. مەسىلەن خەنلەرنىڭ ئىسمىنى ئېنگىلىزچە پىنيىن بىلەن يازىدۇ، ئىنگىلىز تىللىقلار خاتا ئوقۇيالمايدىكەن دەپ ئۇلار ئىنگىلىزچە ئىسىم قويۇۋالمايدۇ، ياكى ئىسمىنى ئىنگىلىزچىغا يېقىنلاشتۇرۇۋالمايدۇ. ئە مەسلىسى چىقىپ قالدى، تۈركىيە تۈركچىسى، ئازەرى تۈركچىسى ۋە بالقانلارنىڭ تۈركچىلىرىدە ئە بىزدەك يەنى بىزنىڭ ئورتاق لاتىن ئىلىببەيىمىز بېكىتكەندەك يېزىلىدۇ، ئۇلار ئىنگىلىزلار خاتا ئوقۇيدىكەن دەپ ئىسلاھ قىلغان يوق. قانداقلا يازماڭ، ئاھمەد، مۇھەممەد قاتارلىق ھەممىگە تونۇش بولغان پەيغەمبىرىمزىنىڭ ئېتى ۋە لەقەملىرىدىن كەلگەن يۇقارقى ئىسىملاردىن باشقىنى ئىنگىلىزلار "خاتا ئوقۇيدۇ". شۇڭا خەق ئۇچۇن توغرا بولۇشتا ئەمەس، ئۆزىمىز ئۈچۈن توغرا بولۇشتا چىڭ تۇرساق بولىدۇ.

maxal20

	ئادەتتە پاسپورت ۋە ۋىزىلاردا خەنزۇچە پىنيىننى ئىشلىتىدىغۇ دەيمەن. مەن ئوخشىمايدىغىنىنى كۆرۈپ باقمىدىم تېخى جۇڭگو پاسپورتىدا. دېمەكچى ئۆلچەملىك يېزىلغىنىنى... بۇ بىر چوڭ مەسلە..

inaqliq

	تۈركىيە ياكى بالقان تۈركچىسى ئەمەس بەلكى ئوتتۇرا ئاسىيا تۈركچىسىنى بولۇپمۇ ئۆزبىك لاتىن يېزىقىنى ئاساس قىلىشنى ئويلىشىپ باقساق بولاتتى، چۈنكى بىز يىراقتىكى داموللىنى ئەمەس يېقىندىكى خوشنىلىرىمىزنى ئويلىشىشىمىز كىرەك. قانداق دەيسىز گۈلەن.