مەمۇرلۇق ئىمتاھانىغا تېزىملاتقۇچىلار 140مىڭغا يەتتى

维医医生 ھەقىي سالاھىيەتلىك ئەزا

ھەي بىزگىمۇ ئاللانىڭ بەرگەن رىسىقى باردۇر

esil808

باشقا كەلگەننى كۆرمەي نە ئامال ؟!

khan ھەقىي سالاھىيەتلىك ئەزا

مانا مەنمۇ ئاشۇ 140مىڭ ئادەمنىڭ بىرسى،بەزى ئىشلارنى دەپ يۈرەي دېسە ئەسلى !!!ئادەمنىڭ ئىچى بىر خىل ئاچچىق بولۇپ قالىدۇ! بولدىلا !
تۇغۇلۇپ ئۆسۈپ يېتىلگەن يۇرتۇمدىن بىركىشلىك ئورۇن چىقماي،(قارىغاندا بىزنىڭ ناھىيەرلەر بەك تەرەقققى قىلىپ كېتىپ ،ئۇيغۇرچە خەت يازىدىغان ئادەم لازىم بولمايدىغان ئوخشايدۇ،كەسپىمگە ماس كەلگەن ئورۇننىڭ ھەممىسىنىڭ يېزىقچە ئىمتاھان تىل تۈرى چەكلەنگەن ئىكەن.)شۇنىڭ بىلەن ناھىيىمىزدىن 100كىلومىتىر يىراقتىكى ناھىيىنىڭ بىر يېزىسىغا تىزىملاتسام،2ئادەم ئالىدىغان يەرگە 244ئادەم تىزىملىتپتۇ! بوپتۇ دېدىم! تەلىيىمىز مۇشۇنچىلىككەن...بىزگىمۇ ئاللانىڭ ئيېتقان يەرلىرى باردۇ!؟
-------------------------------------------------------------------
100 كىلومېتر يىراقتىكى ناھىيىگە تىزىملاتقىنىڭزدىن كۆڭلىڭىز يېرىم بولمىسۇن، بىزنىڭ ناھىيىدىكىلەر 1000 كىلومېتر يىراقتىكى جايلارغا تىزىملىتىۋاتىدۇ.

khan ھەقىي سالاھىيەتلىك ئەزا

بەزىلەر تىزىملىتىش پۇلى توغرۇلۇق سۆزلەپتۇ. مېنىڭچە بۇنىڭدىن بىراۋنىڭ ئىچىنىڭ ئېچىشىشىنىڭ ھېچقانداق ئاساسى يوق. چۈنكى بۇ يىغىلغان پۇللار تىزىملىتىشتىن تارتىپ ئىمتىھانغىچە، ئىمتىھاندىن تارتىپ نەتىجە چىققۇچە بولغان جەرياندىكى چىقىمغا ئاران يېتىدۇ. بۇ ھەرگىزمۇ بىراۋنىڭ يانچۇقىغا چۈشىدىغان ئىش يوق. مەن بىلىدىغان خىراجەتلەرنى قىسقىچە دەپ بېرەي:
1. 140 مىڭ ئادەمنىڭ تىزىملاش قول ئىش ھەققى، ماتېرىيال ھەققى، ئارخىپ تۇرغۇزۇشقا كېتىدىغان خىراجەتلەر.
2. سوئال چىقىرىش، سوئالنىڭ بىخەتەرلىكىنى ساقلاش، سوئال قەغىزى، سوئاللارنى توشۇش (بىخەتەرلىككە كاپالەتلىك قىلغان ئاساستا) ھەققى ۋە باشقا سوئالغا مۇناسىۋەتلىك خىراجەتلەر. قارىماققا بۇلارغا پۇل كەتمەيدىغاندەك قىلىدۇ. ئەمەلىيەتتە بۇلارغىمۇ پۇل خەجلىنىدۇ.
3. ئىمتىھان خىراجىتى. بۇ خىراجەت خېلى كۆپ سالماقنى ئىگىلەيدۇ. ئىمتىھان مەيدانلىرىنىڭ ئىجارە ھەققى، كومىسىسىيە ھەققى، بېرىلىپ بولغان سوئاللارنى بىخەتەر توشۇش خىراجىتى، سوئال تەكشۈرۈش خىراجىتى (ئويلاپ بېقىڭ، 140 مىڭ ئادەمنىڭ بىر قانچە پەندىكى ئىمتىھان نەتىجىسىنى ئادىل تەكشۈرۈشكە قانچىلىك سوئال تەكشۈرگۈچى، قانچىلىك ئەمگەك سەرپ قىلار)
4. ئىمتىھان بەرگۈچىلەرنىڭ نەتىجىسى بويىچە ئارخىپلاشتۇرۇش خىراجىتى.
بۇندىن باشقا مەن بىلمەيدىغان نۇرغۇن خىراجەتلەر بار. كەم قالغان قىسمىنى ھۆكۈمەت تولۇقلىما بېرىدۇ. ئېشىپ قالارمېكىن دەپ بىكار چوت سوقۇشنىڭ ئورنى يوق. قانداقتۇر بىر كاتىۋاشنىڭ چۆنتىكىگە چۈشىدىغان ئىشمۇ يوق.

khan ھەقىي سالاھىيەتلىك ئەزا

مەن ئۆتكەن يىلى مەمۇرلۇققا ئىمتىھان بېرىدىغان ئورۇنلار تىزىملىكىنى توردىن چۈشۈرۈپ كۆرۈپ باقتىم. مېنىڭ بۇ تىزىملىكتىن ئەڭ چوڭقۇر ھىس قىلغىنىم: بۇ رىقابەت پەقەت ئادىل ئەمەسكەن. بولۇپمۇ ئاز سانلىق مىللەتلەرگە. قانۇنغا ئوچۇق ئاشكارە خىلاپلىق قىلىنغان.
1. ئەمگەك قانۇنىدا ناھايىتى ئېنىق قىلىپ «ئەمگەكچىلەر جىنسى، مىللىتى، دىنىي ئېتىقادى ....لار چەكلىمىگە ئۇچرىمىغان ھالدا ئىشقا ئورۇنلىشالايدۇ» دەپ بەلگىلەنگەن. بىراق بۇنىڭدىكى ھەممە ئىش ئورۇنلىرىغا مىللەت چەكلىمىسى قويۇلغان، جىنىس چەكلىمىسىمۇ قويۇلغان. يەنە كېلىپ خەنزۇلارنىڭ نىسبىتى پەۋقۇلاددە يۇقىرى ۋە ياخشى ئورۇنلار، ئاپتونۇم رايون دەرىجىلىك ئورۇنلارغا مىللەت تەلىپى خەنزۇ دەپ قويۇلغان.
2. ئاز سانلىق مىللەتلەرگە قويۇلغان شەرتلەر ئالاھىدە ئېغىر. كۆپىنچىسىگە تولۇق كۇرس ياكى ئۇنىڭدىن يۇقىرى تەلەپ قويغان. خەنزۇتىلى سەۋىيە نەتىجىسىگە قويۇلغان تەلەپمۇ ئېغىر كەتكەن، كۆپىنچە ئالتىنچى دەرىجىدىن يۇقىرى تەلەپ قويۇلغان. بىر ئادەمنىڭ ساپاسىنى ۋە ئىستىقبالىنى خەنزۇتىلىدىكى مانچىنچى دەرىجە دېگەن چەكلىمىگە باغلىۋېلىش مېنىڭچە ئانچە ئادىل ئەمەس. ئەلۋەتتە مەن خەنزۇتىلىنى بىلمىسىمۇ بولىدۇ دېمەيمەن. بىراق تەلەپنى مۇناسىپ تۆۋەنلەتسە دەيمەن. خەنزۇ تىلىنى ئانا تىل قىلغانلار (ۋە خەنزۇۋانلار) ھېچقانداق چەكلىمىسىز شۇ ئورۇنغا ئىگە بولالايدۇ يۇ شۇنچە مۇنەۋۋەر، بىراق سۈنئىي ھالدا ئىگىزلىتىپ قويۇلغان شۇ بوسۇغىدىن ئۆتەلمىگەن ئاز سانلىق مىللەت ئوقۇغۇچىلىرى پۇتلىشىپ كەتسە، بۇ ئادىل بولارمۇ؟
بۇلار مېنىڭ شەخسىي ھىس قىلغىنىم، خالاس. تېخى پاكىتلىق، سىستىمىلىق تاسقاشتىن ئۆتكىنى يوق. شۇڭا تەنقىدىي پوزىتسىيىدە بولارسىزلەر.