تورغا چىقىڭ ، ئەمما «تور»غا چۈشۈپ قالماڭ

zulhajja

	تورغا چىقىڭ ، ئەمما "تور"غا چۈشۈپ قالماڭ     نۆۋەتتىكى ئۇچقاندەك تەرەققىي قىلىۋاتقان ئۇچۇر دۇنياسى زامانىمىز كىشىلىرىگە خىزمەت، ئۆگىنىش ۋە ئىزدىنىش جەھەرلەردە نۇرغۇنلىغان قولايلىقلارنى ئېلىپ كېلىش بىلەن بىرگە، بىر قىسىم ئاۋارىچىلىقلارنىمۇ ئېلىپ كەلمەكتە. تۇرمۇش سەۋىيىمىزنىڭ ئۆسىشىگە ئەگىشىپ كومپيۇتېر ئائىلىلەردە كەم بولسا بولمايدىغان ئائىلە ئېلىكتىر سايمانلىرىنىڭ قاتارىدىن ئورۇن ئالماقتا. شۇنداقلا شەھەردىن تارتىپ يېزا - قىشلاقلارغىچە ئۇقۇغۇچىلارنىڭ دەرسلىكلىرىگە كىرگۈزۈلۈپ ، پۈتكۈل جەمئىيەتتە كەڭ ئومۇملاشماقتا.   يېقىندا تۇققان يوقلاش ئۈچۈن يۇرتقا بارغان ئىدىم، شۇ جەرياندا بىر ساقچى ساۋاقدىشىمدىن ئۆزى مەسئۇل بولغان بىر دېلونى ئاڭلاپ قالدىم. ئۇنىڭ دېيىشىچە ئەمدىلا 14 ياشقا كىرگەن ، ئوتتۇرا مەكتەپتە ئوقۇيدىغان بىر قىز ئائىلىسىدىكى كومپيۇتېردا ئۈرۈمچىدىكى بىر يىگىت بىلەن توردا ئۆزئارا تونۇشۇپ، كۈندە دېگۈدەك پاراڭلىشىپ تۇرغان، بۇ قىز بۇ جەرياندا ئۆزىنى ئوتتۇرا مەكتەپنىڭ ئوقۇتقۇچىسى ، 21 ياشقا كىردىم دەپ تونۇشتۇرغان، ئۇلار شۇ تەرەقىدە توردا ئىككى يىلدەك ئارىلىشىپ، ئاشىق- مەشۇقلاردەك بولۇشۇپ ، ئاخىرى يۈزتۇرانە كۆرۈشمەكچى بولۇشقان. ھەم ئۇ قىز يىگىتنى يۇرتىغا تەكلىپ قىلغان، نەتىجىدە يىگىت ھېچ ئىككىلەنمەيلا ئۇ قىزنىڭ يۇرتىغا كەلگەن. ئاخىرىدا ئۇ قىز بۇ يىگىت بىلەن بىللە ئۇ يىگىتنىڭ ئۈرۈمچىدىكى تۇرالغۇسىغا كەلگەن. بۇ ئىشلاردىن خەۋەرسىز قالغان قىزنىڭ ئاتا- ئانىسى قىزىنىڭ يوقاپ كەتكەنلىكى توغرىسىدا ساقچىغا دېلو مەلۇم قىلغان. ئۇزۇن ئۆتمەي ساقچىلار ئۇلارنى يىگىتنىڭ تۇرالغۇسىدىن تېپىپ، ئۇلارنى قاتتىق سوراق قىلغان، نەتىجىدە بۇ ئىشلارنىڭ پۈتۈنلەي ئۇ قىزنىڭ ئۆز ئىختىيارلىقى بىلەن بولغانلىقى ئېنىقلانغان.   دېمەك، بىر قىز ئوقۇغۇچى توردا باشقىلار بىلەن سۆزلىشىش، مۇھەببەتلىشىش نەتىجىسىدە ئۆزىنىڭ گۈزەل ئىستىقبالىنى پۈتۈنلەي نابۇت قىلغان. بۇنىڭغا ئوخشايدىغان مىساللار ئەتراپىمىزدا نۇرغۇن، بىرسى ئايالىم بىلەن ئاجرىشىپ كەتتىم، سىزنى بەك ياخشى كۆرۈپ قالدىم دەپ يەنە بىرسىنى ئالدىسا، يەنە بىرسى ئېرىمگە ئۆچ بولدۇم دەپ توردا تونۇشقان ناتونۇش بىرسىنى ياخشى كۆردۈم قالدىم دەپ بىر-بىرىنى ئالدىشىپ يۈرمەكتە، يەنە بەزىلەر ئىنساپ- دىيانەتنى بىر ياققا قايرىپ قويۇپ بىر-بىرىنى ئالدىشىپ، بىر-بىرىدىن پۇل-مال ئۈندۈرۈشۈپ يۈرۈشمەكتە. . .   ئاخىرىدا دېمەكچى بولغىنىم، كەڭ ئاممىنىڭ جۈملىدىن ئوقۇغۇچىلارنىڭ كومپيۇتېردىن توغرا پايدىلىنىشىنى، توردىكى شىرىن-شېكەر سۆزلەرگە ئىشىنىپ، مەستانە بولۇپ كەتمەسلىكىنى، ھەر ۋاقىت ئۆزىنى سەگەك تۇتۇپ، توردا سۆزلەشكەن ۋاقتىنىڭ ئورنىغا ئىلغار بىلىملەرنى ئىگەللەپ، ئۆز-ئۆزىنى كامالەت تاپقۇزىشىنى، ئاتا-ئانىلارمۇ بالىلارغا بولغان نازارەتنى كۈچەيتىپ، ئۇلار بىلەن بولغان چۈشەنچىسىنى كۈچەيتىشى ھەم ئۇلارغا توغرا بولغان ئۆگىنىش ئۇسۇلىنى كۆرسىتىپ بېرىشىنى تەۋسىيە قىلىمەن. شۇندىلا ئۇلارنىڭ تۇيۇق يولغا كىرىپ قېلىشىنىڭ ئالدىنى ئالغىلى بولىدۇ دەپ قارايمەن.       مەنبە: ئىشچىلار ۋاقىت گېزىتى

pariay

	توردىن ئۈنۈملۈك پايدىلانسا ئۇ ھەممىمىز ئۈچۈن ھەقسىز دەرس ،ئەكسىچە بولغاندا ئاقىۋىتىنى تەسەۋۋۇر قىلىش تەس .  مەنمۇ ئانا - بالا توردا بىلىشمەي مۇھەببەتلىشىپ قاپتۇ دىگەننى ئاڭلىغاندىن كىيىن بەكمۇ ھەيران قالغانىدىم ،   ئەسكەرتكىنىڭىزگە رەخمەت قېرىندىشىم !

lopnuri

	بۇ تېمىڭىز بەك ئەھمىيەتلىك بوپتۇ.توردىن ئۈنۈملۈك پايدىلانماي،پەقەت دوست تۇتۇشنىلا ۋاستە قىلىۋالغان باللىلىرىمىزغا ياخشى بىر ئاگاھلاندۇرش بوپتۇ.

tiwip

	تور دۇنياسى باللىرىمىزنى بۆشۈكىدىلا قىرىتىۋىتىۋاتىدۇ .

layli

	بۇ قوش بىسلىق قۇرالدىن چوقۇم ئۈنۈملۈك پايدىلنىشىمىز كېرەك .   ئالدىنقى قىتىم مىسرانىم مۇنبىرىگە مەشئەل 20دىگەن تورداش ئۇكىمىز يوللىغان < قۇرامىغا يەتمىگەنلەر تورغا چىقسا بولامدۇ يوق ؟>دىگەت بەس مۇنازىرە تىمىسى خىلى كۆپلىگەن كىشلەرنىڭ دىققىتىنى تارىتقان ئىدى ، مىنىڭچىمۇ ئۇلارنى توسمىغان ئاساستا ئۇلارنىڭ ئۈنۈملۈك پايدىلنى ۋە توردا قانداق مەشغۇلاتلارنى ئىلىپ بىرشىغا كۆپرەك كۆڭۈل بۈلۈش كېرەك ،

مۇبارەك

	بىر ساۋاقدىشىم تەتىلدە بىر كومپىيوتۇر مۇلازىمەت مەركىزىدە ئىشلەپتىكەن. بىر كۈنى ئولتۇرسا 10ياشلىق ئاكىسى، 8ياشلىق سىڭلىسى بولۇپ، ئىككى بالا كىرىپتۇ. ‹ دادام-ئاپام يوقتى، كومپىيوتور بۇزۇلۇپ قالدى، ئوڭشاپ بېرىڭ...› دەپ. ساۋاقدىشىم ئۆزىنىڭ ئائىلىلەرگىچە بېرىپ مۇلازىمەت قىلىش تۈزۈمىنىڭ يوقلىقىنى، مۇشۇ يەرگە ئېلىپ كېلىشىنى ئېيتىپتۇ. ئۈستەل كومپىيوتورى بولغاچقا، ئۇ بالىلار ئەكىلەلمەيمىز، بېرىڭە ئۆيگە، دەپ يالۋۇرۇپ بېقىپ، كېتىپ قاپتۇ. بىر چاغدا قارىسا ئاساسى ساندۇقنى سۆرەشتۈرۈپ يۈرۈپ ئەكىلىپتۇ ھېلىقى بالىلار. ساۋاقدىشىم نېمە بولغاندۇ كۆرۈپ باقاي، دەپ ئۇنى كۆرۈپ تۇرىشىغا ھېلىقى ئىككى كىچىك بالا بىردەمنىڭ ئىچىدە يانا بىر تەرەپتىكى كومپىيوتورنى ئېچىپ، چ چ لىرىنى قوزغۇتۇپ...دېگەندەك قاچىلىۋالغان ئادەملەر بىلەن قىززىق پاراڭغا چۈشۈپ كېتىپتۇ ئىشىدا يوق. تېخى ساۋاقداشلىرى بىلەن ‹ تاپشۇرۇقنى ئىشلەپ بولدۇڭمۇ، كۆچۈرىشەيلى...› دېگەندەك گەپلەرنى قىلىپ. ساۋاقدىشىم ھەيرانلىقتا كۈلۈش ئارىلاش نېمە قىلىشىنى بىلەلمەي قاپتۇ... چوڭ بولۇپ، تور ئىچىدە گاڭگىراپ يۈرگەنلەرنى قويۇپ تۇرايلى، ئاشۇ كىچىككىنە بالىلار كېيىن قانداق بولۇپ كېتەر...

yuluqi

	بۇ 1قەۋەتتىكىpariay يوللىغان 2011-03-16 22:27 غا قارتىلغان  : توردىن ئۈنۈملۈك پايدىلانسا ئۇ ھەممىمىز ئۈچۈن ھەقسىز دەرس ،ئەكسىچە بولغاندا ئاقىۋىتىنى تەسەۋۋۇر قىلىش تەس .  مەنمۇ ئانا - بالا توردا بىلىشمەي مۇھەببەتلىشىپ قاپتۇ دىگەننى ئاڭلىغاندىن كىيىن بەكمۇ ھەيران قالغانىدىم ،   ئەسكەرتكىنىڭىزگە رەخمەت قېرىندىشىم ! مۇشۇنداقمۇ ئىش بارمىكەن تېخى؟ توۋا!!!

oylan

	مەۋھۇملۇقنىڭ قۇلى بولماي بۇ مەۋھۇم دۇنيانى ئۆزىمىزگە خىزمەت قىلدۇرۇش، ئۆزىمىزگە نەپ يەتكۈزۈش ئۇچۇن ئىخچام، ئۇنۇملۇك پايدىلىنىدىغان قورال قىلساق بىزمۇ دۇنيا مىللەتلىرى ئىچىدە ئالدىنقى قاتاردىكى مىللەتلەردىن بولۇپ قالىمىز... شۇنداقلا ئۆزىمىزنىڭ مەۋجۇتلىقىنى ساقلاشتا ئۈنۈملۈك پايدىلىنالايمىز... ۋاھاكازالار...

tiltumar

	توردىدىكى بۇزۇقچىلىقچۇ تىخى؟ تورغا چىقىشنى يىڭىدىن ئۈگەنگەن چىغىم ئىدى. قايسى بىر چايخاندا تۇنۇشۇپ قالغان بىر ئەر چ چ دا پاراڭلىشىشنى ئوتتۇىغا قويغان ئىدى. چ چ ئىچىشىمغىلا كامىرانى ئىچىشنى تەلەپ قىلغان ئۇچۇر كەلدى. نىمە بولغاندۇ ؟ دەپ كامىرانى ئاچىپ نىمىنى كۆردۈم بىلەمسىلەر ؟ ھەي بۇ راست بولغان ئىش ، دىمەي دىسەم ئىچىمگە پاتمىدى .   بەل تەرەپنىڭ يۇقۇرىنى كۆرگىلى بولمايتى، چىرايلىق بىزەلگەن سۇپىلىق ئۆيگە ، ھاۋا رەڭ ئىمپىرۇت يۇڭ گىلەم سىلىنغان ئىدى. سۇپىغا يىقىن قۇيۇلغان كومپڭيۇتۇر ئۈستىلىنىڭ ئالدىدا بىر يىگىت ، ئىشتىتىنى سىلىپ ئولتۇرغان بولۇپ....................... ھەي بولدىىلا ، ئاخىرىنى دىيىشكە يۈزۈم چىدىمىدى. شۇ كۈندىن باشلاپ كومپىيۇتورنىڭ كامىراسىنى ئىلىپ تاشلىۋەتتىم.

shabine

	توردا راسلا پەسكەش ئادەملەر كۆپ.ئادەم ئۆزىلا دىققەت قىلسىلا،بۇ پىشكەللىكتىن قۇتۇلالايدۇ.ھەر كاللىدا بىر خىيال.شۇڭا ئادەملەر تورغا چىققان چاغدا مەدىنيەت ساپاسىغا ئالاھىدە دىققەت قىلىپ سۆزلىشى كېرەك.بۇ مېنىڭ شەخسى كۆز قارشىم.