ئوماق پەرىشتە، ئۈمىدۋار بولۇڭ(ياردەم قىلايلى)

gvzal3.8

ئوماق كىچىك پەرىشتە، ئۈمىدۋار بولۇڭ، خەلقىمىز سىزنى يۆلەيدۇ!

   2011-يىلى 2-ئاينىڭ 20-كۈنى، شىنجاڭدىكى دوستۇمنىڭ تاپىلىشى بىلەن،كەچ سائەت 9:20دە شيەنياڭ ئايرۇدرومىغا شىنجاڭ قاغىلىق ناھىيسىدىن كەلگەن دېھقان قېرىنداشلارنىڭ ئالدىغا چىقتىم، ئۇلارنىڭ 5 ياشلىق ئوماق قىزى مەدىنە سول پۇتى كۆيۈپ ئېغىر يارىلانغانلىقى ئۈچۈن ، يەرلىك دوختۇرخانىدا پۇتنى كېسىشتىن باشقا ئامال يوق دەپ كۆرسىتىلگەن، شىنجاڭ ئازاتلىق ئارمىيە باش دوختۇرخانىسىنىڭ تونۇشتۇرىشى ھەم ياخشى نىيەتلىك كىشىلەرنىڭ ياردىمى بىلەن شىئەنگە يۆتكەپ كېلىنگەن، ھازىر شىئەن ئازاتلىق ئارمىيە 4-ئارمىيە دوختۇرخانىسىدا داۋالىنىشقا ئاپارماقچى بولىۋېتىپتۇ. تونۇشتۇرىلىشىچە، ئەر-ئايال ئىككەيلەن خەنزۇچە سۆزلىيەلمەيدىكەن، ھەمدە ئائىلە ئىقتىسادى ئەھۋالى ناھايىتى ناچار بولغاچقا ھەتتا يول كىراسىنىمۇ ئۈرۈمچىدىكى ياخشى نىيەتلىك كىشىلەر ياردەم قىلىپ ھەل قىلغانىكەن.
ئالدىغا چىققاندا ئاددىي- ساددا ياش دېھقان ئەر ئايال ھەم دادىسىنىڭ قۇچىقىدا ئولتۇرغان سول پۇتى قېلىن داكا بىلەن تېڭىلغان مەدىنەنى ئۇچراتتىم، مەدىنەنىڭ پۇتىدىن باشغا جايلىرىدا ئاز-تولا كۆيۈك جاراھەتلىرى بار ئىدى. قىزچاق شۇنچىلىك قەيسەر ئىدى، قىزنىڭ يۈزىدىكى تەبەسسۇم كىشىگە ئىللىقلىق ھېس قىلدۇراتتى . ماشنىغا چىققاندا پۇتى ئېھتىياتسىزلىقتىن بىر يەرگە تېگىپ كەتسىمۇ ئاغرىققا چىدىماي يىغلاپلا توختاپ قالاتتى.(دېمىسىمۇ ھېلىغۇ 5ياشلىق كىچىك قىزكەن ھەر ھەر چوڭ ئادەملەرمۇ بۇ ئاغرىققا چىدىمايدۇ. كىچىك قىزنىڭ غەيرىتىگە ئاپىرىن ).
يولدا قىزنىڭ ئاتا ئانىسى بىلەن پاراڭلىشىش جەريانىدا قىزنىڭ كۆيۈك جاراھىتىنىڭ بەك ئېغىر ئىكەنلىكىنى بىلدۇق، لېكىن دوختۇرخانىغا بېرىپ دورا ئالماشتۇرغاندا، دوختۇر داكىنى ئاچقاندا، دوختۇرچىلىق ئۆگىنىدىغان مەنمۇ كۆرۈپ تۇرۇشقا جۇرئەت قىلالمىدىم، پەقەت ئىشىك ئالدىدا تۇرۇپ بىچارە كىچىك قىزچاقنىڭ كىشىنىڭ يۈرەك پارىنى ئېزىدىغان يىغا ئاۋازىنى ئاڭلاپ تۇردۇم.
قىزنىڭ پۇتى كۆيگىنىگە 20نەچچە كۈن بولغانلىقى ئۈچۈن ئەڭ تېز سۈرئەتتە داۋالاشقا توغرا كېلەتتى، دوختۇر بىلەن پىكىرلەشكەندىن كېيىن دوختۇر بىزگە، قىزنىڭ پۇتىنى ساقلاپ قالغىلى بولىدىغانلىقىنى، لېكىن داۋالىنىش خىراجىتىنىڭ يۇقۇرى بولۇدىغانلىقىنى ، پۈتۈن جەرياندا 4- 3 قېتىم ئوپراتسىيە قىلىنىدىغانلىقى شۇنداقلا پۈتۈن جەريانغا 200 مىڭ يۈەن(20تۈمەن كوي) كېتىدىغانلىقىنى، پۈتۈن جەريان بىر ئاي ئىچىدە ئاخىرلىشىدىغىننى، ۋاقىتنىڭ بەك قىس ئىكەنلىكىنى ، مەلۇم باسقۇچتا مەسىلە چىقسا(چىقىم يەتمەسلىك سەۋەبىدىن داۋالاش توختىتىلسا) ئالدىدىكى داۋالاشنىڭ بىكار بولۇدىغانلىقىنى ئېيتتى.
راست گەپ قىلسام مەن بۇ بىر ئائىلە كىشىلىرىنى تونىمايمەن، لېكىن پۈتۈن كۈچۈم بىلەن ياردەم قىلىمەن، خەۋەر،ئاخپاراتلار بىلەن ئالاقىلىشىپ، تەشۋىق قىلىپ كىچىك قىزنىڭ داۋالىنىشىغا ياردەم قىلىمەن. جەمئىيەتتىكى قانچە جىق كىشى بۇ ئىشتىن خەۋەردار بولسا ياردەم قىلىدىغان ئادەم جىق چىقىدۇ، شۇڭا قىزچاقنىڭ ئاتا-ئانىسىنىڭ رۇخسىتى بىلەن كىملىك نومۇرى ھەم بانكا ھېسابات نومۇرىنىڭ رەسىمىنى يوللاپ قويدۇم، كۆپچىلىكنىڭ ياردەم قىلىشىنى سورايمەن.
ئالاقىلاشقۇچى: نۇرمەمەت تۇرۇپ
خەنزۇچە يېزىلىشى:努尔麦麦提.吐鲁甫
تېلىفۇن نومۇرى: 15199482968 (ئۈرۈمچىنىڭ نومۇرى)
شىئەندىكى يېڭى نومۇرى: 15009256361

بانكا ھېسابات نومۇرى: 6228482500322280410(يېزا-ئىگىلىك بانكىسى) بۇ كارتىنى كورلىدىن بېجىرگەن.

   

 

 

 

 

بۇ توردىكى بىر خەنزۇ قىزنىڭ يەتكۈزگەن ئىلتىجاسى، قىزنىڭ ئەھۋالى ھەقىقەتەن ئېچىنىشلىقكەن، باشقا قېرىنداش مىللەتلەر مۇشۇنچىلىك كۈچەۋاتسا، بىز قېرىنداشلىرى كۆرۈپ تۇرۇپ قاراپ تۇرساق بولماس، تاما -تاما كۆل بولار دېگەن گەپ بار، ئاز ياكى كۆپ دېمەي ھەممىمىز بىر ياقىدىن باش چىقىرىپ بۇ كىچىك قىزغا ياردەم قولىمىزنى سۇنايلى!
ھەممىمىزنىڭ ئۇرۇق-تۇغقان بالا-چاقا قېرىنداشلىرىمىز بار، ئۇلۇغ ئاللاھ بالا-قازالادىن يىراق قىلسۇن.
ھەممىمىز ئازدۇر-كۆپتۇر بۇ ئائىلىگە ئىللىق قولىمىزنى سۇنايلى~!!

مەنبە: چوغلان مۇنبىرى

http://tieba.baidu.com/f?kz=1007545868 

---

يۇقارقى مۇراجىئەتنامىنى كۆرگەن ئاكسىيە توپىدىكى تورداشلار بەس-بەستە ئۆز كۆڭلىنى ئىزھار قىلدى، بەزى تورداشلىرىمىز يەنە داۋاملىق ئۆز كۆڭلىنى ئىزھار قىلماقچى. 
   ئاكسىيە تور گۇرۇپپىمىز ئاكسىيە تورى نامىدىن 1000 يۈەن ئىئانە قىلدى.


شىئەن تېلىۋىزىيە ئىستانسىسى مەدىنەنى زىيارەت قىلغان تېلىۋىزىيە سۆھبىتى

jassur2

مەن ئەلكۈيىگە ئەزا بولۇپ كرگەندىنياقى دىققەت قىلسام ئايتۇغ ئىككڭلارنىڭ مۇشۇنداق ئالىيجاناپ روھىنى كۆرۈپ كىلىۋاتىمەن،مۇشۇ ئىشىڭلار ئۈچۈن خۇدا سىلەرنىڭمۇ ئىشىڭلارنى ئاسان قىلىپ،تىنىڭلارنى سالامەت قىلغاي،قىزچاقنىڭمۇ كېسىلىگە خۇدا شىپالىق بىرەر،قولىمىزدىن كېلىدىغىنى شۇ ئازغىنە بولسمۇ كۆڭلىمىزنى بىلدۈرۈش ئىكەن،ھەممىمىز نارىسىدىنىڭ بالدۇرراق يەرگە چۈشۈپ ئوينىيالىشىنى تىلىگەچ،قولىمىزدىن كېلىشىچە ئاتىغىنىمىزنى قۇيايلى!

uyghur.77

ئاللاھ ئۇلۇغدۇر، ئىگەم ئۇزى ساقلىسۇن  مۇشۇنداق بالالاردىن ھەر بەندىسىنى،،
ئاللاھ،  خالىسا چوقۇم ياردەم قىلمەن، ئازبولسىمۇ .

lukqvn

گۈزەل ھەدە ، قاراپ باقسىڭىز ، سودا-سانائەت بانكىسى ياكى پوچتا كارتىسىنىڭ نومېرى بارمىكىن .

ahu ھەقىي سالاھىيەتلىك ئەزا

ئاللا ئاسانلىق بەرسۇن.
مەنمۇ شۇنى دىمەكچى سودا-سانائەت بانكا كارتا نومۇرى بولسا چىقىرىپ قويۇڭ.

kun^kiz

ھەممە تور بەتلەردە مۇشۇ  ئوماق قىزنىڭ  پارىڭى بولىۋاتىدۇ  اللە ئىگەم شۇ بىچارە قىزغا  ئاسانلىقنى بىرەر ، بىزلەرمۇ قولىمىزدىن كېلىشىچە ياردىمىزنى ئايمايلى  مەنمۇ  تۆنۈگۈن  ئۆزۈمنىڭ ئاتىغىنى  سىلۋەتكەنتىم .

asiya

ئوماق قىز قانداق بۇلۇپ بۇنچە كۇيۇپ كەتكەدۇ؟

gulvm

ئاللاھ  شىپالىق بەرسۇن !  ھەممىمىز  ياردەم  قولىمىزنى  سۇنايلى .

bargiya

تاما-تاما كۆل بولار...
قىزنىڭ پۇتىنى كۆرۈپ يۈرىكىم ئىچىشىپ كەتتى. قېرىنداشلارنىڭ ياردىمىدە ئاللا خالىسا تېزراق ساقايغاي!!