ئېيتاي پاراڭ، ئاڭلارغا كىشىم بارمۇ

turditohti

ياخشى چىققان ئەسلىمە بولۇپتۇ، كىملەردە ئارزۇ بولمىغان، لېكىن بۇ دۇنيادا ئارزۇسىغا يېتەلەيدىغانلار بەك ئاز بولىدىكەن.

maxal20

خەتتاتلىق دېسە مېنىڭ باشلانغۇچ مەزگىللىرىم ئېسىمگە كېلىۋالىدۇ... ئۇزۇن تۈرمىلەپ قويىدىغان بىر ئاق ۋاراقلىرى بولىدىغان ئاتامنىڭ، ياتاق ئۆيۈمگە ئېلىپ كىرىپ، قالامنى جۈپلەپ تازا يېزىپتىمەن... ئاتامغا كۆرسەتسەم كۈلۈپ كېتىپ، ماڭا ئىككى ئۈچ پارچە ھۆسنىخەت كىتابى بەردى، ئاتام ئالىي مەكتەپ ۋاقتىدا ھۆسنىخەت ئۆگىنىپتىكەن، ماڭا ئاددىي يېزىش ئۇسۇللىرىنى ئۆگىتىپ قويدى. ئازراق جىجاپ ئۆگىنىۋالغاندىن كېيىن سىنىپنىڭ قارا دوسكىسىنى ئىگەللىۋالدىم، ھەم تەنەپپۇستا بور زايا قىلىشنى ئۆگىنىۋالدىم. شەھەر ئىچى باشلانغۇچنىڭ ئالدىدا بىر دوسكا بولىدىغان، ھەر ھەپتە يېڭىلايدىغان، شۇنىمۇ بىزنىڭ سىنىپ ھۆددىگە ئېلىۋالغان... تولۇقسىز تولۇق ئوتتۇرا قىسمىدىمۇ قارا دوسكىغا تازا ئەسقاتتى... ھېچ قالماشتۇرالمىسام نېپىز ۋاراقنى كىتابنىڭ ئۈستىگە قويۇۋېلىپ بېسىپ چىقىراتتىم...

مۇبارەكنىڭ خەتتاتلىق توغرىسىدىكى ئەسلىمىلىرى ئەشۇ يىراق بۇرجەكلەرگە باشلاپ قويدى... كۆپ سۆزلىۋەتتىممۇ نېمە؟

بالىلىقتا ئارزۇ قىلمايدىغان نېمە بار دەيسىز؟ كىتابنى تولا ئوقۇپ يازغۇچى بولىمەن دەپ پو ئېتىپ يۈرگىنىممۇ، ماتىماتىكىدا نەچچە قېتىملىق  مۇسابىقىدە نەتىجىگە ئېرىشىۋېلىپ ماتىماتىك بولىمەن دەومۇ يۈرگەن، مەكتەپ پائالىيەتلىرىدە رىياسەتچىلىك قىلىپ يۈرۈپ، ئۇنىڭغىمۇ قىزىقىپ، ئۇسۇلنى ياىشى ئوينايسەن دېسە سەنئەت مەكتەپتە ئوقۇماقچى بولۇپ تېخى... پۇتپولنى ياىشى تېپەلمەيسەن دېسە، كوماندىغا قاتنىشىپ، لوڭقا ئېلىشقا ۋەدە بەرگەن بىر چاغلاردا... ھەي... ھەممىسى كەلمەسكە كەتكەن بالىلىقتا قالدى...

ahgul914

پاراڭلارنى ئاڭلاپ ئاشۇ گۈزەل چاغلارنى ئەسلەپ قالدىم ...

berna

مۇبارەك ھەدە، تىللىرىڭىز نېمانداق ئوماق. نەچچە يەردە ئۆزەمنى باسالماي ئۈستىلىمنى قولام بىلەن پالاقشىتىپ ئۇرۇپ كۈلۋېتىپتىمەن دېسە ، ما ياتاقتىكى خەق ھەر قارايدۇ مازاق قىپ نېمە كۆرۋاتسەن دەپ. بىر خىل شېئرى ئۇسلۇبمۇ باركەن .

sahra

مۇبارەك سىڭلىمىزنىڭ  بۇ تاتلىق  پاراڭلىرىنى  قىزىقىش ھەم  ھۇزۇر  ئىچىدە  ئۇقۇپ چىقتىم .
ئاتا-ئانىڭىزنىڭ  بالا تەربىيلەش  ئۇسۇلىغا  قايىل  بولدۇم .

buyluk

تاتلىق پاراڭ سالىدۇ چوڭ مەلىكە،
تىنچ ئاڭلاپ  بېرىدۇ كىچىك مەلىكە.
قېچىپ كەتتى بانۇسى چۆچەك ئىچىدىن،
قوغلاپ يەتتى پارلاق نۇر ئۇنىڭ كەينىدىن.


قاملاشماي قالدى...

kalgin

ياخشى ئەسەر ئىكەن .داۋاملىق يېزىڭ.

kokyal

يازمىڭىزنىڭ تىلى تاتلىق ، ئۇنىڭدىكى سىز ئوماق ، ئاشۇنداقكەنسىلەر،
باشتا ماسلىشالمىغان بولساممۇ تىزلا ئىچىگە كىرىپ كەتتىم.   مەنمۇ كىچىكىمدە ھۆسنىخەت يېزىش بىلەن رەسىم سىزىشقا بەك ئامراقتىم. ھۆسنىخەت يازىمەن دەپ ئۆيدىكى چوكىلارنى تولا  زايا قىلىۋېتەتتىم. گەرچە مۇنتىزىم ئۆگىنەلمىگەن بولساممۇ ئۇ خۇيۇم ھازىرغىچە بار. پات-پات چوكىدىن بىرنى چىرايلىق قەلەم قىلىپ بىرەر پارچە شېئىرنى ئۆزۈم بىلگەن بىرەر شەكىل بىلەن يېزىپ باقىمەن.

rayhan

ھۆسنخەت شۇنداق چىرايلىق نازىنىن دىلدارىدىن،
ئايغا ئوخشاش يورىتار كېچىنى ئەنۋارىدىن.
گۈل ئېچىلغانى ھامان يەتكۈسى ۋاقتى غازاڭ،
بۇ گۈلىستان زادىلا ئۆزگەرمىدى گۈلزارىدىن.
-.-.-.-.-.-.-.-.-.-
مەنمۇ ئۇستازلىرىمىز يازغان چىرايلىق ھۆسنخەتلەرنى كۆرسەم،كۆڭلۈم ئېچىلىپلا قالىدۇ.
ھەممە ئىشلار ئادەمنىڭ ئارزۇسى بويىچە بولمايدىكەن،مەنمۇ ھۆسنخەت، گۈزەل -سەنئەت دىگەنگە ئاجايىپلا قىزىقىپ قوياتتىم،(قوشنىمىزنىڭ بارىڭىدىكى ئوخشىغان قاپاقلىرىنى تاللىۋېلىپ ھۆسنخەت ئويۇپ ھوجرامغا ئېسىپمۇ قوياتتىم) ،كىچىك چاغلىرىمدا مەكتەپتە گۈزەل -سەنئەت مۇسابىقىسى باركەن دىگەن گەپنى ئاڭلىسام تۇرالماي قالىدىغان،كىيىنچە ئۆزۈممۇ  مۇننالىزا،يەنە ئۆيدىكىلەرنىڭ پورتېرتىنى سىزىپ يۈرۈپ ئىجادىيەتلىرىممۇ خېلى توپلىنىپ قاپتىكەن،ئاخىرىدا نەتىجە چىقمايدىغان بۇنداق ئارزۇدىن ۋاز كېچىپ زېھنىمنى مەنزىلنى كۆرگىلى بولىدىغان ئىشلارغا قاراتتىم.

uqkun28

ئەسەرنى ئۇقۇۋىتىپ، ئەسەر ئىچىگە كىرىپلا كىتىپتىمەن، بالا  چاغلىرىمىدىن ياشلىق چاغلىرىمىغىچە بولغان ۋاقىت كىنو لىنتىسىدەك كۆز ئالدىمدىن ئۆتكەندەك بولدى. ئاجايىپ زامانلار ئىكەنتۇق شۇ............................