ئېيتاي پاراڭ، ئاڭلارغا كىشىم بارمۇ

mahira513

بۇ پاراڭلىرىڭىزنى كۆرۈپ ئاكامنى ئەسلەپ قالدىم، خەتتاتلىق دېگەنگە ئاجايىپ قىزىقاتتى، تولۇق 3-يىللىققا چىققان ۋاقتىدا ناھىيىمىزدە ئوقۇغۇچىلار خەتتاتلىق مۇسابىقىسى ئۆتكۈزگەندە، ئاكام 3كۈن مەكتەپكە بارماي(داداممۇ زورلاپ بارغۇزالمىغان) مۇسابىقىگە تەييارلىق قىلغانتى. شۇ چاغدا ئۈچىنچى بوپتىكەن. كىيىن ئۇ ئالىي مەكتەپكە ئوقۇشقا كەتتى، ھەممىمىز سېغىنىش ئىچىدە ئاكامنىڭ پارىڭىنى تولا قىلاتتۇق. ئاڭلىسام ئاپامنىڭ سىڭلىسىنىڭ بىر دوستى ئەينى چاغدا مۇسابىقە ئۇرۇنلاشتۇرغان ئىدارىدە ئىشلەيدىكەن، سۈرۈشتە قىلىش ئارقىلىق ئۇ مۇكاپاتقا ئىرىشكەن ئەسەرلەرنىڭ يەر ئاستى ئۆيىدە توپىغا كۆمۈلۈپ تۇرىدىغانلىقىنى بىلدۇق. شۇ چاغدا ئاپام ئاكامنىڭ ئەجرىنىڭ مۇشۇنداقلا كۆمۈلۈپ قېلىشىنى خالىماي، سىڭلىسى بىلەن مېنى ئۇ ئاكاشنى ئىزدەپ ئۇ ھۆسىنخەتنى ئەكىلىشكە بۇيرىغان. كىيىن قارىسام ھەقىقەتەن چىرايلىق يېزىپتىكەن(مەن يازالمىغاچقا ھەم ئاكامنىڭ بولغاچقا چىرايلىق كۆرۈنگەندۇ) . ھېلىمۇ ئېسىمدە ئۇ شېئىر ئۆتكۈر ئەپەندىنىڭ ئىدى.
        ئىلھامنىڭ بېغى ياشلىق،
        بىلمەكنىڭ چېغى ياشلىق.
        ھاياتىڭ بىر قاچا سۈت،
        قايمىقى، يېغى ياشلىق.
كېيىن ئاپام بۇ خەتنى ئاكامنىڭ ھۇجرا ئۆيىنىڭ تېمىغا چاپلاپ قويغان، ئاكام بەك خۇش بولغان ئىدى. بۇ رەسىم تامدا ھازىرغىچە بار.

qabdas

ئەسسالامۇ ئەلەيكۇم!

كىچىكىمدە خەتتاتلىققا بەك قىزىقاتتىم. ئۆينىڭ ئىچىدە يالغۇز بىكىنىۋېلىپ، ھۆسنخەت يازاتتىم. ئۇ ۋاقىتلاردا، نەدە كۇرس بولسۇن، كىتاپخانلاردا داڭلىق خەتتاتلىرىمىزدىن (قاينام جاپپار، نىياز كېرىم شەرقى) قاتارلىق خەتتاتلىرىمىزنىڭ كىتاپلىرىنى سېتىۋىلىپ مەشىق قىلاتتۇق، بىر تال باش بارماق توملۇقتا ياغاچ  تېپىپ ، ئۇنى ياپىلاق ئۇچلاپ يانتۇ كېسىپ، ئىشلىتەتتۇق. كىيىن مەلۇم سەۋەپلەر سەۋەبىدىن، خەتتاتلىقنى ئىزچىل داۋاملاشتۇرالمىدىم.
ھازىرقى  بالىلارغا بەك ھەۋىسىم كېلىدۇ، ھۆسىنخەتنى ئۇگىنەي دېسە ،مەكتەپلەردە  گۈزەل -سەنئەت مۇئەللىملەر بار، خەتتاتلىق كۇرسلار بار، (مىجىت قەلەم )گە ئوخشاش قەلەملەر بار، قىزىققان ۋاقىتتا ئۆگەنسە،ھەرقانداق نەرسىنى تېز ئۆگىنىدۇ.
‹ راست، خەتتات بولغۇم بار ئىدى. پىشانەمگە پۈتۈلگەن ئورۇنلاشتۇرۇش بويىچە بۇ ئارمىنىمغا يېتەلمىدىم. بالىلىقتىكى ئارزۇلار ئادەمنىڭ كاللىسىغا بەكرەك تەسىر قىلسا كېرەك، ئىشقىلىپ دائىملا دېگۈدەك خەتتاتلىققا ئائىت بىرەر گەپ-سۆز، ئىش-پائالىيەتلەر بولۇپ قالسا يۈرۈكۈمنىڭ بىر يەرلىرى چىم-چىم قىلىپ ئاغرىپ كېتىدۇ...›

رەھمەت قېرىندىشىم مۇشۇنداق تېما يازغىنىڭىزغا. بىز قىلالمىغان ئارزۇلارنى بالىلىرىمىزغا  شەرت-شارائىت ھازىرلاپ بىرەيلى !

alakap

بالىلار <14-ھود> دېگەن نېمە گەپ ئۆزى ؟ بىلسەڭلار شەرھلەپ قويۇڭلار .

ـــــــــــــ
12ئاينىڭ ئۇيغۇرچە ئاتىلىشى مۇنداق ئىكەن ئەسلى : قەھرىتان، ھۇد، نەۋرۇز، ئۇمۇت، باھار، سەپەر، چىللە، تومۇز، مىزان، ئوغۇز، ئوغلاق، كۆنەك. شۇڭا مۇشۇ بويىچە شۇنداق ئېلىنغان.           - (مۇبارەك)

dilsirim

مېنىڭ بەكمۇ ئاۋاز ئارتىسى بولغۇم بار ئىدى، بىراق دادام ئاتا كەسپىگە ۋارىسلىق قىلىسىز، دەپ ھەممە ئارزۇيۇمنى شۇ كەسپىگە مۇناسىۋەتلىك مەكتەپ كەسىپلەرنى تولدۇرغۇزغان ئىدى، دادامنىڭ ئىز باسارى بولدۇم، شۇغىنىسى مېنىڭمۇ قەلبىمدە ئاشۇ ئارزۇ ئارزۇ پېتىچە قالدى، تېلىۋىزورلاردا ياخشى بېرىلگەن ئاۋازلارنى ئاڭلىسام، ھەي ....... دەپ قالىمەن ئۆزۈمچە.

Murat

مەن مۇشۇنداق تىلى چۈچۈك پاراڭلىرىڭىزنى ئاڭلاشقا ئامراق..كىچىك ۋاقتىڭىزدا ئوماق قىلىقلىرىڭىز باكەنتۇق ھە.. [s:2]
ھەجەپ ئوخشاش قىزىقىشىمىز باكەن دېسە....باشلانغۇچتا ئوقۇۋاتقان چاغلىرىمدا، نىمە تەسىر قىلدى بىلمەيمەن، رەسىم سىزىش بىلەن ھۆسىنخەت يېزىشقا شۇنداق ئىشتىياق باغلىغان چاغلىرىم بولغان...ئۆزۈمچە چوكىلارنى كېسىپ ھۆسىنخەت قەلىمى ياسايتتىم، تاپشۇرۇق دەپتەر بولامدۇ، كونا گېزىت بولامدۇ ئىشقىلىپ قولۇمغا چىققانلىكى قەغەزنىڭ ئۈستىگە خەت يېزىپ باقاتتىم. رەسىم جازىسىغا ئاق قەغەزلەرنى قىستۇرىۋېلىپ، خۇددى كاتتا رەسساملاردەك مۈرەمگە ئېسىپ مېڭىپ كېتىدىغان بولسام....يولدىكى خەقلەر قارىسا مەن ماڭا ھەۋەسلىنىپ قاراۋاتىدۇ دەپ تېخىمۇ كېرىلىپ ماڭاتتىم.. (ئەمەلىيەتتە چوقۇم مەسخىرە ئارلاش قارىدىغۇ دەيمەن، ئويلىسام شۇ ھالىتىم بەكلا ھەجۋىي.... )  خۇددى كاتتا بىر ئەسەرگە تۇتۇش قىلىۋاتقان رەسسامدەك، يىراقتىكى مەنزىرىلەرگە ئۇزۇندىن ئۇزۇنغا تىكىلىپ قاراپ كېتەتتىم (نىمىلەرنى ئويلىغان بولغىيتىم شۇ چاغدا؟....)  ئاندىن قولۇمغا قەلەمنى ئېلىپ ئاق قەغەزگە سىزىشقا باشلايتتىم....ئىشقىلىپ يوقتىن ياخشى، خېلى ئوخشايتتى سىزغان رەسىملىرىم...لېكىن بۇ قىزغىنلىقىم ئۇزۇنغا بارمىدى، مېنىڭ بىر نەرسىگە ئاسان قىزىپ ئاسان سوۋۇپ قالىدىغان ئەسكى مىجەزىم بارمۇ دەيمەن، كۆپ ئۆتمەي بىر دوستۇمنىڭ ئېلىكترونلۇق رويال چېلىشنى ئۆگىنىۋاتقانلىقىنى كۆرۈپ، شۇ نەرسىگە قىزىقىپ قالدىم...دېمىگەن بىلەن مۇزىكا ھۈجەيرەم خېلى تەرەققى قىلغان ئوخشايدۇ، تېزلا بىرنەچچە ئاھاڭغا چالالايدىغان بولدۇم، شۇنىڭ بىلەن بۇنىڭغا تېخىمۇ كىرىشىپ قالدىم. تاس قالغان تېخى ئەينى ۋاقىتتا مۇزىكىدىن ئىمتاھان بېرىۋەتكىلى...ھې ھې،   لېكىن  ئىچكىرى تولۇقتا ئوقۇشقا قىزىقىپ قېلىپ بۇ مۇزىكىلىرىممۇ چالغان يېرىمدە قېپ قالدى.....   
ئەڭ ئاخىرقى تاللىشىم يەنىلا كىچىكىمدىكى ئارزۇيۇم بويىچە بولدى، كىچىك ۋاقتىمدا مەن دوختۇر دەپ، قوشنىمىزنىڭ قىزىنىڭ لاتا قونچاقلىرىنى تارتىۋېلىپ ئوپراتسىيە قىلىپ ئوينايدىكەنتۇقمەن، ماۋۇ ئۈچىيى، ماۋۇ ئۆپكىسى دەپ پاختىلىرىنىڭ ھەممىنى چىقىرىۋەتسەم ،بىچارە قىزچاق يىغلاپ قالاتتى.... [s:2]    شۇنداق قىلىپ يۈرۈپ، مۇشۇ كەسىپنىڭ قولىغا چۈشتۈم، كېيىن شۇنداق پىچاق تۇتۇش نېسىپ بولامدۇ بولمامدۇ ياراتقان ئىگەم بىلىدۇ....لېكىن كەسپىمنى ياخشى كۆرىمەن ھەم قەدىرلەيمەن.

ۋوي...ھەجەپ جىق سۆزلەپ كېتىپتىمىنا......ئەمدى ئاستا توختاپ قالاي.
مۇبارەكنىڭ ئېسىل تېمىلىرى ئۈزۈلمىسۇن.

tutem

تېمىنى تولۇق ئۇقۇمۇدۇم، ئەمما بېشىنى كۆرۈپلا 32 ھەرپنىڭ كۆركەم شەكلى دەرھال كۆز ئالدىمغا كەلدى. بۇرۇنمۇ ئۆيۈمگە مېھمان بولۇپ كەلگەن نەچچە توردىشىم تامغا ئېسىقلىق تۇرغان(قول بىلەن يېزىلغان)3 پارچە ھۆسىنخېتىمنى ماختىغان ئىدى.ئىشقىلىپ ياتاق ئۆيۈم بىلەن مېھمانخانا ئۆيۈم تۇتىشىدىغان كارىدوردىكى نەچچە پارچە ھۆسىنىخېتىم،ئۇيغۇرچە دۇنيا خەرىتىسى ۋە كىتاپ ئىشكابىمدىكى سەر خىل كىتاپلار بىلەن بەزىدە ئۆزەمنى خېلى پەخىرلىك ھېس قىلىمەن.(ئىشىك ئۈستىگە ئېسىقلىق توپلاشقان بۆرىلەرنىڭ ئايغا قاراپ ھۇۋلىغان ماي بوياق رەسىمىنى دېمەي بولدى )
خوتۇن جېنىدىن ئەزىز كۆرگەن چىنە-قاچا،گىلەم،گۈل،تويلۇق رەسىم،ئۆينىڭ ھۆسنىنى ئاچىدىغان زىننەت بۇيۇملىرىدىن ئاۋۇ نەرسىلىرىمنى ئۈستۈن كۆرىدىغانلىقىمنى ئىتراپ قىلماي ئامالىم يوق. [s:2]

ahu ھەقىي سالاھىيەتلىك ئەزا

بەك ئوماقكەنسىز!
ئاھ ئۇرىسەن ئارمىنىڭغا يېتەلمەي،
يا ئارزۇيۇڭ ئىشىگىدىن كېتەلمەي .
زارلىنىسەن بىرنى ئىككى ئېتەلمەي،
مەنچە بولسا ھايات دىگەن مانا شۇ.

gvzal3.8

بۇ 15قەۋەتتىكىtutem يوللىغان 2011-02-18 22:39 غا قارتىلغان  :
تېمىنى تولۇق ئۇقۇمۇدۇم، ئەمما بېشىنى كۆرۈپلا 32 ھەرپنىڭ كۆركەم شەكلى دەرھال كۆز ئالدىمغا كەلدى. بۇرۇنمۇ ئۆيۈمگە مېھمان بولۇپ كەلگەن نەچچە توردىشىم تامغا ئېسىقلىق تۇرغان(قول بىلەن يېزىلغان)3 پارچە ھۆسىنخېتىمنى ماختىغان ئىدى.ئىشقىلىپ ياتاق ئۆيۈم بىلەن مېھمانخانا ئۆيۈم تۇتىشىدىغان كارىدوردىكى نەچچە پارچە ھۆسىنىخېتىم،ئۇيغۇرچە دۇنيا خەرىتىسى ۋە كىتاپ ئىشكابىمدىكى سەر خىل كىتاپلار بىلەن بەزىدە ئۆزەمنى خېلى پەخىرلىك ھېس قىلىمەن.(ئىشىك ئۈستىگە ئېسىقلىق توپلاشقان بۆرىلەرنىڭ ئايغا قاراپ ھۇۋلىغان ماي بوياق رەسىمىنى دېمەي بولدى )
خوتۇن جېنىدىن ئەزىز كۆرگەن چىنە-قاچا،گىلەم،گۈل،تويلۇق رەسىم،ئۆينىڭ ھۆسنىنى ئاچىدىغان زىننەت بۇيۇملىرىدىن ئاۋۇ نەرسىلىرىمنى ئۈستۈن كۆرىدىغانلىقىمنى ئىتراپ قىلماي ئامالىم يوق. [s:2]

   شۇ ھۆسنىخەتلىرىڭىزنىڭ ئىملاسى توغرىمىدۇ، مېنىڭمۇ بېرىپ كۆرۈپ باققۇم كېلىۋاتىدۇ...

birkiz

بالىلىقىمنى ئەسلىتىپ قويدىڭىز

gulvm

بالىلىقىمىز  نىمىدىگەن گۈزەل چاغلار  ئىدى ھە ! نىمە  ئىش قىلسا  شۇنداق  تاتلىق،  ئوماق  بىلىنىدىغان !