بىر ئەرنىڭ ئايالىغا يازغان تەكشۈرۈش خېتى

arslan

تەكشۈرۈش خېتى

[align=justify]       سۆيۈملۈك، گۈزەل، قەدىرلىكىم:

[align=justify]       راسىتىنى ئېىيتسام، بۈگۈنكى ئىشلارنىڭ ھەممىسى مېنىڭ خاتالىقىم، مەن ئۇنچە پىخسىقلىق قىلىپ كەتمىسەم بولاتتى، ئەسلى، توردىكى گۈزەل قىزلارنىڭ مۇھەببەتكە تولغان ئۇچۇرلىرىنى كۆرمىسەم ياخشى بولاتتى. سەن ھەتتا <<ماڭا بۇلارنى چۈشەندۈرۈڭ>> دېگەندىمۇ مەن ئۆزۈمنى بېسىۋېلىپ، سېنىڭ يۈزۈڭگە بىر تەستەك سالىمىغان ۋە قۇلىقىڭنى چىشلەپ ئۈزۈۋالمىغان بولسام ياخىشى بولاتتى. سەن شۇ ۋاقىتنىڭ ئۆزىدىلا ماڭا قانچە ھۆركىرەپ باقساڭمۇ، بەرىبىر مېنى قورقۇتالمايدىغانلىقىنىڭ تونۇپ يېتىشىڭ كېرەك، ئىدى. مەن قاراڭغۇدىن قورۇققان بىلەن خوتۇن خەقتىن پەقەتلا قورۇقمايمەن. ئەمما نېمىلا. بولمىسۇن ئارىمىزدا بىر كېلىشمەسلىك يۈز بەردى. مەيلى نېمىلا بولمىسۇن، كەڭ قورساقلىق بىلەن ئويلانسام، ئۆزۈمنىڭ ھەقىقەتەن خاتالىق ئۆتكۈزگەنلىكىمنى ھېس قىلدىم. ھازىر ئويلاپ باقسام، سەنمۇ خىلى قاتتىق ئازابلانغان ئوخشايسەن، ئەمما مەن قىلغانلىرىمغا ھەرگىز پۇشايمان قىلمايمەن. ئۇنىڭ ئۈستىگە ھازىر ھېچقانداق ئىشنى ئەسلىگە كەلتۈرگىلى بولمىسىمۇ،ئەمما سېنىڭ ماڭا بولغان كۆڭلۈڭنى ئەسلىگە كەلتۈرگىلى بولىدىغانلىقىغا ئىشىنىمەن. مەن بۇندىن كېيىن، تەجىرىبە-ساۋاقنى يەكۈنلەپ، سېنى رەنجىتمەسلىككە تىرىشىمەن.
       كاللامنى سىلكىۋىتىپ ئويلاپ باقسام، ئۆتكەن كۈنلەردە مەن نۇرغۇن خاتالىقلارنى ئۆتكۈزۈپتىمەن، سېنىڭ قەلبىڭنى بىر-ئىككى قېتىم رەنجىتىپلا توختاپ قالغان بولسامچۇ، كاشكى! نەچچە قېتىم قەلبڭنى يارىلاندۇرۇپ، ۋەيرانە قىلىپ قويۇپتىمەن. بۇلارنى ئويلىسام، ساقال بېسىپ كەتكەن داپتەك يۈزلىرىم ئازراق قىزىرىدۇ. ئەمما مەن كېيىنكى كۈنلەرگە ئېشىنىمەن، مەن جەزمەن كۆپ پۇل تېپىپ سىزنى بەخىتلىك قىلىشقا تىرىشىمەن، سىز ھەقىقەتەن مېنىڭ قەلبىمدىكى بىردىنبىر قىز.
مەن تۆۋەندىكى ئىشلاردا سىزگە كاپالەتنامە بېرىمەن:
       1. بۇندىن كېيىن سىز يوق چاغلاردا يانفۇنۇمغا باشقا قىزلاردىن كەلگەن ئۇچۇرلارنى كۆرمەيمەن، QQ دا پاراڭلاشمايمەن، ئۇلار بىلەن ئىلگىرىكىدەك ئايرىمخانىلاردا ئۇچراشمايمەن. ئەگەر باشقىلارنىڭ ئۇچۇرىنى كۆرسەم، سىز بۇلارنى <<بوپتۇلا>> دەۋەتسىڭىز، مەن ئۇۋا قىتتا، بۇنداق ئادەمگە تولىمۇ تەس بولغان، ئوغرلىقچە مۇھەببەتلىشىدىغان ئىشنى ھەرگىز قىلمايمەن.
       2. بۇندىن كېيىن يانفۇنۇمغا يات نۇمۇرلاردىن ئۇچۇر كېىلپ قالسا، ئەڭ ئاۋۋال سىزگە كۆرسىتىمەن. سىز كۆرۈپ بولغاندىكىن كېيىن جاۋاب قايتۇرىمەن. ئەگەر سىز جاۋاب قايتۇرۇش ھاجەتسىز دەپ قارىسىڭىز، بۇنداق ئۇچۇرلارغا جاۋاب قايتۇرۇپ ئاۋارە بولماستىن، كەلگەن ھامان يانفۇنۇمدىن ئۆچۈرۋېتىمەن.
       3. بۇندىن كېيىن ھەرقانداق ئىش يۈز بېرىشتىن قەتئىينەزەر سىز بىلەن سوقۇشمايمەن، ئەمما سىزنىڭ ماڭا ۋارقىرىشىڭىز ۋە قول كۆتۈرۈشىڭىزگە يول قويۇلمايدۇ. شۇڭلاشقا، سىز تېخىمۇ سەۋرچان، چېچىلمايدىغان بولۇشىڭىز كېرەك. شۇڭلاشقا، مېنىڭ سىز بىلەن سوقۇشۇپ قېلىشىمنىڭ يۈز بەرمەسلىكى ئۈچۈن، سىز مەن بىلەن قەستەن سوقۇشماسلىقىڭىز، تىللاشماسلىقىڭىز، ماڭا يامان تەلەپپۇزدا گەپ قىلماسلىڭىز كېرەك.
       4. ئەگەر توردا گۈزەللەر ماڭا خەت يېزىپ، سىز بارمۇ دېسە، ئىلگىرىكىدەك <<يوق>> دېگەن جاۋابىنى ھەرگىز دېمەيمەن، چۈنكى مەن سىزگە سادىق بولغانىكەنمەن، ھەممە كىشىگە راست گەپ قىلىشىم كېرەك. ئۇلارغا ھەقىقىي ئىسمىمنى، ئۆي نومۇرى قاتارلىقلارنى تەپسىلىي دەپ بېرىمەن. ئەگەر بۇندىن كېيىن بۇلاردا بىخەستەلىك قىلىپ قويسام، سىزگە 100 سوم جەرىمانە تاپشۇرىمەن.
       5. بۇندىن كېيىن، مەدەنىيەتلىك بولۇشقا تېرىشىمەن، ھەرقانداق ئەھۋالدا سەت گەپ قىلمايمەن، ئادەم تىللىمايمەن . دېيىش چەكلەنگەن گەپلەر: ئاناڭنى، ئەبلەخ...
       6. بۇندىن كېيىن، سىزنىڭ بارلىق ئىشلىرىڭىزنى ئۆز ئۈستۈمگە ئالىمەن، بۇلار ئادەتتە ئۆي ئىشلىرىنىڭ ھەممىسىنى ئۆز ئىچىگە ئالغاندىن سىرت، يەنە بازاردىكى ئىشلىرىڭىزنىمۇ ئۆز ئىچىگە ئالىدۇ. ئەمما بۇ ئىشلارنى بېجىرىمەن، دەپ ئۆيگە كەچ قايتىپ كەلسەم، مەندىن ئاغرىنىپ يۈرسىڭىز بولمايدۇ.
       7. بۇندىن كېيىن، بىزنىڭ بىر ياستۇققا باش قويىدىغان ۋاقتىمىزغا چەك قويمىساق بولمايدۇ، ھەپتىدە پەقەت ئىككى قېتىملا بىرگە بولساق بولىدۇ، قالغان ۋاقىتتا، مەن ئاساسەن ياتاق ئۆيدە، سىز بولسىڭىز دالان ئۆيدە ياتىسىز. مېنىڭ ھەپتىدە كەچقۇرۇنلۇقى دالان ئۆيگە تۆت قېتىم كىرىش ھوقۇقۇم بولىدۇ، ئەمما سىزنىڭ ياتاق ئۆيۈمگە بىر قېتىممۇ كىرىش ھوقۇقىڭىز بولمايدۇ.
       8. مەن ھەر كۈنى ئىشتىن قايتىپ كېلىپ، ئىشلارنى تۈگىتىۋەتكەندىن كېيىن، چەتئەل تىلى ئۆگىنىمەن، ئارىدىن يەنە ئۈچ يىل ئۆتكەندىن كېيىن ئامېرىكىغا چىقىمەن. مېنىڭ بۇ تەكشۈرۈشنامەمنىڭ مۇددىتى مۇشۇ ئۈچ يىل بولۇپ، ئۈچ يىلدىن كېيىن، ئارىمىزدىكى مۇناسىۋەت بارلىق مۇناسىۋەت ئاخىرلاشقاندەك، بۇ تەكشۈرۈشنامىنىڭمۇ ۋاقتى ئاخىرلىشىپ، بارلىق ماددىلىرى ئەمەلدىن قالىدۇ.

بۇ تېما ئەلكۈيى تورىغا تەۋە،ھەرقانداق سەۋەب بىلەن باشقا ئورۇنلارغا يۆتكەشكە بولمايدۇ.

gvzal3.8

ئەجەب ئېسىل تەكشۈرۈش خېتىكەن بۇ

atikam1

بۇ تەكشۇرۇش خېتى  سەمىمى ئەمەسمۇ نېمە ؟ ئاخىرقى قۇرلىرىنى ئۇقۇۋېتىپ شۇنداق تۇيغۇغا كەپ قالدىم ،،،

bayawan

بۇ تەكشۈرۈش خېتى خېلى بەك بىمەسەلكەن ~

gul-qiman

بۇ تەكشۈرۈش خىتىنى كۆرۈپ ،  بىر دوستۇمنىڭ گەپلىرى يادىمغا كىلىپ قالدى. خۇددى ئەرلەرنىڭ نەزىرىدە ئاياللار بىر تال كەمپۈتنى ئاغزىغا سىلىپ قويسىلا ھەممىنى ئۇنتۇيدىغان كىچىك بالىدەك ، خۇددى توڭلىغاندا يىپىنىۋالىدىغان ، ئىسسىقلىغاندا سېلىۋىتىدىغان ئەسكى چاپاندەك، ئەرلەرنىڭ كۆڭلى جانان چىنىسىدەك قىممەتلىك ، ئاياللارنىڭ كۆڭلى سىغىز لايدىن ئىشلەنگەن ......
بۇنى  بىر  تەكشۈرۈش خىتى دېگەندىن كۆرە بىر << شەكلى ئۆزگەرگەن بۇيرۇقنامە>> دېگەن تۈزۈك ئىكەن. كەچۈرۈمنى چىن قەلبىدىن چىقىرىپ ئېيتسا ،  قەلبى يارىلانغۇچىنىڭ جاراھىتىگە مەلھەم بولالىغۇدەك ئىككى ئىغىز سۆزلىيەلىسە تىخىمۇ ياخشى بولاتتى .
بۇ مىنىڭ كۆز قارىشىم خالاس ، ئەلۋەتتە ئومومىيلىققا ۋەكىللىك قىلالمايدۇ،
  بۇ تىمىنىڭ شاكىلىنى ئېلىۋىتىپ ، مىغىزىنى قوبۇل قىلايلى .

nazi412

ياخشى يىزىۋىتىپ سىز غۇ؟

arslan

بۇ 4قەۋەتتىكىgul-qiman يوللىغان 2011-02-07 01:03 غا قارتىلغان  :
بۇ تەكشۈرۈش خىتىنى كۆرۈپ ،  بىر دوستۇمنىڭ گەپلىرى يادىمغا كىلىپ قالدى. خۇددى ئەرلەرنىڭ نەزىرىدە ئاياللار بىر تال كەمپۈتنى ئاغزىغا سىلىپ قويسىلا ھەممىنى ئۇنتۇيدىغان كىچىك بالىدەك ، خۇددى توڭلىغاندا يىپىنىۋالىدىغان ، ئىسسىقلىغاندا سېلىۋىتىدىغان ئەسكى چاپاندەك، ئەرلەرنىڭ كۆڭلى جانان چىنىسىدەك قىممەتلىك ، ئاياللارنىڭ كۆڭلى سىغىز لايدىن ئىشلەنگەن ......
بۇنى  بىر  تەكشۈرۈش خىتى دېگەندىن كۆرە بىر << شەكلى ئۆزگەرگەن بۇيرۇقنامە>> دېگەن تۈزۈك ئىكەن. كەچۈرۈمنى چىن قەلبىدىن چىقىرىپ ئېيتسا ،  قەلبى يارىلانغۇچىنىڭ جاراھىتىگە مەلھەم بولالىغۇدەك ئىككى ئىغىز سۆزلىيەلىسە تىخىمۇ ياخشى بولاتتى .
بۇ مىنىڭ كۆز قارىشىم خالاس ، ئەلۋەتتە ئومومىيلىققا ۋەكىللىك قىلالمايدۇ،
  بۇ تىمىنىڭ شاكىلىنى ئېلىۋىتىپ ، مىغىزىنى قوبۇل قىلايلى .

گۈل چىمەن، قېرىندىشىم، گېپىڭىزنىڭ ۋەزنى بار، شۇنداق، بۇ تېمىنىڭ ماۋۇزىسىدىنلا بۇنى ئۇ خىلدىكى ئەپۇنامە ئەمەسلىكى چىقىپ تۇرىدۇ. ئۇنىڭ ئۈستىگە ھازىرغىچە، ئەڭ ناچار ئەرمۇ ئايالىغان تەكشۈرۈشنامە يازماس.
ئەمما، ئۇنداق قارىساقمۇ، بولمايدۇ، خانىم -قىزلىرىمىزنىڭ بىز ئەر-يىگىتلەرلەرگە قارىغاندا جاپاسى ئېغىر، ئۇچرايدىغان روھى بېسىمى كۆپ، شۇڭا ئۇلار ئامال بار ناھايىتى كەڭ قورساق بولغىنى ياخشى، ئەلۋەتتە، بىز ئەر-يىگىتلەرلەرمۇ كەڭ قورساق بولىمىز، لېكىن، نۇرغۇنلىغان ئەر-يىگىتلەرلەر ئۆزى جورىسىنىڭ  كەڭ قورساق ئىكەنلىكىنى بىلسە، ناھايىتى خۇش بولۇپ كېتىدۇ، ئويلاپ بېقىڭ، دۈشمەن ئالدىدا تېز پۈكمىگەن ئەركەك، بىر قىزنىڭ ئالدىدا ئۆزىنى قويىدىغان يەر تاپالماي قالىدۇ، ھەتتا ئوسال ئورۇنغىمۇ چۈشۈپ قالىدۇ. شۇڭا، بىزنىڭ خانىم -قىزلىرىمىزنىڭ ئۆز جورىسىنىڭ ھېسسىياتىنى تەربىيىلەپ تۇرۇشى، ئۆزىنىڭ مېھرىدىن ھەقىقىي قاندۇرۇشى، جورىسىنىڭ تۇرمۇشىدا ئۆزىنىڭ ھەقىقەتەن بولمىسا بولمايدىغانلىقىنى ھېس قىلدۇرۇپ ياشىشى كېرەك. چۈنكى، شۇنداق بولغاندا، ئەر-يىگىتلەرلەر ئۆزىنىڭ تەۋەلىكىدىكى قىممەتلىك نەرسىلەرنى تېخىمۇ تونۇپ يېتەلەيدۇ.

0998bahar

بۇ ئەپۇ سوراش ئەمەس ئىخماق قىلىش ئىكەن غۇ.
كەڭ قوساقلىق ئاياللارنىڭ ۋەزىپىسى ۋە مەجبۇرىيىتى بولۇپ قالدىغۇ ھازىر،  ئەگەر كەڭ قوساق بولاممىغان ئايالنىڭ  ئائىلىسى  بۇزۇلۇش خەۋپى  ھەر زامان مەۋجۇتمىدۇ.

saba

7-بەك كۈلكىلىك چىقىپتۇ  

begana

تۇرۇپ تۇۇڭلار ،مەن بۇ يەرگە ئازراق قايناي .ھازىر جىددى ئىشىم بار.
باياملا ئارسىلاننىڭ بىر شائىرە تۇنۇشتۇرۇلغان تىمىغا يازغان ئىنكاسى دىققىتىمنى تارىتقان....