ئابدۇللا ئابدۇرېھىم مەركىزىي تېلېۋىزىيە ئىستانسىسى...

yahxilik

	ئابدۇللا ئابدۇرېھىم مەركىزىي تېلېۋىزىيە ئىستانسىسىنىڭ چاغانلىق بىرلەشمە كۆڭۈل ئېچىش سەنئەت كېچىلىكىگە تەكلىپ قىلىندى        12–يانۋار مۇخبىرنىڭ ئىگىلىشىچە ، ‹‹ شىنجاڭ ناخشا چولپىنى›› ، ئەل سۆيگەن ناخشىچى ، دۆلەتلىك 1–دەرىجىلىك ئارتىس ئابدۇللا ئابدۇرېھىم  مەركىزىي تېلېۋىزىيە ئىستانسىسىنىڭ تەكلىپ قىلىشى بىلەن  ، 2011–يىللىق چاغانلىق بىرلەشمە كۆڭۈل ئېچىش كېچىلىكىدە ‹‹ دولان مەشرىپى›› نى ئېيتىدىكەن . 23 –يانۋار ، ئۇ بېيجىڭغا بېرىپ چاغانلىق بىرلەشمە كۆڭۈل ئېچىش كېچىلىكىنىڭ رېپېتىتسىيەسىگە قاتنىشىدىكەن .   ئابدۇللانىڭ ۋاستىچىسى ، شىنجاڭلىق مۇزىكانت ليۇ شياڭنىڭ تونۇشتۇرىشىچە ، ئابدۇللا ئابدۇرېھىم مەركىزىي تېلېۋىزىيە ئىستانسىسىنىڭ چاغانلىق كۆڭۈل ئېچىش كېچىلىكىدىن باشقا ، يەنە مەدەنىيەت مىنىستىرلىقىنىڭ چاغانلىق كۆڭۈل ئېچىش كېچىلىكى ، گوۋۇيۈەن تور باشقۇرۇش ئىشخانىسىنىڭ چاغانلىق كۆڭۈل ئېچىش كېچىلىكى قاتارلىق كۆڭۈل ئېچىش كېچىلىكىگە تەكلىپ قىلىنغان  .     ئەسلى مەنبە: http://www.tianshannet.com.cn/news/content/2011-01/12/content_5525831.htm

bargiya

	بۇ تارىخىتىن بېرى كۆرۈلمىگەن "چاغان"دا ئۇيغۇرچە ناخشا ئېيتىشكەن ئەمىسە  "دولان مەشرىپى"نى ئېيتسا...

yahxilik

	راست گەپنى قىلسام مەن بۇ خەۋەرنى كۆرۈپ سەل ھاياجانلاندىم...ياخشى گەپ ئىكەنغۇ بۇ،چاغانلىق سەنئەت كېچىلىكىنىڭ مەملىكىتىمىزدە ۋە چەتئەللەردە بىۋاستە كۆرۈش دۇلقۇنى ناھايىتى يۇقىرى،مەملىكىتىمىزدىكى بەزى ئارتىسلار چاغانلىق سەنئەت كېچىلىكىنى مەملىكىتىمىزدىكى ئەڭ يۇقىرى سەھنە دەپ بىلىدىكەن،مۇشونداق چوڭ سەھنىدە بىزنىڭ ئەل سۆيگەن ناخشىچىمىز نۇمۇر ئورۇنلىسا بۇ بىر ياخشى گەپ بولۇپتۇ... مەملىكەت سەھنىلىرىدە ھەتتا دۇنيا سەھنىلىرىدە تېخىمۇ ئىگىز پارلىغايسەن ئابدۇللا!

yahxilik

	ماۋۇ ئىنكاسقا توۋا... تېخى باشقۇرغۇچىكەنسىز،ئىنكاسنى تۈزۈك يىزىشنى ئۆگىنىۋالسىڭىز بولغۇدەك،تولا پوجاڭزىنىڭ پىلتىسىغا ئوت ياقىدىغان ئىنكاسلارنى يىزىپ يۈرمەي بۇ يەردە...ئىنكاس يازمىسىڭىزمۇ تىمىنى ئوقۇپ قۇيۇشنى بىلسىڭىزلا بولىدۇ... موشۇنداق نوپۇزلۇق چوڭ سەھنىدە بىر ئۇيغۇر چىقىپ ئانا تىلىدا نۇمۇر ئورۇنلاش سىزچە ئاسان ياكى ئەخمىقانىلىق ئىكەندە... سىزچە ئابدۇللا ئابدۇرېھىم ئۇ سەھنىگە چىقىپ چاغان مۇبارەك دەپ توۋلاپ ناخشا ئېيتامىشمۇ يا؟ھەيرانمەن... مەملىكەتنىڭ موشۇنداق چوڭ سەھنىلىرىدە بىزنىڭ ئارتىسلىرىمىز چىقىپ ئانا تىلىدا نۇمۇر كۆرسەتسە بۇ ياخشى ئەھۋال ئەمەسمۇ،بۇدىن 20 يىل مۇقەددەم مەرھۇم ئەخمەتجان مەمتىمىن(گىتتار)مەملىكەتلىك چوڭ سەھنىگە(جۇگىۇا خەلق جۇمھۇرىيىتى قۇرۇلغانلىقىنىڭ 40 يىللىقىنى تەبرىكلەش كېچىلىكىنىڭ سەھنىسىگە) چىقىپ گىتتار بىلەن مۇقام مۇزىكىسى ئورۇنلاپ(ھەممىمىزگە تۇنۇش بولغان گىتتار بىلەن ئورۇنلانغان ئۆزھال مۇقامىدىن ئارىيە دىگەن مۇزىكا شۇ)،پۈتۈن مەملىكەت تاماششابىنلىرى تاڭ قالغان ئىدى... مانا ئەمدى ئابدۇللا ئابدۇرېھىممۇ مەملىكىتىمىزدىكى يۇقىرى سەۋىيىلىك بۇ سەھنىدە ساپ ئۇيغۇر تىلىدا،ساپ ئۇيغۇر سەنئىتىگە تۇيۇنغان نۇمۇرنى ئورۇنلاپ بىرىدىكەن،بىزدىنمۇ موشۇنداق چوڭ-چوڭ سەھنىلەرگە چىقىپ نۇمۇر كۆرسىتىدىغان،ۋە مەملىكەت ھەتتا چەتئەللەرگە تۇنۇلغان ئەرتىسلىرىمىز چىقسا نىمىشقا بولمىغۇدەك... تاڭگېر(مۇڭگۇل)،خەنخوڭ(تىبەت)...بۇ ناخشىچىلارنى مەملىكىتىمىزدە ھەممە دىگۈدەك بىلىدۇ(بىز پۈتۈن مەملىكەتتە بىلىدۇ،تۇنۇيدۇ دەپ داۋرا سېلىپ يۈرگەن ئەسقەر خۇيلاڭ،دىلنار ئابدۇللا،ياكى ئەركىن ئابدۇللا...لارنىڭ نامىنى باشقىلار  كىچىك چولپانىمىز ئارافنى بىلگەنچىلىك بىلمەيدۇ،چۈنكى ئەرافات مەملىكەتتىكى ھەردەرىجىلىك سەھنىلەردە پات-پات كۆرۈنۈپ تۇرىدۇ...) ئابدۇللا دىسە مەملىكىتىمىزدە ھەممە بىلگۈدەك ھالەتكە يەتسە نىمىسى يامان...قەدەملەر مانا موشۇنداق بىر قەدەمدىن باشلىنىدۇ...ئابدۇللا ئابدۇرېھىم چىقارغان خەنزۇ تىلىدىكى ناخشا پىلاستىنكىسى مەملىكىتىمىزدە گەرچە كۆپ مىقداردا تارقىتىلمىغان بولسىمۇ لىكىن شۇنى ئاڭلىغان ئاڭلىغۇچىلارنىڭ ياقتۇرىشىغا،ئالقىشىغا ئېرىشتى،بەلكىم ئابدۇللا ئابدۇرېھىم مەملىكەت سەھنىلىرىدە كۆرۈنمىگەچكە،باشقىلار ئۇنى بىلمىگەچكە،تۇنىمىغاچقا خەنزۇ تىلدىكى پىلاستىنكىسىنىڭ سېتىلىش ۋە تارقىلىش مىقدارى ئانچە كۆپ بولمىغان...مانا موشۇنداق چوڭ سەھنىلەردە جۇلالىنىپ ئانچە-مۇنچە مەملىكىتىمىزگە تۇنۇلسا كىيىن بىرەر پىلاستىنكا چىقارسىمۇ ئۈنىمى ياخشى بولىدۇ...ھەركىم ئۆزى شۇغۇللانغان ساھە-كەسپىدە جۇلالىنىپ شۆھرەت قازانسا،مىللەتلە شان-شەرەپ ئېلىپ كەلسە شۇ ئەڭ نوچى ئىش!

baburxah

	مۇبارەك بولسۇن،ياخشى ئىشكەن بۇ.ئۇيغۇرۇمنىڭ ناخشىسىدىن باشقىلارمۇ ھوزۇرلانسۇن دە.بۇ بىر نوپۇزلۇق كىچىلىك،خەنسۇلارنىڭمۇ مەن -مەن دىگەن چولپانلىرىمۇ ئاسانلىقچە قاتنىشىش شەرىپىگە ئىرىشەلمەيدۇ.

altilmachup

	چاغانلىق سەنئەت كىچىلىكى دۇنيادىكى ئەڭ كۆپ كىشى كۆرىدىغان كىچىلىك. مۇشۇنداق سورۇندا بىر ئۇيغۇرنىڭ ئۇيغۇر تىلىدا ناخشا ئۇقۇغۇنىغا بەزىلەرنىڭ ئىچىدىن قان كەتكىنى قىزىق.   ئەقىل ئىشلىمىسە پۇت قولغا ئارام يوق دىگەننى بىزگىلا ياراتقان بولسا كىرەك.

untul328

	ھەممىڭلار تالاپ كتىپسىلەرغۇ بىر ئىككى ئېغىز  كۆڭلىدىكى سۆزنىمۇ قىلغىنى بولمايدىغان ئوخشايدۇ بۇمۇنبەردە...  باشقىلار دۇنياغا نىمە بىلەن تۇنۇلىۋاتىدۇ  ؟بىزنىمە بىلەن تۇنۇلىۋاتىمىز.......؟

erki

	ئابدۇللانىڭ چاغان سەنئەت كېچىلىكىدە ئۇيغۇرچە ناخشا ئىيتىشى ئۇنىڭ چاغاننى تەبرىكلەۋاتقانلىقىدىن ئەمەس بەلكى بىر مىللەتكە ۋەكىل بولۇپ سەھنىگە چىقىشى بولىدۇ، ئابدۇللا ئەپەندى مىللىچە كىيىملىرىمىز بىلەن، ئانا تىلىمىزدا دۇنيا نوپۇسىنىڭ تۆتتىن بىرىگە ئۆزگىچە بىر تىلغا، مەدەنىيەتكە ئىگە بار بولغان بىر مىللەتنىڭ جۇڭگۇدا بارلىقىنى ئۇقتۇرۇپ قويسا بۇنىڭ يامان يىرى يوقتۇ ؟ ئۆتكەنكىدەك ئىككى لەپەرچىنى "داڭ جوڭياڭ دى جېڭ سې يا كى شى" دەپ ئوقۇغۇلى سالسا خوش بولامتىڭلا يا بەزى يولداشلار ؟ بۇ يەردە ئابدۇللانى تەكلىپ بىلەن قاتناشتۇرۇپتۇ، تەكلىپ قىلمىسىمۇ يىرىم يالىڭاچ ھالەتتە سەھنىگە چىقىپ، ئۇيغۇرنى "تونۇتىۋاتقان" جا***لارمۇ ئاز ئەمەس، مەسىلەن: ۋىنىرا، ئايتۇلان دېگەندەك ...

tomoquk

	ئابدۇللار نىڭ ناخشىنى ئاڭلايمەن دەپ ئولتۇرىدىكەنمەن دە ئىنتىزارلىق ئىچىدە. چاغانلىق ئىتوتلارنى بەك ياخشى كۆرىمەن. نۇرغۇنلىرىنى بىزنىڭ ئىتوت ئارتىسلىرىمىز تەرجىمە قىلىپ ئورۇنلاپ ئۈلگۈردى . بۇرۇن نەچچە ئۇيغۇر قىز- يىگىت ئۇسۇل كىيىمىنى كىيىپ كوللىكتىپ ئۇسۇلدا لىپلا چىقىپ ئىش تۈگەيىتتى.بەك ياخشى بوپتۇ.چاغانلىق سەھنە باشقىچە بوپ كىتىدىغان بولدى دولاننىڭ نۇرىدا! ئابدۇللار ئابدىرىھىڭمنىڭ ئاۋازىنى بەك ياقتۇرىمەن.ئۇنىڭ ئائىلىسىگە خاتىرجەمىلك،تىنىگە سالامەتلىك يار بولسۇن......ناخشا ساداسى ھەممە يەردە ياڭرىسۇن

sufiye

	ناخشىنى خەنزۇچە ئېيتارمۇ ياكى ئۇيغۇرچە ئېيتارمۇ؟......