تورداشلار QQ بىلەن 360 ئوتتۇرىسىدا تېڭىرقاپ قالدى

yalghuz

ئالاھىدە ئەسكەرتىش : قورۇق ئىنكاس بىلەن مۇنبەرنى ئەخلەت قىلماي،دېگىلى گەپ بولمىسا بۇ تالاش- تارتىشلارنى ئوقۇپ قويۇپ،ئىنكاس يازماي چىقىپ كەتسىڭىز بۇلىدۇ،مەن بۇ تېمىنى بىزنىڭ مۇنبەردىكى تور بىلىملىرى شۇنداقلا تەھلىل قىلىش ئىقتىدارىغا باي كىشىلەر بىلەن مۇنازىرىگە قويۇپ يېڭى بىلىم ئالايلى دېگەن مەقسەتتە يوللىدىم.


 

تورداشلار 360 بىلەن QQئوتتۇرىسىدا تېڭىرقاپ قالدى

 

360بىخەتەرلىك دېتالىنى مەملىكەت بويىچە 10 ئادەمدىن 9 ئادەم ئىشلىتىدۇ.ئۇ زور ئىقتىدار ۋە چوڭ كۆلەمدىكى ئابۇنتلار ئاساسىغا ئىگە بولۇپ،ئۇنىڭ يۇمشاق دېتال باشقۇرۇش قاتتىق دېتال باشقۇرۇش ،ھۆججەتلەرنى رەتلەش،ئەخلەت تازىلاش قاتارلىق تۈرلۈك ئىقتىدارى ناھايىتى كۈچلۈك بولۇپ نۇرغۇن تور ھەۋەسكارلىرى ئۇنىڭدىن ئايرىلالمايدۇ. ئۇنىڭ كىرمەيدىغان يېرى يوق بولغانلىقتىن دائىم دىگۈدەك توسۇش ئاگاھلاندۇرشى بېرىپ بەزىدە ئادەمنى قىيىن ئەھۋالدا قويىدۇ.لېكىن بۇنىڭلىق بىلەن كۆپۈنچە ئابۇنتلار 360نى ئۆچىرىۋەتمەيدۇ نىمىلا بولمىسۇن ئۇنىڭ ئەمىلي ئىشلىتىلىشچانلىقى يەنىلا يۇقىرى.

 

QQ بولسا تور تۇرمىشىدا كەم بولسا بولمايدىغان سۆزلىشىش قورالىدۇر.ئۇنىڭ قاپلىنىش دائىرى ناھايىتى كەڭ بولۇپ ئۇ تور ئارقىلىق كىشىلەرنىڭ تۇرمىشى، ئىسىم كارتىسى،سۆز قالدۇرۇش تاختىسى،بارلىق ئالاقىلىشىشقا دائىر تەرەپنىڭ ھەممىسىنى قاپلىدى. نۇرغۇن تورداشلارنىڭ مۇنداق ئادىتى بار:كومپۇتېرنى ئاچىدىيۇ تورغا ئۇلاپ شۇ ھامان QQ غا چىقىدۇ. 3 ئاي تېلۋىزور كۆرمىسىڭىز چىدايسىز بىراق 3 ئاي QQ غا چىقمىسڭىز چىدامسىز؟ نۇرغۇن تورداشلار ئۈچۈن بۇ ناھايىتى تەس. (بولۇپمۇ ئەلكۈيى مۇنبرىدىكى بىر قىسىمم توختىماي چ چ ئارقىلىق دوستلىشىدىغان ۋە كۆڭۈل خۇشى ئىزدەيدىغان تورچىلار ئۈچۈن تېخىمۇ شۇنداق)

 

دىمەكچى بولغىنىم شۇكى،مەيلى360 بولسۇن مەيلى  QQ بولسۇن شۇنچە يىللاردىن بېرى كەڭ تورداشلارنىڭ تۇرمشىدىكى كەم بولماس بىر قىسمىغا ئايلىنىپ قالدى.ھەر ئىكككىسىنىڭلا مۇقىم ئابۇنت ئاساسى بار، ئىككىسى خاراكتىرى ئوخشىمايدىغان ئېنتېرنېت كارخاناسى تۇرۇپ نىمىشقا ئەمدى شۇنچە كەسكىن ئېلىشىدۇ؟

بىز ئۇلارنىڭ ئىچكى جەھەتتە قانچىلىىك مەخپىي ئېلىشۋاتقانلىقىنى بىلمەيمىز، بەزى تورداشلار قىزىقىش سەۋەپلىك مەلۇم ھۆججەتنى QQ.exe   قىلىپ ئۆزگەرتىپ قويىۋىدى شۇ ھامان 360نىڭ قوغداش قورالىدا دا QQ. شەخسىي مەخپىيەتلىكنى تەكشۈرىۋاتىدۇ دەپ ئاگاھلاندۇرۇش كۆرۈلدى.كىشىلەر بۇ ئشىلارغا قىزىپ تۇرغان چاغلاردا 360 بىلەن QQ نىڭ زىددىيىتى كەسكىنلەشتى.

تېڭشۈن بىرقانچە ئېنتېرنېت كارخانىلىرى بىلەن بىرلىىشپ 27-چىسلا 360غا بايانات ئېلان قلىپ ناتوغرا رىقابەت ۋاستىسى  بىلەن سودا مەنپەتىنى قوغدىدى ھەم باشقا كارخانىنىڭ دېتاللىرنى توسىدى دەپ ئىنتېرنېتتا تورداشلار ياخشى تور مۇھىتى يارىتىپ بېرىشكە مۇراجەت قىلدى.

360مۇ ئۇلارنىڭ بۇ ئۇچۇرىنى بۈگۈن تاپشۇرۇپ ئېلىپ 360 ئابۇنتلارنى ھىمايە قىلىش ئۈچۈن QQئۆچ ئېلىپ ھۇجۇم قىلىشقا ئۇچرىدى دېدى.

مېنىڭ توغرا دىدى، بۇمۇ مېنىڭ توغرا دىدى، ئاخبارات ۋاستىلىرى بۇ ئىشنى ھەدەپ  كۆپتۈرۈپ خەۋەر قىلشتى ، تورداشلار بولسا ر 360 بىلەن qq ئارىسىدا تېڭىرقاپ قالدى .

مەنبە: ئەلكۈيى تورى باش بەت كومپيۇتېر خەۋەرلىرى سەھىپىسى(قالايمىقان يۆتكەشكە بولمايدۇ)

compyuter

QQ نىڭ بۇ يىللىق نەشىرىنىڭ ئىلگىرىكى 17MB چوڭلۇقتىن  بىراقلاMB 35.4سىغىمى بىلەن چىقىشىمۇ ئويلىنىپ  بىقىشقا تىگىشلىك مەسىلە ئەلۋەتتە ، چۈنكى ھەرقانداق بىر پروگراممىرغا نىسبەتەن پروگرامما پۈتۈپ چىققاندىن كىيىنكى بىرىنجى بولۇپ ئويلىنىدىغان مەسلە ئاشۇ پروگراممنىڭ قاچىلاش پىروگراممىسىنى ئەڭ يەڭگىل ئەڭ ئاز سىغىمدا پۈتتۈرۈپ چىقىشتىن باشقا ئىش ئەمەس دىققەت قىلىپ قاراپ باقساق ئىلگىرىكى سىغىمدىن تەڭدە تەڭ سىغىمدا چوڭىيىپ كەتكەن بۇ 2010 كىيۇ كىيۇنىڭ ئىلگىرىكى نەشىرلىرىدىن پەرقلىنىپ تۇرىدىغان ئىقتىدارى ئۇنچە كۆپ ئەمەس لىكىن نىمە ئۈچۈن بىراقلا بۇنچە سىغىمى چوڭ بوپ كىتىدۇ ؟

رۈيشىڭ ، جىنشەن ۋىرۇسخورلىرىنىڭ تىڭشۇننىڭ ھەمسەپەر كەسىپداشلىرى ئىكەنلىكى ھەممە ئادەمگە ئايان شۇنداقلا ۋىرۇسخورلار ئىچىدە بىر قەدەر تۆۋەن دەرىجىلىك دىتال ھىساپلىنىدىغىنىمۇ ھەقىقەت نىمە ئۈچۈن كاسپىرىسكىي ۋە باشقا چەتئەلنىڭ بىر قانچە داڭلىق ۋىرۇسخورلىرىمۇ كىيۇ كىيۇ نى ۋىرۇس دەپ تونىۋالىدۇ بۇمۇ بىر ئويلىنىپ بىقىشقا تىگىشلىك مەسلە ؟
تىڭ شۇن نىمە ئۈچۈن مۇشۇ سوئاللارغا جاۋاپ بەرمەيدۇ ؟


بۇلار تالاش - تارتىشقا چۈشۈپ بولدى لىكىن ئىچكى جەھەتتە قانداق ئۇرۇشىۋاتىدۇ بۇنىسى ئۆزىگە مەلۇم ئەمەلى ئەھۋالنىڭ قانداق بولىشىدىن قەتئىي نەزەر مىنىڭچە بۇ قىتىمقى بۇ ئىس - تۈتەكسىز جەڭنىڭ نەتىجىسىمۇ ئاساسى جەھەتتىن ئىنىق دەپ قارايمەن

جىن شەن ، بەيدۇ ، تىڭ شۇن بۇ چوڭاملار بىشىنى بىر يەرگە ئەكىلىپ 360 نى ئەيىپلىدىمۇ بولدى ......... 360 قارى مىنىڭچە ئاكىلىرىنىڭ چىشىغا تىگىپ قويدى ، زامان زورنىڭ تاماشا كورنىڭ  ، كىيۇ كىيۇ قۇرۇلغان 12 يىلدىن بىرى نەچچە ئىنتېرنىت كارخانىلىرىنى سەپتىن قالدۇردى ؟ ئۆز ۋاقتىدا يىڭىلىق يارىتىپ شۇنچە كۆپ ئابونتلىرى بىلەن داڭ قازانغان لىيەن جۇڭ مۇ  تىڭ شۇن ئالدىدا تەسلىم بولماي تۇرالمىدى يۇ بۇ قىتىم بۇ بىر قانچە چوڭام تەڭلا دىۋەيلەپ كەلگىنىگە قاراپلا بۇ قىتىمقىسىنىڭ بۇنچە كىچىك ئىش ئەمەسلىكى ھەم 360 نىڭ بۇ قىتىمقى جەڭدە پايدا ئالالمايدىغانلىقىنى تەسەۋۋۇر قىلىش مىنىڭچە ئانچە تەس ئەمەس

ahu ھەقىي سالاھىيەتلىك ئەزا

مەنمۇ تېڭىرقاپ قالغانتىم.نەچچە كۈننىڭ ئالدىدا مەنمۇ شەخسىيىتىمنىڭ تەكشۈلگەنلىك توغرىسىدا ئۇچۇر تاپشۇرۇپ ئالدىم،بۈگۈن قارىسام،360دىن ئۆچ ئالماقچى دىگەندەك ئۇچۇرنى تاپشۇرۇپ ئالدىم.ئۇنىڭ ئۈستىگە مۇشۇ نەچچە كۈندىن بېرى QQ رىم بىرئاز بىنورمال،账号异常 دەپ ،بىردەم-بىردەم ئۈزۈلۈپ توختىماي سېفىر كىرگۈزۈشكە مەجبۇر قىلىدۇ.بۈگۈن ئاخرى مەخپى نومۇرنى ئۆزگەرتىۋەتتىم.

yalghuz

ئالدى بىلەن 360 قاراۋۇلىنىڭ ئارتۇقچىلىقى ھەمدە ياخشى ۋىروسخور ئىكەنلىكىنى شۇنداقلا رۈيشىڭدىن نوچى ئېكەنلىكىدەك يەنە كىلىپ  ھەقسىزلىقىدەك ( ھەقسىز نەرسىگە كىم ئۆچ) ئارتۇقچىلىنى مۇئەييەنلەشتۈرۈشكە بولىدۇ.ئۇنىڭ كەسىپ جەھەتتىكى سىغىمىنىڭ كىچىكلىكى ۋىروسلارنى ئاسان تاپالايدىغانلىقى ھەممەيلەننىڭ ياقتۇرىشىغا ئېرىشكەن،شەخسەن مەنمۇ ئادەتتە 360نى كومپيۇتېرىمغا قاراۋۇل قىلىۋالغان.بىزنىڭ ئىشخانىدا دىگۈدەك 360 قاچىلاغلىق.بىراق ئۇنىڭ ئوغۇل بالىدارچىلىققا ئەكىلىپ خوتۇن كىشىدەك قىلغان ئىشى بار ، گىپى جىق. ناتوغرا رىقابەتكە يول ئالغانلىقى ئېنىق. توختىماي تۇلا بىلجىرلىشىنى خۇتۇن كىشىگە ئوخشاتساق يامان كەتمەيدۇ. بۇ جىدەللەرگە قىززىقىپ مەنمۇ تور ئاختۇرۇپ باقتىم،تەدبىركار ناملىق بىر تورداش مۇنداق ئىنكاس قالدۇرۇپتۇ ،مەن ئۇنىڭ ئىنكاسىنى توغرا دەپ قالدىم.

360 نىڭ قاراۋۇلى بولىدىغان نەرسە، بىراق ناتوغرا رىقابەت قىلىپ قويدى، ماۋۇ جىدەل شۇڭا چىققان نەرسە، پۇل تاپقۇچە يۈز تاپ دەيدىغان گەپ بار، يۇقىرىدىكى ئاۋۇ سەپداشلارنىڭ ھەممىسىنىڭ 360 بىلەن تەڭداش ئورۇندىكى مەھسۇلاتى بار، بىراق بازارنى 360 ئىگەللەپ بولغاچقا ئۈزۈپ چىقىشى سەل تەس، شۇڭا تېڭشۇن بىلەن خوشى بولمىسىمۇ ئامال يوق ماقۇل غۇجام سىزنىڭ راس دەيدىغان گەپ. يەنە بىرسىگە 360 نىڭ بۇدا قىلغىنىمۇ سەل ئېشىپ كېتىپ قالدى، بۇ توغرىسىدا كاباسىنىڭ جۇڭگودىكى CEO سى 360 نىڭ CEO غا يازغان ئوچۇق خېتىمۇ توردا بار، ئىشقىلىپ 360 ئۆزىنىڭ پۇتىغا ئۆزى پالتا چېپىۋالدى.
بۇنداق ۋىرۇس تازىلاش، كومپيۇتېر بىخەتەرلىكىنى ئاشۇرۇش تىپىدىكى يۇمشاق دېتاللارنىڭ بازاردىكى ھايات كەچۈرۈش شەرتى، چوقۇم كومپيۇتېر بىخەتەرلىكىگە تەھدىد ئېلىپ كېلىدىغان ئامىللار مەۋجۇد بولۇشى كېرەك، خۇددى ئوغرى بۇلاڭچى بولمىسا، ساقچىلارنىڭمۇ ھاجىتى قالمىغانغا ئوخشاش ئىش. شۇڭا 360 نىڭ جىم تۇرغۇسى كەلمىدى ۋە QQ نىڭ قۇيرۇقىنى چىشلەپ سالدى، 100 نەچچە ئادىمى بار بىر كىچىك شىركەتنىڭ تېڭشۇندەك نەچچە تۈمەن خىزمەتچىسى بار چوڭ IT شىركىتىگە چىش پاتۇرالىشى ھەقىقەتەن تەس. ئاڭلاشلارغا قارىغاندا تېڭشۈن 360 قا قارىتا يەنە يېڭى قورال تەييارلاۋاتقانمىش، خەنزۇلارنىڭ تورىدا 720 ۋىرۇس قاراۋۇلى، 360 تىن 2 ھەسسە كۈچلۈك دېگەندەك لاۋزا پاراڭلارمۇ چىقىپ ئۈلگۈردى. تېڭشۈن ئەسلىدىنلا كۆچۈرمىكەشلىك قىلىپ يۈرۈپ يامان نامغا قالغاچقا، يەنە رەزىل ۋاستىلەرنى قوللىنىشقا ئامالسىز، شۇڭا چوقۇم مۇۋاپىق قانۇنلۇق يول بىلەن 360 كە تاقابىل تۇرۇشى كېرەك. بولمىسا 360 نى نەچچە كۈندە ۋەيران قىلىۋېتىش قولىدىن تامامەن كېلىدۇ. كومپيۇتېرغا QQ جىق قاچىلىنامدۇ 360 مۇ؟ ئويلاپ باقساڭلار بولىدۇ. QQ دىن بىرلا ئۇچۇر بىلەن 360 نى ئۆچۈرىۋېتىدىغان ياكى ئۆچۈرۈشنى تەۋسىيە قىلىدىغان ۋە ياكى تېڭشۇننىڭ ئەنئەنىۋى ئۇسۇلى بويىچە 360 نى ئۆچۈرسە مەلۇم مۇكاپات بېرىدىغان قىلىپ تەڭشەپ قويۇپ باقسۇن، 360 كۆرىدىغىنىنى كۆرىدۇ.
بىزگە نىسبەتەن بۇلارنىڭ رىقابىتىنىڭ جىق پايدا-زىيىنى يوق. ھازىرچە 360 نىڭ تېخى كومپيۇتېرغا زىيان قىلىدىغان بىرەر قۇيرۇقىنى تېخى تۇتىۋالمىدى، شۇڭا 360 مۇ ئۆزىنىڭ بىخەتەرلىككە قوشقان تۆھپىسىنى قالپاق قىلىپ چوڭ سۆزلەۋاتىدۇ. شۇڭا ياقتۇرغانلار داۋاملىق ئىشلەتسەك بولىدۇ، ياقتۇرمىغانلار ئوخشاش تۈردىكى باشقا مەھسۇلاتلارنى سىناپ باقساقمۇ بولىدۇ. مەسىلەن 金山卫士 دېگىنىمۇ 360 قا ئوپئوخشاش بىر يۇمشاق دېتال. بىراق بىر قىسىم 360 تازىلىيالمىغان لۈكچەكلەرنى تازىلىيالايدىكەن، بۇنى ئۆزۈم سىناق قىلىپ باققان. ئاق مۈشۈك قارا مۈشۈك چاشقان تۇتقان ياخشى مۈشۈك. ياقتۇرغاننى ئىشلىتىلى، ئىشقىلىپ ھەقسىز نەرسە، ھارام ئەمەس.

seyyah

ھازىر بۇلارنىڭ جىدىلى تازا ئەۋجىگە چىقتى. 360 ئۆزىنىڭ جۇڭگودىكى بىخەتەرلىك يۇمتاللىرى ئىچىدىكى ئەمەلى كۈچىگە ۋە تورداشلارنىڭ تاللىشىدىن تەمەننا قىلىپ قالدى بولغاي! لېكىن ئۇنىڭ بۇ قېتىم دۇچ كەلگىنى  جنشەن، ئاۋيوۋ، كېنيۇلارنى دىمىگەندىمۇ بەيدۇ بىلەن تېڭشۈندەك ئىككى زومىگەر <<ئاكا >> بولۇپ قالدى. 360 بۇ قېتىم بۇرنىغا يەپ قېلىشىمۇ مۇمكىن. لېكىن ئۇ كۆرسەتكەن QQنىڭ مەخپىيەتلىكنى ئوغۇرلاشقا دائىر ئىسپاتلىرىنىڭ بەلگىلىك ئاساسى بار. ئۇنىڭ ئۈستىگە بەيدۇنىڭ ساختا دورا سېتىش سەتچىلىكى تېخى ئۇنتۇلۇپ كەتمىدى. ئىشقىلىپ ھازىر بۇلار ھەدەپ بىر-بىرىنىڭ ئەيبىنى كولاش ھەلەكچىلىكىدە قالدى. بۇ بىر ھېسابتا تورداشلارغا پايدا يەتكۈزىشىمۇ مومكىن. 360 ئۆزىنىڭ تور بىتىدە، بىز ئاخىرىغىچە تورداشلارنىڭ مەخپىيەتلىكىنى قوغداش تەرەپتە تۇرىمىز، بۇ ئىككى <<كاتتىباشنىڭ>>  تەھدىدلىرىدىن قورقۇپ قالمايمىز دەپ يېزىپتۇ، قېنى بۇ جىدەلنىڭ ئاخىرغا قاراپ باقايلى! كىم ئۇتۇپ چىقاركىن؟!...

مۇبارەك

ئىكراننىڭ ئوڭ تەرەپ ئاستىدا360 بىلەن QQ بىللە تۇرىدۇ ھاززىرمۇ، نەچچە كۈندىن بېرى كىرىۋاتقان ئۇچۇرلارغا مۇنداقلا قاراپ قويۇپ ئۆچۈرۈپ تاشلاپتىمەن، ئەسلىدە بىر-بىرىگە ھومىيىشىپ قاراپ تۇرغان ئىكەندە!؟ مەيلى كىمنىڭ توغرا ياكى كىم ئۇتۇپ چىقسۇن...مەن ئۇ تەرەپكە بەك كۆڭۈل بۆلۈپ بولالمايمەن، بىراق ماڭا ھەر ئىككىلىسى كېرەك ھېسابتا. مۇنداقچىلا يۈزەكى قارىشىم بويىچە ئېيتسام QQ ھەقىقەتەن جۇڭگودا خېلى تەسىرگە ئىگە، ئابونتى كۆپ. 360 گەرچە كىچىك دائىرىلىك بولسىمۇ بىراق خۇددى ئادەم تازا بىتاپ بولغان چاغدا ئەسقاتىدىغان ئۈنۈملۈك دورىدەك كىشىگە يېقىملىق تۇيغۇ بېرىدۇ. نەتىجە قانداق بولىدىكىن، قاراپ باقارمىز...

danixman

بۇ جىدەلنىڭ ئاخىرى قانداق بولۇپ كىتەر ئەمدى ھە !

yalghuz

جىدەلنىڭ ئاخىرىغا قىزىقماي مۇشۇ جىدەلدىن ئازراق چۈشەنچە ھەم يېڭىچە تەپەككۇر قىلىپ باقساق نىمە بۇلار ھە قېرىنداشلىرىم؟
  
شۇنداق بىر نوقتىنى ئويلاپ باقماپتىكەنمەن،ھازىر ئويلىنىپ قالدىم،ماۋۇ تالاش- تارتىش ھەمدە قارشى تۇرۇشلارغا بىزنىڭ جۇڭگونىڭ داڭلىق ۋىروسخورلىرىدىن بىرى بولغان رۈيشىڭ قۇشۇلسا 360 ھەقسىزلىكىدەك ئالاھىدىلىكى بىلەن جۇڭگودىكى ئەڭ چوڭ كاتىۋاشلارغا ئۆزى يالغۇز تەڭ كىلىدىغان بىر ھالەت شەكىللىنىدىغان ئوخشايدۇ.ئويناشقاندا ئۇكىسى،ئۇرۇشقاندا ئاكىسى دەپ بۇلار ھەممىسى بىر بوپ 360نى ئۇر چاپ قىلىپ كەتسە قانداق قىلار بۇلار ؟ مۇشۇنداق بىر بىرىنىڭ قوڭىنى كوچىلاۋەرسە بىزگە جىق پايدا بۇلىدۇ،نى نى چۈشەنمىگەن بىلمىگەن،ئاڭقىرالمىغان يەرلەرنى مۇشۇنداق يەرلەردە ئاڭقىرىۋالىمىز،بىلىۋالىمىز.ھېلىمۇ  جىق ئىشلارنى بىلىۋالدۇق.

saroman

QQنىڭ 2010-يىللىق نۇسخىسى راستىنلا  شەخسى مەخپىيەتلىك ئوغۇرلايدۇ ،كوپىيوتېرڭىزنى بىمالال ئاختۇرالايدۇ دىققەت قىلىپ بېقىڭلار ،ھەر يىلدىكى يېڭى نۇسخىسى 17مىگابايتتىن ئاشمايدىغانQQيومدىتالى ،بۇيىل تۇيۇقسىز53مىگابايىتقا ئۆرلىگەن ، دۇنياغا داڭلىق ۋىروسخورلاردىن ،كاباسچى ،ماشىنا ئادەم ۋىروسخورىمۇ تېڭشۈن QQنى ۋىروس دەپ تونىۋالىدۇ، بۇ ھەرگىزمۇ مەقسەتسىز ئەمەس،كىشلىك شەخسى مەخپىيەتنى ئوغۇرلايدىغان سېستىما ۋىروس دەپ ئاتىلدۇ، شۇنىڭ ئۈچۈن كاباسچى،ماسىنائادەم ۋىروسخورىمۇ QQنى توسىدۇ،ئەمما يەرلىك رۈيشىڭ ، ئالتۇنتاغ(جىنشەن)ۋىروسخورلىرى بىر ئەخلەت خالاس ، كومپىيوتېرنىڭ ئىچكى ساقلىغۇچىنى ئىگەللەستىن باشقا ھېچقانداق رولى يوق ،بۇنى دېمىسەممۇ تورداشلارغا ئايان.
ئەمما رۈيشىڭ ،جىنشەن دېگەنلەرنىڭ ھەممىسى تېڭشۈن نىڭ سەبداشلىرى ،ئۇلار ئەلۋەتتە يول قويىدۇ.   360تورى بىكاردىن بىكار ئەيىبلىمەيدۇ ،ئىشەنمىسەڭلارQQنىڭ سىغىمىغا قاراڭلار،ھەيران قالارلىق دەرىجىدە سىغىمى يۇقىرى ،35مىگابايتىىن يۇقىرى قىسمى شەخسى ئۇچۇرۇڭىزنى تەكشۈرۈش قورالى ،شۇڭا سىغىمى ئەنە شۇنداق يۇقىرى.

seyyah

ھازىر 360 شىركىتى qqنىڭ مەخپىيەتلىك ئوغۇرلىغانلىقىغا ئىسپات قىلىپ، بىر تىزىملىكنى ئوتتۇرغا چىقاردى  ھەمدە چۈشەنچە بېرىشنى تەلەپ قىلدى. لېكىن تېڭشۈندىن تېخى خەۋەر يوق...
مېنىڭچە تېڭشۈن بۇ ھەقتە چۈشەنچە بەرمەيدۇ ياكى بەرسىمۇ ئەپلەپ-سەپلەپ ئۆتكۈزۋېتىدۇ، چۈنكى ھازىر تورداشلارنىڭ qq بىلەن بولغان يېقىن مۇناسىۋىتى ئۇلارغا ئايان.