سەن ئىكەنسەن ئەسلىدە

otkankunlar

تۈن نىسپىدە كەلگەن ئەنسىز  تېلفۇندەك،
سەن چىللىدىڭ تۇيىقسىزلا سەيلىگە.
كەپتەر بۇلۇپ ئۇچالمىغان يۈرەكنى،
قۇيىۋەتتىم شۇ كېچىسى مەيلىگە.

كەچكۈزدىكى ئەشۇ يارقىن  ئاخشىمى ،
سۆيگۈم ئىدى خۇددى يامغۇر دانچىسى.
باغرىمغا باش قويغىنىڭدا ئۇيۇلۇپ،
مەڭزىڭ ئىدى خۇددى ئىلى ئالمىسى.

يىللار ئۆتتى كۆز ئالدىمدىن قانچىسى،
ئۇنۇتمىدىم ئەشۇ يارقىن كېچىنى.
سېغىندۇرۇپ مىنى بۇنچە قىينىغان،
سەن ئىكەنسەن يۈرۈگۇمنىڭ پارىسى.

bilig

دەسلەپتىكى ئىككى كۇپلىت شۇنداق ياخشى چىقىپتىكەن.

otkankunlar

چۈشتى يەنە  يامغۇر شىرىلداپ،
قوزغاپ دىلدا تاتلىق ھاياجان.
بىر پەدىگە چالمىدىم،ئەمما،
سەن بولمىغاچ سۆيۈملۈك جانان.

didar0996

سەن بولمىغاچ تەنھالىغىمدا ،
باغلىرىممۇ قالدى چۆلدەرەپ .
ئۈچ پەدىگە چالامدىكىن دەپ ،
ئۇخلاپ قوپۇپ كىردىم ئۆندەرەپ ...

otkankunlar

ئۈچ پەدىگە چالمىدىم دۇتار،
بىر پەدىدە تېخى زۇۋان يوق.
ئۇخلاپ قوپۇپ كىرگىنىڭ بىلەن،
باي غوجامدىن تېخى خەۋەر يوق.

otkankunlar

ياغدى بۈگۈن كەچ كۈز يامغۇرى،
دېرىزەمنى چېكىپ تاراسلاپ.
ئېلىپ كەتتى بەكمۇ يىراققا،
ئۆتمۇشىگە مىنى ھاپاشلاپ.

didar0996

ئۆتمۈشىگە مېنى ھاپاشلاپ ،
باشلاپ كەتتى تاتلىق ئەسلىمە .
يامغۇر بولۇپ دەرىزە چەككەن ،
سەن ئىكەنسەن بىلسەم ئەسلىدە .

tajalli

ياخشى يېزىپسىز .   مۇنبەردە شئېر ئوقۇمىغىلى خىلى بپتىكەن ماڭا .

13070074995

تۈن نىسپىدە دېرىزەمنى چەكمەكتە،
مەن ئىكەنمەن چىن يۈرەكتىن سۆيگەنمۇ.
ئېيتە گۈلۈم ۋىسال تاپماي مۇھەببەت،
ھېجران چۆلىدە قېنىپقىنا كۈلگەنمۇ؟؟

otkankunlar

ئېسيانكار سەزگۈلەر يېرىلدى قايتا،
يامغۇردەك سىمىلداپ چۈشتى ھەم قايغۇ.
قەلەندەر كەپىسى مىنىڭ يۈرۈگۈم،
قۇشلېرىڭ ياسىايدۇ رۇخسەتسىز ئۇۋا.

كۆمۇلدى قەبرەمگە سىنىڭ يۈرۈگۈڭ،
قۇشلېرىڭ چۇرۇقلاپ ئۇقۇيدۇ دۇئا.
روھىمنى،جىسمىمنى ئەگىيدۇ كېچە،
ئېزىتقۇ پەرىدەك يۇرۇيسەن توۋا.

مەلەڭدىن يانغاندا يامغۇر شەپىسى،
مېنىڭمۇ ۋە ياكى سېنىڭ ئازابىڭ .
مېھماندەك ياسىنىپ چىللىدى دۇنيا،
يامغۇردەك تۆكۇلۇپ كەتتى ئاۋازىڭ.