سەن ئىكەنسەن ئەسلىدە

otkankunlar

      سەن ئىكەنسەن ئەسلىدە

تۈن نىسپىدە دېرىزەمنى چەكمەكتە،
سەن چەكتىڭمۇ ياكى يامغۇر تامچىسى.
تۇيۇقسىزلا تۇرۇپ قالدىم تېڭىرقاپ،
كىم كەلگەندۇ بۇلۇپ ھىجران ئەلچىسى.

يامغۇر ياققان مۇشۇ كەچ كۈز پەسلىدە  ،
جىمجىتقىنە چەكسىز كەتكەن كېچىدە.
دەرتلېرىمگە دەرتلەر قوشۇپ باشقىدىن،
سەن ئىكەنسەن شىۋىرلىغان ئەسلىدە.

             مەنبە:قەلەم

svmayya

توختىماستىن يېغىۋەردى يامغۇرمۇ ،
دەتلىرىمنى يۇيۇپ كېتەي دەمدۇيا .
نە كېتىشكەن ! دەتلەر قايتا كۈچۈيۈپ،
سۇغا چۈشكەن مۈشۈكتەكلا بولدۇميا .


تۈنۈگۈندىن ياقى يېغىۋاتقان يامغۇردىن ئالغان ئىلھاملىرىڭىز ئىكەندە ؟ ياخشى يېزىپسىز قېرىندىشىم ، ئاز ھەم ساز ~

يەنە يامغۇر يېغىشقا باشلىدى ....
سېنىڭ يامغۇر شاماللىرى بىلەن قوشۇلۇپ كەلگەن ئاھاڭىڭنى ئاڭلىغاندەك بولدۇم ، قۇلاق تۈۋۈمدە سېنىڭ شېرىرلاپ ئېيىتقان <مېنى كەچۈرگىن ، ۋاقتىنچە يېنىڭدا بولالمىغىنىم بىلەن ھامان قايتىپ كېلىمەن ، سېنى سېغىندىم > دىگەن يۈرەك سادايىڭ ، سېنى تېخىمۇ سېغىندۇردى .شۇنداقلا سېغىنىشىم تېخىمۇ كۈچۈيۈشكە باشلىدى ....
يامغۇر سېنىڭ ھېدىڭنى ، سېنىڭ تەبەسسۇمىڭنى ، سېنىڭ ئاشىق يۈرۈكىڭنى ماڭا سۆزلەپ بېرىۋاتاتتى ....
شۇ تاپ خىيالىمدا مەن سەن بىلەن يەنە ئۇچراشتىم ، سېنىڭ كۆزۈڭگە قاراپ تۇرۇپ ،سېنىڭ ھېدىڭنى پۇراپ تۇرۇپ ،مۇلايىم پىچىرلاشلىرىڭنى ئاڭلاپ تۇرۇپ يەنە سېغىنۋاتاتتىم .....
سېغىنىشتىن پۇچىلانغان يۈرىكىمنى يامغۇرغا تۇتۇپ تۇرۇپ يامغۇر تېلىدا سۆزلەۋاتاتتىم : يېغىۋەر يامغۇر ، سېنىڭ خىسلىتىڭ بىلەن ، تەبىئەتمۇ ، دىللارمۇ بەركەت تاپسۇن !

bargiya

سەن ئىكەنسەن دېرىزەمنى چەككەنمۇ،
مەن ئىكەنمەن چىن يۈرەكتىن سۆيگەنمۇ.
ئېيتە گۈلۈم ۋىسال تاپماي مۇھەببەت،
ھېجران چۆلىدە قېنىپقىنا كۈلگەنمۇ؟؟

يامغۇر..
تىرىسلاپ چۈشۈۋاتىدۇ
سېرىق ياپراقلار پاتقاق ئارا يىغلاۋاتىدۇ.
كۈز شامىلى پۇشتىكىنى چالغىنىچە
كۈلۈۋاتىدۇ..
ئاھ بۇ قانداق زامان..
يىغلىغانلار يىغلاپ،كۈلگەنلەر كۈلۈۋىرىدىغان..
بىر شائىر ئۇھلىرىنى يېزىۋاتىدۇ.

aynuri888

بۇ شېىرنى ئوقۇغۇلى 3-قېتىم كىرىشىم.ھەر ئوقۇپ بولۇپ ئىنكاس يازماي چىقىپ كەتتىم.چۈنكى مۇنبەردە ...................بىراق 3-قېتىم پەقەت تاقەت قىلالماي يەنە يازدىم.پىشقان قەلەملەردىن تۆكۈلگەن مىسرالارنى ئوقۇشقا ھېرىسمەن كىشىمەن.ئەجرىڭىزگە تەشەككۈر.

begana

مەن ھەرقانداق شئېرغا باھا بىرەلمەيمەن .شۇڭا شئېري  تىمىلارغا ئىنكاسمۇ يازمايمەن .
بىراق بۇ تىمىڭىز دىرىزەمگە چۈشكەن يامغۇر تامچىسىغا قۇشۇلۇپ شۇنداق لىرىك ،شۇنداق تۇنۇش بىلندى .لىكىن يەنە ئاخىرى باردەك قانمىدىم .

otkankunlar

يامغۇر ياققان كەچكۈزدىكى كېچىدە،
كىم چىللىدى مىنى ھىجران پەسلىگە.
توۋا دەيمەن مۇشۇ ھىجران تۈپەيلى،
كېلەلمىدىم شۇندىن بېرى ئەسلىگە.

بالا ئىدىم تۈنۆگۈنلا شوخ،ئەركىن،
بۈگۈن بولدۈم بۇ ئىشىققا مۇپتىلا.
كۆيۈپ پىشىپ قىينالسىمۇ جانلېرىم،
دىيەلمىدىم بۇ ئىشلارغا بوپتىلا.

داۋاسىنى سوراپ باقسام چوڭلاردىن،
دىدى ئۇلار ئۆچەرمىگىڭ مۇشەقەت.
يۈرۈگۈمنى بۇنچە قىيناپ كۆيدۇرگەن،
ئىكەن ئەسلى ياشلىقتىكى مۇھەببەت.

zakira

بىر بىرىدىن ياخشى چىقىپتۇ بۇ شېئىرلار ... توۋۋا ماۋۇ بىرنىڭ بورانلىقتا يازدىمۇ ياغمىغان يامغۇر ياغدا بۈگۈن  . لېكىن كۆپ ئەمەس ناھايىتى ئاز بەلكىم بۇ شېئىرنى ئوقۇغىنىمنى بىلدىمىكىن ...

aynuri888

ئايدىڭ كەچتە خىياللارغا باستۇرغان،
ۋىسال بويلاپ ئىشىكىڭدە پۇس تۇرغان،
پىراقىڭدا غىزا ئۆتمەي ئاش تۇرغان،
ئىكەن ئەسلى ياشلىقتىكى مۇھەببەت.

چۈشلىرىمدە دەريا بويلاپ ئوينىغان،
كېچە كېچە ناخشا توۋلاپ سايرىغان،
نىگار بىلەن مۇڭداش بولۇپ  قانمىغان،
ئىكەن ئەسلى ياشلىقتىكى مۇھەببەت

ئىككى كۇپلېت ئەگىشىپ قويدۇم.ياخشى يېزىلغان شېىر كىشىنى قەلەم ئېلىشقا ئۈندەپلا تۇرىدىكەن.

maxal20

مۇھەببەت باغلىرىدا ئېچىلغان گۈل... ياشلارنىڭ ئوتلۇق بېقىشلىرىدىن ئوزۇق ئېلىپ ياشنىماقتا، ھىجران گۈللەرنى شەبنەمگە تەشنا قىلماقتا.... گۈللەر.... كېپىنەكلەرنىڭ لەرزان ئۇسۇللىرىغا جۆر بولماقتا...
شۇنداق بىر قارا قول.... گۈلنى ئۈزمەكنى ئىستىمەكتە، ئۇنى توزۇتماققا تىرىشماقتا، بىچارە گۈل... سواشماقتا... بىچارە ياشلار، چارىسىز قالماقتا...
چاقماق چاقتى، بوران گۈرۈلدىدى، مۇھەببەت گۈلىنى قارا قولنىڭ سۈيقەستىدىن ساقلاش ئۈچۈن يىراقلارغا ئۇچۇرۇپ كەتتى.... يىراقلارغا، پىنھان بولغان شۇنداق بىر جايغا....

yidayat

بەك تېتملىق يېزىلىپتۇ،زوق ئالدىم .