تۈمەن گۈلگە سەن پۈركىنىپ،نازلىنىپ

otkankunlar

  
تۈمەن گۈلگە سەن پۈركىنىپ،نازلىنىپ

ئاي،يۇلتۇزنىڭ ئارزۇسىنى قاندۇرۇپ،
خالى يەردە قالسا ئادەم ئولتۇرۇپ.
خىيالىغا خىيال كېلىپ قوشۇلۇپ،
سەن كېلىسەن كۆز ئالدىمغا تولغۇنۇپ.

يىراقلاردىن ھېچ كەلمىدىڭ جانانىم،
تۈمەن گۈلگە سەن پۈركىنىپ،نازلىنىپ.
سېغىنغاندا كېچىلەردە بىر سېنى،
قالىدىكەن ئادەم دېگەن خۇيلۇنۇپ.

سەن بولمىغاچ يانلىرىمدا كۈلدۈرۈپ،
چالالمىدىم بىر پەدىگە ئولتۇرۇپ.
كېلەلىسەڭ كەچ كۈزدىكى كېچىدە،
چاي ئىچەيلى پىيالىنى تولدۇرۇپ.
          

           مەنبە:قەلەم

maxal20

گۈل.... مېنىڭ قەلبىمدىكى گۈزەللىكنىڭ نامايەندىسى.... شۇ خۇشپۇراق گۈللەر، تۈمەنلىگەن گۈللەرنىڭ ئارىسىدا سەن خان تاجىدەك جۇلالىنىپ تۇرىسەن.... مېنى ئوتلاردا كۆيدۈرۈپ.... تۈمەن گۈللەر ئىچىدىكى ئەي نازىنىن! باھار كەلسۇن قېنى، بىللە ئوتۇرۇپ نەغمە قىلايلى....

atikam1

يىراقلاردىن ھېچ كەلمىدىڭ جانانىم،
تۈمەن گۈلگە سەن پۈركۈنۇپ،نازلىنىپ.
سېغىنغاندا كېچىلەردە بىر سېنى،
قالىدىكەن ئادەم دىگەن خۇيلۈنوپ.

ئۇخلاي دېگەندە يەنە بىر لىرىكىلىك  شىېرڭىزنى ئوقۇپ ئۇخلايدىغان بولدۇم

bulbulgoya

ئۆتكەن كۈنلەرنىڭ مەڭگۈلۈك تېمىسى :مۇھاببەت،مۇھاببەت........... يەنىلا مۇھاببەت !!!!!

iqip-mas

ياخشى  يىزىپسەن     ئاداش  ..............تىرىشقىن   

aynuri888

تېتىملىك شېىرلىرىڭىز كىشىگە زوق ئاتا قىلىدۇ.ھارمىغايسىز.يېىزپ تۇرۇڭ

svmayya

چاي ئىچەيلى پىيالىنى تولدۇرۇپ ،
تەشنا دىللار قانسۇن سۆيگۈ مېھرىگە .
ھەيران قالسۇن  بارچە ئالەم كائىنات ،
مۇھەببەتنىڭ ئوتلۇق قۇدرەت كۈچىگە .

قالماشمىسىمۇ ياندىشىپ قويدۇم ، ئەيىپكە بويرىمىغايسىز

nazinin

ئەشۇ ئۆتكەن كۈنلەرنى ئۆتۈپ كەتتى دىگىنىمىز بىلەن يەنىلا  ئېسىمىزدىن  چىقمايدۇ ،بىزگە قالغىنى مەڭگۈلۈك ئەسلىمە .

sahra

كېلەلىسەڭ كەچ كۈزدىكى كېچىدە،
يوللىرىڭغا چىقىپ تىمتاس قارايمەن.
بەرگىللىرى سارغايغان شۇ ياپراقتەك ،
نىچۈن سېنى كۈتۈپ قالدىم بىلمەيمەن.

otkankunlar

كۈتۈشلەردىن تاپسا ئادەم تەسەللى،
كۈتۈش كېرەك تاكى جانان كەلگۇچە.
كېلەلىسەڭ ئۇچۈپ كەلگىن ھازىرلا،
تارتمايلى بىز ئازاپلارنى يەتكۈچە.