6-قەۋەت

سۈمەييە

	6-قەۋەت يۈگۈرەپ دېگۈدەك قىزىل چىراقنى بۆسۈپ ئۆتۈپ كەتتىم. قاغجىرىغان ئاپتاپتا تېرىكىپ تۇرغان غورا قاپاق ساقچىنىڭ كاركىراشلىرى قۇلىقىمغا كىرىپمۇ قويمىدى. ھەر قەدىمىمگە مىڭلىغان خىياللار ھەمراھ. زادى نېمە ئويلاۋاتقانلىقىمنى ئېنىق دېيەلمەيمەن. بىراق، يىراقتىن، ئىگىز بىنالار ئارىسىدىن 6-قەۋەتكە تىكىلگەن كۆزلىرىمگە يېغا يامىشىۋاتاتتى. 6-قەۋەتتىكى كاتەكتەك ئۆيدە ئەمدىلا 66 كۈنلۈك بولغان يۈرەك پارەمدىن ئۆزگە ھېچنەرسىنى ئېنىق تەسەۋۋۇر قىلالمايمەن. ئۆزۈمنى، يەنە نۇرغۇن نەرسىلەرنى ئەيىبلەب جېنىم ئوغلۇمدىن كەچۈرۈم سوراپ ماڭىمەن. ئوغلۇم، 6-قەۋەت ھېچقاچان ماڭا بۇ قەدەر ئېگىز تۇيۇلغان ئەمەس. 1-قەۋەتكە كىردىم ئوغلۇم، بارغانسىرى ساڭا يېقىنلاۋاتقان قەدەملىرىم قاپقاراڭغۇ كارىدوردىكى قىرى چۈشۈپ كەتكەن پەلەمپەيلەردە مۈدۈرۈپ كەتتى. سۆيۈملۈك شىرىم، داداڭ ئىككىمىزنى ئىنتايىن خۇشال قىلدىغىنى سەن تولىمۇ ئەقىللىق، يېڭىلىققا، كەڭلىككە، تەبىئەتكە ئىنتىلەتتىڭ. ئالدىنقى ھەپتە سىنى باغچىغا ئويناتقىلى ئاپاردۇق. سەن ھەر بىر تۈپ دەرەخكە، راۋاقلارغا، ئويۇنچۇقلارغا، ئادەملەرگە... ھەممە نەرسىگە تويماي، قىزىقىش ئىچىدە كۆرۈپ ماڭدىڭ. شۇ كۈنى داداڭ ساڭا قىزىل يۈرەك شەكىللىك شاردىن بىر تال، سىرىق قونچاق شەكىللىك شاردىن بىر تال ئېلىپ بەردى. شۇ كۈندىن باشلاپ سەن سىرىق شارنى تولىمۇ ياخشى كۆرۈپ ئوينىدىڭ. ھەر قېتىم مانا مۇشۇنداق قاراڭغۇلۇقلارغا ئۇچرىغاندا كۆپكۆك ئاسمان ۋە ئالەمنى يورۇتقۇچى قۇياشنى تولىمۇ سېغىنىسەنغۇ دەيمەن. تال-باراڭلىق، ھاۋاسى ساپ، تەبىئەتنىڭ يۈرىكىدىكى كەڭرى سەھرا ھويلىلىرىنى سېغىنىپ قالدىم جېنىم بالام. شۇنداق بولغاندا، سېنىڭ لامپۇچكىلاردىن يورۇقلۇق ئىزدەپ بۇرۇقتۇم ياشىشىڭنىڭ ھاجىتى يوق ئىدى، ئەزىزىم.

سۈمەييە

	ئەمدى ئاران ئىككىنچى قەۋەتكە چىقتىم بالام. بىلىمەن، كىچىككىنە ئۆيىمىزدىن مېنىڭ پۇرىقىمنى ئىزدەپ كۆڭلۈڭ چوقۇم يېرىم بولدى. سەن تۇغۇلغاندىن باشلاپ يېنىڭدىن ئايرىلمىغان ئىدىم. ئەمدى ئىشقا چۈشتۈم، ئامال يوق ئىشقا چۈشتۈم. ئاياللار زادى نېمىشقا خىزمەت قىلىدۇ، بولۇپمۇ ئانىسىغا ناھايىتى ئىھتىياجلىق يۈرەك پارىلىرىنى مۇشۇنداق سەرسانلىققا تاشلاپ قويۇپ، جان تىكىپ ئىشلەيدۇ؟ مىنىڭچە ئەڭ ئاساسلىق سەۋەب ئىقتىساد ۋە مەنپەئەت مەسىلىسى. چۈنكى بىز «ئىگىلىك دەۋرى»نى ئىگىز بايراق قىلىپ پۇلپەرەسلىكنى ياپىدىغان، شۇنداقلا پۇل بولمىسا نۇرغۇن جايلاردا ئىمكانسىز قالدۇرۇلىدىغان، پۇل ھەممىدىن كۈچلۈك ئورۇنغا ئۆتكەن بىر جەمئىيەتتە ياشاۋاتىمىز. كىشىلەرنىڭ ئىھتىياجى(نەفسى) چەكسىزلىككە ۋە چوڭلۇققا قاراپ تەرەققىي قىلىۋاتقان پەيتتە نورمال ياشاش ئۈچۈنمۇ خىلى پۇل كىتىدۇ. كۆپ ساننى ئىگىلەيدىغان «مائاشلىق زىيالىيلار»دىكى نامراتلىق، تۇرمۇشنىڭ ئەڭ نورمال كاپالىتى ئۈچۈن تېرىشىش ئاياللارنى ئىشلەشكە مەجبۇر قىلىدۇ. بۇندىن باشقا يەنە، خىزمەتچىلەر بەھرىمان بولىدىغان تۈرلۈك سىياسىي ۋە ئىجتىمائىي ئىمتىيازلار، ئەر-ئايال ئوتتۇرىسىدىكى باراۋەرلىك مەسىلىسى، مائاشنىڭ ئاياللارنىڭ بۈگۈنى ۋە كەلگۈسىنى ماددى جەھەتتىن خاتىرجەم قىلىشى (قالغىنىنى ئاللاھ بىلگۈچىدۇر)، جەمئىيەتنىڭ ئۇلارغا بېرىدىغان «غۇرۇر ۋە ئىززەت»ى .... قاتارلىق بىر قاتار ماددى ۋە مەنىۋى مەنپەئەتلەر ئۇلارنى «شۇنچە يىل ئوقۇپ، ئائىلە ئايالى بولۇپ ئولتۇرۇش»قا يول قويمايدۇ. يەنە بىر قىسىم مېڭىسى يۇيۇۋېتىلگەن ئەقىللىق «زىيالىيلىرىمىز» ئۆز غايىسى بىلەن مەجبۇرىيىتى ئوتتۇرىسىدىكى مۇھىملىقنى ەەڭسىيەلمەي قالىدۇ.... شۇنىڭدەك بىر قاتار سەۋەبلەر ئاياللارنى خىزمەت قىلىشقا مەجبۇر قىلىدۇ.

سۈمەييە

	شۇنچە تەقەززالىق بىلەن ئالغان قەدەملىرىم ئەمدىلا 3-قەۋەتكە چىقتى ئوغلانىم. يېنىڭدىن دەقىقە ئايرىلغۇم يوق، سېنى ياخشى تەربىيەلەش ئۈچۈن دۇنيالىقتىكى ھەممە مەنپەئەتلەردىن ۋاز كېچىشكە رازى ئىدىم. ئەمما ئامال يوق ئوغلۇم. بۇ چوڭ شەھەردىكى زەھەردەك قىممەت ئىستىمال ۋە سەن ئۈچۈن يەنىمۇ ياخشى بىر تەربىيە مۇھىتىغا قەدەم ئېلىش ئۈچۈن شۇنداق قىلماي ئامال بولمىدى. پۈتۈن جاھاندىن ئاغرىنىپ دېگۈدەك ئىشقا باردىم جېنىم ئوغلۇم، مېنى كەچۈر. ئاياللارنىڭ ئىشلەشكە مەجبۇر بولۇشىغا تۇرمۇش قېيىنچىلىقىدىن باشقا ئەرلەرمۇ سەۋەبكار بولىۋاتىدۇ باتۇرۇم. بۇ رەڭگارەڭ جاھاندىكى تۈرلۈك ئىزىملار ۋە ئىقىملار ساپ قەلب ۋە ئىتىقادىمىزنى توپا باستۇرۋەتتى. بىز بىر-بىرىمىزگە، ھەتتا ئاتا-بالىمۇ بىر-بىرىگە ئىشەنمەيدىغان ۋە شۇنى توغرا دەپ قارايدىغان ئىدىيە ئۈستۈنلۈكنى ئىگىلىگەن توپ ئارىسىدا ياشاۋاتقىنىمىز ئۈچۈن، ئاياللار ئەرلەرگە ۋە ئەرلەرنىڭ ھامىيلىقىغا ئىشەنچ قىلالمايدۇ. قايسىبىر ئىتوتتىكى -ساڭا ئەرمۇھىممۇ خىزمەتمۇ؟ -ئەلۋەتتە خىزمەتدە! -شۇ ئەرنى خىزمەتكە تەڭ قىلغىلى بولامتى. دېگەن دىئالوگلار بۇنىڭ يارقىن نامايەندىسى.

bargiya

	يەنە ئۈچ قەۋەتتىكى ئىزتىراپلارنى كۈتىمىز ...

begana

	تىزراق چىقىڭە 3-قەۋەتكە بالا يىغلاۋاتىدۇ

begana

	تىزراق چىقىڭە 3-قەۋەتكە بالا يىغلاۋاتىدۇ

angel1118

	داۋامىغا تەشنامىز.

begana

	سۈمەييە سىز مىھرايمۇ نىمە؟

geyret38

	بولۇڭ تىز بولمامسىز قىرندىشىم...بالنىڭ يىغا ئاۋازى پۇتۇن بىنانى بىر قاپلدى..

uyghurzuwan

	يۇقارقى قەۋەتلەردىكى تورداشلارنىڭ يازمىللىرى ماڭا بىر خىل ىوماقلىق تۇيغۇسى ىاتا قىلدى.