نېمە بولۇپ كەتتى؟
ھەسەنجان ئابدۇراخمان ئۇتغۇر
(مەرھۇم شائىر رۇزى سايىتنىڭ ‹‹كەتتى››ناملىق شېئىرىغا تەخمىس)
بۇ زاماننىڭ ئادەملىرى تورلىشىپ كەتتى،
بەزىلىرى ھەقىقەتتە كورلىشىپ كەتتى.
يالغان گەپكە بىر مۇقامدا توۋلايدۇ دائىم،
قۇرۇق شۇئار، بىر ئاھاڭدا خورلىشىپ كەتتى.
يىگىتلەرنىڭ بېلى بوش، ئىرادىسى سۇس،
غورۇرىنى قوڭغۇز يەپ، پورلىشىپ كەتتى.
غايە، ئارزۇ-ئارمانلاردىن قىلچە ئەسەر يوق،
شۇنچە گۈزەل ئارمانلارمۇ ھورلىشىپ كەتتى.
قىزلىرىمۇ كۆڭۈلچەك، ئەركىلەشلەر كۆپ،
ئازراق گەپكە ئىشىنىدۇ، گوللىشىپ كەتتى.
بۇ قانداق ئىش؟ ھەي قىزلار ئېيتىڭلار ماڭا،
سەۋەبىنى ھەسەنجانمۇ ئويلىشىپ كەتتى.
2013-يىل 7-يانۋار.
بۇ يازمىنى ئاخىرىدا مۇبارەك تەھرىرلىگەن. ۋاقتى 2013-8-2 11:52
يوللىغان ۋاقتى 2013-7-29 16:37:33
