قەلىب تۆرىمدىكى ھايات ئۇستاز ___ زوردۇن سابىر

ئۇتغۇر ھەقىي سالاھىيەتلىك ئەزا

        مەن قەلىب تۆرىمدىكى ھايات ئۇستاز ___ زوردۇن سابىرنىڭ ئەسەرلىرىنى پۈتۈن ئىشتىياقىم بىلەن بېرىلىپ ئۇقۇيمەن، ‹‹ئىزدىنىش››، ‹‹ئابرال شاماللىرى››، ‹‹ئانا يۇرت›› ناملىق ئۆلمەس، ئۇيغۇر ھازىرقى زامان پروزىچىلىقىنىڭ بۈيۈك چوقىلىرىدىن ئۇرۇن ئالغان بۇ كىتابلارنى قانچە رەت ئۇقۇساممۇ يەنە ئۇقۇغۇم كېلىپلا تۇرىدۇ. مەن ھەر قېتىم ئۇنىڭ سىياھ بىلەن ئەمەس، تەر-مېھنىتى بىلەن يېزىلغان ‹‹قەرزدار›› ناملىق ھېكايىلەر توپلىمىنى، ‹‹گۈلەمخان›› ماۋزۇسىدىكى پوۋېسىتلار توپلىمىنى يېزىق ئۈستىلىمدە كۆرگىنىمدە، قەلىب تۆرىمدىكى ھايات ئۇستاز ___ زوردۇن سابىرنىڭ تالماس قوللىرىغا ئاپرېن ئوقۇيمەن. ئۇنىڭغا مەنلا ئەمەس، بەلكى ھەممىمىز ئاپرېن ئوقۇشقا تېگىشلىك.
     مەن يېزىق ئۈستىلىمدە ئۇنىڭ كىشىگە ئېستىتىك زوق بېرەلەيدىغان، كىشىنى چوڭقۇر مۇلاھىزىگە سالالايدىغان ھەر بىر ئەسەرلىرىنى تەتقىق ئوبىيكتى قىلىمەن ۋە ئۆزۈم يازماقچى بولغان ئەسەرلىرىمگە ئۈلگە قىلىمەن.
     مەن قەلىب تۆرىمدىكى ھايات ئۇستاز ___ زوردۇن سابىرنىڭ ئاتىسىغا بولغان ھۆرمىتىنىڭ ناھايىتى چوڭقۇرلىقىغا ھەقىقەتەن قايىلمەن، توغرا، ھەر قانداق ئادەم ئاتىسىنى ھۆرمەتلەيدۇ، لېكىن قەلىب تۆرىمدىكى ھايات ئۇستاز ___ زوردۇن سابىر ، ئۇيغۇر ھازىرقى زامان ئەدەبىياتچىلىقىدىكى بوشلۇق __ ‹‹ئاتا›› توغرىسىدىكى پروزىچىلىقنى تولدۇردى ۋە گۈللەندۈردى. بىز ئۇنىڭ ‹‹ئاتا›› ناملىق رومانىدىن ، يەنە ئۇنىڭ ‹‹ئىزدىنىش›› ناملىق رومانىدىكى ‹‹ئەلا›› نىڭ بالىلىق سەرگۈزەشتىسىدىن بۇنى كۆرىۋالالايمىز.
      قەلىب تۆرىمدىكى ھايات ئۇستاز ___ زوردۇن سابىر مەڭگۈ ھايات!




     دوستلار،‹‹ قەلىب تۆرىمدىكى ھايات ئۇستاز ___ زوردۇن سابىر›› تېمىسىدا ھەممىمىز ئۆز پىكىرلىرىمىزنى ئوتتىرىغا قويساق ، دېگەن ئۈمىدىم بار .
         

تولۇقلىما مەزمۇن (2013-7-24 15:16):
‹‹كەچ كۈز›› ناملىق پوۋېسىتنى يوللاپ قويدۇم، پايدىلانغايسىلەر!

bughra68

پەۋقۇلئاددە شارائىتتا پەۋقۇلئاددە ئەسەرنى يازغان كىشى .

ilhami

دېمسىمۇ يۇقرىدىكى  ئىنكاسقا  ئوخشاش    پەۋقۇلئاددە شارائىتتا پەۋقۇلئاددە ئەسەرنى يازغان كىشى   بولۇپمۇ  جوڭگو  كومنىستىك  ئۇلۇغ  پارتىيىسنىڭ  50 يىللىق  خاتىرە   ۋاقىتلىرىدا  ‹‹ئانا يۇرت›› دىن ئىبارەت  بۇ  ئاز  ئۇچىرايدىغان  ساز  تارىخنامىدىن  بىرنى  كىيىنكى ئەۋلاتلارغا  يېزىپ  قالدۇرۇپ  جىممىدىلا  كۆز يۇمدى   ئەمما ئۇ  قەلبىمىزدە  ھايات

مالىك

ئانا يۇرت رومانىنى 10 يىلنىڭ ئالدىدا ئالىي مەكتەپ ئوقۇۋاتقان ۋاقتىمىزدا ئوقۇغانىتم ،كىيىن بىر نەچچە قىتىم قايتىلاپ ئوقۇپ چىقتىم بۇ ئۇستازغا بەكلا قايىلمەن ۋە ئنتايىن ھۆرمەتلەيمەن ،بىر ئاينىڭ ئالدىدا ئانا يۇرت روماننى ئىلىپ ساقلاپ قۇيۇش مەقىستىدە كىتابخانىغا بىرىپ كۆرسەم خىلىلا ئۆزگەرتىش كىرگۇزگەندەك تۇرىدۇ ،بەت سانىمۇ خىلىلا ئازىيىپ كتىپتۇ ،كىتاپخانىدىكى ئايالدىن سورىىسام كىتاپلار بىرلا نەشىرياتتىن چىققاندىن كىيىن شۇنداق ئۆزگەرتىش كىرگۇزىدىكەن ،شۇنداق پۇشايمان قىلىپ كەتتىم نىمىشقمۇ دەسلەپ چىققاندا ئىلۋالمىغان بولغۇيتۇم بىر كۆينەكنى ئاز كىيگەن بولسام كىلەتتى ،نىمە ئۇچۇن مۇشۇنداق تارىخي رومانلاغا شۇنداق چاقچاق قىلىپ خالىغانچە ئۆزگەرتىدىغاندۇ ؟ئىز رومانىمۇ شۇنداق بوپتۇ ! بەك ئەپسۇسلاندىم !!!!شۇنىڭ بىلەن ياسىنجان سدىق چوغلان ئەپەندىنىڭ ‹باھادىرنامە ›6-قىمىسلىق رومانىدىن بىر يەشىك قاپتىكەن كىتاپ ساتىدىغان ئايال بۇ كىتاپتىن پەقەت بىر يەشىكلا قالدى ئەگەر ئىلۋالمىسىىڭىز يەنە قايتا نەشىرياتتن چىقسا ئۆزگۇرۇپ كىتىدۇ دەيدۇ شۇنىڭ بىلەن ئىلۋالدىم ئاللاھنىڭ شۇ بىر يەشىك كىتاپنى ماڭا بۇيرۇغانلقىدىن چەكسىز سۆيۇندۇم !كىچىك ۋاقىتلىرىمزىدە مۇھەببەت ھىكايىسنى كۆپ ئوقۇپ تارىخي رومانلارنى ئاز ئوقويدىكەنمىز بەلىكىم بۇمۇ شۇ ۋاقتىمزىكى ھىسياتقا مۇناسىۋەتلىك بولۇشى مۇمكىن دەپ ئويلاپ قالدىم ئەمدى ياش 30دىن ئاشقاندا تارىخى رومانلارنى سوراپ ئىزدەپ تۇرۇپ ئوقويدىغان بولدۇم ،ئەڭ ئەپسۇسلىنارلىقى جالالىدىن بەھرامنىڭ لىيغان بولاق ناملىق روماننى ھىچ يەردىن تاپالماي ئاۋارىمەن ! بىلىدىغانلار ماڭا دەپ بەرسەڭلار شۇ روماننى  ئۇرۇمچنىڭ قايسى كىتاپخانىلىرىدا ساتىدۇ ؟ بىزنىڭ بۇ يەردە پەقەت تاپقىلى بولمىدى !
زوردۇن سابىر  تاغىمىز ھازىر ھايات بولغان بولسا يەنە قانداق ياخشى كىتاپلار بارلىققا كەلگەن بولاتتى ھە !بۇ تاغىمىزنى ئەپسۇسلنارلىق ،قايغۇلۇق ئىچىدە ئەسلەيمىز !

جېلىليۈزى

شۇنداق ،ئاشۇ بىر قىسىم كىشىلەرنى پەقەت ئەسلەپ ،ياد ئېتىپ تۇرىمىز! سىز دانىش تور كىتاپخانىسىغا كىرىپ ئىزدەپ بېقىڭ.
danish.taobao.com

abm165

        پەۋقۇلئاددە  شارائىتتا  ئەقلىنى يوقاتمىغان  ئۇلۇغ يازغۇچى  . ھاياتىنى  كەسىپكە بېغىشلىيالىغان  ۋىژدانلق  يازغۇچى ،  ئوزىنىڭ ئاجايىپ   ئىستىپداتى بىلەن  تەبىئەتنىمۇ تەسىرلەندۇرەلىگەن  تەبىئى يازغۇچى ، ھاياتنىڭ قەدرىگە يەتكەن ، خەلقىم دىگەننىڭ چىن مەنىسىنى چۇشەنگەن  چىن يازغۇچى ، جاپا-مۇشەققەتلىك ھاياتىدا ، تۇرلۇك مەئىشەتلەر ئالدىدا قەتئى ئازمىغان  ئەڭ پاك يازغۇچى .  ياراتقان ھالال ئەمگەكلىرىنى ئوز خەلقى نەچچە مىڭ يىلغىچە  دەسمايە قىلسا يىتىدىغان  مول ھوسۇللۇق يازغۇچى . ........خۇداغىمۇ ،خەل؛قىگىمۇ ، ئوزىگىمۇ يۇز كىلەلەيدىغان  پەرىشتە سۇپەت  ئەۋلىيا  يازغۇچى ، خەلق قانچە  تەرىپلىسىمۇ  ئازلق قىلىدىغان  ھورمەتكە سازاۋەر  ئالىم يازغۇچى .،  

ئۇتغۇر ھەقىي سالاھىيەتلىك ئەزا

قەلىب تۆرىمدىكى ھايات ئۇستاز ___ زوردۇن سابىرنىڭ تارىخىغا مۇناسىۋەتلىك ماتېرياللار بولسا ئېيتىپ بېرىڭلار.

anatil8

مۇشۇ يىل قىش ئانا يۇرت رومانىنى بىر يېرىم ئاي ئىچىدە بېسىپ ئوقۇپ ئاخىرى تۈگەتتىم...بۇ ھاياتىمدا مەن ئوقۇشقا مۇيەسسەر بولالىغان ئەڭ نادىر كىتاپ،ماڭا ئەڭ تەسىر قىلغان كىتاپ يەنىلا ئانا يۇرت رومانى بۇلۇپ قالدى،،كىتاپنى ئوقۇۋېتىپ مىللەت ئۈچۈن شۇنچە ھەق سۆزلىگەن بۇ ئاۋانگارت يازغۇچىمىزنىڭ مۇبارەك قوللىرىغا سۆيگۈم كەپ كەتتى،،،مەن زوردۇن سابىر ئاكىنى ھەرۋاقىت ئىسىمدىن چىقىرىپ قويمىدىم،،ئۇنىڭ ھەقىقەت ئەكىس ئىتىپ تۇرغان ھەر بىر سۆزلىرى قۇلاق تۈۋىمدە جاراڭلىماقتا..






قولۇمدا تىنچ دوندەك ئۇلۇغ ئەسەر ئانا يۇرت تۇرۇپتۇ.
تەسەۋۋۇرۇمدا دون دەرياسى بىلەن ئىلى دەرياسى تەڭ شاۋقۇنلاپ ئاقماقتا.
مۇختەر باي بىلەن ئاكسىنىيە خۇپىيانە كۆز قىسىشماقتا.
نۇرى زىياۋۇدۇن بىلەن گىرىگورى ئورۇش ئوتى ئىچىدىن ھەققانىيەت ئىزدىمەكتە.
زوردىن سابىر بىلەن مىخائىل شولوخوف مەردانىلەرچە قول ئېلىشماقتا..

مەن يەنە 3توملۇق ئانا يۇرت رومانىنى ئوقۇش جەريانىدا ئانا تىلىمدىن يەنە بىر قېتىم چەكسىز ئىپتىخارلاندىم..شۇنداق بىر بىلىمنى ئوقۇپ كاللامغا سىڭدۈرۈشكە ئىمكانىيەت يارىتىپ بەرگەن شۇ سۈيۈملۈك ئانا تىلىمدىن چەكسىز پەخىرلەنمەكتىمەن..

yawuzbag

http://www.56.com/u14/v_NTc0NDQx ... id=NTc0NDQxMTU&
ماۋۇ فىلىمنى كۈرۈپ باقايلى.

yawuzbag

http://www.56.com/u14/v_NTc0NDQx ... id=NTc0NDQxMTU&
ماۋۇ فىلىمنى كۈرۈپ باقايلى.