ھەر كۈنلۈك رامىزان ۋاقتى ئەلكۈيى تورىدا ئېلان قىلىنىدۇ

news

	ئەلكۈيى تورىنىڭ چىللە 9-كۈنى رامىزاننىڭ 1-كۈنىدىكى رامىزانلىق ۋاقىت خەۋىرى :7 -ئاينىڭ 9-كۈنى (يەنى بۈگۈن كېچە)دىن باشلاپ پۈتۈن دۇنيا مۇسۇلمانلىرىنىڭ رامىزان كۈنى باشلاندى، بۇ مۇناسىۋەت بىلەن ئەلكۈيى تورى بۈگۈندىن باشلاپ شىنجاڭ ئۇيغۇر ئاپتونۇم رايونى تەۋەسىدىكى مۇسۇلمان قېرىنداشلارنى كۆزدە تۇتۇپ، دىيارىمىزدىكى ھەرقايسى ناھىيە-شەھەرلىرىنىڭ ھەر كۈنلۈك زوھۇرلۇق ۋاقتى ۋە ئىپتارلىق ۋاقتىنى ئەلكۈيى تورى باش بەت ئەڭ ئۈستى تەرەپتە ھەركۈنى يېڭىلىنىدىغان قىلىپ ئۆزگەرتىپ ئېلان قىلدى.ئەلكۈيى تورىغا كىرگەن ھامان كۆزگە كۆرۈنۈپ تۇرىدۇ.ھەر كۈنلۈك ۋاقىتلارنى ئۆزىڭىز تۇرغان ناھىيە -شەھەرنى تاللاپ زوھۇرلۇق ۋە ئىپتارلىق ۋاقىتلارنى بىلىۋالسىڭىز،دوست-بۇرادەر،يېقىن -يورۇقلىرىڭىزغا تەۋسىيە قىلسىڭىز بۇلىدۇ.كەڭ تورداشلارنىڭ ۋاقىپ بولىشىنى،ھەر كۈنلۈك زوھۇرلۇق ۋە ئىپتارلىق ۋاقتىنى ئەلكۈيى تورىدىن ۋاقتىدا كۆرۈپ تۇرىشىنى چىن دىلىمىزدىن ئۈمىد قىلىمىز!بىر قانچە يىللاردىن بويان تورىمىز دىيارىمىزدىكى موسۇلمان تورداشلارغا قولايلىق يارىتىش ئۈچۈن ھەر يىللىق كالىندارنى ۋاقتىدا ئېلان قىلىپ تۇرىۋاتىدۇ.بارلىق موسۇلمانلارغا رامىزانلىق سالام يوللايمىز! ئەلكۈيى تورى شۇنى تورداشلارغا تەۋسىيە قىلىدۇكى: 1. ئەلكۈيى تورى تەمىنلىگەن بۇ ۋاقىت جەدۋىلى جۇڭگو پەنلەر ئاكادېمىيەسى دۆلەت ۋاقىت مەركىزى تەمىنلىگەن ۋاقىت ئاساسىدا تۈزۈلۈپ، مىنۇتقىچە ئېنىقلىقتا پۈتۈنلەپ ئېلىندى ھەم پايدىلىنىشقا قۇلايلىق بولۇشى ئۈچۈن ئۈرۈمچى ۋاقتى قوللىنىلدى ۋە چۈشتىن بۇرۇن، چۈشتىن كېيىن قىلىپ ھېسابلاندى. 2. سەھەر-كەچتە ئاسماننىڭ يورۇق-قاراڭغۇلۇقىنى كۆزەتكەندە، شەھەرلەردە سۈنئىي يورۇتۇشتىن كېلىپ چىققان نۇرنىڭ بۇلغىشى، كەچ كىرگەندە ئاۋات رەستە ۋە مەيدانلاردىكى يورۇتۇلغان ئېلان تاختىلىرى، نېئونلۇق لامپىلار شەھەرنىڭ كېچە ئاسمىنىنى كۈندۈزدەك يورۇتۇۋېتىدۇ، مانا بۇلار شەھەر ئاسمىنىنىڭ يورۇق-قاراڭغۇلۇق سېلىشتۇرما دەرىجىسىگە بەلگىلىك دەرىجىدە تەسىر كۆرسىتىپ، سەھەردە تاڭ بالدۇر يورۇپ كەتكەندەك، كەچتە تېخى قاراڭغۇ چۈشمىگەندەك، كۈن تېخى بالدۇردەك خاتا تۇيغۇ بېرىدۇ. ئەتىگەنلىك زوھۇرنىڭ دۇئاسى: نىيەت قىلدىم اللە نىڭ رىزاسى ئۈچۈن ئىخلاسىم بىلەن رامىزان ئېيىنىڭ روزىسىنى تۇتماققا. سۇبىھى تاڭدىن تا قۇياش پاتقۇچە. ئامىن! كېچە زوھورلۇق دۇئاسى-نەۋەيتۇ ئەن ئەسوۋمە سەۋمەفى شەھرى رامزان مىنەل فەجرى ئىلەل مەغرىبى خالىسەن لىللاھۇ تەئەلا ئاللاھۇ ئەكىبەر. ئىپتار دۇئاسى-ئاللاھۈممە لەكە سونتۇ ۋەبىكە ئامانتۇ،ۋەئەلەيكە تەۋەككەلتۇ ۋەئەلا رىسقىكە ئىپتارتۇ. ئەتىگەنلىك زوھۇرنىڭ دۇئاسى: نىيەت قىلدىم اللە نىڭ رىزاسى ئۈچۈن ئىخلاسىم بىلەن رامىزان ئېيىنىڭ روزىسىنى تۇتماققا. سۇبىھى تاڭدىن تا قۇياش پاتقۇچە. ئامىن! كەچلىك ئىفتارنىڭ دۇئاسى ئېھ، اللە شۇ بۇ روزامنى ئۆزلىرىنىڭ رىزالىرى ئۈچۈن تۇتتۇم، ئۆزلىرىگە ئىمان كەلتۇردۈم، ئۆزلىرىگە تەۋەككۇل قىلدىم ۋە ئۆزلىرىنىڭ رىزقىلىرى بىلەن ئاغزىمنى ئاچىمەن. ئېھ، گۇناھلارنى ئەپو قىلغۇچى اللە ئەمدى مېنىڭ بۇرۇنقى ۋە كېيىنكى گۇناھلىرىمنى كەچۈرگىن. (بارلىق تورداشلارنىڭ ئەرەبچىسىنى ئۆگىنىۋېلىشنى تەۋسىيە قىلىمىز) ئۈرۈمچىنىڭ 2013-يىل رامىزانلىق ۋاقىت جەدۋىلى رامىزاننىڭ 1-كۈنى ئورنى: بەيتۇلمەئمۇر جامەسى، كوردىناتى: شەرقىي ئۇزۇنلۇق °87.6119، شىمالىي كەڭلىك °43.7748 قىبلە يۆنىلىشى: سائەت ئىستىرىلكىسى يۆنىلىشىدە °256.23 غۇلجىنىڭ 2013-يىل رەمازانلىق ۋاقىت جەدۋىلى ئورنى: بەيتۇللاھ مەسچىتى، كوردىناتى: شەرقىي ئۇزۇنلۇق °81.3198، شىمالىي كەڭلىك °43.9114 قىبلە يۆنىلىشى: سائەت ئىستىرىلكىسى يۆنىلىشىدە °250.33 تۇرپاننىڭ 2013-يىل رەمازانلىق ۋاقىت جەدۋىلى چۆچەكنىڭ 2013-يىل رەمازانلىق ۋاقىت جەدۋىلى ئورنى: مەدەنىيەت مەيدانى، كوردىناتى: شەرقىي ئۇزۇنلۇق °82.9742، شىمالىي كەڭلىك °46.7450 قىبلە يۆنىلىشى: سائەت ئىستىرىلكىسى يۆنىلىشىدە °249.00 يەكەننىڭ 2013-يىل رەمازانلىق ۋاقىت جەدۋىلى ئورنى: ئالتۇن مەسچىتى، كوردىناتى: شەرقىي ئۇزۇنلۇق°77.2544، شىمالىي كەڭلىك°38.4158 قىبلە يۆنىلىشى: سائەت ئىستىرىلكىسى يۆنىلىشىدە °252.99 شايارنىڭ 2013-يىل رەمازانلىق ۋاقىت جەدۋىلى ئورنى: جەلق يولى بىلەن تېرەك كوچىسىنىڭ كېسىشكەن يېرى، كوردىناتى: شەرقىي ئۇزۇنلۇق °82.7778، شىمالىي كەڭلىك °41.2232 قىبلە يۆنىلىشى: سائەت ئىستىرىلكىسى يۆنىلىشىدە °254.26 چاقىلىقنىڭ 2013-يىل رەمازانلىق ۋاقىت جەدۋىلى ئورنى: خەلق مەيدانى، كوردىناتى: شەرقىي ئۇزۇنلۇق °88.1645، شىمالىي كەڭلىك °39.0220 قىبلە يۆنىلىشى: سائەت ئىستىرىلكىسى يۆنىلىشىدە °261.35 خوتەننىڭ 2013-يىل رەمازانلىق ۋاقىت جەدۋىلى ئورنى: ئىتتىپاقلىق مەيدانى، كوردىناتى: شەرقىي ئۇزۇنلۇق °79.9209، شىمالىي كەڭلىك °37.1117 قىبلە يۆنىلىشى: سائەت ئىستىرىلكىسى يۆنىلىشىدە °256.25 قەشقەرنىڭ 2013-يىل رەمازانلىق ۋاقىت جەدۋىلى ئورنى: ھېيتگاھ جامەسى، كوردىناتى: شەرقىي ئۇزۇنلۇق °75.9836، شىمالىي كەڭلىك °39.4721 قىبلە يۆنىلىشى: سائەت ئىستىرىلكىسى يۆنىلىشىدە °250.38 باشقا ۋىلايەت ناھىيەلەرنىڭ ۋاقىت جەدىۋىلى قوشۇلىۋاتىدۇ...

xundakmu

	ئەلكۈيى تورىغا ھەشقاللا!!! ئاللا رەخمەت قىلسۇن !!!!

handiyar

	لىكىن 3.30  دا   ناماز  ۋاقتى   بۇلدۇ    زوھۇرلۇق   4.30  دا  توختايدۇ  دەپتۇ   بۇ  قانداق  بولغىنىدۇ

qutluq

	رامىزاننى 10 - چىسىلا چارشەنبە باشلاش توغرا.

qutluq

	ئاۋۇ يېزىلغان سوھۇرلۇق نىيىتى ۋە ئىپتار دۇئاسىنىڭ شەرىئەتتە ئورنى يوق. شۇڭا، بىدئەتتىن خالى بولۇش ئۈچۈن نىيەتنى كۆڭۈلدىلا قىلىش، دۇئانى ئىپتار ۋاقتىغىلا توغرىلىۋالماي رامىزاننىڭ ھەرقانداق ۋاقتىدا خالىغانچە دۇئا قىلىش يوللۇق.

jahanbiwapa

	بۇ بىر چوڭ ياخشى ئىش بوپتۇ.ئاللاھ رەھمەت قىلسۇن! قېرىنداشلار، ئۇششاق ئىشلاردا ئىختىلاپ قىلىشمايلى!بۈگۈن 1-كۈنى مەن تولىمۇ خۇشالمەن.ئاللاھ ھەممىمىزنى ئۆزىنىڭ يولىدا تەۋرەنمەيدىغان قىلسۇن!

گۈلبەرگى

	ئەتىگەن بىر دوستۇم بۈگۈن ئاي چىقماپتۇ ، شۇڭا پەتىۋا كومىتىتىدىكىلەر 10-چىسىلا يەنى  ئەتىدىن باشلاپ روزا تۇرۇش لازىم دەپ پەتىۋا چىقىرىپتۇ دەيدۇ ،مۇشۇ ھەقتە بىر نەرسە  دىسەڭلارچۇ؟

ئەپسانە

	(ئى مۇھەممەد!) سەندىن يېڭى چىققان ئاي (يەنى ئاينىڭ كىچىك چىقىپ چوڭىيىدىغانلىقى، ئاندىن كىچىكلەيدىغانلىقى) توغرۇلۇق سورىشىدۇ، (ئۇلارغا) ئېيتقىنكى، «ئۇ كىشىلەرنىڭ (تىرىكچىلىك، سودا - سېتىق، مۇئامىلە، روزا تۇتۇش، ئېغىز ئېچىش قاتارلىق) ئىشلارنىڭ ۋە ھەجنىڭ ۋاقىتلىرىنى ھېسابلىشى ئۈچۈندۇر». ......(189) كورلىنىڭ دەموللىلىرىدىن ئاخشامدىن كۈزىتىش ، خەۋەر ئېلىش ئىشلىرى بىلەن ، ئاخشام يەرشارى بۇيىچە ھېچ بىر يەردە ئاي كۆرمىگەنلىكى ، ھەتتا ھەرەمدىمۇ ئاي كۆرۈنمىگەنلىكتىن ئاخشام تەراۋىھ ئوقۇماي قايتقانلىقىنى بايقاشقاندىن كىيىن ، ئۇلار ئاخشامدىن قوپماي ، ئەتىگەندىن روزىدارلارنىڭ ئاغزىنى ئېچىۋېتىشىنى تەلەپ قىلىشىپتۇ . شەرىئەت بۇيىچە روزىنى ئايغا قاراپ تۇتۇشتا بولىدىغان مۇسۇلمانلار بىردەك بۈگۈنكى روزىنى ئەمەلدىن قالدۇرۇشتى . ئەلۋەتتە ، بۇنىڭ ئىچىدە مەنمۇ بار ! رەسۇللاھ بىرىنچى ئاينى كۆرۈپ زوھۇرلۇق يەڭلار ، ئاخىرقى ئاينى كۆرۈپ روزىدىن چىقىڭلار دېگەن . ئىسلامدا مىكى - مىكى ئېتىقاد ، ئەمەل - ئىبادەت بولمايدۇ . شۇڭا ، ھەر قانداق بىر ئىقلىمدا  ( يەنى ئوبلاست دەرىجىلىك ئورۇندا ) شۇ يۇرتتىكى كىشىلەر ئارىسىدىن كۈن ئوچۇق بولسا بىر ئادەم ، كۈن تۇتۇق بولسا ئۈچ ئادەمنىڭ ئاينى كۆرىشى بىلەن روزا تۇتۇش باشلىنىدۇ . مەككە بىزدىن ئۈچ سائەتتىن ئارتۇقراق ۋاقىت كىيىن دەۋىرلىنىدىغان بولغاچقا ، ئۇ يەردە چىقمىغان ئاي بىزدىمۇ چىقمىدى دېگەن گەپ بولىدۇ . شۇڭا بارلىق روزىدارلارنىڭ بۈگۈنكى روزىسى شەرىئەت نوقتىسىدىن ئېلىپ ئېيتقاندا گۇناھ ئىبادەت بولۇپ قالىدۇ . ئەمما ، ئىلگىرىدىن ھەر ھەپتىدە ياكى ئايدا نەپلە روزا تۇتۇشتا ئادەتلەنگەنكى بۈگۈنكى كۈنگە شۇنىڭدەك نەپلە روزىسى توغرا كېلىپ قالسا ، ئۇلارنىڭ روزىسى نەپلا روزا بولىۋېرىدۇ . ئەمما ، ئادەتلەنمىگەنلەر بولسا روزىسى ئىناۋەتسىز بولۇپ قالىدۇ . ئاللاھ تائالا ھەممىمىزنىڭ ئۆزىنىڭ ئىبادىتىدە مۇنتىزىم تۇرۇشتىكى ئېتىقادىمىزنى مۇستەھكەم قىلسۇن !

ئەپسانە

	qutluq يوللىغان ۋاقتى  2013-7-9 03:44 ئاۋۇ يېزىلغان سوھۇرلۇق نىيىتى ۋە ئىپتار دۇئاسىنىڭ شەر ... نىيەت قەلىبتە بولىدۇ . ئەمما ، نىيەتنىڭمۇ چوقۇم مۇقۇم ، توغرا بولغان يۆلۈنۈش قورغانى تۈزۈلىشى بولىشى كېرەك . تېمىدا نىيىتى ۋە قايسى خىل رەۋىشتە دۇئاسى بولىدىغانلىقىنى ئېيتىپتۇ . ئەمدىكى گەپ ، نىيەتتە ۋە دۇئادا قانداق بولماقلىقتىكى ھالەتتە بولماق ھەر بىرىمىزدە قالدى . نىيەتنىمۇ توغرا يۆلۈنۈشتە ئېلىپ مېڭىش لازىمدۇر . سىزمۇ چوقۇم نىيەت قىلىسىز . چوقۇم سىز نىيىتىڭىزنىڭ قورغانىنى تىلدا ياكى يېزىقتا مۇقۇملاپ باقتىڭىزمۇ ؟ كىشى نىيەت قىلغاندا قەلىبتە چوقۇم مەلۇم ئۈمىدنى تۇرغۇزىدۇ . ئەنە شۇ ئۈمىدنىڭ ماھىيىتىنى ئېنىقلاشتا چوقۇمكى تىلى ، يېزىقى بولىدۇ . تىلى ۋە يېزىقى قەلبىگە ئورنۇشۇپ كەتكەنلەر ، كىيىندىكىلەرنىڭ ئۆزلىرىگە يېتىشىۋېلىشى ئۈچۈن  ، ئۆزلىرىدەك بولۇش ئۈچۈن ، ئۆزلىرى ئىلگىرى بېسىپ ئۆتكەن مۇساپىلىرىنى بېسىۋېلىشىنى توغرا تاپمىقى زۆرۈردۇر .

wahabi

	ئەپسانە يوللىغان ۋاقتى  2013-7-9 11:08 (ئى مۇھەممەد!) سەندىن يېڭى چىققان ئاي (يەنى ئاينىڭ كىچىك ... ھەي بۇ ئىش قانداق بوپكەتتى ئەمدى چۈشىنەلمەيلا قالدىمغۇ مەن ، ئۇنداقتا بىز نىمىگە قاراپ  روزا تۇتتۇق ؟ كۆڭىلگە شەك چۈشۈپ قالدا  ئەمدى ، تېخىمۇ تەپسىلى جاۋاپ بەرسەڭلار ، بىكار روزىنى بۇزىۋىتىپ گۇناھكار بۇلۇپ قالمايلى ، شەئبان ئېينى قايسىڭلار سانىغان؟ مەيلى نىمىلا بولسۇن مەن ئاران تۇتقان روزىنى بۇزغۇم يوق