تۇرسۇنجان زۇنۇن ھەققىدە ئەلكۈيى تورىدا زىيارەت

kvyqi

مەن بۇ ئاكامنى بۇرۇن گۇمىگەينىڭ ئېلانىغا چىققاندىن باشلاپ تۇنىغان، بىراق مۇشۇ خېيمەننىڭ ئاۋازنى بەرگەندە باشقا ئەجرىنى بىلمەيدىكەنمەن، ئەگەر سىلەردە ئۇ رول ئالغان ياكى ئۇتۇقلۇق بولغان ئەمەلىي نەتىيجىلىرى بولسا يوللاپ قۇيساڭلار، بۇ ئاكىمىزغا بولغان چۈشەنچىمىز تېخخمۇ ئاشسا دەيمەن !

bargiya

مۇبارەك بولسۇن!
تۇرسۇنجان زۇنۇن ئاكىمىز رول ئالغان نۇرغۇن كىنولارنى كۆرۈپتىكەنمەن. ئۆزى رول ئالغان كىنولاردا ئۆز ئاۋازى بىلەن تېخىمۇ بەك ماسلىشىدۇ. كىچىك ۋاقىتلىرىمىزدا بەك ياخشى كۆرۈپ كۆرىدىغان خىيمەن دە ئىسكىلىت شاھ خۇددى راستىنلا ئۆزى سۆزلەۋاتقاندەك تۇيۇلاتتى ماڭا.
مىللىتىمىزنىڭ سەنئەت ئىشلىرىدىكى تەرەققىياتىغا چوڭ تۆھپىلەرنى قاتقان تۇرسۇنجان زۇنۇن ئاكىمىزدەك كىشىلەرنىڭ ئىلمىي ئەمگەكلىرىنى يورۇتۇش ۋە ئەجرى ئۈچۈن گۈل تۇتۇش ۋەجىدىن مۇشۇنداق پائالىيەتلەرنىڭ ئۆتكۈزۈلۈپ تۇرۇشى بەكمۇ ياخشى ئىش. ئائىلىسى بىلەنمۇ تۇنۇشۇپ چىقىپ تېخىمۇ مۇھەببەتلىك ھىسلارغا چۆمدۈم.ئاللاھىم ئائىلىدىكىلىرىگە ساقلىق  ۋە بەخىت ئاتا قىلسۇن!
نەق مەيداننى سۈزۈك نۇسخىسى بىلەن بىزگە سۇنۇپ بىزنى بەھىرلەندۈرگەن ئەلكۈيى شېركىتىگە تەشەككۈرلەر بولسۇن!

shamall

    ئىسكىلىت شاھنىڭ ئاۋازىدىنلا ئۇنىڭ نەقەدەر كەسىپكە  پىشقان  ئۇستاز ئىكەنلىكىنى  بىلۋالغىلى بولىدۇ ، ئەل سۆيگەن  بۇ ئۇستازىمىزغا ئۇزۇن ئۈمۈر ھەم سالامەتلىك تىلەيمەن . بىزنى بۇ پائاليەت بىلەن تۇنۇشتۇرغان ئۈمۈدۋار ئەپەندىمگىمۇ كۆپ تەشەككۈرلەر بولسۇن !

مۇبارەك

مەن تۇرسۇنجان مۇئەللىمنىڭ نازىگۈلنىڭ دادىسى ئىكەنلىكىنى بۇرۇنلا بىلەتتىم، بىراق نازىگۈلنىڭ ئاپىسىنى ئاپرىل سەمەتمىكىن دەپ قاپتىكەنمەن، كېيىنرەك ئەمەسلىكىنى بىلدىم. ئايىمنىسا ئاپپاي ياشلىقىدا تېخىمۇ گۈزەل قىز بولسا كېرەك، شۇ گۈزەللىكىنى تېخىچە يوقاتماپتۇ.

كۆپچىلىككە ئوخشاش مەنمۇ ئىسكىلىتشاھقا ئاۋاز بەرگەنلىكى بىلە ئەڭ دەسلەپتە تۇرسۇنجان مۇئەللىمگە نىسپەتەن تونۇش پەيدا بولغان دېسەممۇ بولغۇدەك. يوقىرىدىكى سۈرەتلىك فىلىمنى كۆرۈپ ئاندىن بىرقەدەر ئەتراپلىق بولغان چۈشەنچىگە ئىگە بولدۇم. تۇرسۇنجان مۇئەللىم ئاكتىيورلۇق قىلىپتۇ، ئاۋاز بەرگۈچى بوپتۇ، دەرسخانىدا دەرس ئۆتۈپتۇ، تۈرلۈك دەرسلىك قوللانمىلىرىنى تۈزۈشكە قاتنىشىپتۇ... كۆپ قىرلىق سەنئەتكار دېسەك تامامەن بولغۇدەك. توۋۋا دەيمەن، شۇ يىللاردىمۇ خېلى نوچى دىراممىلار ئوينىلىپتىكەن. بۇ يىغىلىشنى تۇرسۇنجان مۇئەللىمنىڭ پەرزەنتلىرى تولىمۇ مەنىلىك پىلانلاپتۇ، بۇ يىغىلىشقا شۇنچىۋالا كۆپ تاراتقۇ ھەم پىشقەدەم دادا-ئاپىلىرىمىزنىڭ قاتناشقانلىقى تۇرسۇنجان مۇئەللىمگە بولغان قايىللىق ھەم ھۆرمەتنىڭ ئىپادىسىدۇر. ئوماق نەۋرىسى «ئەسسالامۇئەلەيكۇم كىچىك دوستلار...»دېگەن يېرىدە بەك كۈلىۋەتتىم.

مەن ھەرقانداق مائارىپچىنى ھۆرمەت قىلىمەن، ئەلۋەتتە بۇ يەردە دېگىنىم ھەقىقىي مەنىسى بىلەن مائارىپقا قان- تەر ئاققۇزىۋاتقانلارنى كۆزدە تۇتىدۇ، ھەرگىزمۇ لۇشۈن ئېيتقانداق «بىر ئىتنىڭ قاۋىشى بىلەن تەڭ قاۋايدىغان يېزا ئىتلىرىغا ئوخشايدىغان»كىشىلەر ئەمەس. 70ياشقا كىرىپمۇ تۇرسۇنجان مۇئەللىم شۇنداق تېمەن تۇرۇپتۇ. بۇمۇ بەلكىم روھى ساغلاملىقىنىڭ تولىمۇ ياخشى ھالەتتە بولغانلىقى، ئائىلىسىنىڭ بەخىت ئىچىدە ئىكەنلىكى، كەسپىنى سۆيگەنىكى، ئەڭ مۇھىمى ئايالى بىلەن بولغان مۇناسىۋېتىنىڭ ئىجىل-ئىناقلىقى بىلەن مۇناسىۋەتلىك بولىشىمۇ مۇمكىن. مەن تۇرسۇنجان مۇئەللىمنىڭ تېنىنىڭ مۇشۇنداق ساغلام، ئۆمرىنىڭ ئۇزۇن بولىشىنى، ئائىلىسىنىڭ تېخىمۇ بەخىتلىك بولىشىنى، سەنيادا خۇشال-خورام ئويناپ كېلىشىنى ئۈمىد قىلىمەن

قوشۇمچە: نازىگۈل كەيگەن كۆينەك نوچىكەن، مەنمۇ شۇنداقتىن تىكتۈرۈپ كىيىمەن.

almas123

ئەي ئۇستاز، توغراق يېشىدا ياشاڭ!!!

zulpehar ھەقىي سالاھىيەتلىك ئەزا

‹‹ئىسكىلىت شاھ››ئاكىمىز.

xapkat888 ھەقىي سالاھىيەتلىك ئەزا

بۇنداق پائالىيەتنىڭ ئۆتكۈزۈلشى خەلقىمىزنىڭ مەنىۋى مەدەنىيەتتە يەنىمۇ بىرقەدەم ئويغانغانلىقىنىڭ بىر ئىپادىسى دىيىشكە بولىدۇ. پىشىۋالىرىمىز بارماق بىلەن سانىغۇچىلىك بۇ مىللەتتە ئۆزئارا ئىلھام بىرىش، بىر-بىرىمىزنىڭ ھۆرمىتىنى قىلىش نەقەدەر مۇھىم ئىش ھە، بىز پەقەت بىرتال ئوتۇنغا ئوخشايمىز پەقەت نۇرغۇن ئوتۇنلارنىڭ ئۆزئارا قوشۇلۇپ كۆيۈشىدىن گۈلخان ھاسىل بولىدۇ. ياخشى تىلەك ياخشى ھەركەت ياخشى نەتىجىنى بارلىققا كەلتۈرىدۇ. مەن ئويلايمەن، تىزلا ئۆتۈپ كىتىدىغان بۇ ھاياتىمىزدا يوقاپ كىتىشتىن ئاۋال قولىمىزدا بار بولغان گۈھەرلەرنى ھەسسىلەپ قەەىرلەيلى! ئاخىرىدا مۇشۇنىڭغا ئوخشاش خەلقىمگە مەنىۋى زوق ۋە يېڭى ئۈمۇد، پەخرلىنىش ھىسياتى ئاتا قىلىدىغان پائالىيەتلەرنىڭ كۆپلەپ ئۇيۇشتۇرلىشىنى ئۈمىد قىلىمەن. 70يىللىق ئۆمرىنى ئۆزى ياقتۇرغان كەسىپكە بىغىشلاپ، تەر ئاققۇزۇش ئارقىلىق كۆپلەپ مىۋە بەرگەن تۇرسۇنجان زۇنۇنغا سالامەتلىك تىلەش بىلەن بىرگە، ئۇيغۇر كىنوچىلىقى ئۈچۈن يەنىمۇ كۈچ چىقىرىشنى، سەنئەت ئۈچۈن ئاخىرغىچە شامدەك كۆيۈشىنى ئۈمىد قىلىمەن. بارىكاللا، يارايسىز!

xapkat888 ھەقىي سالاھىيەتلىك ئەزا

ئەلكۈيى تورىنىڭ بۇ تۆھپىكار ئۇستاز،مائارىپچى،پروفېسسور،تالانتلىق سەنئەتكار تۇرسۇنجان زۇنۇن تەۋەللۇتىنىڭ 70يىللىقى،سەنئەت ھاياتىنىڭ 55يىللىقىنى تەبرىكلەش ئىلمىي مۇھاكىمە يىغىنى ئەلكۈيى تورى مەخسۇس فىلىمىنى تىزلىكتە خەلقىمىزگە سۇنغانلىقىدىن بەكمۇ سۈيۈندىم، شۇ باسقان ھەربىر قەدىمڭلاردىن گۈل ئۈنگەي، جاپا چەكتىڭلار!

buerezat

باشلانغۇچ مەكتەپنىڭ مۇزىكا دەرسىلىكىدە ئىسمىنى بەك كۆپ ئۇچىرتاتتىم،ئۇزۇن ئۆمۈر تىلەيمەن

م.زۇنۇن

قېرىسۇن بۇ يىللار
ئۇستاز تېخى ياش !     تۇرسۇنجان زۇنۇن ئاكىمىز  ھېچ بىر 70 ياشقا كىرگەندەك قىلمايدۇ