بىئولوگىيە ساھەسىدىكى يېڭى ئۇيغۇر ئالىم

gulam~ay

	ئاپىرىنلار بولغاي .قىرىندىشىم .مۇشۇنداق نادىر تىمىلارنى كۇپرەك يوللىغايسىزلە.كۇڭۈللەرمۇ ئىچىلىپ قالىدۇ.پەىىرلىك ئوغلانلىرىمىزنى كۈرۈپ،ئاڭلىساق.ئىنسانىيەتنىڭ ساغلاملىقى ئۈچۈن غايېت زور تۈھپىلەرنى قوشىۋاتقان ئوغلانلىرىمىزغا ئاللادىن مەدەتلەرتىلەيلى.يەنە شۈھرەت مۇتەللىپ(ئامىرىكىدا بىۇلوگىيە گىن تەتقىقاتچىسى)،تاشپولات روزى(ئامىرىكىدا.ئالى مەكتەپ مۇدىرى.ماتىماتىكا ئالىمى)،ئەركىن سىدىق(ئامىرىكىدا،فىزىكا ئالىمى.ئامىرىكا ئالەم بوشلىقى ئىدارىسىدە تەتقىقاتچى) لاردەك ئوغلانلىرىمىزغا ئاپىرىن.ئامان بولغايسىزلە.مىللىتىمىز سىلېردىن مەڭگۈ پەىرىلىنىدۇ.

almidinjan

	ئاۋال ئەسقەرجاننىڭ مۇۋاپىقىيىتىگە ئاپىرىن! ئىشلىرىنىڭ تېخىمۇ روناق تىپىشىغا تىلەكداشمىز. ئاندىن تېما ئىگىسىگە ئەسكەرتمەكچى بولغىنىم ئىلمىي تەتقىقات ساھەسىدە، بىرىنچى ئاپتورنى ماقالە ئېلان قىلدى دەيمىز، تەتقىقات گۇرۇپپىسىنىڭ باشلىقى ئاپتورلارنىڭ ئەڭ ئاخىرىغا تىزىلىدۇ. ئىككىنچى ۋە ئۇنىڭدىن كىيىنكى تەتقىقاتچىلار شۇ تەتقىقاتقا ياردەملەشكەن كىشىلەر بولىدۇ. قارىسام بۇ يەردە ئەسقەرجاننىڭ ئىسمى ئىككىنچى ئورۇندا ئىكەن. شۇنداق بولغانىكەن، ئۇ بۇ ماقالىنى ئېلان قىلغان كىشى ئەمەس، بەلكى شۇ تەتقىقات گۇرۇپپسىدا بىللە ھەمكارلاشقان تەتقىقاتچى ھىساپلىنىدۇ، بۇ خەلقارا ئىلمىي ساھەدە ناھايىتى ئېنىق ئۇقۇم. ئىلمىي ئىشلارغا يەنىلا ئىلمىي مۇئامىلە قىلغىنىمىز ياخشى.  ئەمما نىمىلا بولمىسۇن بۇ مۇۋاپىقىيەت ئاسان قولغا كەلگەن ئەمەس ، كۈنلەرنىڭ بىرىدە، ئەسقەرجاننىڭ بىرىنچى ئىسىمدا تىزىلىپ، تېخىمۇ نادىر تەتقىقات ماقالىسىنى ئېلان قىلىشىغا تىلەكداشمىز.

bilge

	ئۇنىڭ 2012-يىلى DNA ساھاسىدىكى تەتقىقات نەتىجىسى Nature Cell Biology ژورلىنىدا ئېلان قىلىنغان بولۇپ،ئۇ ھازىر شۆھرەت مۇتەللىپتىن كېيىن ئۇيغۇرلاردىن چىققان ئەڭ نۇپۇزلۇق بىئولوگىيە ئالىمى بولۇپ قالدى. Nature Cell Biology تەبىئەت ھۆجەيرە بىئولوگىيەسى ژورنىلى دۇنيادىكى ھۆجەيرە ساھەسى بۇيىچە ئەڭ يۇقىرى ئىمىتىيازغا ئېگە ژورنال بولۇپ، تەسىرچانلىق ئامىلى 19.488. ========================================== ئەسقەر ئاكىمىز ئازغىنە كەم 45 ياشقا كىرىپ قالغان بولسىمۇ تىرىشچانلىق بىلەن پوستدوكتۇرلۇق تەتقىقاتى قىلىۋىتىپتۇ. ئۇنىڭ بۇ تىرىشچانلىق روھى كىشىنى تولىمۇ مەمنۇن قىلىدۇ ھەم ئۇنىڭغا بۇندىن كىيىن تېخىمۇ زور نەتىجىلەر يار بولسۇن. مۇشۇنداق كىشىلىرىمىزدىن سۆيۈنۈش ئىلكىدە پەخىرلەنمەي تۇرالمايمىز. تىما ئىگىسى، سىز يۇقىرىدا مەن نەقىل ئالغان گەپلەرنى قار-قويۇقلا شۇنداق دىدىڭىزمۇ ياكى كۆپىنچە كىشىلەر بىلمەيدىغان بولغاندىكىن شۇنداق دەۋەرسەم بولىدۇ، دەپ ئويلىدىڭىزمۇ بىلمىدىم. لىكىن يۇقىرىدىكى جۈملىدىكى گەپلىرىڭىز خاتا بولۇپ قاپتۇ. ئاۋۋال ئالىم شۆھرەت مۇتەللىپنىڭ قازانغان نەتىجىلىرى بىلەن ئىككىنچى ئاپتۇرلۇقتا ئېلان قىلىنغان بىر پارچە ماقالىسى بار تەتقىقاتچىنى سېلىشتۇرغىنىڭىز مۇۋاپىق بولماپتۇ. شۆھرەت ئاكىنىڭ نەتىجىلىرىنى ۋە كىشىنىڭ تەتقىقات سەۋىيەسىنى نوقۇل ھالدا بىرەر پارچە داڭلىق ژورنالدا ماقالە ئېلان قىلىش بىلەنلا باغلىۋاپسىز. تەتقىقات نەتىجىسىنى بىرىنچى ئاپتۇر، قوشما بىرىنچى ئاپتۇر ياكى مەسئۇل (ئاخىرقى) ئاپتۇر قاتارىدا ئېلان قىلسا ئاندىن ھەقىقىي شۇ كىشىنىڭ ئېلان قىلغان ئىلمىي ئەمگىكى بولۇپ ھېسابلىنىدۇ. ئۇنىڭ ئۈستىگە، باشقىلار تەرىپىدىن شۆھرەت ئاكىدەك ئېتراپقا ئېرىشىش، ئۆز ساھەسىنى يىڭىلاش ۋە دۇنيادا ھەرقانداق ئالىم ئېغىزىنى ئېچىپ قالغۇدەك نەتىجە يارىتىش بىلەن بىر-ئىككى پارچە ياخشى ماقالە ئېلان قىلىش ئوتتۇرىسىدا زور پەرق بار. يەنە كىلىپ ئۇيغۇرلار ئىچىدە يەنە نۇرغۇن سىز بىلمەيدىغان سانى ۋە سۈپەت جەھەتتە زور نەتىجىلەرنى يارىتىپ، بىرىنچى ئاپتۇرلۇقتا 10 دىن كۆپ ئۆز ساھەسدىكى خەلىقئاراغا ئەڭ داڭلىق ژورناللاردا ماقالە ئېلان قىلغان كىشىلەرمۇ بار، بۇنىڭ بىر مىسالى دەل كانادادىكى يورك ئۇنۋىرستىتىدا يۈرەك تەتقىقاتى ساھەسىدە دوكتۇر ئاشتى تەتقىقاتى بىلەن شۇغۇللىنۋاتقان سۇبات تۇردى ئاكا. ئۇنىڭ بىرىنچى ئاپتۇرلۇقتا ئېلان قىلغان 10 دىن كۆپ ماقالىسى ۋە جەمئىي 20 دىن ئارتۇق ماقالىسى بارلىقىنى تۆۋەندىكى ئۇلىنىشتىن كۆرەلەيسىز. http://www.ncbi.nlm.nih.gov/pubmed ئۇندىن باشقا، Natur Cell Biology ئەڭ نوپۇزلۇق ھۆجەيرە بىئولوگىيە ژورنىلى ئەمەس، بەلكى Cell بولسا  32.04 تەسىر كۆرسەتكۈچى بىلەن ھەقىقي ئەڭ نوپۇزلۇق ژورنالدۇر. شۆھرەت ئاكىنىڭ ئەڭ يىڭى دۇنياۋى بۆسۈش خاراكتىرلىك ئىنسان غول ھۆجەيرىسىنى كلونلاش تەتقىقاتى نەتىجىسى بۇ ھەپتە دەل مۇشۇ  Cell دىگەن ژورنالدا ئېلان قىلىندى: http://www.cell.com/abstract/S0092-8674(13)00571-0?fb_action_ids=10151659197893134&fb_action_types=og.likes&fb_source=aggregation&fb_aggregation_id=288381481237582 ئەلۋەتتە، ئەسقەر ئاكىدەك مۇنەۋۋەر كىشىلەرنى تونۇشتۇرۇش كىرەك، لىكىن يازغان سۆزلىرىڭىزنىڭ توغرىلىقىغا كاپالەتلىك قىلسىڭىز. رەھمەت. تولۇقلىما مەزمۇن (2013-5-17 04:50): http://www.yorku.ca/gsweeney/people.html

tenharoh

	بىرخىل ھاياجانلىنىپ خۇشاللىنىپ كىتىپ بارىمەن           ئاپرىن ئۇيغۇرۇم پ

almidinjan

	چەتئەلدە دوكتۇلۇق ئوقۇش پۈتتۈرۈش ئۈچۈن چوقۇم بىر ئىلمىي ماقالىنى خەلقارالىق مەتبۇئاتتا ئېلان قىلىش لازىم، بولمىسا دوكتۇرلۇق ئۈنۋانى ئېلىش مۇمكىن ئەمەس، ئەمما بۇ كىشىنىڭ قانداق قىلىپ دوكتۇرلۇق ئۈنۋانىغا ئېرىشكىنىمۇ بىر سوراق بەلگىسى، چۈنكى ئۇنىڭ دوكتۇلۇق ئوقۇش دەۋرىدە ئېلان قىلغان ماقالىسىنى كۆرمىدىم. چەتئەلدە تىرىشىۋاتقان قىز - ئوغلانلىرىمىز نۇرغۇن، چەتئەلدە دوكتۇلۇق ئۈنۋانى ئېلىش ئۇنداق ئاددىي ئىش ئەمەس، ئېغىزدا ئېيتىش ئاسان بولغىنى بىلەن، مۇشەققىتىنى شۇ كىشى ئۆزى بىلىدۇ. يەنە كىلىپ دەرىجىسى يوقۇرى ئالىي مەكتەپلەرنىڭ ھەممىسى، بولۇپمۇ تەبىئىي پەن تەتقىقات ساھەسىدە، دوكتۇلۇق ئوقۇش جەريانىدا. بىرىنچى ئاپتورلۇق سالاھىتى بىلەن، چوقۇم بىر ماقالە ئېلان قىلىشنى تەلەپ قىلىدۇ.  «ئاتمۇ-ئىشەكمۇ، مىنىپ باقساڭ بىلىسەن» دىگەندەك، ئېلىم پەن ئالىملىرىنىمۇ ئىلمىي ماقالىسى، تەتقىقات نەتىجىسى بىلەن سېلىشتۇرۇپ، ئادىللىق بىلەن باھا بەرگەن ياخشى. بولمىسا، چەتئەلدە ئوقۇغاننىڭ ھەممىسى «نوپوزلۇق» ئالىم بولىۋەرمەيدۇ.

Imran.T

	http://www.ohsu.edu/xd/research/ ... tists/mitalipov.cfm تەرەققى قىلغان دۆلەتتە بىر تەتقىقاتنى بىر نەچچە ئادەمنىڭ ھەمكارلىشىپ ئشىلەيدىغىنى، خىزمىتى سەل كۆپ بولغىنى بىرىنچى ئاپتۇر بولدىغنى ئېىنىق. جۇڭگوغا ئوخشاش ماقالىغا ئىسمىنى قۇشۇپ قۇيۇش مەسىلىسى مەۋجۇت ئەمەس.يۇقىىردىكى ئۇلانمىغا قارسڭىز شۆھرەت مۇتەللىپنىڭمۇ بىرىنچى ئاپتۇر ئەمەسلىكىنى بىلسىز. لېكىن ئۇنىڭ تۆھپىسىنى بىز بىلىمىز. بەزى چەتئەل كۆرمىگەن قېرىنداشلىرىمىز بۇنى بىلمەي ئارتۇقچە بىلجىرلاپ قۇيۇپتۇ.Nature ژورنىلىNature Genetics , Nature Structural ، Molecular Biology, Nature Medicine , Nature Biotechnology, Nature Neuroscience, Nature Cell Biology, Nature Immunology,Nature Materials قاتارلىق 8تارماق ژورناللارنى ئۆز ئىچىگە ئالىدۇ. مۇشۇنىڭ ئىچىدە ئالدىنقى 3نىڭ ئىچىدە ئىسىمى بار يەنە قايسى ئۇيغۇرنى بىلىسىز؟؟؟ تەسىرچانلىق ئامىلى 5دىن تۆۋەن بولغانلارنىNature غا سېلشتۇرۇش مۇمكىن ئەمەس. قېرىنداشلار ئويناپ سۆزلىسەكمۇ ئويلاپ سۆزلەيلى.

almidinjan

	Imran.T يوللىغان ۋاقتى  2013-5-20 03:26 http://www.ohsu.edu/xd/research/ ... tists/mitalipov.cfm تەرەققى قىلغان دۆلەتتە  ... ئەگەر سىز چەتئەل كۆرگەن بولسىڭىز «دوكتۇر» ئالىمىمىز ئەسقەرجاننىڭ دوكتۇرلۇق مەزگىلىدە ئۆزى ئېلان قىلغان ماقالىسىنى بىر كۆرسەتمەمسىز؟! بۇ ئەڭ ئەقەللى ئۇقۇم ئەگەر بىلسىڭىز. شۆھرەت مۇتەللىپ بىرىنچى ئاپتور ئەمەس دەپسىز، نۇرغۇن ئۇيغۇر تەتقىقاتچىلىرىمىز بار چەتئەلدە، كەمتەرلىك بىلەن تەتقىقاتىنى داۋاملاشتۇرىۋاتقان. ئەگەر سىزدەك ئىككىنچى ئاپتورلۇقنى تىزىپ كەلسە، ئۇنداق قېرىنداشلىرىمىز ھەرگىزمۇ ئاز ساندا ئەمەس. ئەمما قانداقلا بولمىسۇن، ئەسقەرجاننىڭ بۇ نەتىجىسى ئاسان قولغا كەلمەيدۇ، بۇنى ئىنكار قىلغىنىمىز يوق. ئەمما شۇنىڭلىق بىلەن «نوپوزلۇق ئالىم» سانالسا، ئادەمنىڭ غىدىقىنى كەلتۈرىدىكەن. «كەمتەرلىك بىلەن ئادەم چىرايلىق» دەپتىكەن. بۇنچە جار سالغۇچە، ئەتراپىڭىزدىكى باشقا مىللىي تەتقىقاتچىلىرىڭىزغىمۇ نەزەرىڭىزنى سېلىپ كۆرۈڭ. شۇ چاغدا بىلىسىز لىق سۇ قاچىلانغان بوتۇلكىنىڭ شالاقشىمايدىغىنىنى...

bilge

	Imran.T يوللىغان ۋاقتى  2013-5-20 03:26 http://www.ohsu.edu/xd/research/ ... tists/mitalipov.cfm تەرەققى قىلغان دۆلەتتە  ... بىرنىچى ئاپتۇر ئاساسلىق تەجىرىبىلەرنى ئورۇندايدۇ ۋە ماقالىنى يىزىپ چىقىدۇ، ئاخىرقى ئاپتۇر تەجىرىبىنى باش بولۇپ لايھەلەيدۇ ۋە ماقالىنى تۈزىتىپ ماقالىنىڭ بارلىق پىكىر ۋە نەتىجىلىرىنىڭ توغرا چۈشەندرۈلۈشى ۋە خۇلاسىسىگە مەسئۇل بولىدۇ. شۇنداق بولغانىكەن، بىرنىچى ۋە ئاخىرقى ئاپتۇرلار بۇ تەتقىقات ئۈچۈن ئەڭ زور تۆھپە قوشقانلار بولۇپ ھېسابلىنىدۇ. شۆھرەت ئاكامنىڭ ئاخىرقى ئاپتۇرلۇقتا ماقالە ئېلان قىلغىنى ئەمەليەتتە دەل ئۇنىڭ ماقالە ئېلان قىلغىنى بولۇپ ھېسابلىنىدۇ ۋە ئوتتۇرىدىكى ئاپتۇرلۇقتا ماقالە ئېلان قىلىش بىلەن تۈپتىن پەرقلىنىدۇ. ئۇنىڭ ئۈستىگە، ئاخىرقى ئاپتۇر پۈتۈن تەتىقىقات لايھەسىنى تۈزۈپ چىقىپ تەتقىقات مەبلىغىنى ئىلتىماس قىلىپ باشتىن ئاخىر يىتەكچى رولىنى ئوينايدىغان بولغاچقا، ئاساسلىق تەتقىقاتچى (principle investigator, PI) دەپ ئاتىلىدۇ. ئەمەليەتتە بارلىق ئېلان قىلىنغان سانلىق مەلۇماتلار مۇتلەق ئاخرقى ئاپتۇرغا تەۋە بولۇپ، مۇشۇ تەتقىقات نەتىجىسىگە بىرىلىدىغان ئاساسلىق تۆھپە ئەمەليەتتە بىرنىچى ئاپتۇردىنمۇ بەكرەك ئاخىرقى ئاپتۇرغا بىرىلىدۇ. نۇرغۇن نوبىل مۇكاپاتىغا ئېرىشكەن  كىشىلەرمۇ ئاساسلىق ئىلمىي ئەمگەكلىرىىنى ئاخىرقى ئاپتۇر سۈپىتىدە ئېلان قىلغان. بۇ دۇنيانىڭ قەيىرىدە بولسۇن شۇنداق.

bilge

	Imran.T يوللىغان ۋاقتى  2013-5-20 03:26 http://www.ohsu.edu/xd/research/ ... tists/mitalipov.cfm تەرەققى قىلغان دۆلەتتە  ... سىز تولا ئۆزىڭىزنىڭ چەتئەل كۆرگىنىنى پەش قىلماڭ. چەتئەل كۆرمىگەنلەر، بىلجىرلىدى، دەپسىز، بۇ توردا پەقەت سىزلا چەتئەلدە ئەمەس. شۆھرەت ئاكىنى ئاخىرقى ئاپتۇرلۇقتا ماقالە ئېلان قىلدى، ئۇمۇ بىرىنچى ئاپتۇرى ئەمەس دىگىنىڭىزدىنلا سىزنىڭ چەتئەلدە تۇرۇپمۇ ئىلىم-پەن ساھەسىدە تەتقىقات ئىشلىرىنىڭ قانداق يۈرىشىدىغانلىقىنى تازا ئېنىق بىلمەيدىغانلىقىڭىز چىقىپ تۇرىدۇ. تەسىرچانلىق ئامىلى قايسى كەسىپ، قايسى ساھەدىكى تەتقىقات ئىكەنلىكىگە باغلىق، تەسىرچانلىق ئامىلى مەلۇم كەسىپلەردە نىسبەتەن يۇقىرى بەزىلىرىدە نىسبەتەن ئومۇميۈزلۈك تۆۋەن بولىدۇ. Nature Cell Biology دىمىسىمۇ Cell دىن قالسىلا بىر يۇقىرى نوپۇزغا ئىگە ھۆجەيرە بىئولوگىيە ژورنىلى ئىكەنلىكى راست، باشقا ساھەلەردە ئۆز ساھەسىدىكى ئەڭ داڭلىق ژورناللاردا بىر ئەمەس قانچە پارچە ماقالە ئېلان قىلغانلارمۇ بار. ھەم ئۇلار كەسىپداشلىرى ئارىسىدىمۇ زور ئېتراپقا ئېرىشكەن، بۇنى ماقالىنىڭ باشقىلار تەرىپىدىن نەقىل ئىلىنىش قېتىم سانى بىلەن ئۆلچەيمىز. مەن بۇ يەردە ئەسقەر ئاكىنىڭ تۆھپىسى يوق دىمەكچى ئەمەس، بەلكى ئۇنى ھۆرمەتلەيمەن ۋە ئۇنىڭ ئېرىشكەن نەتىجىسى ئۈچۈن خۇشال. پەقەت دىمەكچى، بىزدە يەنىمۇ نوپۇزلۇق ئالىملارنىڭ بارلىقىنى ھەم نوپۇزلۇق ئالىم بولۇشنىڭ بىرەر پارچە ماقالە بىلەن ئەمەس ئۆزلۈكسىز ئىجتىھات قىلىش بىلەن كۆپلەپ يۇقىرى سەۋىيەلىك ماقالىلەرنى ئېلان قىلىش بىلەن بەلگىلىنىدىغانلىقىنى سەمىڭىزگە سېلىپ قويماقچى.شۇڭا بەزى باھا سۆزلىرىنى ئېھتىياتچانلىق بىلەن ئىشلەتكىنىڭىز تۈزۈك. گىپىڭ يالغان دېسىڭىز، سىز ئامرىكىدىكى رىشات ئابباس ئاكىنىڭ ئېلان قىلغان ماقالىلىرىغا قاراپ بىقىڭ، ئۇ "دىئابىت" ژونىلىدا اماقالە ئېلان قىلغان ھەم بۇ ژورنال ئۆز ساھەسىدە ئەڭ نوپۇزلۇق ژورنالدۇر. مۇشۇنداق ئالىملىرىمىز يەنە ئاز ئەمەس. شۇنداق ئىكەن جامائەتكە بار بولغان تالانتلىق ئالىملىرىمىزنى ئەمدى يىڭىدىن باش كۆتۈرىۋاتقان بىر تەتقىقاتچىدىن تۆۋەن كۆرۈپ چۆكۈرۈشنىڭ ئورنى يوق، شۇڭا باھادا ئادىل بولۇڭ. سىزنىڭ مەنتىقىڭىزنىڭ خاتا ئىكەنلىكىگە ھازىرلا يەنە بىر مىسىال ئىلىپ بىرەي. شۆھرەت ئاكا بىلەن ئەسقەر ھېمىتنى سىلىشتۇرۇپ بىمەنىلىك قىلمايلى چۈنكى ئارىدا ئاسمان-زىمىن پەرق بار. ئاددىيغىنىسى، شۆھرەت ئاكىنىڭ قولىدا دوكتۇر ئاشتى بولۇپ ئىشلەۋاتقان ئالىمجان پولات بۇ قىتىمقى شۆھرەت ئاكامنىڭ تەجىرىبىخانىسىدىن Cell دە ئېلان قىلغان ماقالىدە ئوتتۇرىدىكى ئاپتۇرلارنىڭ بىرى. سىز يۇقىرىدا ساناپ ئۆتكەن Nature نىڭ بارلىق 8 تارمىقىنىڭ ھىچقايسىسىسىنىڭ تەسىرچانلىق ئامىلى Cell دىن ئۈستۈن تۇرمايدۇ. ئۇنداقتا، سىزنىڭ لوگىكىڭىز بويىچە ئالىمجان ئەڭ نوپۇزلۇق ئەمەسمۇ؟ ئويناپ سۆزلىسەڭمۇ ئويلاپ سۆزلە دىگەننى بىلىدىكەنسىز، لىكىن ئەمەليىتىڭىزدە كۆرسىتىشنى ئۇنتۇپ قاپسىز. سۆزلىرىڭىزدە ئەدەپلىك بولۇشنى ئۇنۇتماڭ، بۇ ئەقەللىي بىر مۇنازىرە ئەخلاقى.