تېلېۋىزىيە پروگراممىلىرى ئىشلىنىشنىڭ كەينىدىكى ئىشلار

bayram007

	ھۆرمەتلىك ئۆرۈرمەن :   بەلكىمسىزمۇ رايونىمىزدىكى ئانا تىلىمىزدا قويۇلىۋاتقان تېلېۋىزىيە پروگراممىلىرىنىڭ ئىشلىنىش جەريانىغا ئىشتىراك قىلىپ باققان بولۇشىڭىز مۇمكىن . ھەممىگە ئايانكى ، تېلېۋىزىيە پروگراممىلىرىنىڭ ، بولۇپمۇ مەخسۇس تېمىدىكى پروگراممىلارنىڭ ئىشلىنىشىدىكى ئاساسى مەقسەت - شۇ پروگرامما مەزمۇنىنى خەلىققە سۇنۇش، ئۇلارنىڭ ئىشلىگۈچىلىرى بولسا تېلېۋىزىيە ئىستانسىسىدا رەسمىي ياكى غەيرى رەسمى يوسۇندا ئىشلەۋاتقان خىزمەتچى خادىملار ، شۇ پروگراممىلاردا سۆزلىگۈچىلەر بولسا تېمىغا مۇناسىۋەتلىك كەسىپ ئىگىلىرى بولۇپ ، رېژىسسور ، رىياسەتچى ، سىن ئالغۇچى ، كومپىيوتىردا بىر تەرەپ قىلغۇچى ۋە باشقا تاماشىبىن ، ئەڭ مۇھىمى شۇ پروگراممىدىكى ئەزىز مىھمان  بولۇپ ، شۇ پروگرامما ئىشلىنىپ بولغاندىن كىيىن ، تېلېۋىزىيە ئىستانسىسىدا شۇ پروگراممىنىى ئىشلەشكە قاتناشقان خىزمەتچى خادىملار ئۆزىگە يارىشا تاپاۋەتكە ئېرىشىدۇ . ئەسلىدە بۇلار شۇ پروگراممىنى ئىشلەشكە كىتىدىغان بارلىق راسخوتنى مۇناسىۋەتلىك باشلىىقلارغا دوكلات قىلىدىغان بولۇپ ، زال ھەققى ، رىياسەتچى ھەققى ، پروگرامما ئىشلىگۈچى ھەققى ، باش نازارەتچى ھەققى ، ئەڭ مۇھىمى ئاتالمىش ‹‹ ئەزىز مىھمان ھەققى ›› قاتارلىقلارنى شۇ ھىساپقا كىرگۇزۋىتىدىغان بولۇپ ، شۇنىڭدىن ئۆزىگە تىگىشلىك ھەقنى ئالىدۇ . مىنىڭ بىلىشىمچە ، ‹‹ كوڭۈلدىكى سۆز ›› پروگراممىسنى ئىشلەش ئۈچۈن ، مەخسۇس تىمىدا پروگرامما ئىشلىگۈچى 2000 يۈەن ، رىياسەتچى 2000 يۈەن ئەتراپىدا پۇلغا ئېرىشىدۇ . بىراق ، پروگرامما ئىشلىنىپ ، پۇل تەقسىملىنىدىغان ۋاقىتتا ، شۇ پروگراممىدىكى ئەڭ يادرولۇق شەخس -- ‹‹ ئەزىز مىھمان ›› غا بىر پۇڭمۇ پۇل بىرىلمەي ، قۇرۇق رەخمەت بىلەن يولغا سېلىنىپ  ، ‹‹ ئەزىز مىھمان ھەققى ›› نى ئىچكى قىسىمدا ئۆزلىرى بىر تەرەپ قىلىشىدۇ . بۇ ھەقىقى مەنىدىكى پارىخورلۇق ، مەككارلىق بولماي نىمە ؟ بۇلار تېلۋىزورلاردا ئاقكۆۈللۈك ، راستچىللىق ....قاتارلىقلارنىڭ كىچەمۇ - كۈندۇز تەشۋىق قىلىدىيۇ ، شۇ ‹‹ ئەزىز مىھمان ھەققى ›› دىن قاتناش پۇلىنىمۇ بەرمەستىن ، ئۇلارنى يولغا سېلىپ قويۇپ ، خەقنىڭ رىسقىنى قورسىقى يېرىلغۇچە يەيدۇ .  ئويلاپ باقايلى ، شۇ ‹‹ ئەزىز مىھمان ›› لار بولمىسا ، شۇ پروگراممىلارنىڭ ئىشلىنىشى مۇمكىنمۇ ؟ شۇنداق بولغان ئىكەن ، ئالدى بىلەن ئاشۇلار بۇ پۇلدىن بەھىرلىنىشى كىرەك ئىدىغۇ ؟ ھەر يىللىق نورۇز كىچىلىكى ، قۇربان ھېيت كىچىلىكى ، روزى ھېيت كىچىلىكلىرىدە ، شۇ پروگراممىنى ئىشلەشكە قاتناشقان ئۇسسۇلچىمۇ ئۆزىگە يارىشا ھەقنى ئالىدىيۇ ، سىلەر نىمىشقا شۇ ‹‹ ئەزىز مىھمان ›› لارنىڭ ھەققىنى بەرمەيسىلەر  ؟ قاچانغىچە خەنىڭ ھەققىنى يەۋىرىسىلەر ؟ ...... سىلەرگە كىچىكىڭلاردا ئاتا- ئاناڭلار ‹‹ خقنىڭ ھەققىنى تازا يە بالام ›› دەپ نەسھەت قىلىپ چوڭ قىلغان بولغىمىتى يا ؟....سىلەر قاچانغىچە كىشىلىرىمىزنىڭ ‹‹ تېلىۋىزورغا چىقىۋېلىش ›› ئاجىزلىقىدىن پايدىلىنىۋىرىسىلەر ؟.......

tawba

	ھەر قىسما ئىشلار باردە جەميەتتە ........

sazanda

	سىزنىڭ پىكىرىڭىزدە بىر تەرەپلىمىلىك خېلىلا ئېغىر ئىكەن،مەنغۇ تېلىۋىزىيە ئىستانسىسىدا خىزمەت قىلمايمەن ئەمما بۇ تېمىڭىزغا ئۆزەمنىڭ بۇ ھەقتىكى چۈشەنچىلىرى بىلەن مۇنازىرە قىلماقچى،ھازىر سەل ئالدىراش بولۇپ توردىن چۈشىدىغان بولۇپ قالدىم،سەل تۇرۇپ سىز بىلەن بۇ ھەقتە ئىنكاستا سۆزلىشىپ باقاي.كۆزنى ئىتىۋالماسلىق ،ئەمەلىيەتكە بېقىپ سۆزلەش كىرەك،ئۇيغۇر تېلىۋىزىيە رىياسەتچىلىرى بولسۇن تېخنىك ۋە ئوپىراتور كىرىشتۈرگۈچى ئاپتورلار بولسۇن تۈزۈك مۇئاش ئالالمايدۇ.سىز بىلەن تېلىۋىزىيە ۋە رىياسەتچى شۇنداقلا فىلىم ئىشلىگۈچىلەر ھەققىدە ئاندىن كىيىن ئەزىز مېھمانلار ھەققىدە ياخشىراق بىر سۆزلىشىپ باقايلى.سىزنىڭچە ئەزىز مېھمانلار نىمىگە ئاساسەن ھەق ئېلىشى كىرەك.ئالدى بىلەن سىستىمىلىق چۈشەندۈرۈڭ.

بۇلبۇل

	بۇ بۇ تىمىدا مۇئەييەن دەرجىدىكى كەمچىلىكنىڭ بارلىقىنى بايقىدىم ... سىز ئۇنداق تېلۋىزىييە خادىملىرىنى پىراوگىرامما ئىشلىسە ئىش ھەققى ئالىدۇ دەپسىز ، بۇ ئەمىليەتكە ئۇيغۇن بۇ ئۇلارنىڭ خىزمىتى ئۇلارنىڭ تۇرمۇشى بار ... پىراگىرامما ئىشلىسە بىز شۇ ئولتۇرۇپ ھۇزۇرلىنىپ كۈرۈشنى ماختاشنى بىلىمىز ئاران ، يا ئۇلارغا بىر چىنا تاماق ئىتىپ ئەپچىقىپ بەرمەيمىز . ( مىنىڭ ئۈيۈمغۇ بەك يىراقتا ئۇلاردىن ) لىكىن ئەزىز مىھمانلارغا كەلسەك ئۇلارنىڭمۇ ئىقتىسادىي قىممەت يارتىدىغان خىزمىتى بار ... ئۇلار پەقەت شۇ پىراگىراممىغا ئاخبارات خادىملىرىنىڭ تەكلىپىگە ئاساسەن بېرىپ قاتنىشىدۇ . بۇ ئۇلارنىڭ ئىشتىن سىرىتقى تېلۋىزىيە خادىملىرىغا بولغان ماسلىشىش ۋە ئۇلارنى قوللاش يۈزسىدىن ... سىز ئۇنداق دىسىڭىز بىز ئۇ پىراگىراممىنى كۆرگەنگە كۈرۈش ھەققى تۆلەپ ئۇلارغا ۋە شۇ پىراگىراممىنى ئىشلىگۈچىلارگە يەتكۈزپ بەرسەك بولىدۇ شۇ ... مەنمۇ ئالدىراپ قالدىم ... ئەتە يەنە ئىنكاس يازىمەن ئۇرۇنلۇق يۇسۇندا ... لىكىن بىز بۇ تىمىنى مۇلاھىزە قىلىپ زىدىيەتلىشىپ قالساق بولمايدۇ جۇمۇ ... بۇ دىگەن مۇنازىرە ئۇرۇنلۇق پىكىر قىلىپ مۇلاھىزە قىلساق بولىدۇ ...

khan ھەقىي سالاھىيەتلىك ئەزا

	بۇ ئىشلار راستمۇ، پاكىتلىقمۇ؟ ئەگەر راست بولسا قاملاشماپتۇ.

nurgul1 ھەقىي سالاھىيەتلىك ئەزا

	دىققەت قىلىشقا تىگىشلىك ئىشلار كەن بۇ

almalik

	بەزى يەرلىك تىلىۋزىيە ئىستانسىلىرىدا ئەزىز مىھمان پۇل خەجلەپ تىلىۋزۇرغا چىقىپ مەخسۇس فىلىم ئىشلىتىدۇ ،،بۇلوپمۇ ئىقتىسات بىلەن شۇغۇللىندىغان شەخسىلەر...

sadakatguli

	سىزگە تېلۋىزىيە پىروگىراممىسى،ئىشلىنىش جەريانى،تېلۋىزىيە خىزمەتچىلىرىنىڭ مۇئاشى،ئەزىز مېھمان قاتارلىق جەھەتلەردىن ئازراق پىكىر بېرەي دېگەن ئىدىم،لېكىن بۇ تېمىنى شۇنداقلا يېزىپ قويغىنىڭىزغا قاراپ سىزنى شۇ ‹ئەزىز مېھمان›غا مۇناسىۋەتلىك  ئادەم بولسا كېرەك دەپ ئويلىدىم.تېلۋىزىيە پىروگىراممىسى توغىرسىدا مۇنبەرگە بىر تېما يوللىماقچى ئىدىم.بىر نەچچە كۈندىن كېيىن تېمام ئارقىلىق تەپسلىي جاۋاپ بېرەي.. راسىت گەپىنى قىلسام بۇ تېمىنى تېلۋزىيە خادىملىرىدا ئۆچىڭىز ياكى ئالالىمىغان ‹ئەزىز مېھمان›لىق ھەققىڭىز باردەكلا يېزىپىسز.

arislan

	بىر پىروگىراممىغا 2000 مىڭ يۈەندىن پۇل بەرسە ھەقىقەتەن ئاز بىرىدىكەن. تېلەمچىگە بەرگەندەك، خەنزۇ رىياسەتچىلەرنىڭ ئايلىق مائاشى 50-60 مىڭ يۈەن، گىرىم ھەققى، ياسىنىش ھەققى دەپ يەنە بىرەر يۈز مىڭدىن ئارتۇق پۇل بىرىدىكەن. شىنجاڭ تېلېۋېزىيە ئىستانزىسىغا ئېلان قوبۇل قىلسا ئاز پۇلغا قوبۇل قىلمايدۇ. پىروگىرامما ئىشلىگۈچى رىياسەتچى دېگەنلەر بىزنىڭ ھازىرىقى تېلېۋېزور كۆرگىچىلىرىمىز ۋە ئېلان كىرىمىگە بويسۇندۇرغاندا ئايدا 10-20-30 مىڭدىن مائاش ئالالىسا ھەقلىق بولمامدۇ ؟ شۇڭىمۇ ئۇيغۇر ئىشتاتلىقلارنىڭ تاپقىنى ئۆزىگە يەتمەي پارىخور ۋە ئىنساپسىز بولۇپ كېتىۋاتىدۇ. بۇنىڭ خاپىلىقىنى ئىشتاتسىزلار تارتىپ،،،، ھەي سۇنىڭ بېشى لاي، ئايىغى تېخىمۇ لايدە...

sazanda

	تېما ئىگىسى مەن سىزنىڭ بۇ تېمىڭىزغا نىمە ئۈچۈن تېلىۋىزىيە ئىستانسىلىرى ياكى فىلىم ئىشلىگۈچىلەر ئەزىز مېھمانلارغا  پۇل بىرىشى كىرەك مۇشۇ ھەقتە ئېنىقراق بىر تېما يېزىشىڭىزنى ساقلاۋاتىمەن،ئەلۋەتتە بۇ دىگەن مۇنازىرە قاتتىق يۇمشاق گەپلەر چىقىپ قېلىشى مۇمكىن،بىراق بۇ تىل ئاھانەت ئەمەس،مۇشۇنداق مۇنازىرە ۋە سۇئال جاۋابلاردىن نۇرغۇن بىلىملەر تورداشلارنى خەۋەرلەندۈرىدۇ،تېمىنى يوللىغانكەنسىز ئەمدى ئۆز ئىدىيەرىڭىزنى تارتىنماي ئوتتۇرىغا قۇيۇڭ.