ئالىي مەكتەپ ھەققىدە تاققا – تۇققا خىياللار

taxnayi-a

	ئىلاۋە: ئەسسالامۇ - ئەلەيكۇم مۇنبەرداشلار! خۇددى ماۋزۇدا ئىيىتقېنىمدەك، تۆۋەندىكىلىرى پەقەت مېنىڭ «تاققا - تۇققا خىياللىرىم» ھىسابلىنىدۇ. ئۇزاق مەزگىل بىر نەرسە يېزىپ باقمىغاچقىمىكىن، كۆڭلۈمدە ئويلىغانلېرىمنى تولۇق ئىپادىلەش مەقسىتىگە يىتەلمىدىم. شۇ سەۋەب، خاتالىقلىرىمغا توغرا مۇئامىلىدە بولىشىڭىزلارنى ئۈمۈد قىلىمەن.     ھەش - پەش دېگۈچە ئالىي مەكتەپتىن ئىبارەت بۇ بىلىم يۇرتىدا ئىككى يىللىق ئۆمرۈم تارىخقا ئايلىناي دەپتۇ. ئالىي مەكتەپ ئىمتىھانى ئۈچۈن جان تىكىپ كۆرەش قىلىۋاتقان ئەشۇ ۋاقىتلىرىمدا، بۇ ماكان ھەققىدە قانداق تاتلىق خىياللارنى سۈرگېنىم ھىلىھەم ئېسىمدە تۇرۇپتۇ. ئەمما ھازىرغا كەلگەندە، ئاز كەم ئىككى يىللىق سەرگۈزەشتىلىرىم ئاساسىدا يەكۈنلەنگەن خولاسېلىرىم بىلەن ئەينى ۋاقىتتىكى تاتلىق خىياللىرىم ئارىسىدا ئاسمان - زېمىن پەرىق مەۋجۇت ئىكەنلىكىنى چوڭقۇر ھېس قىلماقتىمەن. ئالىي مەكتەپتە ئۆز قىززىقىشىم بويىچە تەرەققىي قىلىشقا مۇھىت ھازىرلىنىدۇ دەپ ئويلايىتتىم. ئەمما بىر - بىرىدىن كۆپ ۋە قىيىن دەرىسلەر ئالدىدا، ھەرقانچە كۈچلۈك قىززىقىشمۇ بويۇن قىسىپ، بىچارە ھالغا قالىدىكەن. كەسپىمىزنىڭ نېمە بولىشىدىن قەتئىينەزەر بىرىنچى يىللىقتا، سانائەت تۈرىدىكى كەسىپلەر چوقۇم ئۈگېىنىشكە تېگىشلىك بىر دۆۋە دەرىسلىك بولىدىكەن. مەكتەپنىڭ ئىناۋېتى ئۈچۈن دەرىسلىكلەرنىڭ ئەڭ قىيىنىنى تاللاپ ئۆتۈشكە ئورۇنلاشتۇرىدىكەن. ئەلۋەتتە كەسىپىي دەرىسلەرنى ئۈگېنىش ئۈچۈن ئاساس كىرەك بولىدۇ، بىراق «مۇستەھكەم ئاساس سېلىش» ئۈچۈن كاللىمىزنى تاغارنىڭ ئورنىدا ئىشلىتىشنىڭ قىلچە ئەھمىيىتى يوق دەپ ئويلايمەن. يەنە كىلىپ «ئاساس سېلىش» دېگىنىمىز نۇقۇل ھالدا، كەسىپ بىلەن ئازراقلا مۇناسىۋېتى بولغان نەرسىلەرنىڭ ھەممىنى ئۈگېنىش ئەمەس، مۇھىمى شۇ كەسىپكە بولغان قىزغىنلىق يىتىلدۈرۈش ، ئاساسىي تەپەككۇر ئۇسۇلىنى تونۇشتۇرۇش بولىشى كىرەك ئىدى.  ئەپسۇس ئۇنۋېرىستىتىكى مۇئەللىملەرنىڭ كۆپىنچىسى 120 مېنۇتلۇق دەرىس ۋاقتىدا مۇنبەردىن بىر قەدەم نېرى بولماي، ئۆزىگە - ئۆزى كىتابنى سۆزلەپ چىقىپ كېتىۋىرىدىكەن. ئۇلاردا نە جانلىق ئوقۇتۇش مىتودى، كىشىنى ئىزدىنىشكە قىززىقتۇرىدىغان ئامىللار بولمايدىكەن. دەرىس ئاخىرىدا قالدۇرغان تاپشۇرۇقلېرىنى تاماملاش ئۈچۈن نەچچە سائەتلەپ كىتاب كۆرۈشكە، پەقەت بولمىغاندا كۆچۈرۈشكە توغرا كېلىدىكەن. شۇنداق قىلىپ تەپەككۇرۇىمىز قاشاڭلىشىپ، روھىمىز چۈشكۈنلېشپ، قىزغىنلىقىمىزمۇ سوۋۇپ قالىدىكەن.    ئەلۋەتتە بۇلارنى يېزىش ئارقىلىق مەن ھەرگىزمۇ ئالىي مەكتەپتە ياخشى ئوقۇماسلىققا باھانە ئىزدېمەكچى ئەمەسمەن. ئەمما نەچچە يىللىق توختاۋېسىز كۆرەش بەدىلىگە كىرىپ كەلگەن بۇ بىلىم يۇرتىدا، ئۆزىمىزنى پۈتۈنلەي مائارىپنىڭ تەربىيلىشىگە تاپشۇرىشىمىزنىڭ ئانچە توغرا ئەمەسلىكىنى سەمىڭلەرگە سېلىپ ئۆتمەكچى بولىۋاتىمەن. مەسىلەن مېنىڭ نۆۋەتتىكى كەسپىمنى ئالايلۇق: ئېلىكتېر-ئۇچۇر ئېنجىنىرلىقى دەپ ئاتىلىدىغان بۇ كەسىپتە ئاساسەن قاتتىق دېتاللارنى لايىھەلەش ئېچىش ۋە ئۇچۇر - ئالاقە بىر تەرەپ قىلىش بىلىملىرىنى ئۈگىتىدۇ. ئەمما ئالىي مەكتەپتىكى ئىككى يىلدىن بىرى، شۇنچە دەرىسلەرنى ئوقۇغان بولساممۇ، ئەمەلىي بىرەر تېخنېكىنى تولۇق ئىگەللىگېنىم يوق. بىر تالاي نەزەرىيە ئۈگەنگەن بولساممۇ، ئەمەلىي مەشخۇلاتتا تېخى كىتابتىكى تەييار مودىللاردىن ئۆزگە ھېچ ئىش قىلالمايمەن.     چۈنكى مەكتەپ، قولىدىن ئىش كىلىدىغان ئەۋلادلارنى ئەمەس، ئىمتىھان دەپ ئاتىلىدىغان قۇرۇق جەڭدە ئۇتۇپ چىقالايدىغان «ئا .Q» لارنى يىتىشتۈرۈشكە بەكرەك ئەھمىيەت بېرىدۇ. مەسىلەن: توپلاشتۇرۇلغان توك يولى نەزېرىيسىنى چالا - بۇلا ئۈگېتىپلا كومپىيوتېرنىڭ مەركىزى بىر تەرەپ قىلغۇچىسى(CPU) نىڭ تۈزۈلېشىنى سۆزلەشكە باشلايدۇ. ئاددىيلا بىر توك يولىنى تولۇق چۈشەنمەي تۇرۇپ، تېخىمۇ مۇرەككەپ نەرسىلەرگە ئېسىلىۋالىمىز. شۇنىڭ بىلەن تەبئىيلا بىزارلىق تۇيغۇسى پەيدا بولىدۇ. ئەڭ كۈلكىلىك بولغېنى، مەلۇم بىر دەرىسنى بۇ مەۋسۇم يىرىمىنى ئوقۇپ تاشلاپ قويىمىز،  مەۋسۇم ئاخىردا ئىمتىھاننى بىرىۋەتسەك ئۇنىڭ ئىشى تۈگەيدۇ،ئاندىن قالغان يىرىمنى بىرەر مەۋسۇمدىن كىيىن داۋاملاشتۇرۇپ ئۈگېنىمىز... بۇ خىل ئوقۇتۇش ئەندىزىسىگە مەن ئانچە ماسلېشىپ كىتەلمىدىم، خەنسو ساۋاقداشلېرىمدەك، ئىمتىھان ئۈچۈن نېمىنى ئۈگەن دېسە غىڭ قىلىماي ئۈگېنىش مېنىڭ قولۇمدىن كەلمەيدۇ. ئادەمنىڭ زېھنى تولىمۇ چەكلىك، ۋاقتى ئۇنىڭدىنمۇ قىس، شۇنداق بولغان ئىكەن نېمىلەرنى ئۈگېنىشنى ئۆز كەلگۈسى پىلانىغا قاراپ بېكىتىشى كىرەك. پىروگىراممىر بولۇش ئۈچۈن كومپىيوتېرنىڭ ئىچكى قۇرۇلېشىنى يىپتىن -يىڭنىسىغىچە ئۈگېنىشنىڭ ئەھمىيىتى يوق؛ ئېلىكتېر ئىنجىنىرى بولۇش ئۈچۈن ئالەم فېزىكىسىنى تەتقىق قىلىشنىڭ تېخىمۇ زۆرۈرىيىتى يوق؛ يۇقىرى مەنسەبدار بولۇش ئۈچۈن، ئۇنۋاننى كۆزلەپ باكلاۋۇرلۇق ئوقۇغاندىن، بۇرۇنراق جەمئىيەتكە يۈزلېنىپ، ئۈگەنگەننى ئىشلىتىش كىرەك....     بىر دۆلەتنىڭ مائارىپ تۈزۈلمېسى پەقەت ئومۇمى خەلىق گەۋدېسىگە قارېتىلغان بولىدۇ. بولۇپمۇ بىزنىڭكىدەك ئادەم قۇرتتىنمۇ كۆپ بولغان سوتسىيالىستىك دۆلەتتە تېخىمۇ شۇنداق. ئەمما ھەر ئادەمنىڭ ئۆزىگە خاس تالانتى، قىززىقىشى، ئارتۇقچىلىقى بولىدۇ، مائارىپ بولسا ھەر بىر شەخىسنىڭ يۇشۇرۇن ئىقتىدارىنى تولۇق قىزىپ چىقىش ۋەزېپىسىنى ئورۇندىيلامايدۇ! ئالتۇندەك ياشلىق مەزگىلىنى ئاتالمىش بىر تالاي ئۇنۋانلار ئۈچۈن، «ئىمتىھان مائارىپى» نىڭ قۇربانى قىلىۋېتىش پەقەت بىچارىلەرنىڭلا ئىشى. ئۇيغۇرلار ئارىسىدا تۈرلۈك يۇقىرى ئۇنۋانلىق كىشىلەر خىلى كۆپىيىۋاتىدۇ، ئەمما ئۇيغۇر جەمئىيىتى تەرەققىياتىنىڭ ئۇلار سانى بىلەن ئوڭ تاناسىپتا بولىۋاتقېنىنى ھېچ بايقىمىدىم. ئۈگېنىش دېگەن ئۆمۈرلۈك جەريان، ئەلۋەتتە، ئىمكانلا بولسا ئۆرلەپ ئوقۇش كىرەك. ئەمما ياشلىق، ئىقتىساد، زېھىننى ئىسراپ قىلغانغا چۇشلۇق نەتىجىگە ئىرىشىش كىرەك. ئەمما مائارىپقىلا تايىنىپ بۇ مەقسەتكە يىتىش ئاسان ئىش ئەمەس.     ئۇنداقتا ئالىي مەكتەپتە زادى نېمىلەرنى ئۈگېنىش كىرەك؟ بۇ سۇئالنى مەن ئۆزۈمدىن ئىزچىل سوراپ كەلدىم. ئۆزۈمنى ئالسام، ئاللاھ نىسىپ قىلسا، كەلگۈسىدە ئەمەلگە ئاشۇرماقچى بولغان كونكېرىتنى پىلانلىرىم بار. شۇ پىلانلار بويىچە، ئۆز قىززىقىشىمنى بويلاپ، مەن ئۈچۈن پايدېسى ئەڭ كۆپ بولغان بىلىملەرنى ئۈگېنىشنى قارار قىلدىم. بىز نېمە ئۈچۈن ئۆزىمىزنى پۈتۈنلەي مائارىپنىڭ قولىغا تاشلاپ بېرىمىز؟! نېمە ئۈچۈن ئۆز كاللىمىزغا پۈتۈنلەي باشقىلارنىڭ ئىددېيىلىرى توشۇپ كەتكەن بولىدۇ؟! نېمە ئۈچۈن كەلگۈسىمىزنى باشقىلارغا ئوخشاش تەسەۋۋۇر قىلىمىز؟!... مېنىڭچە بىزنىڭ كاللىمىز مۇستەھكەم بىر قۇرغان بولىشى كىرەك. ئۇنىڭ سىرىتقى ئالەمنى تەپسىلىي كۈزەتكىلى بولىدىغان دېرىزىلىرى بولىدۇ ئەلۋەتتە. بىز ئىھتىياجلىق نەرسىلەرنى تاللاپ قوبۇل قىلىشىمىز كىرەك، ھەرگىزمۇ كاللېمىزنى ئۆزگىلەرگە سامان تاغىرىدەك ئىچىپ بېرىشكە بولمايدۇ. مەن دېمەكچى، ئىددىيىلىەرنى، ھەرخىل دۇنيا قاراشلىرىنى چوقۇم تاللاپ ئۆزلەشتۈرۈش كىرەك. مائارىپ پەقەت ۋە پەقەت ئۆزىمىزنى تاكامۇللاشتۇرىدىغان بىر ۋاستە، ئۇ ھەرگىزمۇ مۇكەممەللىككە يېتىشىمىزنىڭ كاپالېتى ئەمەستۇر. غەرىپلىكلەرنىڭ تېخنىكىلىرىنى ئۈگېنىشىمىز ھەرگىزمۇ بىزنىڭ ئۇلاردىن قالاق ئىكەنلىكىمىزنىڭ دەلىلىي بولماسلىقى كىرەك. ئەكىسچە، بىز ئۇلاردىن پايدىلانماقچى، خۇددى يەر ئاغدۇرۇش ئۈنۈمىنى ئاشۇرۇش ئۈچۈن تېراكتوردىن قورال سۈپىتىدە پايدىلانغاندەكلا. خولاسە: بىزنىڭ كاللىمىز باشقىلارنىڭ ئويۇنچۇقى ئەمەس، بەلكى ئاللاھ نىسىپ قىلغان ئەركىن تەپەككۇر ھوقۇقىنى يۈرگۈزگۈچى مۇقەددەس بىر جاي. ئاز كەم 6 يىللىق ئىچكىرىدىكى ئوقۇش ھاياتىمدا كۆرگەنلىرىم ھەقىقەتەن كۆپ بولدى. مەكتەپتە ئاز بولمىغان دەرىسلەرنى ئۈگەتتى، ئىمتىھانلارغا بىر - بىرلەپ قاتنىشىپ نۇرغۇن دەرىسلەرنى ئوڭۇشلۇق تامالىدىم. ئەمما بۈگۈنگە كەلگەندە، كاللامدا پەقەت ئازراقلا نەرسە بار! ئەينى چاغدا ئۈگەنگەن جۇغراپىيە، تارىخ، سىياسەت...يەنە تېخى خەنسولارنىڭ قەدىمكى ئەدەبىياتى قاتارلىق دەرسىلەرنىڭ مەزمۇنىنى ئاساسەن ئۇنتۇپ كىتىپتىمەن(بەلكىم بۇ مېنىڭ دۆتلىكىمدۇر). ئادەم نەچچە ئون يىل ۋاقتىنى سەرىپ قىلىپ ئۈگەنگەن نەرسېلىرىدىن قانائەتلەنگۈدەك نەپ ئالالمىسا ئىچىنماي تۇرالامايدىكەن. جوڭگو مائارىپىنىڭ «تاماق» يېيىشنى ئۈگۈتۈش ئۈچۈن ئۇنىڭ بارلىققا كېلىش تارىخىنى ئۈگېتىشتىن باشلايدىغان لوگىكىسىنى بۇرۇن چۈشەنمىگېنىمدىن ئىچىنىپ قالىمەن. ئاخىرى شۇ خولاسىگە كەلدىمكى: ئالىي مەكتەپتىكى شارائىتتىن تولۇق پايدىلانغان ئاساستا، ئۆزلۈگىدىن ئۈگېنىش ئىقتىدارىنى ئاشۇرۇش كىرەك ئىكەن. گۈزەل ئارزۇلارنىڭ تۈرتىكىسىدە، چەكسىز قىزغىنلىق بىلەن مەلۇم ساھەگە تۇتۇش قىلغاندىلا ئاندىن كەلگۈسى ئۇلۇغۋار ھاياتتىن سۆز ئاچقىلى بولىدۇ. چوقۇم ئۆزىمىزگە خاس بولغان يىڭى ئىددىيىنى بارلىققا كەلتۈرۈش كىرەك. ھەر ئادەم ئۆزىنىڭ خوجايىنىدۇر. سىياسەتنىڭ قورالىغا ئايلانغان مائارىپ، مۇقەددەس كاللىمىزغا خالىغىنىچە تامغا بېسىۋەتمەسلىكى كىرەك....    تولۇقلىما مەزمۇن (2013-3-18 15:15): باشقۇرغۇچىغا: سەھىپە تاللايدىغان يەرنى تېپىپ بولغۇچە يوللىنىپ كەتتى، تولۇقلىما مەزمۇن (2013-3-18 15:15): خاپا بولماي تەھرېرلەپ قويسىڭىز! رەھمەت...

ئادىلەخان

	بىزنىڭ كاللىمىز باشقىلارنىڭ ئويۇنچۇقى ئەمەس، بەلكى ئاللاھ نىسىپ قىلغان ئەركىن تەپەككۇر ھوقۇقىنى يۈرگۈزگۈچى مۇقەددەس بىر جاي. ئەلۋەتتە بىز ئۆزىمىزگە تەۋە بولغان جانلىق خاس پىكىرگە ئىگە بولالىساق شۇ ھەممىدىن ياخشى... بىز ئىھتىياجلىق نەرسىلەرنى تاللاپ قوبۇل قىلىشىمىز كېرەك، بىزنىڭ كاللىمىز باشقىلارنىڭ ئويۇنچۇقى ئەمەس، بەلكى ئاللاھ نىسىپ قىلغان ئەركىن تەپەككۇر ھوقۇقىنى يۈرگۈزگۈچى مۇقەددەس بىر جاي. پىكرىڭىز تولىمۇ سۈزۈ ك ئىكەن. ئالىي مەكتەپ ھاياتىدا دەرسلەرنى ئۆزلىكلىدىن ئۆگىنىشلا ئەمەس بەلكى، تۇرمۇشتا قانداق كاللا ئىشلتىشنى ئۆگىنىشمۇ ئالاھىدە مۇھىم. بەزى نەرسىلەر ھەقىقەتەن ئۆلەك، ئۇنى سىز بىز ئۆزگەرتىپ بولالمايمىز. كۆپ قاقشىماسلىقىمىز، ئۆزمىزنىڭ رازى بولماسلىق خىيالىي دۇنيايىمىزدىن ھالقىپ، ئەمەلىيەتكە كۆپرەك يۈزلىنىشىمىز كېرەك.... ئىشقىپ ،ئالىي مەكتەپ تۇرمۇشىدىن رازى بولمايدىغانلار كۆپ. ئەمما شۇ مۇھىتتىن ئۈزۈپ چىقىپ، ياخشى نەتىجىلەرنى بارلىققا كەلتۈرگەنلەرمۇ ئاز ئەمەس.

mihman999 ھەقىي سالاھىيەتلىك ئەزا

	قىرىندىشىم ،مەنمۇ سىزگە ئوخشاش ئىچكىر تولۇقتا ئوقۇۋاتقىلى ئالتە يىل بولاي دەپ قالدى ،مەكتەپتىكى ئەمىلىي ئىشلارنى يىزىپسىز .بىلىمەن ،سىز بۇ ئارقىلىق ئۆزىمىزنىڭ ئۇگۇنۇشىنىڭ يفاخشى ئەمەسلىكىگە باھانە سەۋەپ تاپماقچى ئەمەس.لىكىن راس گەپنى قىلساق بىز ئۇنداق ئەمەس دىگىنىمىز بىلەن گاھىدا مۇشۇلارنى سەۋەپ قىلىۋالىمىز.چۇنكى تولۇق ئوتتۇرنىڭ مۇئەللىملىرى ئالىي مەكتەپنىڭ بىر ئوينايدىغان يەر ئىكەنلىكىنى ،نىمە قىلمەن دىسە شۇنى قىلغىلى بولدىغانلىقىنى كاللىمىزغا سىڭدۇرۋەتكەن ،قانداق قىلىش كىرەكلىكنى ئويلاپ باقتىڭىزمۇ ،مىنىڭچە بولغاندا ھازىرلا ئوقۇشتىن چىكىنىپ يىڭى ئىشنىڭ پىشىنى تۇتقۇم بار ،بىراق جەمىيەت ئاشۇ بىې تال دىپلۇمىنى بەكراق ئىتراپ قىلدىغان بوپ قالدى ،قانداق قىلىش كىرەك!!!؟    ئەلۋەتتە قانداق قىلىش كىرەكلىكى ھەممەيلەنگە ئايان ،بىراق خوشياقماسلىق كىسىلىدىن ساقىيالمايۋاتىمىز خالاس.    مۇشۇ مۇنبەرگە يوللانغان ‹كاككۇك سايرىغان چاغلار ›ناملىق پوۋېستنى سىزگە تەۋسىيە قىلاي،بۇ پوۋىستتىمۇ ئىچكىرى تولۇق ئوقۇغۇچىلىرنىڭ تۇرمۇشىدىكى مۇھىم تەرەپلەرنىڭ بىرسى تەسۋىرلەنگەن،ۋاقتىڭىز بولسا كۆرۇپ بىقىڭ ،بەلكىم مۇنداق ئىشلارمۇ باركەن دەپ قىلىشىڭىز مومكىن ،لىكىن ئۇ رىئال تۇرمۇش....       ئەجرىڭىز يەردە قالمىغاي ،ياخشى نەتىجىلەرنى قولغا كەلتۇرشىڭىزگە تىلەكداشمەن!!

batur72

	ئنشا ئاللاھ .بۇ سۆزلەرنى ئىچكىردە ئوقۇۋاتقان بىر قىسىم كاللىسى ئوچۇق بالىلارنىڭ يۈرەك سۆزى دىيىشكە بولىدۇ ،كونىلار ئۆزەڭ تاللىغان يولنى داداڭغا بەرمە دەپتىكەن ،مېنىڭ پىلانلىرىمنىمۇ سىزدەك ئورۇنلاۋاتىمەن ،قارىغاندا ئىككىمىز تەڭدەك قىلىمىز ،ۋاقىت ۋە پۇرسەت  بولسا پىكىر ئالماشتۇرارمىز.ھەممەيلەن غەيرەت قىلايلى .

taxnayi-a

	ئادىلەخان يوللىغان ۋاقتى  2013-3-18 16:34 بىزنىڭ كاللىمىز باشقىلارنىڭ ئويۇنچۇقى ئەمەس، بەلكى ئا ... راس دەيسىز! ئالىي مەكتەپ بىز ئۈچۈن كەڭرى بىر سەينا، ئەمما نېمىلەرنى قانداق ئۈگېنىش پۈتۈنلەي ئۆزېمىزگە باغلىق بولۇپ قالدى. بىرگە دەرىس ئوقۇۋاتقان خەنزۇ ئوقۇغۇچىلار بىلەن بىزنىڭ ئۆسۈپ يېتىلىش مۇھىتىمىز، قىممەت قارشمىز، كەلگۈسىدىكى تارىخى بۇرچىمىز تامامەن ئوخشىمايدۇ. شۇڭا «ئەھۋال موشۇنداق، سىز - بىز ئۆزگەرتىپ بولالمايمىز» دەپ ئۆزىمىزگە يالغان تەسەللىي بەرمېگىنىمىز ياخشىمىكن دەيمەن. بىر ئادەم كوللىكتىپ مۇھىتنى ئۆزگەرتەلمىسىمۇ، ئۆزى تۇرىۋاتقان ئاتمۇسفىرانى مۇۋاپىق تەڭشەش ئىقتىدارىغا ئىگە... پىكىرىڭىزدىن سۆيۈندۈم، بارچە ئىمكانىيەتلەردىن تولۇق پايدېلىنىپ، زامانىمىزدا ئۈزۈپ چىقىدىغانلار كۆپەيسىكەن دېگەن ئۈمۈدتىمەن. ئىنشائاللاھ، سىز ھەم مەنمۇ تىرىشىۋاتىمىز ئەلۋەتتە...

taxnayi-a

	mihman999 يوللىغان ۋاقتى  2013-3-18 19:43 قىرىندىشىم ،مەنمۇ سىزگە ئوخشاش ئىچكىر تولۇقتا ئوقۇۋات ... «چۇنكى تولۇق ئوتتۇرنىڭ مۇئەللىملىرى ئالىي مەكتەپنىڭ بىر ئوينايدىغان يەر ئىكەنلىكىنى ،نىمە قىلمەن دىسە شۇنى قىلغىلى بولدىغانلىقىنى كاللىمىزغا سىڭدۇرۋەتكەن»   بۇ دېگىنىڭىز بەرھەق توغرا! تولۇقسىزدىكى ۋاقتىمدا ئوقۇتقۇچىلارنى ئىچكىرىي تولۇقنى قانداق غايىۋېي تەسۋېرلەپ بەرگېنى ئېنىق ئىسىمدە. لېكىن كىيىن شۇ مۇھىتتا بىر مەزگىل ياشىغاندىلا، ئۇنداق غايىبانە ماختاشلارنىڭ تولىمۇ بىمەنىلىك ئىكەنلىكىنى چۈشەندىم. تولۇق ئوتتۇرىنى پۈتتۈرۈش ئالدىدىمۇ ،ئوقۇتقۇچىلار ئالىي مەكتەپنى شۇنداق غايىۋېي تەسۋېرلەپ بەرگەنتى. ئەمەلىيەتتە ئۇلار يالغاندىن ماختاپ بىزنى قىززىقتۇرىمەن دېگەندىن، ئۇ يەرلەردە بىزنى تېخىمۇ كەسكىن رېقابەتلەرنىڭ كۈتۈپ تۇرغېنىنى سۆزلەش ئارقىلىق، بېلىمىزنى مەھكەم باغلىغان پېتى يولغا سالسا بولاتتى. تەۋسىيە قىلغان ئەسىرىڭىزگە رەھمەت. پىكىرلىشىپ تۇرساق بولىدۇ. مانا موشۇنداق بىر - بىرىمىزنى رېغبەتلەندۈرۈپ، ئۆملۈك ھاسىل قىلساق، ئىشىنىمەنكى، ئاللاھ خالىسا گۈزەل كەلگۈسى بىزنىڭ بولىدۇ. ياشلىق دېمەك ھەممە....

dilxat5515

	مېنىڭ كۆڭلىمىدىكى گەپلەرنى يېزىپسىز، قارغاندا ئىچكىردىكى بىزدەل ئالىي مەكتەپتە ئوقۇۋاتقان  ئوقۇغۇچىلارنىڭ سەرگۈرەشتىلىرى ئوخششىپ كېتىدىكەن . مېنىڭ كەسپىم شەھەر پىلانلاش ، بىزگە ئاساسەن جۇغىراپىيە ئۆگەتتى ، كەسىپىنى ياخشى ئۆگەتمىدى ، ئاخىرىغا كەلگەندە بۇ كەسىپنى ياخشى ئۇگەنمەكچى بولساڭلار ئاسپىرانتلىقتا ئوقۇشىڭلار كىرەك دەيدۇ . مانا مەن ھازىر 4-يللىقتا ئوقۇيمەن ،  ئوقۇش پۇتتۇرۇش ماقالىسىنى يېزىۋاتىمەن ، مەن شەھەر پىلانلاشتن خەۋىرىم يوق دىسەممۇ بولىدۇ ، مەنمۇ 6يىل ئىلگىرى بۇ مەكتەپكە ئۇلۇغۋار پىلانلار بىلەن كەلگەندىم ،2يىل تەييارلىق ئوقۇدۇم ، ئۇ جەرياندا ئىنگىلىز تىلىنى تىرىشىپ ئۇگەنگەن ، ئۇ ئىككى يىل ۋاقىتىمغا ئۆكۇنمەيمەن ، ئەمما 4 يىل كەسىپ ئۇگۇنىش جەرياندىمۇ تىرىشىپ ئۇگەنگەن بۇلساممۇ ھالىمنى ئۆزەم بىلىمەن .ۋادەرىخا ، ئەمدى مەنمۇ بۇ ساختا مارىپقا ئالدىنىپ يۇرىۋەرمەيمەن، ئۆرۈمنىڭ قىزىقىشى بۇيۇنچە ئىش قىلىمەن .

مۇبارەك

	ئاتا-ئانىمىز بىزنى ئىچكىرىدە ئوقۇۋاتىدۇ، دەپ بىلىدۇ. ئوقۇۋاتقىنىمىز راست، بىراق ئوقۇشنىڭ ھەقىقىي ماھىيىتى بىلەن سۆزلەپ كەلسەك بىز خۇددى ئۆزىمىزگە ئوقۇمايۋاتقاندەكلە تەسىر بېرىمىز. دەرسلەرنىڭ چوڭ جەھەتتىن ئۆلۈك ئۆتىلىدىغىنى راست. بىراق شىنجاڭ بىلەن ئىچكىرىنىڭ، ئالدىنقى ئورۇندا تۇرىدىغان ئالىي مەكتەپلەر بىلەن كەينىدە تۇرىدىغان مەكتەپلەرنىڭ ئوقۇتۇش ئۇسۇلىدا پەرق بار(پۈتۈنلەي ئەمەس). مەن شىنجاڭ ئۇنۋېرسىسىتىدا دەرس ئاڭلاپ باققان، بىر ئۇيغۇر ئوقۇتقۇچى(خەنزۇتىلى سەۋىيىسى ياخشى ئەمەس)كىتابنى خەنزۇچە سۆزلەۋېتىپتۇ، بىر ئاڭلىسا خەنزۇچە گەپ قىلىۋاتقاندەك، يەنە بىر ئاڭلىسا ئۇيغۇرچە گەپ قىلىۋاتقاندەك. گەپ خەنزۇچە بىراق ئاھاڭ ئۇيغۇرچە. ناۋادا مۇشۇ مۇئەللىمگە دەرسنى ئۇيغۇرچە ئۆتكىن دېگەن بولسا بەلكىم كىتابقا قارىماي تۇرۇپ بەك نوچى سۆزلىۋەتكەن بولار ئىدى، دەپمۇ ئويلاپ قالدىم. ئالىي مەكتەپتە باشقىلارغا ئوخشاش ۋاقىت ئېڭىنى ياخشى يىتىلدۈرۈپ، دەرسكە ۋاقتىدا چىقىش، ئىمتىھانلارغا ئوبدان تەييارلىق قىلىش(ئۆلۈكتەك، ساراڭدەك)...ۋەھاكازالارنى سەپتىن چۈشۈرىۋەتكەندە، مەن يەنە نۇرغۇن نەرسىلەرنى ئۈگۈنىۋاپتىمەن: بۇرۇن ئۆيدىكىلەر قىلىپ بەرمىسە ھېچنېمە قىلالمايتتىم، مۇستەقىللىق ئېڭىم يوقتى. ئالىي مەكتەپكە كەلگەندىن كېيىن قاتتىق مۇستەقىللىق ئېڭىنى يىتىلدۈردىمكىن، ھەتتا بىر قېتىم ھەدەمنىڭ تويىغا ئۈلگۈرىمەن دەپ، ئۆزۈم يالغۇز پويىز بىلە كېتىۋەرگەن، قايتىپ بارغاندا ئاپام بۇ قەھرىمانلىقىمنى ئاڭلاپ تاسلا قالغانتى ھوشىدىن كەتكىلى؛ بۇرۇن يەيدىغان تامىقىمدىن يېمەيدىغان تامىقىم تولىتى. ئالىي مەكتەپكە كەلگەندىن كېيىن تاماقنىڭ ناچارلىقىدىن ھەرقانداق تاماق دەپ ئىسمى بارلىكى تاماقنى يەۋېرىدىغان بولدۇم. تاماقنى قەدىرلەيدىغان، بۇ تاماق ئوخشىماپتۇ، دېگەن گەپنى ئاغزىمدىن چىقارماسلىققا تىرىشىدىغان نوچى ئادەتنى يىتىلدۈردۈم؛ بۇرۇن دۇنيا مۇشۇ ئوخشايدۇ دەپلا ئويلاپ يۈرەتتىم. ئالىي مەكتەپكە كەلگەن كېيىن نەزەر دائىرەم ئېچىلدى. ۋاقتىم چىقسىلا ئۇ-بۇ شەھەرلەردە ساياھەتتە بولدۇم. دەم ئېلىش كۈنلىرىدە ھوللىۋودنىڭ نادىر فىلىملىرىدىن كىنوخانىدا ھوزۇرلاندىم، قەھۋە مەدەنىيىتىگە قىزىقتىم. داڭلىق ماركىلىق كىيىم سېتىش سودا-سارايلىرىنى ئايلاندىم دائىم دېگۈدەك، بەزىدە بىرەر تال ئېپمۇ قويدۇم مەخپىي ؛ بۇرۇن ئۇيغۇرنى سۆيۈش دېگەن ئۇقۇم مەندە يوقتى. ئالىي مەكتەپكە كەلگەندىن كېيىن ئوقۇۋاتقان، خىزمەت قىلىۋاتقان، سودا قىلىۋاتقان(ھەرتۈرلۈك)، ھەم ... قىلىۋاتقان ئۇيغۇرلار ئوتتۇرىسىدىكى پەرقلەر ھەققىدە ئويلىنىپ قالدىم، مەيلى قانداقلا بولسۇن ئۇيغۇرنى ياخشى كۆرىدىغانلىقىمنى ھېس قىلدىم. ئۇيغۇرچە يېزىشنى ئۈگەندىم، ئۇيغۇر يېزىقىنىڭ لاتىن يېزىقىدا ئۆلچەملىك يېزىلىشىغا دىققەت قىلىدىغان بولدۇم، ئۇيغۇرچە ساپ تىلدا سۆزلەشكە تىرىشتىم...قىسقىسى، مەندە ئۇيغۇرنى سۆيىدىغان بىر تاتلىق قەلب بارلىققا كەلدى. دادام مەن قىزىمنى 20يىلغا يېققىن ئوقۇتقۇدەكمەن دېدى. بۇ گەپنى ئاڭلاپ مېنىڭ كۆڭلۈممۇ يېرىم بولدى. دادام قانداقتۇر بۇ گەپنى باشقىچە مەنىدە دېمىگەن بولسىمۇ، تا ھاززىرغىچە ئوقۇيمەنلا دەپ، دادام-ئاپام ئۈچۈن تۈزۈك بىر ئىش قىلىپ بەرمىگەنلىكىمدىن ئەپسۇسلىنىمەن. بەلكىم مېنىڭ مۇشۇ ئوقۇش مۇساپەمنىڭ غەلبىلىك ئاياغلىشىشى ئۇلار ئۈچۈن ئەڭ ياخشى سوۋغا بولىشى مۇمكىن. ھەرقانچە ئۆلۈك مائارىپنىڭ دەرۋازىسى ئىچىدە ئوقۇغان بولساقمۇ بىراق مۇشۇ ئوقۇش جەريانى بىزگە نۇرغۇنلىغان ئوخشىمىغان تۈردىكى ساۋاقلارنى بېرىدۇ. بىر قىز بالا بولۇش سۈپىتىم بىلەن گەرچە تەڭ ياشلىق ئانچە ئوقۇمىغان قىزلار بىلەن ئوخشاش قايتىپ بارغاندىن كېيىن توي قىلىپ، ئائىلە قۇرۇپ، بالىلىق بولۇش...دېگەندەك ئوخشاش تۈردىكى پەلەمپەيلەرنى بېسىپ ئۆتسەممۇ، بىراق مەن تۇتقان ئائىلىنىڭ باشقىچە مەنىدە تۇتىلىدىغانلىقىغا، مېنىڭ پەرزەنتىمنىڭ ئوخشاش بولمىغان ئائىلە تەربىيىسىگە ئىگە بولالايدىغانلىقىغا ئىشىنىمەن. تەشنائىنىڭ يازمىسىغا رەھمەت. بۇندىن كېيىنكى ئۈگۈنۈش، خىزمەت مۇساپىڭىزنىڭ غەلبىلىك بولىشىغا تىلەكداشمەن، بىرلىكتە تىرىشايلى.

taxnayi-a

	مۇبارەك يوللىغان ۋاقتى  2013-3-19 16:11 ئاتا-ئانىمىز بىزنى ئىچكىرىدە ئوقۇۋاتىدۇ، دەپ بىلىدۇ. ئ ... بەزىدە شۇنداق ئويلاردېمۇ بولۇپ قالىمەن: ئەگەر ئالىي مەكتەپتىكى دەرىسلەرنى پۈتۈنلەي ئۆز ئانا تىلىمىزدا، ئۆزىمىزگە خاس بولغان تەپەككۇردا ئوقۇيالىغان بولساق قانداق بولاتتىكىن دەپ! بىر چاغلاردا شىنجاڭ ئۇنۋېرىستىتىدا ئوقۇشنى ئاجايىپ ئارزۇ قىلغانتىم، لېكىن كىيىن باشقىلاردىن تۈرلۈك زارلىنىشلار ئاڭلاپ، ۋە بىرنەچچە سائەتلىك نەق مەيداندا دەرىسىگە قاتنىشىپ، ئۇ خىل ئارزۇلىرىمنىڭ بەكمۇ خىيالىي ئىكەنلىكىنى ھېس قىلدىم. قىززىق يىرى ئۇيغۇر ئەدەبىياتى، مەدەنىيىتىنى تەتقىق قىلىدىغان كەسىپلەرنىمۇ خەنزۇ تىلىدا ئۆتىدىكەن... بىر تىلنى ئۈگىنىپ، نورمال ئوقۇش -ئاڭلاش سەۋىيىسىگە يەتكەن بىلەن  باشقا مىللەتنىڭ تەپەككۇر ئۇسۇلىغا ماسلىشىش ھەقىقەتەنمۇ تەس بىر ئىش. تىل ئۈگېتىش بىلەن مائارىپ ئىككىسى ئىككى خىل ئىش ئىدى ئەسلىي. ئويلاپ باقسام، تا ھازىرغىچە ئاڭلىغىغان دەرىسلىرىمنى ئالدى بىلەن ئانا تىل ئاساسىدا ئويلاپ، ئىپادىلەش جەھەتتىلا خەنسو تىلىنى ئىشلىتىدىكەنمەن...    ئىشقىلىپ، بىز ئۈچۈن ئۆلىكىمىزدىن ئۈگېنىش روھىي ئىنتايىن زۆرۈر بولىۋاتىدۇ. ئەلۋەتتە ئۈگىنىدىغان نەرسىلىرىمىز كىتابتىكىلا ئەمەس، خۇددى سىز يۇقاردا تىلغا ئالغاندەك، ئۆزىمىزنى ، ئۆزلىكىمىزنى ماھىيىتىدىن تونۇپ سۆيۈشنى ئۈگېنىشمۇ چوڭ بىر ئىش...   دېگنىڭىزدەك ھەممەيلەن بىرلىكتە تىرىشايلى! بىزلەرگە سۈزۈك ئەقىل مەڭگۈ نىسىپ بولغاي.... تولۇقلىما مەزمۇن (2013-3-19 17:39): ئۆزلىكىمىزدىن ئۈگېنىش

anatil8

	بۇ تىما ياشلارنىڭ كۆڭۈل سۈزلىرى بىلەن داۋاملىشۋېتىپتۇ   ...مەنمۇ تەڭ دىمەتلىك ياشلار بىلەن كەلگۈسىمىز توغرۇلۇق،مۇھەببەت ھەم جەمىيەت توغرۇلۇق پىكىرلىشكە قىززىقمەن .مللىتىمىز ياشلىرى قېنى بىرلىكتە تىرىشايلى.