تەكلىماكاندىكى سوپى - ئىشانلار ( تۈگدى )

abduley

قەشقەردىكى خانلىق مەدرىس يىقىلدى، زىيان بىر بۇنىڭ بىلەنلا تۈگىمىدى. ئىلگىرى مەدرىسلەردە راۋۇرۇس ئوقۇپ، ئۇستازلاردىن ئىجازەت ئالغانلارلا تەبلىغ قىلىشقا سالاھىيەتلىك بولىدىكەنتۇق. خالىغان بىر تالىبنىڭ سورۇندا تەبلىغ قىلىشى ئۈچۈنمۇ نەدە، قانچىلىك ئوقىغان؟ قانچە پارە يادلىغان؟ ئەرەپچىنى قانچىلىك ئوقىغان؟ ئۇستازى كىم؟ ... دېگەندەك سوئاللارنى سورايدىكەنتۇق. (ئاددىيسى دوختۇرلۇق قىلىش ئۈچۈنمۇ تىببىي ئۇنىۋېرسىتتا ئوقىغان دىپلوم بولمىسا بولمايدىغۇ؟!) چۈنكى، بۇنداق تەپتىش قىلىپ تۇرمىسا، قېنى قىززىق، ھاياجانلىق، چالا ساۋات تالىبلار ئاران تۇرارمىشكەن ئالەمنى مالەم قىلغىلى... رەسمىي ئۇستاز كۆرمەي، سىنىپتا ئىلىم تەھسىل قىلماي، ئىككى تۆت تال كىتاپ ئوقۇپلا ئۆزىنى بىلىملىك چاغلاپ كەتكەنلەرنىڭ دىنىي تەبلىغ قىلىشىنى خەتەرلىك دەپ توسۇپتىكەن ئۈلىمالىرىمىز.
ئىلياس خەمىد دېگەن بالا قانچىلىك ئوقىدى؟ بىلمەيمەن. ئەمما بۇ ھاياجانلىق يىگىتنىڭ ھازىرچە توردا تەبلىغ قىلىشنى توختىتىپ تۇرۇپ، سىستېمىلىق بىلىم ئېلىشىنى كۈچلۈك تەۋسىيە قىلىمەن. ئۆگىنىدىغان ساھەلەر: ئەرەپچىنى قۇرئان، ھەدىسنى تەپسىر قىلالايدىغان دەرىجىدە بىلىش، تەپسىر، ھەدىس، ئاقائىد، كالام، فىقىھ، تەسەۋۋۇپ، مەنتىق، ئىسلام تارىخى، مەزھەپلەر تارىخى.... قاتارلىق ساھەلەردە ئەگەر مۇنتىزىم مەكتەپكە كىرەلمىسىمۇ، ھەر ساھەگە ئائىت ئەڭ ئاز بەش كىتاب ئوقۇشىنى تەۋسىيە قىلىمەن. نەزەر دائىرە بەك تار بولۇپ قالسا، مانا مۇشۇنداق «جىھاد»قا ئالدىراپ، توردا جەڭ قىلىپ ئۆزىنى ۋە ئۆزگىنى رەنجىتىپ يۈرۈيدىغان ئىش چىقىدۇ.
«سۇپىزىم» دېگەن ئاتالغۇ ئېنگلىزچە سۆز بولۇپ، بۇنىڭ ئەرەپچىسى ۋە تۈركچىسى «تەسەۋۋۇپ». بۇنىڭ نەچچە خىل تەبىرى بار. بۇنى بىر خىل ياشاش ئۇسۇلى، دىننى ئەمەلىي ھاياتقا تەدبىقلاپ ياشاش دەيدىغانلار بولغىنىدەك، نەپسىنى تەربىيىلەش، نەپسىنى پاكلاش مېتودى، گۈزەل ئەخلاق دەيدىغانلارمۇ بار.
تەسەۋۋۇپنىڭ كېلىپ چىقىش تارىخى ھەققىدە بەزى مۇسۇلمان ئالىملار ئادەم ئەلەيھىسسالام دەۋرىدىن باشلاپلا تەسەۋۋۇپ بار ئىدى دەيدۇ. يەنە بەزى ئالىملار تەسەۋۋۇپ سۈلۈكى سىلسىلە زەنجىرىنى ئاساس قىلىدۇ. تەسەۋۋۇپ پەيغەمبىرىمىز مۇھەممەد سەللەللاھۇ ئەلەيھى ۋەسەللەمدىن تۆت خەلىپىگە ئۆگىتىلگەن. ئۇلارغا تۇتاشقان سىلسىلە زەنجىرىدىن پۈتۈن مۇسۇلمانلار دۇنياسىغا تارقالغان دەيدۇ. نەقشىبەندىيە تەرىقىتىگە مەنسۇپ بولغانلار ئۆزىنىڭ تەرىقەت زەنجىرىنىڭ 1-ھالقىسى ھەزرىتى ئەبۇ بەكرىدىن باشلانغانلىقىنى ئېيتىشىدۇ. بۇنىڭغا ئۇلارنىڭ شەيخى ياكى پىرىدىكى ئىسپاتلارنى، شەجەرە قاتارلىقلارنى دەلىل سۈپىتىدە ساقلايدۇ. بۇ تەرىقەتكە كىرىپ مۈرت بولغانلار شەيخنىڭ يېتەكچىلىكىدە سۈلۈككە كىرىدۇ. سۈلۈكنىڭ مەزمۇنى «سۇپىزىمنىڭ ماھىيىتى ھەققىدە» دېگەن ماقالىدا تىلغا ئېلىنغان مەزمۇنلاردىن ئىبارەت.
تەسەۋۋۇپنى ئىنكار قىلىپ قارشى تۇرىدىغانلار، تەسسەۋۋۇپ ئەھلىنى بىدئەتچى مۇشرىكقا چىقرىدىغانلار 1) ئىسلام تارىخىنى، پەيغەمبىرىمىزنىڭ ھەدىسلىرىنى تولۇق بىلمەيدۇ، 2) قۇرئاننىڭ زاھىرىي مەنىسىگىلا قاراپ، ئۇنىڭ بىر پۈتۈن مەنىسىگە دېققەت قىلمايدۇ. 3) ئۆزىنى ھەممىنى بىلىدىغان دانىشمەن چاغلاپ، ئىنساننىڭ ئەقلىنىڭ چەكلىك ئىكەنلىكىنى، ھەممىنى تولۇق بىلىشكە قادىر ئەمەسلىكىنى نەزەردىن ساقىت قىلىدۇ-دە، ئۆزىگە ئوخشىمايدىغان تەپەككۈر قىلغانلارنى تەكفىر قىلىدۇ (كاپىرغا چىقىرىدۇ). 4) لوگىكىلىق تەپەككۈر قىلمايدۇ. 5) قۇرئان، ھەدىستە تەسەۋۋۇپ ئاتالغۇسى يوق دەپ ئۇششۇقلۇق قىلىدۇ، لېكىن تەپسىر، ھەدىس، فىقىھ، ئاقائىد دەيدىغان ئىسىملارنىڭمۇ قۇرئاندا يوقلۇقىنى تىلغا ئېلىشنى خالىمايدۇ. 6) .......
لوگىكىلىق تەپەككۈر قىلىدىغان بولساق، مىلادى 2-ئەسىردە ئوتتۇرىغا چىققان تەسەۋۋۇپ بىدئەت دېيىلىدىغان بولسا، ئۇنداقتا، كۈنىمىزدە ئىسلامىي ئېنىستوتلاردا ئوقۇتىلىۋاتقان تەپسىر، ئاقائىد، ھەدىسشۇناسلىق، ئىسلام تارىخى، فىقىھ (شەرىئەت ئىلمى)، ھۆسنىخەت، كالام، پەلسەپە ..... قاتارلىق ئىلىملەر ھەممىسى بىدئەت بولۇشى كېرەك. چۈنكى پەيغەمبىرىمىز ياشىغان زاماندا بۇ ئىلىملەر يوق ئىدى. ھەدىس كىتابلىرى بىدئەت بولۇشى كېرەك، چۈنكى بۇلارمۇ پەيغەمبىرىمىز، ساھابىلەر، تابىئىنلەر زامانىدا يېزىلمىغان.
بىر نەرسىنىڭ سىستېمىلاشتۇرۇلۇپ يېزىلماسلىقى، مۇنتىزىم ئىلىم ھالىتىگە كەلمىگەنلىكى، كىتابلاشتۇرۇلمىغانلىقى، بۇنداق بىر ئىلىمنىڭ مەۋجۇت ئەمەسلىكىگە دەلىل بولالمىغىنىدەك، تەپسىر، فىقىھ، ھەدىس ئىلمىنىڭ كېيىن ئوتتۇرىغا چىققانلىقى بۇ ئىلىملەرنىڭ بىدئەت ئىكەنلىكىگە دەلىل بولالمايدۇ. شۇنىڭدەك، پەيغەمبىرىمىز ھايات ۋاقتىدا قۇرئاننى تەپسىر قىلغان، ھەدىس سۆزلىگەن، ساھابىلەر بۇنى يادلىغان، فىقىھتا تەتقىقات ئوبيىكتى بولىدىغان مەسىلىلەرنى ئەھكام ئايەتلىرى بىلەن ھەل قىلغان. دېمەك، فىقىھ، ھەدىس، تەپسىر ھەممىسى شۇ زاماندا مەۋجۇت ئىدى، پەقەت مەكتەپلەردە ئايرىم ئايرىم ئىلىم سۈپىتىدە ئوقۇتۇلىشى مىلادى 2-3-ئەسىردىن كېيىن مۇنتىزىم يولغا قويۇلغان. تەسەۋۋۇپمۇ مانا مۇشۇنداق. پەيغەمبىرىمىزنىڭ مەسجىدە نەبەۋىدە ئەسھابى سۇففاغا دەرس بەرگەنلىكى، شۇ ئەسھابى سۇففانىڭ كېيىنكى سۇپىيلارنىڭ باشلىنىشى ئىكەنلىكى، پەيغەمبىرىمىز ئۇلارغا ئۆگەتكەن باتىنىي ئىلىملەر (نەپسىنى پاكلاش مېتودى)نىڭ مىلادى 2-ئەسىردە سىستېمىلىق بىر ئىلىم ياكى مېتود سۈپىتىدە ئىلىمى نەزىرىيە بىلەن ئوتتۇرىغا چىققانلىقى ئەمەلىيەت. تەسەۋۋۇپمۇ خۇددى تەپسىر ئىلمى، ھەدىس ئىلمى، فىقىھ ئىلمى، ... قاتارلىق ئىسلامىي ئىلىملەرگە ئوخشاش بىر ئىلىم. دىننى شەكىل جەھەتتە چۈشىنىش ئەمەس، ئۇنى روھىغا سىڭدۈرۈپ، ئەمىلىيىتىدە ئىجرا قىلىشنى، ئاللاھقا، رەسۇلۇللاھقا قانداق يېقىنلىشىشنى، دىننى قانداق ياشاشنى، ئاللاھنىڭ رازىلىقىغا قانداق ئېرىشىشنى پەيغەمبىرىمىزنىڭ مېتودى بىلەن سىستېمىلىق ئۆگىتىدىغان بىر ئىلىم خالاس.
بىز ئۇيغۇرلار ئىچىدە قېنى كىم بۇ ئىلىم ساھەسىدە مۇنتىزىم ئوقۇپ باقتى؟ ئەرەپچە بىلىدىغانلار كۈرمىڭ، قۇرئان يادلىغانلار كۈرمىڭ، تارىخ ئوقىغانلار كۈرمىڭ. لېكىن تەسەۋۋۇپنى ئىچكىرىلەپ تەتقىق قىلىپ، ھە، ئەسلى بۇ مۇنداق ئىكەن دېگۈدەك دەرىجىدە ئىلىم تەھسىل قىلغانلار بارمۇ؟  ماۋزىدۇڭ دېگەن كاپىر چېغىدا «تەكشۈرۈپ تەتقىق قىلمىغان كىشىنىڭ پىكىر بايان قىلىش ھوقۇقى يوق» دەپتىكەن. تەكلىماكاندىكى ئىككى تۆت تال سۇپىينىڭ سىن لىنتىسىنى كۆرۈپ، ئۇلارنىڭ ئوقىغان ھۆكمەتلىرىنىڭ مەزمۇنىنى تەكشۈرمەي، سۇپىيلارغا دۈشمەنلىك قىلىدىغانلار يازغان زىددىيەتلىك ماقالىنىڭ فورمىلاسىغا سېلىپلا خەقنى «مۇشرىك» دەيدىغانلار، ئاۋال ئوقۇڭلار. ئوقۇش خوش ياقمىسا، ئەڭ ئاز 10 مۇسۇلمان دۆلەتكە بېرىپ چۆگىلەپ كېلىڭلار. ھەدىس كىتابلىرىدىن «كۇتۇبى سىتتە»دىن باشقا، ئىبنى ماجە، بەيھاقى، تابەرەنى يازغان كەڭ ھەجىمدىكى كىتابلارنى تولۇق ئوقۇڭلار. سىلى ئوقىماي تۇرۇپ، ئىبنى تەيمىييە بىلەن ئابدۇلۋاھابنىڭ سۆزى بىلەنلا ھەممىنى ئىنكار قىلساڭلار، قىيامەتتە ئېغىر زىيان تارتسىلەر. (ئۇ ئىككى كىشى ئالىم بولغان بىلەن پەيغەمبەر ئەمەس). ئەلى ئەسسابۇنى، ئەبۇلھەسەن ئەننەدەۋىي كىم بىلەمسىلەر؟ ئۇلارنىڭ كىتابىنى ۋاراقلاپ باقتىڭلارمۇ؟  

تولۇقلىما مەزمۇن (2013-2-28 23:04):
ھىجرىيە 2-ئەسىردە دېمەكچى ئىدىم، مىلادىيە دەپ خاتا يېزىلىپ قاپتۇ. Surgun1944قا رەھ

تولۇقلىما مەزمۇن (2013-2-28 23:06):
Surgun1944  قېرىندىشىم تۈزىتىپ قويغانلىقى ئۈچۈن كۆپ رەھمەت! ئاللاھ رازى بولسۇن!

Teklimekan

ilyas.hamit يوللىغان ۋاقتى  2013-2-28 18:22
ياق، 1 ھەپتە مۇشۇ توربەتتىكى مۇنازىرە ۋاقتى. بۇنى شىرى ...

ئااااااااااااااااا  
سىز  بىلەن  مۇنازىرىلىشىشنىڭ ئورنى قالماپتۇ، چىقىپ  ئۇماچ  ئىچىڭە.

ilyas.hamit ھەقىي سالاھىيەتلىك ئەزا

Teklimekan يوللىغان ۋاقتى  2013-2-28 09:36
ئااااااااااااااااا  
سىز  بىلەن  مۇنازىرىلىشىشنىڭ ئور ...

مۇنەزىرە مۇشۇ 1 ھەپتدە مۇنبەردە بولغان داۋاتىمەن.ئىنكاسنى توغۇر ئوقۇڭ.

ilyas.hamit ھەقىي سالاھىيەتلىك ئەزا

abduley يوللىغان ۋاقتى  2013-2-28 09:25
قەشقەردىكى خانلىق مەدرىس يىقىلدى، زىيان بىر بۇنىڭ بىل ...

مەن قانداقتۇر سىز دىگەندەك ئالىي بىلىم يۇرتلىرىدا ئوقىمىغان، ھەم ئالىم،شەيخمۇ ئەمەس. لىكىن ئاللاھنىڭ كىتابى،پەيغەمبىرىمىزنىڭ سۈننىتى بويىچە گەپ قىلىۋاتىمەن. سىزگە ئوخشاش سوپىزىمنى ياخلايدىغانلارغا چوقۇم سىلەرنىڭ ئەھلىيا،ئۆلىمالىرىڭلاردەك بولۇپ گەپ قىلىپ بەرسە تىتىيدىغۇ دەيمەن؟! مەن ئۇنداق سىلەرنىڭ ئەۋلىيالىرىڭلاردەك ئاسمانغا چىقىپ ئايلىنىپ كىلەلمەيمەن. شۇڭا مىنى ئىنكار قىلىۋاتىسىلەر، مەيلى مەنمۇ ئۆز يولۇمدا چىڭ تۇرىمەن،باشقىلارنىمۇ مۇشۇ يولۇمغا ،ھەقىقىي ئىسلام يولىغا دەۋەت قىلىمەن.سىلەرمۇ ھەم ئۆز يولۇڭلاردا ماڭىسىلەر، ھىساۋاتنى ھامان بىرىمىز!

abduley

ئىچكىرىدە بىر ئۇيغۇر ئوغرىلىق قىلسا، خەنزۇلار «پۈتكۈل ئۇيغۇر مىللىتى ئوغرى» دېسە، قانداق ھىسسىياتتا بولسىلەر؟
بىر مۇسۇلمان خرويىن ساتسا، كاپىرلار «پۈتكۈل مۇسۇلمانلار خرويىنچى» دېسە، قانداق ئويلايسىلەر؟
بىر سۇپىي نادانلىقىدىن پىرىنى ياكى بىرەر ئۇلۇغ كىشىنىڭ مازىرىنى چوڭ بىلىپ، ئۇ يەرگە بېرىپ يىغلاپ بىر نېمىلەرنى ئوقىسا، «پۈتكۈل سۇپىيلار مۇشرىك» دېسە، ئادىللىق بولامدۇ؟
مەن سىننى كۆردۈم، لېكىن ئۇلارنىڭ ئوقىغان نېمىسىنىڭ مەنىسىنى بىلەلمىدىم. مەنىسىنى ئېنىق بىلەلمەي تۇرۇپ، ئۇلارنى «ئاللاھقا شېرىك كەلتۈردى» دېيەلمەيمەن.
بىزنىڭ دىنىمىز جامائەت دىنى. نامازنى يالغۇز ئوقۇشقا قارىغاندا جامائەت بىلەن بىللە ئوقىسا 27 ھەسسە ئارتۇق ساۋاب بولىدۇ. جامائەت يىغىلىپ ئولتۇرۇپ ئاللاھنى زىكىر قىلسا، رەسۇلۇللاھقا دۇرۇت ئوقىسا، كۆپ ساۋاب بولىدىغانلىقى ھەققىدە ھەدىسلەر بار.  نېمىشقا ھەدىس كىتابلىرىنى تولۇق ئوقۇپ چىقماي يەڭگىلتەكلىك بىلەن ھۆكۈم چىقرىپ قازىلىق قىلىسىلەر؟ (جەررە-ساما دەيسىلەر، پەيغەمبىرىمىز مەدىنىگە كەلگەندە، ئەنسارلار خۇشاللىقتىن داپ چېلىپ، ناخشا ئېيتىپ كۈتىۋالمىغانمۇ؟)
سىلەر خەقنىڭ ئىچىدە شېرىك بار يوقلۇقىنى مىكروسكوپتا تەكشۈرۈپ بىلگەن ئوخشىمامسىلەر؟ رىيا، شېرىك دېگەن جىنايەتلەرنى قىيامەتتە ئاللاھ سورايدۇ. شەرىئەت پەقەت كىشىنىڭ زاھىرىغا قاراپ ھۆكۈم قىلىدۇ، قەلبنى ئاللاھتىن باشقا ھېچكىم كۆرەلمەيدۇ.
قازىلىق قىلىپ پەتىۋا پىچىشنى قويۇپ، ئاۋال ئىلىم تەھسىل قىلىپ كېلىڭلارچۇ؟! دىندا نەچچە ئون يىل ئوقىغان، ئەرەپچىنى سۇدەك ئىچىۋەتكەنلەرمۇ قۇرئان ھەدىسنى تولۇق بىلىپ بولدۇم، سۈننەتنى تۇلۇق بىلىمەن دەپ پوچىلىق قىلمايدۇ. ئادەم دېگەن ئۆزىنىڭ ھەممىنى بىلمەيدىغانلىقىنى ئېتىراپ قىلىپ، كەمتەرلىك بىلەن ئىلىم ئالغىنى ئەۋزەل.
نوچى بولساڭلار، ئاشۇ سىندىكى سۇپىيلاردىن بىرىنى چاقىرىپ، توردا سۆزلەتكۈزۈپ، نېمىشقا بۇنداق «بىدئەت» ئىش قىلغانلىقى، ئوقىغان شېئىرىنىڭ تېكىستى، بۇنىڭ قۇرئان-سۈننەتتىكى دەلىلىنى سوراڭلار. ئۇنىڭ جاۋابىنى ئاڭلىماي تۇرۇپ، ئۈستىدىن قازىلىق قىلىپ ھۆكۈم پىچىشنى قايسى شەرىئەت ئادىللىق دەيدۇ؟ ئۇلارنىڭ جاۋابىنى ئاڭلىماي، ئۇلارغا قارىلىغۇچى ياكى ئاقلىغۇچى ئادۋۇكات بولۇش ئادالەت پرىنسىپىغا ئۇيغۇنمۇ؟! كاپىرلار چېغىدا جىنايەتچىنى سوراق قىلىپ، ئىقرارىنى خاتىرە قالدۇرۇپ يازىدۇ. بەزىلەر ھۆكۈم كېسىشتە كاپىردىنمۇ ئۆتە رەھىمسىز بولۇپ كەتتىڭلار دېسەم ئارتۇق كەتمەس!

abduley

ئىچكىرىدە بىر ئۇيغۇر ئوغرىلىق قىلسا، خەنزۇلار «پۈتكۈل ئۇيغۇر مىللىتى ئوغرى» دېسە، قانداق ھىسسىياتتا بولسىلەر؟
بىر مۇسۇلمان خرويىن ساتسا، كاپىرلار «پۈتكۈل مۇسۇلمانلار خرويىنچى» دېسە، قانداق ئويلايسىلەر؟
بىر سۇپىي نادانلىقىدىن پىرىنى ياكى بىرەر ئۇلۇغ كىشىنىڭ مازىرىنى چوڭ بىلىپ، ئۇ يەرگە بېرىپ يىغلاپ بىر نېمىلەرنى ئوقىسا، «پۈتكۈل سۇپىيلار مۇشرىك» دېسە، ئادىللىق بولامدۇ؟
مەن سىننى كۆردۈم، لېكىن ئۇلارنىڭ ئوقىغان نېمىسىنىڭ مەنىسىنى بىلەلمىدىم. مەنىسىنى ئېنىق بىلەلمەي تۇرۇپ، ئۇلارنى «ئاللاھقا شېرىك كەلتۈردى» دېيەلمەيمەن.
بىزنىڭ دىنىمىز جامائەت دىنى. نامازنى يالغۇز ئوقۇشقا قارىغاندا جامائەت بىلەن بىللە ئوقىسا 27 ھەسسە ئارتۇق ساۋاب بولىدۇ. جامائەت يىغىلىپ ئولتۇرۇپ ئاللاھنى زىكىر قىلسا، رەسۇلۇللاھقا دۇرۇت ئوقىسا، كۆپ ساۋاب بولىدىغانلىقى ھەققىدە ھەدىسلەر بار.  نېمىشقا ھەدىس كىتابلىرىنى تولۇق ئوقۇپ چىقماي يەڭگىلتەكلىك بىلەن ھۆكۈم چىقرىپ قازىلىق قىلىسىلەر؟ (جەررە-ساما دەيسىلەر، پەيغەمبىرىمىز مەدىنىگە كەلگەندە، ئەنسارلار خۇشاللىقتىن داپ چېلىپ، ناخشا ئېيتىپ كۈتىۋالمىغانمۇ؟)
سىلەر خەقنىڭ ئىچىدە شېرىك بار يوقلۇقىنى مىكروسكوپتا تەكشۈرۈپ بىلگەن ئوخشىمامسىلەر؟ رىيا، شېرىك دېگەن جىنايەتلەرنى قىيامەتتە ئاللاھ سورايدۇ. شەرىئەت پەقەت كىشىنىڭ زاھىرىغا قاراپ ھۆكۈم قىلىدۇ، قەلبنى ئاللاھتىن باشقا ھېچكىم كۆرەلمەيدۇ.
قازىلىق قىلىپ پەتىۋا پىچىشنى قويۇپ، ئاۋال ئىلىم تەھسىل قىلىپ كېلىڭلارچۇ؟! دىندا نەچچە ئون يىل ئوقىغان، ئەرەپچىنى سۇدەك ئىچىۋەتكەنلەرمۇ قۇرئان ھەدىسنى تولۇق بىلىپ بولدۇم، سۈننەتنى تۇلۇق بىلىمەن دەپ پوچىلىق قىلمايدۇ. ئادەم دېگەن ئۆزىنىڭ ھەممىنى بىلمەيدىغانلىقىنى ئېتىراپ قىلىپ، كەمتەرلىك بىلەن ئىلىم ئالغىنى ئەۋزەل.
نوچى بولساڭلار، ئاشۇ سىندىكى سۇپىيلاردىن بىرىنى چاقىرىپ، توردا سۆزلەتكۈزۈپ، نېمىشقا بۇنداق «بىدئەت» ئىش قىلغانلىقى، ئوقىغان شېئىرىنىڭ تېكىستى، بۇنىڭ قۇرئان-سۈننەتتىكى دەلىلىنى سوراڭلار. ئۇنىڭ جاۋابىنى ئاڭلىماي تۇرۇپ، ئۈستىدىن قازىلىق قىلىپ ھۆكۈم پىچىشنى قايسى شەرىئەت ئادىللىق دەيدۇ؟ ئۇلارنىڭ جاۋابىنى ئاڭلىماي، ئۇلارغا قارىلىغۇچى ياكى ئاقلىغۇچى ئادۋۇكات بولۇش ئادالەت پرىنسىپىغا ئۇيغۇنمۇ؟! كاپىرلار چېغىدا جىنايەتچىنى سوراق قىلىپ، ئىقرارىنى خاتىرە قالدۇرۇپ يازىدۇ. بەزىلەر ھۆكۈم كېسىشتە كاپىردىنمۇ ئۆتە رەھىمسىز بولۇپ كەتتىڭلار دېسەم ئارتۇق كەتمەس!

Teklimekan

توۋا، ئۆزىنىڭ دېگەنلىرىنى بىر دومىلاپلا ئاللاھنىڭ كىتابى ۋە ئۇنىڭ رەسۇلىغا دۆڭگەپ قويالايدىغانلارمۇ بار ئىكەن.
ئۆز  ھېسابىمنى قانداق بىرەرمەن دېمەي سۈرۈشتۈرۈپ كەلسە بەلكى مىلياردقا يېتىدىغان ئىنسانلارنى مۇشرىك دېيەلەيدىكەن.
شۇنىڭغا قارىغاندا دەسمايىڭىز خېلى بار ئوخشايدۇ.

ilyas.hamit ھەقىي سالاھىيەتلىك ئەزا

abduley يوللىغان ۋاقتى  2013-2-28 09:51
ئىچكىرىدە بىر ئۇيغۇر ئوغرىلىق قىلسا، خەنزۇلار «پۈتكۈل ...

بىز ئۇلارنىڭ خاتا داۋاتساق ئۇلارنى چاقىرىپ سىنىڭ نىمىگە خاتا شۇنى دە  دەمدۇق؟ قانداق مەنتىق بۇ ؟ سىز توغرا دىگەندىن كىيىن سىز چاقىرتىپ سىزنىڭ توغرىتىغۇ بۇلا خاتا داۋاتىدۇ بىر نىم دەڭە دىمەمسىز!

ilyas.hamit ھەقىي سالاھىيەتلىك ئەزا

abduley يوللىغان ۋاقتى  2013-2-28 09:52
ئىچكىرىدە بىر ئۇيغۇر ئوغرىلىق قىلسا، خەنزۇلار «پۈتكۈل ...

(1)ئەي دوستلار، قۇلاق سېلىڭ ئېيتقىنىمغا، نە سەۋەپتىن 63 تە كىردىم يەرگە، مىراج ئۈزرە ھەق مۇستافا روھىم كۆردى، ئۇل سەۋەپتىن 63 تە كىردىم يەرگە.

    (2) ھەق مۇستافا جەبرائىلدىن قىلدى سۇئال: « بۇ نىچۈك روھ تەنگە كىرمەي تاپتى كامال. كۆزى ياشلىق، خەلقە باشلىق، قەددى ھىلال ». ئۇل سەۋەپتىن 63 تە كىردىم يەرگە.

     (3) جەبرائىل ئېيتتى:« ئۈممەت ئىشى سىزگە بەرھەق، كۆككە چىقىپ،مالايىكتىن ئولۇر سەۋەپ، نالىسىگە نالە قىلۇر ھەفتۇم تەبەپ ». ئۇل سەۋەپتىن 63 تە كىردىم يەرگە.

   (4 ) « پەرزەنتىم » دەپ ھەق مۇستاپا قىلدى كالام، ئۇندىن كىيىن بارچە ئەرۋاھ قىلدى سالام، رەھمەت دەريا تولۇپ - تېشىپ يەتتى پەييام، ئۇل سەۋەپتىن 63 تە كىردىم يەرگە.

     (5) رەھىم ئىچرە پەيدا بولدۇم، نىدا كەلدى، زىكىر ئېيت دىدى، بەدەنلىرىم جۇنبۇش قىلدى، « پەرزەنتىم » دەپ ھەق مۇستافا ئۈلۈش بەردى، ئۇل سەۋەپتىن 63 تە كىردىم يەرگە.

     (6) تۆت يۈز يىلدىن كىيىن چىقىپ، ئۈممەت بولغاي، نەچچە يىللار يۈرۈپ، خەلققە يول    كۆرسەتكەي، ئون تۆت مىڭ مۇجتەھىتلار خىزمەت قىلغاي، ئۇل سەۋەپتىن 63 تە كىردىم يەرگە.

     (7) توققۇز ئاي توققۇز كۈندە يەرگە تۈشتۈم، توققۇز سائەت تۇرالمىدىم كۆككە ئۇچتۇم، ئەرشى كۈرسى پايەسىنى بارىپ قۇچتۇم، ئۇل سەۋەپتىن 63 تە كىردىم يەرگە.

    (8) ئەرش ئۈستىدە ناماز ئوقۇپ، تىزىم بۈكتۈم، روزا ئېيتىپ، ھەققە بۈكۈپ ياشىم تۆكتۈم، يالغان ئاشىق، يالغان سوفى كۆردۈم سۆكتۈم، ئۇل سەۋەپتىن 63 تە كىردىم يەرگە.

   (9) جاندىن كەچمەي، ھۇ-ھۇ دىگەن بارى يالغان، بۇ قىلتاقتىن سورماڭ سۇئال، يولدا قالغان، ھەقنى تاپقان ئۆزى پىنھان، سۆزى پىنھان، ئۇل سەۋەپتىن 63 تە كىردىم يەرگە.

   (10) بىر يېشىمدا ئەرۋاھ ماڭا ئۈلۈش بەردى، ئىككى ياشتا پەيغەمبەرلەر كىلىپ كۆردى، ئۈچ يېشىمدا چىلتەن كىلىپ ھالىم سوردى، ئۇل سەۋەپتىن 63 تە كىردىم يەرگە.

   (11) تۆت يېشىمدا ھەق مۇستافا بەردى خۇرما، يول كۆرسەتتىم، يولغا كىردى نەچچە گۇمراھ، قايدا بارسام، خىزىر بابام ماڭا ھەمراھ، ئۇل سەۋەپتىن 63 تە كىردىم يەرگە.

   (12) بەش يېشىمدا بېلىم باغلاپ، تائەت قىلدىم، تەتاۋۋۇ روزا تۇتۇپ، ئادەت قىلدىم، كىچە-كۈندۈز زىكرىن ئېيتىپ، راھەت قىلدىم، ئۇل سەۋەپتىن 63 تە كىردىم يەرگە.

   (13) يەتتە ياشتا ئارسلان بابام ئىزلەپ تاپتى، ھەر سىر كۆرۈپ، پەردە بىرلە بۈكۈپ ياپتى، بىھەمدۇللاھ، كۆردۈم، دىدى، ئىزىم ئۆپتى، ئۇل سەۋەپتىن 63 تە كىردىم يەرگە.

   (14) قابىز كىلىپ ئارسلان بابام جانىن ئالدى، ھۆرلەر كىلىپ ھەرىر توندىن كېپەن قىلدى، يەتمىش مىڭ پەرىشتىلەر يىغلاپ كەلدى، ئۇل سەۋەپتىن 63 تە كىردىم يەرگە.

   (15) جىنازىسىنى ئوقۇپ، يەردىن كۆتەردىلەر، بىر پۇرسەتتە ئۇجماھ ئىچرە يەتكۇردىلار، روھىل ئېلىپ، ئىلىيىنگە كىرگۈزدىلەر، ئۇل سەۋەپتىن 63 تە كىردىم يەرگە.

   (16) ئاللاھ، ئاللاھ يەر ئۈستىدە ۋەتەن قىلدى، مۇنكىر-نەكىر « مەن رەببۇك » دەپ سوراق سوردى، ئارسلان بابام ئىسلامىدىن بايان قىلدى، ئۇل سەۋەپتىن 63 تە كىردىم يەرگە.

   (17) ئەقلىڭ بولسا، ئېرەنلەرگە خىزمەت قىلغىل، « ئەمرى مەرۇپ » قىلغانلارنى ئىززەت قىلغىل، « نەھى مۇنكەر » قىلغانلارنى ھۈرمەت قىلغىل، ئۇل سەۋەپتىن 63 تە كىردىم يەرگە.

   (18 ) سەككىزىمدە سەككىز يەردىن يول ئېچىلدى، ھىكمەت ئېيت، دەپ باشلىرىمغا نۇر چېچىلدى، بىھەمدۇللاھ ، پىرى مۇغان مەي ئىچۈردى، ئۇل سەۋەپتىن 63 تە كىردىم يەرگە.

   (19) پىرى مۇغان ھەق مۇستافا بەرھەق بىلىڭ، قايدا بارساڭ ۋەسپىن ئېيتىپ تازىم قىلىڭ، دۇرۇد ئېيتىپ، مۇستافاغا ئۈممەت بولۇڭ، ئۇل سەۋەپتىن 63 تە كىردىم يەرگە.

   (20) توققۇزۇمدا تولغانمىدىم توغرا يولغا، «تەبەررۇك»، دەپ ئېلىپ يۈردى قولدىن قولغا، قۇۋانمىدىم بۇ سۆزلەرگە، قاچتىم چۆلگە، ئۇل سەۋەپتىن 63 تە كىردىم يەرگە.

   (21) ئون يېشىڭدا ئوغلان بولدۇڭ، قۇل خوجا ئەخمەت، خوجالىققا بىنا قويۇپ، قىلماي تائەت، « خوجا مەن » دەپ يولدا قالساڭ، ۋاي، نە ھەسرەت، ئۇل سەۋەپتىن 63 تە كىردىم يەرگە.( ئۇيغۇرچىلاشتۇرغۇچى : گۈلسۇمئاي
مابا بۇ خوجا ئەھمەت يەسەۋىنىڭ يازغانلىرى، قېنى سوفىزىمنى ماختاپ ئۇچۇرۇپ، ھەقىقى سوفىزىمنىڭ نىمىلىكىنى تونۇتماقچى بولغان ئۆلىمالار. قۇرئان ۋە ھەدىستىن دەلىل كەلتۈرۈپ بۇ يەردىكى سۆزلەرنى ئىسپاتلىمايلىمۇ؟

ilyas.hamit ھەقىي سالاھىيەتلىك ئەزا

abduley يوللىغان ۋاقتى  2013-2-28 09:52
ئىچكىرىدە بىر ئۇيغۇر ئوغرىلىق قىلسا، خەنزۇلار «پۈتكۈل ...

1-مۇھەممەد ئەلەيھىسسالامنىڭ مىراجغا چىققاندا خوجا ئەھمەد يەسەۋىينىڭ روھىنى كۆرگەنلىكى ھەققىدىكى ھەدىسنى كۆرسىتىڭ.
2-مۇھەممەد ئەلەيھىسسالامنىڭ جىبرىئىلدىن باشقىلار ھەققىدە سۇئال سوراش ۋە جىبرىئىلغا بۇيرۇق بىرىدىغانلىقى توغۇرلۇق سەھىھ ھەدىس كۆرسىتىڭ.
4-مۇھەممەد ئەلەھيسسالامنىڭ  مىراج ھەققىدىكى ھەدىسىدە خوجا ئەھمەد يەسەۋىينى مېنىڭ ئوغلۇم دېگەنلىكى توغۇرلۇق ھىچقانداق بايان يوق.ئالتە ھەدىس كىتىۋىنىڭ بىرەرسىدىمۇ بۇ تىلغا ئېلىنغان ئەمەس.
6-خوجا ئەھمەد يەسەۋىينىڭ تۆت يۈز يىلدىن كىيىن تۇغۇلىدىغانلىقى توغۇرلۇق پەيغەمبەر ئەلەيھىسسالام دېگەن ھەدىس قەيەردە بار بۇنىڭ دەلىلى نىمە؟  .....
8-خوجا ئەھمەت يەسەۋىينىڭ ئەرشتە ناماز ئوقۇغانلىقى توغۇرلۇق قايسى ھەدىس كىتىۋىدا بايان بار؟ قايسى مۇھەددىس بۇنى ئۆز كىتاۋىدا قالدۇرغان؟
قالدى «ھىكمەتلەر» ھەققىدە تېخى سۇئال قويمۇدۇم.