‹سابا لوڭقىسى›پۇتبول مۇسابىقىسى نەق مەيدان فىلىمى

umidwar

	تۇنجى نۆۋەتلىك <<سابا لوڭقىسى >>باشلانغۇچ مەكتەپ پۇتبول مۇسابىقىسى ئېچىلىش مۇراسىمى ئەلكۈيى تورى مەخسۇس فىلىمى 2012-يىلى ئوغۇز ئېيىنىڭ 11-كۈنى چۈشتىن كىيىن ، سابا مەرىپەت مائارىپ تەربىيلەش مەركىزى  2012-يىللىق <<سابا لوڭقىسى >>باشلانغۇچ مەكتەپ پۇتبول مۇسابىقىسى ئۈرۈمچى شەھەرلىك 19-باشلانغۇچ مەكتەپتە داغدۇغىلىق ھالدا باشلاندى.سابا مەرىپەت مائارىپ تەربىيلەش مەركىزى قۇرۇلغان ئىككى يىلدىن بۇيان ھەر قايسى جەھەتلەردە تالانت ۋە ئىقتىدارى بار ياشلارغا ئۆزىنى نامايەن قىلىش پۇرسىتى يارىتىپ بېرىش ئۈچۈن ، لېسكسىيە ، سەنئەت ، ساياھەت لاگېرى ، تەنتەربىيە قاتارلىق دەرىستىن سىرتقى پائالىيەتلەرنى  زىچ بىرلەشتۈرۈپ ، ھەر يىلى <<سابا ناۋاسى >>سەنئەت كېچىلىكى ،<<سابادا شادلىق مىنۇتلىرى >>پىروگىراممىسى ،<<سابا لوڭقىسنى تالىشىش >>گۈزەل -سەنئەت -خەتتاتلىق مۇسابىقىلىرىنى  ئۇيۇشتۇرۇپ كەلگەنىدى . سابا مەرىپەت مائارىپ تەربىيلەش مەركىزى دىيارىمىز پۇتبولچىلىقىغا ئۆز ھەسسىسىنى قوشۇش ئىسىتىكىدە <<سابا لوڭقىسى >>2012-يىللىق باشلانغۇچ مەكتەپ پۇتبول مۇسابىقىسى تەشكىللەپ،دىيارىمىز بالىلىرىنىڭ پۇتبول قىزغىنلىقىغا ياخشى مەدەت بىرىدىغان،ئىلھام بولىدىغان بىر كاتتا پۇرسەتنى تەمىن ئەتتى.ئەلكۈيى تورى كەڭ تورداشلارنىڭ ئەل سۆيگەن ناخشىچى،سابا مەرىپەت مائارىپ تەربىيلەش مەركىزىنىڭ قۇرغۇچىسى مۆمىنجان ئابلىكىم ۋە سابادىكى ھەرقايسى ئوقۇتقۇچى -ئۇستازلار تەييارلىغان بۇ قېتىملىق مۇسابىقىنىڭ تەپسىلاتىنى تورداشلارغا خەۋەردار قىلىش ، ھەرقايسى پۇتبول سۈيەر پەخىرلىك ئوغلانلىرىمىزنىڭ پۇتبول ھەققىدىكى كۆز قاراشلىرىنى تورداشلارغا بىلدۈرۈش مەقسىتىدە ئېچىلىش مۇراسىمىنىڭ تولۇق ئەھۋالىنى سۈرەتكە ئېلىپ ھەمدە بىر قىسىم تەپسىلاتلار بىلەن مەخسۇس فىلىم ئىشلەپ ئەلكۈيىدىكى كەڭ تورداشلارنىڭ ھوزۇرىغا سۇندۇق،ياقتۇرۇپ كۆرۈشۈڭلارنى ئۈمىد قىلىمىز. ئېچىلىش مۇراسىمىغا مۇناىسۋەتلىك رەسىملەر يوللىنىۋاتىدۇ... رەئىس سەھنىسىدىن كۆرۈنۈش رەئىس سەھنىسىدىن كۆرۈنۈش رەئىس سەھنىسىدىن كۆرۈنۈش ئوقۇغۇچىلار ئەل سۆيگەن سەنئەتكارلار ۋە پۇتبول چولپانلىرىنى ئورىۋېلىپ بەس-بەستە ئىمزا قويدرۇماقتا ئەل سۆيگەن پەخىرلىك ئۇيغۇر ئوغلانى،ئۇستاز سەنئەتكار ئابدۇللا ئابدۇرېھىم تىلەك سۆزلىرىنى بىلدۈرمەكتە رىياسەتچى ئىسھاق سولايمان ئېچىلىش مۇراسىمىغا رىياسەتچىلىك قىلماقتا سابا مەرىپەت مائارىپ تەربىيلەش مەركىزىنى قۇرغۇچىسى ، ئەل سۆيگەن ناخشىچى مۆمىنجان ئابلىكىمئېچىلىش مۇراسىمىدا سۆز قىلماقتا ئۈرۈمچى شەھەرلىك 19-باشلانغۇچ مەكتەپ ئوقۇغۇچىلىرى ئاتاقلىق كومپىزوتور،ئەل سۆيگەن ناخشىچى ئابلەت ئابلىكىم ئورۇنلىغان ساما ناخشىسىغا ساما سالماقتا ئەل سۆيگەن پەخىرلىك ئۇيغۇر ئوغلانى،ئۇستاز سەنئەتكار ئابدۇللا ئابدۇرېھىم مۇئەللىم ناملىق ناخشىنى ئورۇنلىماقتا ئېچىلىش مۇراسىمىدىكى سەنئەت نومۇرلىرىدىن كۆرۈنۈشلەر.. مۆمىنجان ئابلىكىم جۇڭگو پۇتبولچىلىقىدىكى ئەڭ چاقنىغان پۇتبول چولپانلىرى ھېسابلىنىدىغان دىيارىمىز ئوغلانلىرى بارى مۇھەممەدئەلى ۋە ئابدۇۋەلى قاتارلىق پۇتبولچىلىرىمىزدىن سۇئال سورىماقتا 11-ئۆكتەبىر چۈشتىن كىيىن  ئۈرۈمچى شەھەرلىك 19 -باشلانغۇچ مەكتەپ مەيدانى قاينام - تاشقىنلىققا چۆمدى .ئېچىلىش مۇراسىمىغا جۇڭگو پۇتبولچىلىقىدىكى يارقىن يۇلتۇز سانىلىدىغان خەلقىمىزدىن يىتىشىپ چىققان  پۇتبول ئەزىمەتلىرىمىزدىن بارى ، ئابدۇۋەلى ،  شۇنداقلا ئەل سۆيگەن پەخىرلىك ئۇيغۇر ئوغلانى ، ئۇستاز سەنئەتكار ئابدۇللا ئابدۇرېھىم،ئاتاقلىق كومپىزوتور ،ئەل سۆيگەن ناخشىچى ئابلەت ئابلىكىم ، سابا مەرىپەت مائارىپ تەربىيلەش مەركىزىنىڭ قۇرغۇچىسى مۆمىنجان ئابلىكىم شۇنداقلا پۇتبولسۈيەر كارخانىچى يۈسۈپ ئىمىن ۋە دىيارىمىزدا نام قازانغان بىر قىسىم پۇتبول كوماندىلىرىنىڭ تىرىنىرلىرى ،ئۈرۈمچى شەھەرلىك 19-باشلانغۇچ مەكتەپنىڭ ئوقۇتقۇچى - ئوقۇغۇچىلىرى قاتناشتى.ئەل سۆيگەن سەنئەتكارلارنى ئېچىلىش مۇراسىمىدا بالىلارنىڭ پۇتبول ئىشقىنى كۈيلەپ ئېيتقان ناخشىلىرى،داڭلىق پۇتبول چولپانلىرىنىڭ ھەرقايسى ئۆسمۈرلەرگە پۇتبول ھەققىدە بەرگەن تەلىملىرى ئادەمنى تولىمۇ ھاياجانغا سالدى.ئېچىلىش مۇراسىمىنىڭ داغدۇغا ئېچىدە ئۆتكۈزىلىشىگە ئەگىشىپ مۇسابىقە رەسمىي باشلاندى.تۇنجى مەيدان مۇسابىقىنى پۇتبولچىلىقمىزنىڭ پەخرىي يىگىتلىرى بارى بىلەن ئابدۇۋەلى باشلاپ بەردى . ئوقۇغۇچىلارنىڭ شاد-خۇراملىق مىنۇتلىرى سابا مەرىپەت مائارىپ تەربىيلەش مەركىزىنى قۇرغۇچىسى ، ئەل سۆيگەن ناخشىچى مۆمىنجان ئابلىكىم،پۇتبولچى ئەزىمەتلىرىمىزدىن بارى مۇھەممەدئەلى،ئابدۇۋەلى بىرگە سابا مەرىپەت مائارىپ تەربىيلەش مەركىزىنى قۇرغۇچىسى ، ئەل سۆيگەن ناخشىچى مۆمىنجان ئابلىكىم ئەلكۈيى تورى قاتارلىق تاراتقۇلارنىڭ زىيارىتىنى قوبۇل قىلماقتا ئۈرۈمچى شەھەرلىك 19-باشلانغۇچ مەكتەپنىڭ رەھبەرلىرى ئەلكۈيى تورى قاتارلىق تاراتقۇلارنىڭ زىيارىتىنى قوبۇل قىلماقتا تۇنجى مەيدان مۇسابىقىنى ئەزىمەتلىرىمىزدىن بارى،ئابدۇۋەلى باشلاپ بەردى ئەلكۈيى تورىنىڭ ئېگىلىشىچە، بۇ قېتىمقى سىنىپلار ئارا مۇسابىقىدە نەتىجىگە ئېرىشكەن ئالدىنقى ئۈچ كوماندا سابا مەرىپەت مائارىپ تەربىيەلەش  مەركىزى تەمىنلىگەن  مۇكاپاتلار بىلەن تەقدىرلىندىغان بولۇپ،مۇسابىقە ھەر كۈنى تۈركۈملەر بويىچە ئوينىلىپ 2012-يىلى 10-ئاينىڭ 22-كۈنى ھەل قىلغۇچ مۇسابىقە ئوينىلىپ نەتىجىگە ئېرىشكەن كوماندا يېپىلىش مۇراسىمىدا ئالاھىدە مۇكاپاتلار بىلەن تەقدىرلىنىدىكەن. ئۈرۈمچى شەھەرلىك تېلىۋىزىيە ئىستانسىسىنىڭ رىياسەتچىسى،مەركىزى خەلق رادىيو ئىستانسىسىنىڭ دىكتورى ئىسھاق سۇلايمان،سابا مەرىپەت مائارىپ تەربىيلەش مەركىزىنىڭ باش دېرىكتورى سەمى ئابلىكىم، سابا مەرىپەت مائارىپ تەربىيلەش مەركىزىنىڭ قۇرغۇچىسى مۆمىنجان ئابلىكىم،سابا مەرىپەت مائارىپ تەربىيلەش مەركىزىنىڭ ئىلمىي مۇدىرى جۈرئەت مۇئەللىم قاتارلىقلار ئېچىلىش مۇراسىمىدا ئەلكۈيى تورىنىڭ قۇرغۇچىسى،ئەلكۈيى تور تېخنىكا چەكلىك شىركىتىنىڭ باش دېرىكتورى مەمەتجان ئۈمىدۋار،پۇتبولچى ئەزىمەتلىرىمىزدىن بارى مۇھەممەدئەلى،ئابدۇۋەلى بىرگە سابا مەرىپەت مائارىپ تەربىيلەش مەركىزىدىن مەردان ئابلىكىم ۋە ئەلكۈيى تورىنىڭ قۇرغۇچىسى مۇھەممەدجان ئۈمىدۋار ئەلكۈيى تورى ئەل سۆيگەن ناخشىچى،مەرىپەتپەرۋەر ياش مۆمىنجان ئابلىكىمنىڭ ئۇيغۇر سەنئىتى ئۈچۈنلا تىرىشىپ قالماستىن،خەلقىمىزنىڭ ئاقارتىش ئىشلىرى ئۈچۈنمۇ چىقارغان زور تىرىشچانلىقىغا چىن دىلىدىن رەھمەت ئېيتىدۇ شۇنداقلا تورىمىزدىكى بارلىق تورداشلارغا ۋاكالىتەن <<سابا لوڭقىسى>>نىڭ تېخىمۇ جۇلالىنىپ،بۇنىڭدىن كىين دىيارىمىزدىكى ھەممەيلەن ئىنتىلىدىغان پۇتبول مەيدانىدىكى جۇلالىق مۇكاپاتلارنىڭ،يارقىن سەھنىلەرنىڭ قاتارىدىن ئورۇن ئېلىشىنى ئۈمىد قىلىدۇ. كامالىي ئېھتىرام بىلەن: ئەلكۈيى تور تېخنىكا چەكلىك شىركىتى ئەلكۈيى تور بېكىتى 2012-يىلى 10-ئاينىڭ 14-كۈنى(ئوغۇز ئېيىنىڭ 14-كۈنى)

yarkn

	ئانا  مەكتىپىم 19- باشلانغۇچنى  كۆرىۋالدىم ....      ئۇزۇن بوپتىكەن  .....   ناھايىتى ياخشى پائالىيەت بوپتۇ  ....   ‹سابا لوڭقىسى › دەك مۇسابىقىلەرنىڭ  داۋاملىق بولۇپ تۇرشىنى ئۈمىد قىلىمەن ...

KUSAN0377

	مۆمىنجان ئاكىمىزنىڭ مەكتەپ قۇرۇشى ئنتايىن ياخشى ئىش،ھەم شۇ ھەرخىل پائاليتەتلەرنى ئۇيۇشتۇرۇپ كىلۋاتىدۇ ،سابا سەنئەت كچىلكىنى مەن توردىن كۆرگەن ئىنتايىن ياخشى ئەھمىيەتلىك بۇلۇپتۇ ،بۇ پۇتبول مۇسىابىقسىمۇ ئىنتايىن ئەھمىيەتلىك ئىش بۇپتۇ ،مەن كىچىكرەك بولغان بولسام چۇقۇم ساباغا بېرىپ بىلىم ئاللاتتىم .مۆمىنجان ئاكىمىزغا كوپتىن كۆپ رەخمەت .

2bagzada

	ئەل سۆيگەن ئەلنى سۆيگەن پەخىرلىك ناخشىچمىز ھەم خەلىقنىڭ ئوغلى مۆمىنجان ئابلىكىم ،سابا مەرىپەت مائارىپ تەربىيلەش مەركىزنىڭ تەرەققىياتى ئۈچۈن ئۆزلۈكسىز تىرىشۋاتقانلىقنىڭ نەتىجىسىنى ئەلكۈيى تورى ۋە ئەلكۈيى مىكرو بىلوگى ئارقىلىق ئارقىلىق كۆرۈۋاتمىز ۋە ئاڭلاۋاتمىز .سابانىڭ ئوقۇغۇچىلارغا ئۆزىنىڭ ئىقتىدارىنى نامايەن قىلىش پۇرسىتى يارتىپ بېرىش ئۈچۈن، لېكسىيە ، ساياھەت لاگېرى ، سابادا شادلىق مىنۇتلىرى ، ھەم گۈزەل سەنئەت خەتتاتلىق مۇسابىقلىرىنى ئۆتكۈزگەنلىكنى توردا كۆرگەن ئىدىم .بۈگۈن ئەتىگەن سابانىڭ 19-باشلانغۇچ مەكتەپ بىلەن ھەمكارلىشىپ  2012-يىللىق ‹‹سابا لوڭقىسى ››باشلانغۇچ مەكتەپ پۇتبول مۇسابىقسىنىڭ سۈرەتلىك ۋىدىئوسىنى كۆرۈپ ، سابانىڭ ياش-ئۆسمۈرلەرگە بۇنداق چوڭ تىپتىكى  سەھنەۋە مەيدان تەييارلاپ، ئۇيغۇر پۇتبولچىلىقىغا كۆڭۈل بۆلگەنلىكىگە ۋە بالىلارنىڭ ساغلام ئۆسۈپ يىتىلىشگە، كۆڭۈل بۆلگەنلىكىگە ، مۆمىنجان ئابلىكىم باشچىلىقدىكى رەھبەرلەرگە رھمەت ئېيتىماي تۇرالمىدىم .رەھمەت سىلەرگە.ئۇلۇق ئاللاھ كىينكىلەر ئۈچۈن باسقان ھەر بىر قەدىمىڭلاردىن گۈللەر ئۈنسۈن.

ئۇيغۇرۇم

	ئالدى بىلەن  پەخىرلىك ئوغلانىمىز ، ھەمدە خەلقنىڭ ئالقىشىغا ئېرىشكەن  ھەم سازاۋەر بولغان  مۆمىنجان ئابلىكىمنىڭ ‹‹سابا مەرىپەت مائارىپ تىل  تەربىيەلەش مەركىزى››نىڭ ياش ئۆسمۈرلەرگە   <<سابا لوڭقىسى>>تالىلىش مۇسابىقىسىنى ئۆتكۈزۈپ بەرگەنلىكىگە خوشال بولدۇم ، ھەم سۈيۈندۈم ! بۇ مۇسابىقە ھەقىقەتەن ياخشى ئۆتكۈزۈلۈپتۇ ، ئەل سۆيگەن پەخىرلىك ئوغلانلىرىمىز مۇسابىقە باشلىنىش مۇراسىمىگە قاتنىشىپتۇ . مۆمىنجان ئابلىكىمنىڭ ئۇيغۇر پۇتبولچىلىقىغا بولۇپمۇ ياش ئۆسمۈرلىرىمىزەگە مۇشۇنداق ياخشى شارائىتنى يارىتىپ بەرگەنلىكىدىن سۈيۈنمەي تۇرالمىدىم . سابا مەرىپەت مائارىپ تىل  تەربىيەلەش مەركىزىنىڭ بۇندىن كېيىنكى قەدەملىرىنىڭ تېخىمۇ  پارلاق ،  تېخىمۇ  گۈللۈنۈپ، كېتىشىنى چىن قەلبىمدىن ئۈمىد قىلىمەن !!!

hey

	مېنىڭچە بۈگۈنكى مۇشۇ دەۋىردە ئۇيغۇر كارخانىلىرىنىڭ ئازتولا ئىقتىساد توپلىغاندىن كىيىن مىللىي مائارىپنى قوللىشىدىنمۇ ئەلا ئىش يوق ،  ئەمما قارايدىغان بولساق مىلىلي مائارىپنى قوللاۋاتقان ، قولىدىن كىلىشىچە ساخاۋەت ئىشلىرىغا ياردەمدە بولىۋاتقانلار يەنىلا ئەمدىلاتىن باش كۆتۈرۈپ چىققانلارلا خالاس ، نۇرغۇن ئۇيغۇر پۇلدارلىرىمىز ، كارخانىچىلىرىمىز ، سودىگەرلىرىمىز بار ، شىنجاڭدىلا ئەمەس تىيەنجىن ، شاڭخەي ، سۇجۇ ، گۇاڭجۇ قاتارلىق ئىچكىرىي ئۆلكىلەردە ئاسمان پەلەك بىنالىرى بار ، ھەتتا چەتئەللەردىمۇ زاۋۇت كارخانىلىرى بار ، ئەمما ئۇلارغا قارايدىغان بولساق بۇنداق ئىشلاردىن شۇنداق يېراق. خوتۇننى ئۈستى-ئۈستىگە ئىلىپ ، ئەتراپىدىكىلەرگىغۇ ياردەم بېرىش تۈگۈل ئۆز پۇشتىدىن تاپقان بالىلىرىنىڭ يىنىدا ئولتۇرۇپ بىرەر سۈرە ، بىرەر ھەدىس سۆزلەپ بېرەلمەيدىغان... سابا تەربىيەلەش مەركىزىنى گەرچە بەكمۇ چۈشۈنۈپ كەتمىسەممۇ ئۆتكەن يىلدىن بۇيان ئۇلارنىڭ تورلاردىكى فىلىملىرىنى كۆرۈپ ھۆرمىتىم ئاشتى ، نىمىلا دىگەن بىلەن مەركەز نامىغا ‹‹مەرىپەت›› دىگەن بۇ سۆزنى قوشقىنى ھەمدە ھەقىقىي مەرىپەت بۆشۈكى بولۇشقا تېرىشىۋاتقانلىقىدىن خۇرسەن بولدۇم. ئاخىرىدا ئۇيغۇر ئوتىدا كۆيۈۋاتقان مەن بىلىدىغان ۋە مەن بىلمەيدىغان ئۇيغۇر كارخانىلىرىنىڭ تېخىمۇ گۈللەپ ياشنىشىغا ، سابا مەرىپەت مەركىزىدەك مائارىپ ئورۇنلىرىنىڭ كۆپلەپ مەيدانغا كىلىشىگە تىلەكداشمەن!

xungkarkader

	پەخىرلىك ئوغلان مومىنجان دوستۇم، سىنىڭدىن پەخىرلىنىپ سوقتى يۇرۇگۇم. تېلەيمەن ئاللادىن ساڭا بەخىتلەر، خەلقىمنىڭ قەلبىمدە ياشنا جان دوستۇم.

IZHAR-0909

	بۇ يىگىتنىڭ قىلىۋاتقان ئىشلىرى نېمىگەن ياخشى. رەھمەت سىزگە. مۆمىنجان

hell

	فىلىمنى كۆرۈپ بىرخىللا بوپ قالدىم ، بارى بىلەن ئابدۇۋەلىنى خەق ھۆرمەتلەپ تەكلىپ قىلسا چوڭلارنىغۇ كۆزگە ئىلمىسۇن ، ئاۋۇ كىچىك قارا كۆزلەرنىڭ ئۆزىگە ئامراقلىقىنى ئويلاپ بولسىمۇ ئىككى ئېغىز ئوغاۋالىدەك گەپمۇ قىلالماپتۇ... نىمە دىگۈلۈك ئەمدى ، پەخىرلىك ئوغلانلىرىمىز خەنزۇ تېلۋىزورلىرىدا سۆزلىگەن گەپلىرىنىڭ چارىكىنى بولسىمۇ مۇشۇنداق ئۇيغۇرلار ئالدىدا دىسە نىم بولاتى

uyghurcc

	ئىچكىردە ئالىي مەكتەپتە ئوقۇۋاتقان چېغىمدا مەكتەپنىڭ بىر پائالىيىتىدە ئۇيغۇرلارنىڭ بىر سەنئەت نومۇرى تەييارلاش ۋەزىپىسى كەلگەن ئىدى ، بۇنىڭ ئۈچۈن مەكتەپتىكى ئوغۇللار ساما سالماقچى بولدۇق ، بالىلار مېنى سەن قەشقەردىن بولغاندىكىن بىزگە ساما ئۆگىتىسەن دەپ تۇرىۋالدى ، شۇ ۋاقىتلاردا شىمالدىكى بالىلارغا ساما ئۆگۈتۈپ بولالماي بەك قىينالغان ئىدىم ، بۇ فىلىمنى كۆرۈپ بۇ باشلانغۇچ مەكتەپنىڭ ئومويۈزلۈك ساما ئۇسۇلى ئوينايدىغانلىقىنى بىلىپ خۇش بولدۇم ، مەركىزىي شەھەر ئۈرۈمچىنىڭ كەلگۈسى ياشلىرىمۇ سامانى داۋاملاشتۇرۇپ كەتكۈدەك. بارى بىلەن ئابدۇۋەلى ئىچكىرىي ئۆلكىلەردە تۇرىۋىرىپ ئۇيغۇرچە بىر نەچچە ئېغىز سۆزلەشنى ئۇنتۇپ قالغاندەك قىلامدۇ نېمە؟ سىلەردەك ئەزىمەتلرىىمىز كەلگۈسى شۇ ئېنى-سىڭىللىرىمىزغا بەكرەك ئۈلگە بولمىسا بولمايدۇ ، ئاممىۋىي ئورۇنلاردا سۆزلەشمۇ بىر خىل ماھارەت ، بۇنىڭغا كۈچەپ قويۇڭلار