داڭلىق يازغۇچىمىز نۇر روزى ئالەمدىن ئۆتتى

jivaa

	ئۇيغۇر خەلقىنىڭ داڭلىق يازغۇچىسى ، «ئەنجانباي» ناملق رومان، «مۆمىننىڭ مومىغا چىقىشى» ناملىق ھېكايىنىڭ ئاپتورى، غۇرۇرلۇق يازغۇچى نۇر روزى ئەپەندى  2012-يىلى 9- ئاينىڭ 23 -كۈنى شىنجاڭ ۋاقتى سائەت 14:30 ئەتراپدا ئالەمدىن ئۆتتى . ياراتقان ئىگەم بۇ پەخىرلىك ئۇستازنىڭ ياتقان يېرىنى جەننەتتە قىلغاي، دەپ تىرىكلەر مەرھۇمغا دۇئا قىلىمىز . ئۇنىڭ ئالەمدىن ئۆتۈشى  ئۇيغۇر جەمئىيىتى ئۈچۈن يەنە بىر قېتىملىق زور يوقۇتۇش بولۇپ ھېساپلىنىدۇ .     يازغۇچى نۇر روزى 1942 - يىل 1 - ئايدا يەكەن ناھىيسىنىڭ چارەك يېزىسىدا دېھقان ئائىلىسىدە تۇغۇلغان، باشلانغۇچ - ئوتتۇرا مەكتەپلەرنى يەكەندە ئوقۇپ تاماملاپ، 1957 - يىلى شىنجاڭ يېزا ئىگىلىك ئىنىستىتۇتىنىڭ ماشىنسازلىق فاكۇلتېتىغا ئوقۇشقا كىرگەن، 1960 - يىلى ئوقۇش پۈتتۈرگەندىن كېيىن ئىلگىرى - ئاخىرى بولۇپ، شىنجاڭ ئىشلەپچىقىرىش - قۇرۇلۇش بىڭتۈەنىنىڭ 1 -، 3- دېۋىزىيلىرىدە، قەشقەر كونىشەھەر ناھىيلىك خەلق ھۆكۈمىتى يېزا ئىگىلىكىنى ماشىنىلاشتۇرۇش بۆلۈمىدە كەسپىي خادىم، بۆلۈم مۇدىرى بولغان، 1985 - يىلى قەشقەر ئۇيغۇر نەشرىياتىغا يۆتكىلىپ كېلىپ، نەشرىياتى باسما زاۋۇتى ۋە ئىشچىلار ئۇيۇشمىسىدا رەھبەرلىك خىزمىتىنى ئىشلىگەن.     مەرھۇم يازغۇچى  نۇر روزى ئەدەبىي ئىجادىيەت ساھەسىگە 1980 - يىلى« قەشقەر ئەدەبىياتى»دا ئېلان قىلىنغان«قوشماق ئاداش» ناملىق ھېكايىسى بىلەن كىرىپ كەلگەن. شۇنىڭدىن تارتىپ ئاساسەن ھېكايە ئىجادىيىتى بىلەن شۇغۇللىنىپ، «مۆمىننىڭ مومىغا چىقىشى»، «قىساس»، «سېپى بولمىسا، ئېپى بولمايدۇ»،«ئا، ب، س ... ئەپەندى» قاتارلىق  كۆپلىگەن ھېكايىلارنى يېزىپ كىتابخانلارغا تەقدىم قىلغان. نۇر رۇزىنىڭ«قىساس» ناملىق ھېكايىلار توپلىمى قەشقەر ئۇيغۇر نەشرىياتى تەرىپىدىن 1987 - يىلى نەشر قىلىنغان. مەرھۇم نۇر روزى  شىنجاڭ يازغۇچىلار جەمئىيىتىنىڭ ئەزاسى ئىدى

مۇبارەك

	«مۆمىننىڭ مومىغا چىقىشى»نى كىچىك ۋاقىتلىرىمدا بەك ئوقۇغانتىم، ھەر قېتىم ئوقۇسام يىغلىغۇم كېلەتتى. ئۇ چاغدىكى يىغلىشىمنىڭ سەۋەبى بۇ بالا نېمىشقىمۇ ئۆزىنى ئۆلۈمگە تۇتۇپ بېرىدىغاندۇ، قىل دېگەننى قىلىپ بولۇپ يېنىپ چۈشكەن بولسا-ھە، دېگەندىن ئىبارەت ئىدى. بىراق چوڭ بولغاندىن كېيىن شۇنى ئويلىدىمكى، كىچىكلا بىر بالىدا ھەجەپ شۇنداق بىر روھ بار ئىكەن. بۇ ھېكايىنى ئوقۇغانچە ئوقۇغۇسى كېلىدۇ كىشىنىڭ. بۇ ۋەقەلىك بىلەن ئاپتورنىڭ ئىپادىلەش ئىقتىدارىنىڭ تولىمۇ ماسلاشقانلىقىنى ئىپادىلەپ بەرسە كېرەك. شۇنداق ياقتۇرۇپ ئوقۇغان ھېكايەمنىڭ ئاپتورىنى بۇرۇنلاردا ئىسمىنى بىلسەممۇ باشقا تەپسىلاتلىرىغا پەقەت قىزىقىپ باقماپتىكەنمەن. بىراق بۈگۈن بۇ مۇسبەت خەۋىرىنى ئاڭلاپ باشقىچە بولۇپ قالدىم... نۇر چوڭ داداشنىڭ ئائىلىسىدىكىلەرگە سەۋىر تىلەيمەن.

akattrgvl

	قالۇ ئىننە لىللەھى ۋە ئىننە ئىلەيھى راجىئۇن .كەرىمىلىك ئاللاھ يازغۇچىمىزنىڭ ئائىلىسدىكىلەرگە سەۋىر ئاتا قىلسۇن .مەرھۇمنىڭ ئاخىرەتلىكىنى ياخشى قىلسۇن ،. ھەر قېتىم يازغۇچىمىز نۇر روزنىڭ ئىسمنى ئاڭلىغىمدا «مۆمىننىڭ مومغا چىقىشى »دېگەن ھىكايىسى ئىسىمگە كىلىدۇ .تۇلۇقسىزنىڭ 2-يىللىقىمۇ ياكى 3- يىللىقمۇ بۇ تازا ئېسىمدە قالماپتۇ ،ئەدەبىياتتا مۇشۇ دەرىسىنى مۇئەللىم ئۆتۈپ بەرگەندە دەرسخانا باشقىچە جانلىنىپ كەتكەن ئىدى .شۇ ۋاقىتتا «مۇئەللىم قىزىل پاچاق نېمە دېگەن گەپ»دەپ سورىغىنىممۇ ھېلىھەم ئېسىمدە ..............بىر پارچە ئېسىل ئەسەر ئىدى .

mahmutjan310

	ئاللاھ ياتقان يىرنى جەننەتتە قىلسۇن!!

yvsvpjan

	1988-1989-يىللىرى ۋە 1995-يىلى بىز ئۈچۈن چوڭ يوقىتىش يىللىرى بولغانىدى. يەنى 1988-1989-يىللىرى زۇنۇن قادىرى، ئابدۇكېرىم خوجا، تىيىپجان ئېلىيىف قاتارلىقلار ئارقا-ئارقىدىن كېتىپ قالغانىدى، 1995-يىلى ئابدۇشۈكۈر مۇھەممەتئىمىن بىلەن ئابدۇرېھىم ئۆتكۈر ئالەمدىن ئۆتتى... مانا ئەمدى 2012-يىلى،جۈملىدىن 9-ئايدىلا ئىككى نەپەر ئەدىبىمىز كېتىپ قالدى، يەنى مۇھەممەتئېلى زۇنۇن تەشنائى بىلەن نۇر روزى بىز بىلەن ۋىدالاشتى... مىللەتنىڭ غېمىنى يەپ ياشاۋاتقان ئېسىل ئادەملىرىمىزگە ئۆلۈم دەۋرىيلىك ھاسىل قىلىپ يېقىنلىشىۋاتىدۇ!

aybarqn

	ئالىم ئۆلدى،ئالەم ئۆلدى......

kamiran

	‹‹ئەنجانباي›› روماننى بەك قىزىقىش ئىچىدە ئوقۇغانتىم ،ئۇلۇغ ئاللاھ مەرھۇمنىڭ ياتقان يېرىنى جەننەتتە قىلسۇن.

umudwar-uyhur

	ئەسكىگە ئۆلۈم يوق ياخشىغا كۈن(يوق)،كىچىە-كۈندۇز مىللەتنىڭ غېمىنى يەپ ،مىللەت ئۈچۈن ئۆزىنى بېغىشلىغان ياخشى كشلىرىمىز بىزدىن ئايرىلىپ ،مىللەت ئۈچۈ ن ئورا كولاپ ،ئۆز قېرىنداشلىرىنى ئوتقا ئىتتىرۋاتقانلار ھەممە يەردە مەۋجۇت بۇلۇپ يۇرىدۇ دىسە ! ئۇلۇغ ئاللاھ مەرھۇمنىڭ گۇناھلىرىنى مەغفىرەت قىلىپ قەبرە ئازابىدىن ساقلىغاي !قېرىنداشلىرىغا جۈملىدىن پۈتكۈل ئۇيغۇر خەلقىگە سەبىر ئاتا قىلغاي !ئامىن ! تۈنۈگۈن نىمانداق بىر نەرسەمنى يۇقۇتۇپ قويغاندەكلا بولۇپ قالغاندىمەن دىسەم ئەسلى ئالىمىمىزىدىن ئايرىلىپ قاپتىكەنمەن ئەمەسمۇ ؟ساۋاقدىشىمدىن بۈگۈن قانداق كۈن ،مەن خۇددى بىر نەرسەمنى يۇقۇتۇپ قويغاندەكلا بىر خىل ھىسياتقا كىلىپ قالدىم دىسەم ،ئۇ پەرۋاسىزلا ھىچقانداق مۇھىم كۈن ئەمەس ،ئۆزۈڭنىڭ ياكى ئاتا-ئاناڭنىڭ توي خاتىرە بولمىسلا دەپ جاۋاپ بەرگەن ئىدى !

apirida

	ئاللا ئىمانىنى سالامەت ، ئۇ دۇنيالىغىنى ئاسان قىلسۇن .

sheytinim

	akattrgvl يوللىغان ۋاقتى  2012-9-24 15:44 قالۇ ئىننە لىللەھى ۋە ئىننە ئىلەيھى راجىئۇن .كەرىمىلىك ...       قۇرئاننىڭ ئايەتلىرىنى ‹‹ئايالچە›› ئوقۇپ قويغىنىڭىز نېمىسى ؟ ‹‹ قالۇ ئىننا لىللاھى ۋە ئىننا ئىلەيھى راجىئۇن ›› دېسىڭىز توغرا بولىدۇ .    مەرھۇمنىڭ ياتقان يېرى جەننەتتە بولغاي .