تەستەك ۋە غۇرۇر

armanlirim

ئىخۋا قېرىندىشىم،سىزنىڭ ئوي - خىيالىڭىزنى مۇنبەرداشلار بىلەن ئورتاقلاشقىنىڭىزدىن ئەلۋەتتە ھەممەيلەن خۇشال بولىۋاتىدۇ،بىراق بۇ  يەردە سىزنىڭ قەلەم كۈچىڭىز بىلەن يېزىلىۋاتقان بىر تەستەك بىر مىللەتكە نىسبەتەن غۇرۇرنىڭ يەرگە ئورىلىشى دېگەن قارىشىڭىزنى تۇتقا قىلىپ تۇرۇپ،بىز ئوغرى بولۇپ قېلىۋاتىمىز،بىزنىڭ مىللەت تۈگىشىپ كىتىۋاتىدۇ...دېگەندەك قاراشلىرىڭىز مۇنبەرداشلاردىن بىر قىسىم دوستلارنى خاپا قىلىپ قويغان بولىشى ئىنىق،ئۆز قارشىم بويىچە ئېيتسام بۇ يەردىكى ئوغرى ، يامان ئىشلارنى مەن ئومۇمغا ئىتتەرمەي تۇرۇپ،بىز تۈگىشىۋاتىمىز،غۇرىرىمىز يەرگە ئورىلىۋاتىدۇ دىمەي،ئاشۇ 23 ياشتىكى بىر بالا نىمىشقا ئوغرىلىقنى نومۇس ھىس قىلمىدى دېگەننى بەكرەك ئويلىغان بولسىڭىز،مەسىلىگە ئومۇمىيلىق بىلەن ئەمەس شۇ نىسبىيلىقتا باھا بەرگەن بولسىڭىز،ئىللەتنى شەخسكە ئارتقان بولسىڭىز،مىللەتنى تىلغا ئالمايمۇ نۇرغۇن مەسىلىلەرنى يۇرۇتقىلى بۇلىدۇ،سىز كۆرگەن مەسىلە جەمىيەتنىڭ پەقەت بىر كىچىك تەرىپى،جەمىيەتتە ئۇنىڭسىزمۇ نۇرغۇن سىز كۆرمىگەن،ھەتتا مەڭگۈ كۆرمەيدىغان ياخشى ئىشلار،كىشىلەر بار،ئەجىبا ياخشى ئىشلارنى كۆرگەندە مىللىتىمىز مۇنداق ياخشى دەپ ئويلىمايمىزيۇ،يامان ئىشنى كۆرگەندە بىز مۇنداق بوپ كەتتۇق.بىزنى مۇنداق قىلىۋاتىدۇ دەپ ئويلامدۇق،ئىللەتكە باھا بىرەيلى ،مىللەتكە باھا بەرمەيلى،دېمەكچىمەن خالاس.سىزنىڭ،بىزنىڭ مىللەتكە باھا بەرگۈدەك ھېچقانداق سالاھىيتىمىز يوق.

muztagapandi

تىما ئىگىسى ئۆزىنىڭ بلوگىدا ئەلكۈيى تورىنىڭ ئەتراپىغا بىر نەچچە ئىتنىڭ يىغىلۋالغانلىقىنى ، ئۆمۇتۋار ئەپەندىمدىن بۇ ئىتلارنى تارقىتىۋىتىشنى ئۆتۈنۇپتۇ. بۇ يازمىدىن تىما ئىگىسىنىڭ قانچىلىك ئادەم ئىكەنلىكىنى كۆرۈۋالغىلى بولىدۇ .  مەن ئويلايمەن تىما يازغۇچى ياكى ئىنكاس يوللىغۇچى بولسۇن ھېچكىمنىڭ ھېچكىمنى ئىتقا ئوخشىتىش ھوقۇقى يوق، ئىنكاس يازىدىغان كىشىلەرنىڭ تىمىنى قوبول قىلىشى ئوخشاش بولماسلىقى تۈپەيلىدىىن ھەرخىل ئىنكاسلار بۇلىدۇ ئەلېۋەتتە، ئەگەر ئوخشاش ئىنكاس يېزىلىپ قالسا قانداقمۇ بۇ مۇنبەر پۈت تىرەپ تۇرالىسۇن. شۇڭا تىما يوللىغۇچى تىما يوللاشتىن بۇرۇن كەڭ قوساقلىقنى ئۈگۈنىۋېلىپ ئاندىن تىما يوللىغىنى تۈزۈكمۇ قانداق.
قۇتراتقۇلۇق قىلغىنىم ئەمەس، بۇ يازمىنى كۆرۈپلا كۆڭلۈم غەش بولدى.ئىتلار قانداقمۇ بۇ تورغا چىقالىسۇن.

ئىلىمخۇمار :ئەلكۈيى تور ئەسەرلىرىنى كۈرۈش جەريانىدا شۇنى ھېس قىلدىمكى ،مۇنبەرنىڭ ئەتراپىدا ئەگىپ يۈرۈيدىغان بىر نەچچە ‹‹ئىت››بار ئىكەن ،بۇ ئىتلار مەخسۇس ئەلكۈيى مۇنبىرىگە يىڭىدىن ئەسەر يازغان ‹‹بىچارىلەر››نى تالاش بىلەن كۈن ئۆتكۈزىدىكەن .تەكلىپىم شۇكى ئۈمىتۋاركام بۇ ‹‹ئىتلار››نى ۋاقتى - ۋاقتىدا قوغلاپ تۇرمىسا ،ئەلكۈيىگە كۆڭلى تارتىپ مۇنازىرە ئىستىكىدە يېقىنلاشقان ھەربىر تورداشنى تالاپ - غاجاپ ئۇلارغا كۈن بەرمەيدىكەن

apirida

نوتا ئىكەن  . بۇ ئۇكىمىزنىڭ مۇشۇنى ئويلىغىنىنىڭ ئوزى بىر ياخشى ئىش، ئەتىدىن كەچكىچە دىبادىن كىرمەي ئويناپ يۇرگەن بولسا نىمە دىيەلەيتتۇق تورداشلار ، باشقىلارغا ماڭىدىغانغا ئازراق يول قالدۇرايلى .
ئىغۋا ئۇكام تىرىشىڭ ، بۇمۇ سىز ئۇچۈن بىر مەشىق ، تۈزىتىدىغان يەرلىرى بولسا تۈزۈتۈپ ، بۇ كېيىنكى قول يازمىڭىزنىڭ تېخىمۇ ياخشى چىقىشىغا تۇرتكە بولىدۇ ، ياقتۇرمىغان ئىنكاسلىرىڭىزنى « قاتتىق قول ئۇستاز» دەپ بىلىڭ ، سىزگە پايدىسى بولىدۇ . سىزگە مۇۋەپپىقىيەت تىلەيمەن .

altuntarim09 ھەقىي سالاھىيەتلىك ئەزا

ihwa يوللىغان ۋاقتى  2012-9-22 13:28
altuntarim09   :ئاخىرىنى ئوقۇپ سىزنى ئوبدان چۈشەندىم. ئۈمىدۋا ...

سىزنى ئوغلۇم دېسەم بولغىدەك، چۈنكى چوڭ ئوغلۇم بىلەن تەڭتۈش ئىكەنسىز.
سىز مېنىڭ ئىنكاسىمنى ئوقۇپ، ئەلكۈيىنىڭ ئىتى، دەپ چۈشىنىۋالغاندەك، مەنمۇ بۇ يازمىڭىزنى ئوقۇپ، يېڭى ھەۋەسكار ئەمەس، بەلكى ئۇيغۇرغا قاراپ قاۋاۋاتقان بىر ئىت ئوخشايدۇ دەپ بىلىپتىمەن. ئۆزىڭىزنىڭ تۇنجى ئەسىرىڭىز ئىكەن، نېمە بۇنچە ئالدىراش تورغا يوللايسىز؟ بۇ مېنىڭ بەزى ھاياجان ئوقۇغۇچىلىرىم يېزىپ قويۇدىغان يازمىدەك ئىكەن، مەن مۇشۇنداق پەدىدە يېزىشنىڭ زىيىنىنى ئۇلارغا  بەك تەھلىل قىپ بېرىمەن، بۇنى ئەخلەت يازمىغا چىقىرىمىز.
نېمىشقا دەڭ، بىزنىڭ مىللىتىمىز چوڭ مەۋقەدىن ئېيتقاندا ئىسلامغا ئېتىقاد قىلىدۇ، ئوغرىلىققا قۇرئاندا ئېنىق قىلىپ قولىنى كېسىپ ئىبرەت قىلىش بۇيرۇلغىنىنى بىلىدۇ. ھېچكىم ئوغرىنى مەيلى چوڭ، مەيلى كىچىك ئوغرى بولسۇن، بىچارە دېمەيدۇ.
كاللىسى بار ئادەملا بولسا، ئوغرىنى بىز ئۇيغۇر، دەپ ئاتىمايدۇ. ئوغرى دەپ ئاتايدۇ. دېۋانىنى بىز ئۇيغۇر دەپ ئاتىمايدۇ، بەلكى دېۋانە دەيدۇ. سىز بىر ئالىي مەكتەپ ئوقۇغۇچىسىمەن، دەپسىز( بىلگۈچى ئاللاھ) مەن زامانىمىزدىكى بىر ئالىي مەكتەپ ئوقۇغۇچىسىنىڭ بۇنداق قالايمىقان جۆيلىشىنى نەزىرىمگە تېخىمۇ سىغدۇرالمىدىم، قايتا بىر ئوقۇپ بېقىڭە، زادى نېمە دەپسىز؟ مەن ئوتتۇرا مەكتەپنىڭ  23يىللىق بىر ئەدەبىيات ئوقۇتقۇچىسى،  مەن خاتا ئەيىپلىگەن بولسام، ھەممىسى كۆرۈپ باقسۇن.
ئەلكۈيى مۇنبىرى ھەۋەسكارلارنىڭ چورنىۋاي دەپتىرى ئەمەستۇ؟ تۈزۈككىنە تەھرىرلىمەي، ئۆزگەرتمەي، باش-ئاخىرىغا بىر قارىۋەتمەيلا يوللاپ قويسا بولامدىكەن؟ مىللىتىنىڭ دىنىدىن تېنىپ كېتىشكە ئاران تۇرغانلار خوش بوپكېتىدۇ، « مانا خىرىستىياندا ئوغرى يوق، يەھۇدىيدا دىۋانە يوق» دەپ ئەتىلا كوچىغا نەچچىسى چىقىدۇ، مانا بۇلارنىڭ ئۆزلىرىگە باھاسى، دېيىشىدۇ. ياخشى نەرسە يېزىپسىزمۇ؟ مەن كېيىنكى بەتتە يازمىڭىزنىڭ قارا يەرلىرىدىن كېسىپ ئېلىپ كۆرسىتىپ قوياي ھە.
تەمكىن، ئەدەپلىك، بىچارە قىياپەتكە كىرىۋالسىڭىزمۇ ئىچىم ئاغرىمايدۇ، مەن بۇنداق ئىدىيىدىكى يازمىلارغا ئەزەلدىن بەك قاتتىققول.

altuntarim09 ھەقىي سالاھىيەتلىك ئەزا

يازمىدىن تەرمىلەر:

      
  1. ئەپسۇسكى ئەسلىدىنلا بىز ئۇيغۇرلارنىڭ بۇ نىجىس قىلىقىدىن  ھۇدۇقۇپ يۈرۈيدىغان بۇ خەنزۇ قىزنىڭ ئۈتكۈر كۆزى بۇ  كىچىككىنە ئىشنى ھەم قاچۇرۇپ قويماپتۇ .
2..بۇ بىچارە بالىنىڭ يېيىشكە تېگىشلىك بولغان قېپقالغان بىر نەچچە تايىقىنى تۇسۇشنى خىيال قىلدىممۇ ئىشقىلىپ << نىمە قىلىق بۇ ئەمدى ؟! >> دەپ بالىغا چەكچەيگىنىمچە ئىككىسىنىڭ ئوتتۇرسىغا كىرىپ تۇردۇم .
3.قارىماققا بۇ ئىككى تەستەك بالىنىڭ يۈزىگە ئۇرۇلغان بىلەن ئەمەلىيەتتە ھەقىقىي ئۇرۇلغىنى ئۇيغۇر مىللىتىنىڭ يۈزى ،ئابرويى ،ئىناۋىتى ئىدى .
4.بەلكى بۇ بالا تۇنجى قېتىم بولمىسىلا مۇشۇنداق ئوغرىلىق قىلىش جەريانىدا تەستەك ،تاياق – توقماقتىن نەچچىنى يەپ تاياقنى سەزمەسمۇ بوپ كەتكەندۇ .ئەمما كانادا ،شىۋىتسىيە ،گىرمانىيە قاتارلىق چەت دۆلەتلىرىنى قۇيۇپ تۇرايلى ،ئەشۇ ئىچكىرى ئۆلكىلەردە تالاي قېتىم ئوغرىلىق قىلىش بىلەنلا ئاللىقاچان يۈزىگە نىجاسەت سۈركىلىپ بولغان بۇ ئۇيغۇر مىللىتىمىزمۇ ئاغرىقنى سەزمەس بوپقالغانمىدۇ ؟
5.پاجىئە شۇكى بىزلەرنى  كىچىككىنە ئىشلارنى  دەپ كۈنلەپ   ئۇرۇش – جاڭجال ،ئايلاپ –يىللاپ غەيۋەت –ئاداۋەتكە سەۋەبچى قىلغان ئېغىزىمىزدىن چۈشۈرمەيدىغان شۇ << بىباھا ۋىجدان – غۇرۇر >> ىمىز تىلەمچىلىك ۋە ئوغرى– يانچۇقچىلىق يوللىرىدىن بىزنى قايتۇرالمىدى ...
6. چۈنكى شۇنىڭغا ئىشىنىمەنكى ، رېلىستىن چىقىپ كەتكەن پويىزنىڭ ھامان ئوڭشىلىپ رېلىسقا كىرىدىغان ۋاقتى بۇلىدۇ . نەچچە مىڭ يىللىق گۈزەل مىللىي ئەنئەنىلەرنى ۋۇجۇتقا چىقارغان بۇ مىللەتمۇ يەنە بىر كۈنلەردە ئۆز ئەقىدىسىنىڭ يىتەكچىلىكىدە ئۆز يۇلىنى تېپىۋالىدۇ .

...............................................................................................................................................

يۇقۇرىدىكىسى بۇ يازمىدىن ئېلىنغان ئۈزۈندىلەر، ئۆزىنى ئالىي مەكتەپنىڭ ئۈچىنچى يىللىقىدا دېگۈچىنىڭ يازمىسى، مەن ئىنكاسنى بوش يېزىپ قويۇپتىمەن تېخى، ئالىي مەكتەپنىڭ 3-يىللىقىنى بىلگەن بولسام، قىلچە ئاياپ ئولتۇرمايتتىم.
بۇ يازما ئەمدى مىللەتنىلا ئەمەس، بىزنىڭ ئالىي مەكتەپلىرىمىزنى، سىتودېنتلىرىمىزنى تەڭلا رەسۋا قىلىدىغان يازمىغا ئايلاندى. ئەمدى ئالىي مەكتەپ ئوقۇغۇچىلىرى سۆزلەپ باقسۇن.

تولۇقلىما مەزمۇن (2012-9-23 01:49):
مەن بىر-بىرلەپ تەھلىل قىپ سالماي ھە.

lipton

ئۆزىنى ئەدەبىيات ئوقۇتقۇچىسى دىگەن ئادەممۇ چۇشىنەلمىگەنمىدۇ ؟ئاپتۇر پەقەت جەمىيىتىمىزدىكى قىسمەن يامان ئىللەتلەرنى پاش قىلىپ ئۇلارغا قارشى تۇرۇپتىغۇ،بۇ ھەقىقەتقۇ ،بەيدۇغا  ئۇيغۇردەپ كىرگۇزسىڭىز بىر پاتمان ھاقارەتلەرنى كۆرىسىز،ئۈرۇمچىنىلا دەي ئۇيغۇردىن باشقامىللەتتىن دىۋانە كۆرۈپباقتىڭىزمۇ،ئاپتۇۋۇزلادا كۆزىمىزنى پاقىرتىپ قويۇپ ئوغىرلىق قىلىۋاتقان كىملەر ،ئوبدانراق ئويلىشىپ ئىنكاس يازايلى قىرىنداشلار،قاينىمايلى ھەممىمىز تەڭ بىرلىكتە قارشى تۇرايلى

znet314

بۇ   بەك  ياخشى  يېزىلىپتۇ...... مۇشۇنداق  ئىچى قاينايدىغان ياشلىرىمىز  يەنىمۇ  كۆپرەك بولغان بولسا بەك ياخشى بولاتتى.....  سىزنىڭ مۇشۇنداق ئەسەرلەرنى يەنىمۇ كۆپرەك يېزىشىڭىزنى ئۈمۈد قىلىمەن !!ئويغىنايلى  قاچانغىچە  مۇشۇنداق چاكىنا ئىشلار تۈپەيلى ئۆزىمىزنىڭ  نامىنى بۇلغايمىز....

tumarim126

altuntarim09 يوللىغان ۋاقتى  2012-9-23 01:24
سىزنى ئوغلۇم دېسەم بولغىدەك، چۈنكى چوڭ ئوغلۇم بىلەن ت ...

altuntarim09:
ئۇيغۇر قاچان تىلەپ يەپتۇ؟ ئۇيغۇر ئاپتونومدىن چىقىۋاتقان نېمەتلەرنى ئاللا بىزگە رىزىق قىلىپ شۇنچە بەركەتلىك بەرگەن، مىڭ يىلدىن بېرى ئۇيغۇر ئاللاغا شۈكرى ئېيتىپ يەپ كېلىۋاتىدۇ، كىمدىن تىلەپتۇ؟
ئۇيغۇرنىڭ قورسىقىنى  سەدىقە بىلەن تويۇپ كېلىۋاتىدۇ دەپ قالدىڭىزمۇ؟
سىز بىرەر دىۋانىلەر جەمەتى ھەققىدە گەپ قىلىۋاتامسىز ، ياكى ئۇيغۇر ھەققىدىمۇ؟
ئۇ ئىككى تال تۇققانلىرىڭىزنى بىز بىلەن ئارىلاشتۇرىۋالماڭ.




ياخشىمۇسىز ھەدە ،سىزنىڭ بۇ ئەسەرگە بولغان قارشىڭىزنى بىز بىلەن ئورتاقلاشقىنىڭىز ياخشى بولدى .      بىراق سىز بۇنداق بىر تەرەپلىمە كۆز - قاراش بىلەن بۇ ئەسەرگە باھا بەرسىڭىز بولمايدۇ .ئەجىبا بىزنىڭ ئەتراپىمىزدا بۇنداق ئىشلار يوقمۇ ؟ سىز ئۇچراتمىدىم دىيەلەمسىز ؟! ياق ،مىنىڭچە سىزمۇ چۇقۇم ئۇچراتقان ،ئۇنىڭ ئۈستىگە سىز ئۆزىڭىزنى ئەدەبىيات ئۇقۇتقۇچىسى دەۋاتىسىز ،بىلىشكە بۇلىدۇكى سىز جەمئيىتىمىزدىكى بۇنداق ئىشلارنى ئاپتۇردىمۇ ياخشىراق كۈزىتەلىشىڭىز كېرەك ،ھەم سىزنىڭ ھەر - قانداق بىر ئاپتۇرنىڭ  ھەر - قانداق بىر ئەسىرىگە قالايمىقان باھا بىرىش ھەم ئۇلارغا بۇنداق قاتتىق تىل بىلەن زەربە بىرىش ھۇقۇقىڭىز يوق .ئەجىبا سىز ئاپتۇر بىلەن تۇنۇشما ؟ئۇنىڭ جەمئىيەتتە ئېقىپ يۈرگەن ‹‹ كەسپىي تىلەمچىلەر ›› بىلەن تۇققانلىقىنى قانداق بىلدىڭىز ؟ سىز باھانى مۇشۇنداق يۈزەكى بىرەمسىز ؟سىز 23 يىللىق ئۇقۇتقۇچى ئىدىڭىزغۇ ؟ ئەگەر مەن سىزنىڭ ئۇقۇغۇچىڭىز بولغان بولسام سىز ئۈچۈن خىجالەت بولغان بۇلاتتىم .سىز ئۈزىڭىزنى ئاپتۇرنىڭ ئورنىغا قۇيۇپ ئويلىشىپ قۇيۇڭ ! ھەرگىز كىشىلەرگە ئايال كىشىنىڭ چېچى ئۇزۇن ئەقلى قىسقا دېگەن بۇ تەمسىلىگە ئىسپات بەرمەڭ .سۆزىڭىزدىن قارىغاندا سىز مىنىڭ ئاپام بىلەن تەڭ دىمەتلىك ئىكەنسىز .شۇنداق بولغانىكەن ،يىڭىدىن ئەسەر ئىجادىيىتىگە كىرىشكەن بۇنداق ھەۋەسكار ياشلىرىمىزغا بۇنداق ھۇجۇم بىلەن ئەمەس چىرايلىق نەسىھەت شەكلىدە كەمچىلىكلىرىنى كۆرسىتىپ بەرسىڭىز تېخىمۇ ياخشى بۇلاتتى .ئەپسۇس ،ئۇنداق قىلماپسىز، ئېنىقراق ئېيتقاندا قىلالماپسىز .بۇندىن كېيىن ئەسەر باھالىماقچى بولسىڭىز ،ئۆزىڭىزنىڭ ‹‹  23 يىللىق ››سەۋىيەسىگە ماس ھالدا ئىنكاس يېزىشىڭىزنى ئۈمىت قىلىمەن .ئەڭ ياخشىسى ئەلكۈيى مۇنبىرىنى بۇنداق باشقىلارغا ھۇجۇم قىلىدىغان ‹‹ ئۇرۇش مەيدانى ›› قىلىۋالماڭ .

لەزىينەھ

بەش قول ئوخشاش بولمىغاندەك ھەممە ئادەم ئوخشاش بولمايدۇ.

111ihsan

..............................ئىللەت مىللەتتە بولمايدۇ.....................